名苑酒家

營業中

休息中

今晚與老公放工去試下買一送一乳鴿，6點10分入座即刻叫咗乳鴿及叉燒。點知職員己經走來通知己經賣哂，因為每日只有40隻優惠。睇菜單想點例湯，點知apps 找唔到，問職員回覆只有燉湯。 menu 與apps 不符小炒皇唔太難食，不過真心細碟。如果2人份量係剛好。太多人就真心每人1-2 口就無哂。隔離檯叫咗蝦球，上菜時只得6隻🦐，感覺少得過分。職員真心有部分係欠禮貌，但我好欣賞紅色背心既職員，有幾位上菜與對每位客人都好用心，唔係hea 做。呢個係值得表揚。今晚總結係無下次，唔再信廣告買一送一食品唔係差，但可以改善分量

網上見到有人講乳鴿買一送一就去試下！講到個景咁正又抵食，事實親身去完唔會再去第二次，請都唔去！6:45pm坐低，乳鴿已經賣哂，門口張poster 又唔同售罄有氹人入去既感覺。枱枱客入黎都問有咩食，但乜都無。垃圾!!! 叉燒無燒鵝無特價雞又無!!! 個場已經唔爆，上菜又慢成9個字先黎哂5個餸，浪費時間!!!!!結論 無野食，味道一般，無服務，下不為例唔會再去!!!!!!!!!!! 呢個係真實留言，千其唔好去食呀！

前排新年🧧同屋企人係AIRSIDE睇完戲之後一齊黎左啟德零售館嘅名苑食晚飯🥢我地訂左佢地十全十美開運宴嘅套餐，套餐包左：添運小金豬、原隻鮑魚伴金錢、高湯美國龍蝦手工麵、惹味醬爆海參花炒螺片、花膠海皇翅、清蒸原條海金花斑、脆皮黃金雞、發財好市伴翡翠、咸魚雞粒炒飯＆燕麥糕添運小金豬外皮香脆🐽，而且肉又唔太肥，唔錯👍🏻，而原隻鮑魚伴金錢，鮑魚鮮嫩，冬菇嘅口感亦相當出色。高湯美國龍蝦手工麵🦞🍜，個上湯汁好濃郁，龍蝦亦好鮮，同埋佢呢個手工麵唔似平時啲伊面一樣淋，而係好有咬口。惹味醬爆海參花炒螺片，啲醬汁炒到啲海參和螺片好惹味🔥。而花膠海皇翅入面啲花膠好有口感，而且個翅亦熬得好清甜鮮味👍🏻。另外，清蒸原條海金花斑唔會蒸得過熟，而且有魚味🐟脆皮黃金雞外脆內嫩🐔，外面嘅皮金黃酥脆鋪滿芝麻，而入面啲雞肉亦都好嫩滑，好正✨，而發財好市伴翡翠啲菜苗🥬索埋啲髮菜𧐢豉汁食好好味🤤。另外，咸魚雞粒炒飯亦炒得好有咸香味。而最後嘅甜品燕麥糕甜度適中，而且又軟糯☁️Overall呢一餐真係非常出色，而且又坐得舒服，店員又好好招呼👍🏻

此食店位於啟德體育園零售館2，3樓。 開早上十點。 新店裝修望落都幾好。但坐落就發覺好有問題 ，如圖所示，有很多位置是要客户挨著硬硬冷冷的板，沒有靠背墊和坐墊。 令顧客坐得很不舒服 。比普通茶餐廳還不如。 趕客設施。 不幸地還看見服務員，用同一塊剛抹完枱面的清潔布再去抹座位，雖然有用一筒小小的水去洗布，但真的很不衛生 。点心食物方面， 味道和賣相都可以，對得起每款約40多元的價錢 ，茗茶每位八元，另有加一服務費。這一間酒家，大家是可以試一次。畢竟，體育園還有很多坐得舒服，環境又好的食店可以去。

