名苑酒家

營業中

休息中

🏟️啟德體育園開咗之後多咗好多餐廳，身為啟德人嘅我當然都要去發掘吓有啲咩好食！有一間酒樓喺啟德園零售館2，見佢價錢抵食，裝修環境又非常唔錯，就試吓呢間先😆其實佢係名苑酒家，之前喺唔同區都有見過佢，不過就一直都未試過。♡紅燒脆皮乳鴿（買一送一） $68❥依家做緊特價優惠有乳鴿買一送一！$68有兩隻！幾乎見到每一檯都有Order😆 佢哋嘅乳鴿燒得超好，皮脆肉嫩，而且有一個甜甜地嘅醬汁同埋椒鹽提供，當我以後想食乳鴿嘅時候一定會諗起呢間酒樓🥰♡即燒脆皮燒腩 $88❥個皮燒得真係非常香脆，肥瘦分布平均，價錢好抵食，值得一試！♡香茅胡椒焗海中蝦 $128❥每一隻蝦都好大隻，而且好彈牙，胡椒嘅香味非常惹味，我個人喜好如果佢加埋粉絲底就仲正😆 一份有八隻蝦份量非常足！♡蒜蓉蒸勝瓜 $68❥唔係度度都有蒜蓉蒸勝瓜，但係每次見到我一定會Order！勝瓜好腍蒜蓉好香，好好味！✰兩個人食咗四個餸，叫埋白飯啱啱好，成餐都係三百幾蚊好抵食！仲平過我哋啟德屋村商場嘅酒樓呀😂 以後一定成日過嚟食啦😌

和家人來到啟德零售館吃中菜飯後順道打卡啟德主場館巨蛋就算位於啟德景點區價錢亦相當貼地只收8蚊一位茶錢 沒有無謂的花生小食費 值得一讚水晶餚肉小食上海名菜 餚肉透明的果凍層令人食慾滿滿鮮菠蘿咕嚕肉咕嚕肉炸得脆口 酸甜醬開胃 老少咸宜百里香牛肋排牛肋排肉質鬆軟 配以百里香汁及彩椒 味道有特式黃金脆皮雞點了半隻脆皮雞 雞皮如同薯片般薄脆 肉質不俗黑木耳鮮百合炒勝瓜勝瓜配鮮百合和脆滑黑木耳 整體口感爽脆秘製飄香荷葉飯荷葉飯香味濃 一上桌就忍不住先吃碗飯內有鮮菇魷魚配搭 份量足夠四人分享

今晚一家人喺啟德零售館食中菜提早慶祝母親節撞啱五月天首場 沿路都人頭湧湧 諗住大家都睇演唱會應該餐廳大把位 點知咁爆場節日前夕冇特價菜式 但佢本身都唔貴 人均200幾已經食到好飽 仲抵過街坊酒樓水晶肴肉上海菜館嘅冷盤呢度都食到 點啲鎮江醋食幾開胃百里香牛肋排平時酒樓少食到呢啲味道 偏西式嘅煮法香味幾濃烈又入味 牛肋骨肉都幾腍黃金脆皮雞外皮金黃香脆又唔肥膩 雞肉好嫩滑 連雞胸都唔鞋鮮菠蘿咕嚕肉想試下一間酒樓有冇水準 就要食佢嘅咕嚕肉呢間係好得嘅 就算俾醬汁包住都係咁脆口酸甜味道適中 用鮮菠蘿唔會有陣假甜味秘製飄香荷葉飯份量好大 差唔多分到8碗飯 打開好似冇乜料原來入面有好多章魚雞肉瑤柱粒 豐富！

名苑酒家（九龍城）話說喺啟德開咗一間名苑酒家分店，琴晚就去食吓◎整體嘅環境都比較大，同時可以望到啟德嘅風景坐窗邊食嘢真係好正！嘢食嘅質素就中規中矩！大家有興趣可以試吓地址：九龍城啟德承啟道38-39號啟德體育園啟德零售館23樓M2-310號舖

