名門私房菜

營業中

休息中

約咗舊同事去食私房菜，佢訂咗灣仔名門私房菜 ，之前佢同朋友食過，菜式真材實料，廚師煮得好味，所以專程同我過嚟再回味！天氣乾燥，最啱飲返碗杏汁燉白肺湯，呷一口鮮香滋潤湯水，杏香馥郁，滋補又養顏。鮮蟹肉瑤柱焗釀蟹蓋，喜歡食蟹又唔想剝殻嘅人就最啱，店員介紹係用新鮮生猛嘅花蟹拆肉，加埋瑤柱絲和洋蔥絲做餡料，釀入蟹蓋焗到金黃色，蟹肉和瑤柱啖啖都鮮味無窮，超讚！冰鎮鮑魚配燒汁芥辣醬， 用上新鮮鮑魚烹調，口感與別不同特別爽口彈牙，配燒汁芥辣醬，味道更上一層樓。蝦子扣柚皮，柚皮是個工夫多又麻煩的食材，成本不高卻花盡時間，柚皮燜煮入味，口感鬆化，沒有澀味，加入蝦子增加鮮味。順德煎釀鯪魚，是著名的順德菜，將魚起肉連細魚骨剁爛釀回入魚身，回復魚的形狀，放入油鍋內炸熟，再以豉汁勾芡淋在魚上而成。味道鮮美彈牙。奉送糖水，今晚係紫米露，足料好味！

咁大個人第一次去食私房菜托好友嘅鴻福😆😆加人工咁大件事，點都要請我食飯啦。朋友之前嚟過一次，話印象唔錯，所以就預早幾日book咗位。地點喺灣仔，都尚算方便。我見識少，以為私房菜會冇乜選擇，點知嚟到見到餐牌，都有好多頁！基本上可以話係應有盡有🤔🤔 一場嚟到，唔想錯過最精彩嘅嘢食，最好就係叫店員介紹😆😆超鍾意飲湯嘅我，真係飲到嗌晒救命！真係好好飲！啲湯嘅膠質係令到啲湯有少少濃稠，味道唔會太鹹，飲到螺頭湯應有嘅鮮甜👍🏼👍🏼👍🏼 好滿足👍🏼👍🏼👍🏼呢個好似係炸鴿酥🤔🤔睇佢個樣，密密實實，食落都有驚喜！原來係用芋泥包住左一啲炒香左嘅肉碎，外面酥脆，唔油膩，內涵分量恰到好處，味道調節得好好！仲食到少少潤，可能係乳鴿嘅肝，夠晒鹹香，正！蝦蝦炒芥蘭，依個煲仔上既菜都唔簡單，屋企整都真係未試過/直頭冇諗過可以咁整！佢係用咗蝦乾，同埋新鮮嘅蝦，再用蝦醬炒芥蘭，菜夠嫩夠脆，明顯係有揀過處理過👍🏼👍🏼蝦醬味香到一個點，令人食到津津有味😁😁壓軸再食埋個名門炒飯，鑊氣十足，炒飯粒粒分明，最重要係好多材料，再一次出現新鮮蝦肉！仲有叉燒，瑤柱👍🏼👍🏼成餐飯都非常精彩，雖然我哋都冇叫到乜嘢極度奢華嘅菜式，但平凡嘅食材，

