非常感謝朋友介紹搵到一間好好食嘅拉麵，因為早早收工，人哋一開舖6:00我哋就入去，佢之前仲有買咗OpenRice discount coupon變咗有九折，座位不會太迫，大概20個位左右 叫咗兩個拉麵 一個係極濃雞白湯拉麵、一個係限定版的龍蝦湯拉麵 王牌雞白湯濃郁不油膩，幾乎可以飲晒成碗湯，配料亦都足夠，口感十足！ 龍蝦湯龍蝦味夠，呢個好緊要，因為好多時標榜龍蝦湯但是實唔夠味，fusion味重值得一試！ 推介！！！

公眾假期竟然都有七折優惠 人流唔算多，坐得好舒服，食物都理 有心機整，steak with medium 亦不會過火，另外飲品酒嘅種類都好多，最適合鍾意飲酒嘅我哋 呢度最大特色係有一張美式桌球枱 冇人玩嘅話，可以隨時去玩，我哋食咗一陣嘢玩咗一陣又飲 吓嘢咁，愉快嘅下午就咁過去 雖然出面有地盤，但都唔影響你嘅海景，如果好天嘅話會更加開心

這是與朋友的生日飯 點了一款招牌叉燒，又硬又乾 仲話推介， 另外其他食物也一般般，普遍過油 最差嘅情況出現了，我哋仲食緊呢個炒飯，突然送上預先訂準備嘅慶生壽包，生日牌點蠟燭嘅， 但問題係我哋未食完飯，未清枱面就送咗上嚟，非常尷尬，這樣嘅餐廳質素，都未通知就上生日特別節目有冇搞錯？ 仲要蠟燭插唔實，蠟燭冧咗，仲要燒生日牌，老實講，這是生日飯慶，真係非常唔好意思🤬 唔會再食 離晒譜

約咗朋友食甜品，佢肚餓所以就叫咗兩個main 一個係溫泉蛋什菌牛肝菌汁貓耳朵粉 $95 貓耳朵質地偏硬，而且什菌汁不夠香濃， 味道麻麻 另一主菜係安格斯牛腰扒配阿根廷青醬 $158 份量偏少 我自己就叫咗一杯特濃朱古力XXtra Chocolate $48 (留醫只有熱飲），味道不錯，果然非常濃厚 到主打甜品 差唔多每一台都有點嘅tiramisu $72 果然好味，有別於一般的tiramisu, 空氣感重，甜味適中 另外我再叫咗一個蘋果酥盒 $76 特別之處係完整嘅蘋果一個再烹調， 配拿破崙酥餅，都係好味的 總括嚟講，甜品優秀，熱食麻麻 地方寬躺，一間地方幾大嘅Cafe

放假好習慣到郊外走走 放假心情即時提升 今日去到Kwun Tong Promenade (觀塘海濱花園) 睇吓人哋放狗，玩下鸚鵡 ，玩下音樂 中途見到間咖啡外賣店用貨櫃倉格調，應該total有四個位+一張企位枱 係一個打卡位，自己鍾意影相所以都推薦大家 去開不妨可以一試 選擇了我的第一首選 Latte $34 選擇不多但基本野有齊，服務態度幾好，如果唔多人嘅時候，大家會傾吓計分享吓咖啡心得， Latte拉花都幾靚 ，這價錢合理，我相信好多附近返工嘅人都會過嚟買嘢飲

今日要去長沙灣即刻search邊度有Cafe，係新型住宅隔離有一間韓式花花系cafe, 有室內室外選擇「pet friendly」， 當日見到有大型狗狗一齊食超開心😃 叫咗一杯濃濃的black sesame latte $42 口感好似食緊芝麻糊咁 飲品甜品合一 另外叫咗個main 韓式五花豚肉泡菜溫泉蛋蓋飯 $75 足料，甜甜豉油汁更加開胃 略嫌不足泡菜太碎濕濕，口感一般 而且標著「蓋飯」但呈現出只是普通的拌飯， 可能太出色嘅關係 當日15:00但已經冇晒甜品🍮 有點失望😞

約咗好耐冇見嘅朋友現在食lunch，預先打電話一早預留吧枱☺️，一坐低職員態度幾好，雖然等齊人先一齊serve，但都冇因為咁催促落單，餐前小食鱈魚乾 Bar枱大概8個位置 本身細食，2個女仔選擇咗 「川kawa」$298 一共有沙律、壽司9食、手卷1貫、蒸蛋、吸物、雪糕 鱸魚 池魚 北寄貝 昆布甜蝦 赤身 大toro 白靑魚 右口魚白松露 富美丸赤海膽 手卷 就算呢個價錢仲要lunch 都只係好少火炙 證明材料新鮮先夠膽 師傅比較有心思 設計款式 味道形態 最驚喜係個手卷，每一啖都唔同味入面好繽紛 我最後茶碗蒸、蜆肉麵豉湯、雪糕都正常 我揀咗豆腐味少少甜 性價比甚高愉快的午餐🥣

今日同屋企人喺東涌食飯，原來未試過一齊食韓國嘢，就揀咗一間炸雞20:00入座， 冇得預先book枱，不過平日可以直入， 20:45啦last order, 叫咗鐵板海鮮煎餅之外， 其他含海鮮類售罄了，唯有選擇其他， 新口味「蜜糖蒜香烤雞」非常好味， 揀咗無骨啖啖肉，有肉汁鮮嫩，蜜糖甜美啱啱好， 隨炸雞奉上醃蘿蔔一碟，中和味道。 還叫了炒粉絲☺️ 滿足 屋企人生日買咗蛋糕*不需要切餅費 滿載而歸