啟德體藝館都開左一段時間 今晚諗住去行下街食飯零售館 2 的3 樓人氣最高 有連鎖食店同埋Namco 今晚想食中菜就去左隔離的名苑酒家 性價比 環境都唔錯 👍🏻最近乳鴿同鮑魚都做緊買一送一優惠紅燒脆皮乳鴿乳鴿皮脆肉嫩 份量大細都okay! 外皮色澤均勻 蠔皇扣鮑魚玉掌貼心亦有附上刀叉進食 鮑魚同鴨掌都吸收左芡汁精華 非常入味 另外點左兩個小菜 都係一百蚊樓下 價錢相宜蝦醬啫勝瓜勝瓜爽口配搭蝦醬香氣 啫啫煲鑊氣熱辣辣椒鹽魷魚鬚口痕之選！魷魚炸粉唔會過厚 炸得金黃甜品/ 糖水：桃膠蛋白杏仁茶宮廷杞子貴妃糕傳統的中式糖水 可以兩人分享 一熱一凍 口感滑嫩滿足

📍名苑酒家 (九龍城)九龍城啟德承啟道38-39號啟德體育園啟德零售館2 3樓M2-310號舖同事敘舊，揀咗呢間真係正😁四個人食得豐富，海鮮同肉類都有，加埋都唔使$1000，超滿足！🍽️✨ ～百里香雪花牛肋排 🥩🔥香濃惹味好大份，牛肋排煮到外焦內嫩，肉質超滑溜，入口即化，啖啖都係濃郁牛香！其實百里香嘅草本香氣滲晒入肉，所以能夠帶出肉香，食落層次分明，配埋紅黃椒粒點綴，微微帶甜，賣相又更加靚！👍🥢 ～生炒高山菜心🥬菜心炒得爽口入味，鑊氣十足，簡單得嚟夠哂鮮甜！ ～香茅胡椒焗海中蝦 🦐🔥海中蝦鮮甜彈牙，香茅同胡椒味道濃郁，焗到入晒味，超好味，秒殺❤️～響螺海皇燉冬瓜盅🍲🐚健康之選，冬瓜盅吸晒響螺鮮味，湯底好清甜潤喉，滋補又暖胃，四個人每人都有兩三碗，正😄～海參麻婆豆腐🌶️🐚麻婆豆腐辣度啱啱好，海參增加咬口，開胃之選！ ～XO醬翡翠炒帶子 🦪🍳帶子鮮嫩爽甜，XO醬鑊氣超香，配住翠綠蔬菜，鮮香惹味，啖啖都有濃郁幸福感！

朋友說看不到“謝霆鋒演唱會”，也要專誠來啟德體育園朝聖。今晚我們便一行四人，順道去位於2號零售館的“名苑”晚膳。酒樓空間感十足，樓底高。天花板掛上綠色植物，連餐椅也是綠色的，令人感覺舒服。餐牌上的菜式價格相宜，大多訂價百幾元，部份更低於一百元便有交易。🫕響螺海皇燉冬瓜盅～冬瓜盅湯料足，冬瓜、響螺、瑤柱、蝦仁、蓮子、磨菇，肉粒及夜香花等，清香鮮甜。🥬生炒高山菜心～菜心爽脆嫰綠。🥩百里香雪花牛肋排～牛肋排肉味濃郁，肉質軟腍。🥢海蔘麻婆豆腐～豆腐麻香味十足，微辣惹味。🦪🥦XO醬翡翠炒帶子～帶子及西蘭花真是最佳拍檔，帶子的鮮味加上西蘭花的爽甜，一拍即合。🦐香茅胡椒焗海中蝦～海中蝦胡椒味濃，蝦肉彈牙。🥧宮廷杞子貴妃糕～貴妃糕椰汁味重，清甜美味。🥣生磨蛋白杏仁茶～杏仁茶滋潤得來又不會太甜，蛋白完美地溶入於糖水內。

星期五晚，又係我哋一家五口去啟德體育園搵下有咩未食過！ 唔知幾時會食到區內一百間餐廳呢🫡！ 呢間「名苑酒家」好親切💖，我娘家樓下都有一間。果間開咗好多年，每次都好期待去飲茶🫖，因為裝修好靚✨好似去咗中環嘅茶樓咁，但價錢係街坊價💰啟德體育園呢間當然係新開分店，真係好驚喜😳！環境係主打寬敞同清新，好多綠色🍀☘️，好高樓底。仲有落地大玻璃望住體育園嘅夜景🌃，一邊食飯一邊睇燈光⚡️，氣氛滿分💯！ 🌟 **鎮江水晶淆肉 ($58)** 凍食嘅淆肉爽口彈牙，鎮江醋嘅酸甜平衡得啱啱好，開胃首選！😋 🐟 **瓦煲生焗薑蓉黃花魚 ($98)** 熱辣辣上枱，黃花魚肉嫩滑到爆！薑蓉香氣撲鼻，仲有啲焦香嘅煲底，送飯一流！🍚 個人推介必食菜，自己屋企唔會煮到咁好食嘅黃花魚！ 🍍 **鮮菠蘿咕嚕肉 ($118)** 經典菜式但做得超有水準！外脆內嫩，酸甜汁掛滿每件肉，仲有新鮮菠蘿解膩，必點！👍 🍲 **窩燒鮑魚雞粒炒飯 ($108)** 鑊氣十足！鮑魚粒同雞粒份量足，炒飯粒粒分明，仲有少少焦香底，兩兄弟食到停唔到口！🔥 🕊️ **黑蒜燉鴭鴣湯 ($298/盅)** 養生之選！黑蒜湯底濃郁香甜，鴭鴣