老公一向喜歡食中菜，近日有朋友介紹佢去灣仔名門食廣東粵式私房菜，菜式和味道都好啱老公食，訂咗今晚去試吓。餐廳位於樓上舖，地方整潔，招呼週到。招牌杏汁燉白肺湯：有滋補潤肺 、美白養顏 功效，奶白色的湯香濃幼滑。特式冰鎮鮑魚配燒汁芥辣醬：鮑魚都唔細，用秘製上湯浸熟，鮮味彈牙，再點一些燒汁芥辣，味道更濃郁。鮮蟹肉瑤柱焗釀蟹蓋：呢樣菜式超讚，用新鮮花蟹拆肉，加瑤柱、洋蔥釀落蟹蓋焗成，鮮甜味十足又有口感，非一般的釀蟹蓋，值得一試！順德煎釀鯪魚：手工菜好少有得食，鯪魚外層煎得香脆，鯪魚肉經過廚師精心炮製，起肉、剁碎、調味已經冇骨啖啖肉，鮮甜又彈牙，再配返個豉汁獻，更加惹味！麵醬啫啫唐生菜煲：熱騰騰用煲仔上，之後侍應將唐生菜和麵醬再炒幾下，啫啫的聲音和香噴噴的味道，已經令人垂涎欲滴，生菜沾滿麵醬，既爽脆又惹味！最後還紫米糖水奉送，足料美味，甜度適中！

之前同事介紹過呢間私房菜，話好正。終於book 左同屋企人去食喇，等左咁耐，當然要食豪啲喇杏汁燉白肺湯睇得出係即磨嘅杏仁，好香濃嘅杏仁味，好幼滑。咸味適中，好滋潤。豬肺爽身，有啃口名門秘制豬肋骨一食落去好有驚喜，皮脆肉嫩，甜甜酸酸，原來外皮集合左三種陳皮：酸陳皮、老陳皮、九制陳皮，所以有甜、酸、甘味。豬肋骨肉質嫩，仲好juicy 添。呢道菜係我到而家仲念念不忘嘅！腐乳薑蔥炒蟹第一次聽腐乳原來可以配蟹，薑蔥炒本身已經夠香，仲要加少少腐乳嘅咸香味，好新奇又match。好大隻蟹鉗呀，啲肉好鮮甜又彈牙，目測隻蟹都超過斤半呀哈哈哈芥蘭煲蝦乾、鮮蝦、蝦醬結合成嘅哈哈哈。好細心批晒芥蘭硬嘅外皮，所以條條芥蘭都好脆嫩。成道菜好惹味，送飯一流蟹肉瑤柱洋蔥焗蟹蓋同出面焗蟹蓋唔同，只係用三種材料：鮮蟹肉、瑤柱同洋蔥，唔似出面加cream 同罐頭蟹肉，好鮮味，好飽滿呀蟹皇蟹肉扒露荀有個好有詩意嘅名字：碧綠白玉翠珊瑚。好多蟹膏好甘香呀，露荀新鮮好脆，唔會有渣鼓油雞原隻雞浸，好香鼓油同玫瑰露味，香味撲鼻，一放喺枱面就已經流口水。雞肉超入味又唔韌闊太炒飯花蟹肉、瑤柱、蛋白炒飯。炒飯粒粒分明，乾身得黎唔硬。加埋一大舊

蟹肉蟹皇竹笙燕窩羹：真係見到一絲一絲粗條蟹肉，聽說差不多要用一隻蟹先可以做到一個，加上鮮味蟹羔，啖啖燕窩，就知道呢個羹的矜貴。名門秘製豬肋骨：雖然係炸既，但係唔會一口粉，入面既豬肋肉又juicy又彈牙，用上酸陳皮、老陳皮及九制陳皮，好特別，食完一件仲想再食，一d都唔油膩，仲有醒胃既感覺。宮廷白肉蟹鉗：啖啖肉既蟹鉗，有少少似食雞髀既感覺，用高湯炆燴冬瓜，入晒味，再用金腿撞出蟹肉鮮味。薑蔥腐乳炒蟹：從來都冇想像過，腐乳竟然用黎炒蟹，腐乳本身嘅獨特的鹹味冇搶走蟹嘅鮮味，反而互相輝映，更顯美味。哈哈哈芥蘭煲：係用三種蝦，包括蝦醬、蝦乾同埋蝦肉，而且芥蘭仲揀選左最嫩嘅部份，食起上嚟完全冇渣，惹味非常。蟹肉洋蔥瑤柱焗釀蟹蓋：直頭可以用真材實料嚟形容，因為呢個蟹蓋好立體，全因為充滿着有口感既蟹肉、洋蔥同埋瑤柱，絕不馬虎，單單食過蟹蓋，都感覺食咗成碗飯咁滿足。碧綠白玉翠珊瑚：個名改得好靚，用左大量嘅蟹膏，襯托走過油嘅蘆筍，清爽的感覺！闊太炒飯：足料嘅蟹肉，配合蛋白同埋瑤柱，係矜貴版嘅瑤柱蛋白炒飯，當然鮮味更上一層樓。砂煲豉油雞：單睇隻雞嘅顏色，已經知道用咗好多豉油浸透，豉油本身應該都好高質，因為隻雞完

