影片
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
相關文章
自從公司樓下多咗架免費shuttle bus去「Airside」，#啟德 一帶已經變成 #小秘書 嘅 #飯堂。聽講 #啟德零售館 樓上開咗間中菜「名苑酒家」最近做緊 #優惠，當然要搵機會嚟試吓佢哋師傅嘅手勢啦！餐廳樓底非常之高，再配合門前綠化嘅裝飾，一邊望住 #啟德體育園 一邊食飯，感覺都幾寫意。呢日我哋叫咗啲小菜同甜品，價錢優惠之餘，味道都唔錯喎！✨優惠震撼蛋#紅燒脆皮乳鴿 - #紅燒乳鴿 皮脆肉嫩，兩隻都只係$68🤩真心益食家❤️#蠔皇扣鮑魚玉掌 - 大大隻 #鮑魚 配埋隻炆到又淋又滑嘅 #鵝掌，$128居然係二人份🤩 充滿骨膠原嘅材料，啱晒我🤭✨精美小菜#黃椒醬海參粒煮豆腐 - 醬汁辣辣地，豆腐同啲海參、海鮮一齊煮，健康得嚟又惹味😚#豆豉鯪魚油麥菜 - #豆豉鯪魚 嘅油香正好配合 #油麥菜 嘅爽脆質感，味道唔會太齋，啱晒鍾意食濃味嘅朋友仔😉✨滋潤甜品#桃膠蛋白杏仁茶 - 手工製嘅杏仁茶好有口感，配埋 #桃膠 一齊食，夠晒滋補呀😚#法式焦糖燉蛋 - 脆脆嘅焦糖皮，跟滑滑嘅蛋漿一齊入口，口感大滿足❤️餐廳整體服務同食材都好有水準，而且價錢平民化，附近商場林立，啱晒一班朋友做聚腳地呀！
繼續閱讀
🏟️啟德體育園開咗之後多咗好多餐廳，身為啟德人嘅我當然都要去發掘吓有啲咩好食！有一間酒樓喺啟德園零售館2，見佢價錢抵食，裝修環境又非常唔錯，就試吓呢間先😆其實佢係名苑酒家，之前喺唔同區都有見過佢，不過就一直都未試過。♡紅燒脆皮乳鴿（買一送一） $68❥依家做緊特價優惠有乳鴿買一送一！$68有兩隻！幾乎見到每一檯都有Order😆 佢哋嘅乳鴿燒得超好，皮脆肉嫩，而且有一個甜甜地嘅醬汁同埋椒鹽提供，當我以後想食乳鴿嘅時候一定會諗起呢間酒樓🥰♡即燒脆皮燒腩 $88❥個皮燒得真係非常香脆，肥瘦分布平均，價錢好抵食，值得一試！♡香茅胡椒焗海中蝦 $128❥每一隻蝦都好大隻，而且好彈牙，胡椒嘅香味非常惹味，我個人喜好如果佢加埋粉絲底就仲正😆 一份有八隻蝦份量非常足！♡蒜蓉蒸勝瓜 $68❥唔係度度都有蒜蓉蒸勝瓜，但係每次見到我一定會Order！勝瓜好腍蒜蓉好香，好好味！✰兩個人食咗四個餸，叫埋白飯啱啱好，成餐都係三百幾蚊好抵食！仲平過我哋啟德屋村商場嘅酒樓呀😂 以後一定成日過嚟食啦😌
繼續閱讀
今日做野好忙，放Break時間要去到3點幾，還掂OT走唔甩, 一於同D同事落樓飲個靚茶.通常就嘆西式下午茶，食個炸脾飲杯奶茶，但其實既然今日都有排忙，咁不如食豪少少, 就決定去飲唐茶啦。中式酒樓黎講，呢間真係好開揚又企理，採光度十足之餘，落地玻璃仲望到成個啟德體育館個場景，真係好舒服！而家下午茶仲有全單8折優惠，早茶都有7折，呢個價錢真係好抵食！原隻鮮蝦燒賣皇 ($45)蝦肉爽彈，燒賣皮薄餡足，鮮味突出， 雖然得三粒，但係比起一般嘅燒賣大隻好多，值得一試！ 蟲草花濃湯鮮竹卷 ($35)個湯汁香濃，蟲草花加左d口感，鮮竹卷吸滿湯汁之後味道豐富。 鮮蝦蟹肉菜苗餃 ($40)皮薄透亮，蝦蟹肉鮮甜，菜苗清爽。 千島脆蝦角 ($40)外皮酥脆，內餡蝦肉扎實，點埋千島醬更開胃。順德煎鮮肉蓮藕餅 ($40)煎得好香口，蓮藕粒增添爽脆感，肉餅調味唔錯，好有家常風味。 海皇煎鹹薄罉 ($40)外脆內軟，鹹香惹味又大份，推薦中意香口小食嘅人。 瑤柱蔘菇炆伊麵 ($88)伊麵吸盡瑤柱同菇香，醬汁濃郁但唔膩，份量十足， 一班人share啱曬。
繼續閱讀
👧🏻😋👅🍽✨啟德好食超值靚裝酒樓🙏🏻-🥢 呢間酒樓喺香港已經20年，啟德新店比印象中嘅名苑裝修靚好多，樓底高、座位寬敞、落地大玻璃有靚景日落🥢 暑假期間仲做緊$168冬瓜盅孖寶套餐超級抵食，冇誇張係每一枱都有叫！全日茶芥一律$8，就算單點價錢都非常相宜，而且份量十足▪️暑期冬瓜盅三選一孖寶 $168🍲 原燉瑤柱海皇燉冬瓜盅：大量蝦仁同瑤柱超級足料，個湯鮮味得嚟味道天然，加上野菌同蓮子更清甜，冬瓜仲好腍好入味🐟名師黑醋香脆原條黃花魚：大條厚肉，皮脆肉滑，黑醋酸甜平衡大大提鮮▫蟹籽蝦球粉絲煲 $108🦐 鹹香帶似XO醬嘅微辣鮮味，蝦球彈牙爽滑，粉絲乾爽配蟹籽好鮮甜▪️脆米海鮮粒泡飯 $98🍲 個湯做泡飯呈奶白色有米香，蕃茄同粟米粒令湯底更清甜，泡飯同脆米令口感更豐富▫風味香酥肉排 $88🐖 類似椒鹽，但味道比一般大排檔小菜內斂好多，食落會Focus咗喺肉排嘅鮮味，少少偏肥但非常討好，多吃不膩
繼續閱讀
昨日在啟德零售館預約了一間精品粵菜館 名苑酒家，品嚐到精緻粵菜好好吃大師傳統片皮鴨🦆晚市期間做緊$88半隻，每一隻片皮鴨都脆皮、嫩肉多汁🤤配以醬料、黃瓜條、山楂片、將鴨肉和配料包輕輕一捲，滋味無窮！柱脯煲淋黑毛節瓜 選用黑毛節瓜，燜煮至軟淋入味、夠健康清甜意大利黑醋骨 黑醋的酸甜開胃，肉嫩醬汁濃郁！桃膠蛋白杏仁茶甜品滋潤真材實料杏仁味十足另外見中午三點前見有乳鴨買一送一， 下次中午都帶埋媽咪來飲茶先！
繼續閱讀