啟德零售館開咗之後多咗好多新餐廳進駐，今次就同朋友去咗名苑酒家，環境真係幾舒服，又有格調，窗邊位仲望到啟德體育園。前菜叫咗鎮江水晶餚肉，晶瑩剔透，入口軟糯又唔肥膩。湯品推薦長白山人蔘雞湯，平時屋企少煲，人蔘味都幾出，感覺超養生！跟住有意大利黑醋骨，酸酸甜甜好開胃，黑醋味濃但唔會太嗆，排骨軟腍入味，送飯都唔錯。全晚最鍾意一定係大師巧手脆皮芝麻雞，皮脆肉嫩，帶有芝麻香氣，十分有水準。主食叫咗脆米海鮮粒泡飯，份量十足，絕對可以幾個人share，海鮮粒令湯底鮮甜，店員加入脆米，增添口感！呢度茶位一律$8，食物選擇多、坐得舒服，性價比唔錯，啱晒一家人黎，喺啟德食飯多咗一個好選擇！🔸鎮江水晶餚肉🔸長白山人蔘雞湯🔸意大利黑醋骨🔸大師巧手脆皮芝麻雞🔸脆米海鮮粒泡飯📍#名苑酒家

難得有幸與朋友一起到啟德飲茶，咁啱食到呢間價廉物美、環境優美嘅名苑酒家。職員服務態度良好，食物送上嚟全部都係熱騰騰，味道又好，值得推介嘅係燒乳鴿，現時有買一送一優惠。我同朋友都食得好開心。

今天去左啟德零售館2中菜酒樓名苑酒家，環境寬敞舒適，更有包廂房間，更推出至抵優惠，紅燒脆皮乳鴿和蠔皇扣鮑魚玉掌(買一送一)，十分推介紅燒脆皮乳鴿 (買一送一) $68外皮酥脆，肉質細膩，口感豐富，既有脆皮的口感，又有鮮嫩多汁的鴿肉香氣撲鼻，絕對是招牌菜式😋厚切叉燒皇 $98厚切的叉燒，肉質肥瘦相間，肥而不膩，瘦而不柴。外層烤得焦糖色，微微焦脆，內裡肉質軟嫩多汁，入口即化，滿口都是濃郁的叉燒香氣蠔皇扣鮑魚玉掌 (買一送一) $128這道蠔皇扣鮑魚玉掌，鮑魚Q彈爽口，玉掌軟糯入味，蠔皇醬汁濃郁鮮香，三者完美融合，口感豐富窩燒鮑魚雞粒炒飯 $108窩燒鮑魚雞粒炒飯，鮮嫩鮑魚與滑溜雞粒，搭配鑊氣十足的炒飯，口感層次豐富法式焦糖燉蛋🍮 $28香甜焦糖搭配嫩滑燉蛋，完美為晚餐作結🎇名苑酒家🎈啟德承啟道38-39號啟德體育園啟德零售館2 3樓M2-310號舖