一向都特別喜歡試私房菜，有別於其他大型連鎖店，有佢嘅特色、心機、味道！順德菜我一向都喜歡💕今日特意過嚟試吓這間名門私房菜，同事試過都讚口不絕地方算方便地鐵站附近，餐廳座位唔算太多，大約三張枱左右，氣氛感覺很寧靜，氣氛很好👍見好多都應該係熟客店員推介，招牌杏汁燉豬肺湯 真正功夫菜！秋冬飲舒服，杏汁香濃，豬肺都食晒呀😜😜鮑汁鵝掌扣花膠王 經典菜式，用料矜貴，花膠長個手掌，都係佢哋嘅招牌菜式，仲有柚皮添，無四五個鐘都食唔到呢道菜☺️☺️芋頭鴿肉配 雞肝XO醬外相好靚，每人一件剛剛好🥰外皮酥脆，芋蓉軟糯，鴿肉甘香，配上秘製雞肝XO醬，好正啊！撈飯應該一流👍👍鑲鑽黃金蝦多士 蝦肉爽口，配咸蛋黃醬真係好夾🤩古法瓦罉豉油雞 半隻玫瑰露香氣濃郁一上枱已經聞到，雞肉嫩滑入味😌😌蝦乾魚肚芥菜煲 份量好多足夠四五個人食啊，芥菜唔苦，反而多咗一份清甜，配上魚肚份外清甜其實已經好飽啦🤣🤣但係糖水亦喺呢度嘅另一招牌蛋白杏仁茶 -一字記之曰正！紫米露，好食過出邊嘅糖水舖好多😌😌真係好高質嘅順德私房菜絕對係我嘅收藏list之一😋😋

老公係順德人，正宗嘅順德菜真係唔多，生日一於搵間正宗嘅順德私房菜灣仔地鐵站行過嚟都算近，兩三分鐘！菜式好特別一於book定枱店員服務好細心應該都是順德人吧😜😜招牌杏汁燉豬肺湯 $98豬肺湯好飲又有益，自己就大把功夫，見到有當然要來一碗豬肺湯，渣都食埋 ，杏汁味香濃，豬肺凊爽，口感很好都好大中，飲完都飽飽地🤭🤭生日食好啲鮑汁柚皮鵝掌扣花膠王 $278花膠鋪滿成隻碟，好大條，鵝掌入味，濃而不膩，柚皮松化，高貴又養生👍👍鑲鑽黃金蝦多士 $88菜式名好靚呀😝賣相仲好靚，很彈牙鮮甜，濃濃嘅黃金汁，非常惹味👍古法瓦罉豉油雞（半隻）$278佢哋嘅招牌菜式，見到每一台都總會叫上半隻，用上玫瑰露，非常入味，味特別濃，嫩滑多汁🤗蝦乾魚肚芥菜煲 $178不時不食，冬天正是時令季節，湯底清甜，魚肚索味，一大窩🥰🥰蛋白杏仁茶 $48即叫即做，清清地，不會太甜，杏仁清香，的確令人回味😌真是很用心的一家順德私房菜，每樣菜式都非常用心，順德人一定要過來試試😂😂🥂