### 🥢 **啟德運動美食新熱點 | 名苑酒家進駐體育園！** 最近去咗啟德體育園新開嘅「名苑酒家」，食物水準有驚喜，仲可以順便睇吓園區新景～ **🍅 新疆蕃茄蛋牛肉 $78** 蕃茄酸甜味好突出，牛肉嫩滑唔韌，配飯食超開胃！帶少少新疆香料風味，同一般茶記唔同～ **🦞 波士頓龍蝦配伊麵 $268 (+$30)** 龍蝦大大隻，肉質爽彈鮮甜，伊麵吸盡上湯牛油汁，濃香得嚟唔會膩！兩至三人分享啱啱好～ **🍵 桃膠蛋白杏仁茶** $28食完濃味嘢，呢碗杏仁茶完美收尾～ 桃膠煮到軟糯，杏仁味清香唔刺喉，養顏又潤肺！ 補給 ---📌 小貼士 1. 建議預留時間參觀體育園，夜晚燈光好靚～ 2. 午市有小菜套餐更抵食，$68起包老火湯！ 3. 想坐窗邊位記得訂座時注明，景觀開揚啲！

自從啟德體育園開發後,附近增添的啟德零售館進駐了不少食肆及新潮小店.酒樓中名苑酒家可說是當中最為奪目,裝修以粉色北歐式設計,擺脫一往傳統老派感覺,面對正體育園主場館更是景觀開揚又好坐,值得帶家人茗茶再逛逛🔸特價海鮮孖寶($198)▫️窩燒班頭腩煲▫️生拆蟹粉海鮮炒飯🔸千島脆蝦角($40.8)🔸香茜牛肉滑腸粉($40.8)點心用料新鮮,款式多而定價適中. 【千島脆蝦角】即叫即炸,脆口熱辣辣.一咬內裏大蝦塞滿,爽口彈牙. 【香茜牛肉腸粉】表面晶瑩亮澤,入口滑溜牛肉軟熟新鮮特價海鮮孖寶飽肚香口,抵食之選! 【生拆蟹粉海鮮炒飯】看似色水清淡,但一入口竟爆出蟹粉香氣,加上大量蝦肉及帶子,大碟有驚喜!隨後【窩燒班頭腩煲】熱辣辣上枱,香氣四溢,班頭腩經油炸後再上香濃醬汁,啖啖肉而骨不多,非常香口滋味!加上所有店員細心服務亦是加分點~

🦐筍尖鮮蝦餃皇皮薄餡足，粒粒蝦餃賣相都夠哂飽滿，咬落啖啖蝦肉，鮮甜又彈牙🦐竹笙野菌餃晶瑩剔透嘅外皮，咬落煙煙韌韌，而且餡料夠晒濃郁🥯黑金流沙奶皇包每次飲茶必點就係奶皇包，細膩軟滑嘅奶黃餡加埋濃郁嘅奶香味，每啖都好滿足，最緊要係咬開仲係流心㗎😋翡翠帶子腸晶瑩剔透嘅翡翠帶子腸，咬落除咗濃濃嘅米香之外，每啖都咬到鮮味十足嘅帶子添🍖紅燒脆皮乳鴿燒到脆卜卜嘅外皮，咬落仲係好juicy，而且肉質非常嫩滑仲帶有乳鴿嘅鮮甜，真係有咬口又嫩口🍜冬菇蠔豉炆伊麵洛洛最喜歡呢道炆伊麵，伊麵吸晒冬菇蠔豉嘅香味，口感豐富，又有層次👍🏻

啟德零售館開咗好多新餐廳，但係自己一直都未有機會嚟食晚餐，今日就約咗一個朋友過嚟食晚飯，呢度裝修靚，嘢食好食，服務員嘅態度亦都好！我哋嚟到嘅時候先，剛剛6:30，但係已經坐咗好幾台，到我哋食完走嘅時候基本上都坐滿晒。今日叫咗幾樣嘢都覺得好出色！撈起泡椒魚肚絲好精緻，少少辣油撈埋一齊食，好開胃好惹味！脯煲淋黑毛節瓜我哋直頭連個湯都飲埋，吸收晒啲瑤柱嘅鮮味，節瓜亦都整到好腍好入味，而家凍凍地嘅天氣真係覺得佢好暖胃。本身唔鍾意食淮山嘅朋友都話佢個翡翠山藥整得好好，爽脆清新，令佢對山藥呢樣嘢刮目相看！瓦煲生焗薑蓉黃花魚外脆內滑，用瓦煲整嘅果然唔一樣風味！薑蓉真係好香，同黃花魚好夾！