乳鴿買一送一！？名苑酒家驚現「白吃級」優惠！食到拍枱叫絕啊！🍚💥 ---🍗 紅燒脆皮乳鴿（買一送一） $68 歎兩隻！皮脆到「咔嚓」聲直衝天靈蓋，肉汁多到滴落枱！乳鴿控必搶，CP值爆炸💣！ 🦀 蟹籽蝦球粉絲煲 $108 鮮到喊！蝦球大粒彈牙到識跳舞，蟹籽「啵啵」爆開，粉絲吸晒蟹香精華，食到停唔到手！ 🍍 鮮菠蘿咕嚕肉 $118 酸甜大滿足！外層炸到金黃酥脆，內裡肉嫩多汁，菠蘿新鮮到似喺田裡即摘！開胃到想連碟都舔乾淨～ 🦑 椒鹽魷魚鬚 $68 送酒神物！椒鹽香到隔籬枱都聞到！魷魚鬚脆卜卜，咬落去「索索聲」，鹹香惹味到想打包十份返屋企！ 🍲 窩燒班頭腩煲＋白飯 $88 超抵食！班頭腩肥嫩滑溜，醬汁濃郁到撈三碗飯都唔夠！仲係「超值推廣」，食到捧住個肚走～ ---💥 埋單五佰不到食到滿漢全席，仲以為自己眼花！？ ---📍 名苑酒家（啟德體育園） 九龍城啟德體育園 啟德零售館2, 3樓M2-310號舖 #乳鴿買一送一 #啟德隱世飯堂 #食到懷疑人生 #名苑酒家抵食到喊 📸 食神們快衝！手慢冇啊～

平時唔多過嚟啟德呢邊，今日咁啱過嚟搵朋友約咗呢邊飲茶。呢間中餐廳一入嚟。見到空中懸掛住一啲特色吊燈以及植物。俾人一種煥然一新嘅感覺。落地大玻璃彩光特別好。感覺好高級，但scan咗QR code落單見到啲價格又唔貴。點咗幾款平時鍾意食嘅點心。味道都唔錯。極品花膠灌湯餃呢個餃子真係非常特別，浸泡喺花膠湯裏面。花膠口感滑溜，湯汁豐富，咬落去有種鮮味在口中爆開。餃皮薄透，包住充足的餡料。京川滑餃子京川滑餃子口感柔軟，餡料味道十足，特別是那種微微的辛辣感，調味恰到好處，無論單吃或者配上醬油，都好好味。鮮蝦炸雲吞這個炸雲吞外脆內嫩，蝦肉新鮮，咬下去有種爽口嘅感覺。雖然外面炸得金黃酥脆，但一點都不油膩。香脆豚肉韮菜餃這款餃子口感層次分明，豚肉的香味與韮菜的清香完美融合。皮薄餡多，每一口都能品嚐到肉汁的鮮甜。黑金流沙奶黃包黑金流沙奶黃包 外皮軟滑，內裡的奶黃流心非常滑溜，吃的時候小心熱流出來，甜而不膩。

聽聞啟德開左間唔錯既酒樓，一於同朋友嚟試下先。酒樓裝潢新穎，有提供窗景位，可飽覧啟德景色，座位寬敞舒適，乾淨企理，坐落好舒服。筍尖鮮蝦餃皇：蝦餃皮晶瑩剔透，蝦肉鮮甜爽彈，筍尖爽脆清甜，口感豐富。原隻鮮蝦燒賣皇：熱辣辣上枱，外皮薄身，蝦肉Q彈鮮甜。香茜牛肉滑腸粉：腸粉外層薄透，滑嫩富肉汁，配上甜豉油調味，入口即化。蟲草花濃湯鮮竹卷：腐皮索晒高湯既鮮味，口感軟嫰順滑，入面既餡料鮮味十足。原籠古法馬拉糕：經典傳統點心，鬆軟富彈性，清甜濕潤口感。

長白山人蔘雞湯一端上桌，濃郁醇厚的香氣撲鼻而來。金黃的湯汁包裹著鮮嫩的雞肉，每一口湯都融入了人蔘的滋補精華，暖身更暖心。雞肉燉煮得恰到好處，入口即化，在寒冷的日子裡來上一碗，幸福感瞬間拉滿。 紅燒脆皮乳鴿買一送一，性價比極高。乳鴿外皮烤至金黃酥脆，像是一層薄薄的琉璃，輕輕一咬「嘎吱」作響 。內裡的鴿肉鮮嫩多汁，肉香四溢，搭配特製的蘸料，風味絕佳。 香茅胡椒焗海中蝦，香茅的獨特香氣與胡椒的微辣完美融合，滲透進鮮嫩Q彈的蝦肉中，每一口都充滿了海洋與香料交織的奇妙滋味。 瓦煲生焗薑蔥黃花魚，揭開蓋子，薑蔥的香味瞬間迸發。黃花魚表皮微焦，魚肉卻保持著鮮嫩的口感，薑蔥的味道不僅去腥，更增添了豐富的層次。 富豪瑤柱蛋白炒飯，粒粒分明的米飯被蛋白包裹，瑤柱的鮮美充分融入其中，每一勺都能品嘗到大海的饋贈，口感豐富，鮮香無比。