名門私房菜（蟹宴）蟹肉蟹皇竹笙燕窩羹：差不多要用一隻蟹先可以做到一個，名貴程度媲美魚翅，肉眼見到一絲絲粗條嘅鮮味蟹肉、同埋爆靚蟹羔，仲有毫不吝嗇既燕窩量，就知道廚師嘅心思，入口滿滿既幸福感覺！金華腿香散發整個羹既核心，襯托住蟹肉既鮮。名門秘製豬肋骨：薄薄既脆漿，用咗三種陳皮，包括孫陳皮、老陳皮、九制陳皮，食落去係有少少話梅味架，非常特別，仲好開胃，入面既豬肋肉又嫩滑彈牙，難尋既味道。宮廷白肉蟹鉗：啖啖肉巨無霸蟹鉗，用食雞髀既方式品嚐，飽滿嘅冬瓜，用蟹肉高湯炆燴，再用金腿撞出蟹肉鮮味，令零整塊嘅冬瓜磚，充滿着蟹肉嘅鮮。薑蔥腐乳炒蟹：火候控制得非常好，有七成熟嘅感覺，嫩滑彈牙，走油時封住蟹鮮，最後再用腐乳輕輕包住蟹嘅外層，更顯惹味！哈哈哈芥蘭煲：蝦醬、蝦亁、蝦仁，三哈炒芥蘭，完全食唔到有渣，仲要唔油膩，廚藝高超！蟹肉洋蔥瑤柱焗釀蟹蓋：真材實料，誰可抗拒，無可挑剔！碧綠白玉翠珊瑚：爆羔爆蟹肉，配上鮮嫩露筍，滿足！闊太炒飯：豐滿嘅蟹肉，再配蛋白炒飯，營養豐富味道好！砂煲豉油雞：原隻雞浸落成筒豉油到，入味程度可以從雞肉都呈現豉油嘅顏色，睇得出，食得出，聞得出，點評都咁出色！總結：今晚成餐飯，一共

第一次帶媽媽去食咁堅料既我房菜，經常下廚既佢都讚不絕口。每一啖都很足料，蟹肉保持爽口，蟹膏佈滿整碗羹，差不多用了一隻蟹的份量去調製，可以媲美魚翅的級數。賣相普普通通，但無想到放入口外脆內軟，獨特的陳皮味道，酸酸甜甜的，原來是用了三款不同種類的高級陳皮：九製陳皮、老陳皮、酸陳皮，甘甜可口，加起來有少少似話梅的味道。屬於傳統名貴的菜式，手掌般的蟹鉗，啖啖肉又鮮甜，滲透住金華火腿的鹹香，底下的冬瓜清甜，正好清清口腔的濃郁感，預備下一道菜。新鮮有創意的配搭，從未試過吃腐乳煮的蟹，原來都很匹配，是一種未嘗試過的味道。懶人至愛脹卜卜的蟹蓋入面，充滿了三種材料，啖啖肉，廚師似乎無加忌廉，絲毫不肥膩，無罪疚感。上台時還是出煙的，熱辣辣香噴噴，顧名思義哈哈哈就是三款不同蝦的材料：蝦乾、鮮蝦、蝦醬炒成的芥蘭，濃郁的蝦醬是我的至愛，芥蘭新觧清甜。咁有意思的名字其實係蟹皇蟹肉扒露荀，還以為啖啖蟹膏會很肥膩，但配合蘆筍能夠平衡蟹膏的肥膩感，反而感覺上是最清的一道菜，鮮甜狂吃。原隻生浸豉油雞，肉質滑嫩，充滿玫瑰露香，捧住飽飽嘅肚都忍不住口食了幾件才收手。專為闊太而設的炒飯，聲稱低卡路里低膽固醇的，炒飯乾身，粒粒分