名苑酒家 (啟德零售館）年初二同媽咪去咗啟德行街順便飲個茶可能因為新年期間都幾多人排隊安排咗去坐最入間大房可以直接望到對面嘅啟德體育園下晝時間都幾曬不過話遲D就會裝窗簾唔知到時會唔會遮住咗又見唔到體育園呢？！成間酒樓都會有一邊係大玻璃窗所以空間感好好仲有兩間房仔可以俾多人嘅用飲完茶仲可以行吓街發財南乳豬手 $35-新年食番少少意頭菜😂 南乳豬手配髮菜 豬手軟稔又入味鮑魚汁炆鳳爪 $58-同樣非常入味 鳳爪數量幾多 仲有好多花生粒招牌灌湯小籠包 $42.8-小籠包隻隻飽滿 仲啜到裡面好多鮮甜湯汁鮮蝦蟹肉菜苗餃 $42.8-原隻蝦仲有蟹肉 菜苗份量多 所以粒粒餃都好大隻鮮蝦炸雲吞 $37.8-每次飲茶都必食 雲吞皮炸得好脆 同埋有大大隻蝦 加埋甜酸醬一流！名苑酒家 (啟德零售館）九龍城啟德承啟道38-39號啟德體育園啟德零售館2 3樓M2-310號舖

今晚我去咗啟德嘅名苑食中菜，真係一個好開心嘅夜晚。呢間酒樓環境靚，氣氛靜謐，適合同朋友或者家人聚餐。我哋首先試咗四季椰子雞湯，湯底清甜，椰子味濃郁，仲可以飲到雞肉嘅鮮味，真係好暖心。仲叫左超抵食既蠔皇扣鮑魚玉掌$128，今次有買一送一，好似好抵，所以叫咗嚟食！鮑魚新鮮，嚼落去彈牙，加上蠔皇醬，味道真係正！玉掌嘅口感滑溜，搭配埋醬汁，簡直係一絕。然後我哋試咗招牌酸菜滑魚片，魚片煮得岩岩好，肉質鮮嫩，酸菜嘅酸味令整道菜更加開胃。真係好適合夏天食，清新又唔油膩。再嚟就係蝦醬啫勝瓜，鹹鹹地送飯一流！蝦醬嘅香味撲鼻而來，勝瓜炒得剛好，保持咗蔬菜嘅脆感，非常好味。最後一樣就係紅燒脆皮乳鴿，依然係買一送一，乳鴿皮脆肉嫩，味道濃郁，真係每一口都令人陶醉。整體嚟講，今次嘅晚餐係一個非常滿意嘅經歷。名苑嘅服務亦都好周到，侍應人員態度親切，令我哋感受到賓至如歸。下次有機會我一定會再返嚟，試更多嘅菜式！

店名：名苑酒家地點：啟德承啟道38-39號啟德體育園啟德零售館2 3樓M2-310號舖今日黎開啟德拍拖，一於參觀下啟德體育園附近嘅零售館1,2號，唔黎開都唔知有咁多店鋪同食肆，見到3樓有間名苑酒家，一於試試佢。我地叫左：芝麻雞（半隻）芝麻雞好食，外皮脆，肉質嫩，芝麻爆多，一上枱時已經香噴噴，其他店家食類似燒雞會提供甜醬油或自家製醬酒，但名苑係提供陳醋，估唔到陳醋無破壞到芝麻雞嘅味道，更加可以減底芝麻雞嘅油膩，值得一讚👍👍百里香牛肋骨大家可以望下相片，真係好大碟，打卡一流，肉多嫩滑，煮製時間啱啱好，又淋又滑，再加上用百里香調味，香味非常，好刺激食慾，推薦大家要下🤗🤗蠔皇扣鮑魚玉掌（隻 ）鮑魚入味，切開時黏刀，入口彈牙，再加上鴨掌腍身又入味，非常好味