今日真係超興奮😆終於可以有多個四個人嘅gathering可以揀名門，因為呢一度份量勁足兩個人真係會食得唔夠過癮💛🤤首先嚟嘅係時令冬瓜盅，雖然而家已經入秋但係天氣都繼續熱😣真係用料十足，勁香嘅金華火腿仲有鮮甜嘅大蝦加埋少少蓮子，配料仲多過湯🤤醬爆黃金蝦多士，勁邪惡但係必order💛海蝦好彈牙再包裹一層厚厚嘅鹹蛋黃，配合埋炸到啱啱好嘅鬆脆多士，到而家都仲回味緊好想食多一個🤤豆腐豬肉煲🤤感覺有少少似魚香茄子🍆肉絲冬菇好入味又唔會太咸😉豆腐吸收晒醬汁嘅香味🌟送飯一流！順德煎釀四季豆，以為係平時煎釀三寶嘅青椒，點知原來用咗四季豆，勁岩唔食青椒嘅我💛上面嘅蝦話同墨魚滑我相對比較鍾意蝦滑💛咬落有粒粒蝦肉爽身有彈性🤤鴿王拆肉野菌煲仔飯🤩一上台已經閒到勁香濃💥 份量重好多💛新鮮嘅乳鴿厚肉又唔鞋，原來好戲在後頭下面嘅煲仔飯先係精華嘅所在💥吸收晒鴿肉同野菌嘅醬汁鮮味，食兩碗先夠🤤

今晚難得有機會與幾位朋友共晉晚餐，相約在灣仔「名門私房菜」，得知係廣東順德菜，作為一個上海佬甚少食順德菜，一於去試試！地點尚算方便，難得係各人都打咗針，在此疫情其間還有獨立廂房，正呀！惟一美中不足是營業時間到十點，未能盡興！朋友説今晚為我預備了正宗順德菜，更甚者是已經預訂冬瓜盅（$488 六位用）來送別炎夏，十分期待！冬瓜盅登場時已經吸引各人目光，香氣四溢，用料充足，蝦肉，蓮子和瘦肉，充滿在冬瓜盅內，配以金華火腿的鮮味，夜香花味道更是畫龍點晴！師傅話足三斤的冬瓜燉足三個小時，冬瓜的清甜，甘香的火腿咸香再配上夜香花的香味，一絕！跟住就係冷盤「冰鎮鮑魚$88隻」配卜卜「青芥冰燒雞$348半隻」一上枱已經被圍邊的鮑魚吸引了，不禁會問，怎麼鮑魚會用圍邊做配菜？大大隻嘅鮑魚，一定係用刀叉來享受！鮮甜爽口，冇得彈！再試中間的主菜「青芥冰燒雞」燒雞絲配以炸芋絲紅椒絲，層次鮮明，免彩艷麗，點少少青芥辣更正！「樱花蝦鯪魚球$178/例牌」傳說順德名菜炸鯪魚球果然名不虛傳，入口鮮味濃郁，沒有辜負順德魚米之鄉美譽！主菜到場「鴿王野菌煲仔飯$488例牌」一打開煲蓋已經香氣四溢，鴿王拆肉覆蓋整個飯面，下面隱約還

屋企人生日慶祝下，由於屋企人食量太細，三人訂咗7個菜，食完頭盤風沙雞再食埋黃金蝦多士已經7成飽，蝦多士最好食，鵝掌鹹咗少少，蝦子柚皮林得滯，其他菜式都可以，仲送咗糖水比我哋，餐廳服務不錯，不過餐廳環境少舊。

生日月，朋友知我鍾意食中菜帶我黎呢間好正宗既順德私房菜慶生朋友知我鍾意飲湯就叫左呢到出名既杏汁燉豬肺湯比我試呢個湯好足料好香嘅杏仁味豬肺處理得好乾淨，一啲豬味都無好好飲🥰冰鎮鮑魚鮑魚已經有一浸好似滷水嘅味道好入味 再配埋佢個特製Wasabi醬油又有另一個層次青介冰燒定燒雞呢度嘅招牌菜但如果想食係要預訂（半隻起）入邊有雞絲、青瓜絲、紫薑絲、炸左芋頭絲、海蜇及辣椒粒甜酸甘辣有凍有熱同埋口感非常豐富又爽又脆嘅感覺希特拉多士係原整佢地蝦多士既邪惡板！蝦多士上面有好厚嘅鹹蛋黃個蝦多士非常之厚肉外層脆口 肉質彈牙而我最欣賞嘅係呢個煎釀鯪魚廚師將整條鯪魚拆肉打成鯪魚滑，再釀返入去鯪魚皮入邊好巧手功！鯪魚質感好彈牙好好食👍🏻

想起正宗順德菜, 總會想起之前在灣仔跟朋友吃過的名門私房菜, 餐廳在灣仔道83號2樓的樓上鋪, 私隱度高, 是一個跟朋友暢所欲言的好地方。時令冬瓜盅夏日炎炎, 以冬瓜為主的菜式多不勝數, 最經典著名的可算是冬瓜盅了。冬瓜盅份量比較大, 用料豐富, 一般也是多人飯局才吃得完, 所以今晚的確是一個好時機。冬瓜本身清甜消暑, 配以較濃味的火腿肉及鮮甜的新鮮大蝦, 令湯的味道變得清甜之餘, 層次感亦較為豐富。冰鎮鮑魚, 青芥冰燒雞冰鎮的冷盤既消暑, 又能品嚐其爽滑彈牙的口感, 絕對是夏日的佳品。話雖如此, 冰鎮的處理方法及時間比即煮的還要考究, 放入適量的醬料在雪櫃裡醃製, 讓醬料可以充分地滲入鮑魚, 提升鮮味。中間的青芥冰燒雞, 混入清脆的芋頭絲及惹味的冬菜絲「撈起」來吃, 吃一啖能帶來不同的口感。醬爆黃金蝦多士顧名思義, 黃金蝦多士當然是近年大熱門的鹹蛋黃蝦多士。蝦多士上面厚實的鹹蛋黃醬份量十足, 極其邪惡, 香氣遠遠飄來, 配搭炸至極為吸睛的黃金色蝦多士, 口感香脆無比, 味道亦令人齒頰留香, 濃厚的鹹蛋味在口腔裡久久不散。順德煎釀四季豆光看外表, 有點像是港式的煎釀三寶, 不過吃的時候

細個係灣仔番學讀書，周圍食野。今次朋友就帶左我嚟意間名門私房菜，原來係食順徳菜。對於我未食過就俾朋友點啦！頭盤冰鎮鮑魚，size幾大隻厚肉，帶微微酒嘅清香，嫩口彈牙有鮮味有一個芥末辣汁幾特別啵！有提鮮效果！頭油雞好高質係我食最香酒味嘅，酒香濃雞肉嫩滑到不得了，令人有驚喜！原來係用秘製豉油即叫即浸熟，獨特甜味又好入味啵！個汁撈飯一流順德煎釀鯪魚只係$148價錢唔貴但一定要叫嘅，係一道順德名菜。十分考手工嘅功夫菜。起骨再來釀入魚肉再煎香咬落魚皮微微脆香，魚肉彈牙，混入少量陳皮臘肉帶有咸香味道。個人喜愛鑲鑽黃金蝦香口惹味，肉質彈牙帶咸蛋黃香，遠處已經嗅到！加上麥皮幫助吸油，變得乾身，有別於其他食市做法。更佳嘅做法！蝦頭蝦膏滿滿，大滿足咕嚕肉外層脆口，肉質嫩滑，甜酸汁味道融和今次順徳菜都不錯，可惜今次少人叫晤得多菜式，希望下次嚟試埋炸鮮奶等特色菜啦