一行四人飲茶，這個地方所有餐廳都是新開的，屋企人喜歡飲茶，這𥚃的裝修和佈局尚算可以，枱與枱之間不是靠得很近，點餐就可以掃QR code，茶就用了茶包沒有什麼茶味。蝦餃只有三隻，、鳳爪和牛肉球都是一般，芝麻芋絲脆軟夾幾特別可以一試、海皇鹹薄罉上邊的海鮮比較少但蔥花都尚算多，大良鮮奶一口酥不是很多地方有，結尾叫了一個黑蒜炒飯比較油膩😁　

啟德零售館新開酒樓，星期日10點甫開門便到場試試，環境舒適，內廳對正體育園主場館，景觀開揚。以這種裝修格局的酒樓，茶位只是每位$8，真算超值。點心定價適中，味道有水準，用料新鮮，上菜時熱騰騰的，款式亦算多，早上11點後選擇更多。今次試了蝦腸、燒賣、牛肉、雞紮、灌湯餃、燉湯等，個人覺得蝦腸雞紮好味，牛肉相比之下則較普通，不過也算ok。打算下次再試晚飯小菜，餐牌上的價格亦見合宜。服務方面，有時會sell新年糕點，不過尚算有禮周到。總括而言，滿意用餐體驗，值得一試再試。

搬入啟德兩年，一直苦無像樣的茶樓。近日看到啟德零售店開了一間裝修高雅的茶樓，便決定一試。裝修典雅，窗外直望啟德主場館，環境舒適。點心品質驚喜，蝦餃燒賣餡料飽滿，口感出色，其他如流沙包、叉燒包也水準極高，整體都很用心。15件點心$550，性價比合理。曾聽聞試業期混亂，但現在已改善許多。星期日下午一點到訪，六人桌僅等半小時，座位舒適，服務友善，上菜速度流暢，飲茶過程輕鬆順暢。這間茶樓無論是環境、食物還是服務，都表現出色，絕對值得推薦。對於住啟德的街坊來說，終於找到了一個既能品味點心，又能享受氣氛的好地方！

見啟德體育園新開咗呢間酒樓，放假就同屋企人黎飲茶食點心。呢間酒樓裝修環境都唔錯，好闊落，坐得幾舒服，可惜試業階段人手好唔夠，樓面落單系統出錯，大大影響用餐體驗。點心價錢中上價，2x-3x，小菜菜單價錢雖然好似唔太貴，大概$6x-8x不等，但份量同味道都有改善空間。餐廳空間感好夠，裝修幾好我地10:03入座，10:15前落單，結果坐到10:40都未有點心食。除咗點心，餐牌上廚部小菜要等到11:00先可開放落單。我地最後等到11:00，同樓面落埋個炒飯同炒山藥，再問樓面催下d點心，點知樓面一入廚房跟進，先出番黎同我地講話原來頭先電腦系統有故障，依加已經幫我地即刻落野食，話會好快整好……最後11:10先上咗碟炒飯……黑蒜炒飯 $88上菜時碟飯無煙出，食落雖然都熱熱地，但好油，d炒飯唔似即炒出黎咁乾身，而係好似焗過咁濕濕地😕等到11:15，終於上到點心。叫咗兩樣點心：蝦餃同炸芝麻芋蓉夾餅。兩款點心味道都可以，唯一係個夾餅餅皮有d硬同痴牙。不過因為等等得太耐啦，大家都無乜心機食。最後上埋碟炒山藥，$68價錢黎講，太細碟啦！ 係好似前菜伴碟既份量，而且食落無味道，本身個名叫翡翠炒散藥，以為會用啲菜