名寶石餐廳

營業中

休息中

豪氣地叫個大蝦配豬味道唔錯但少貴.Lavishly order the two hundred and six dollar ish dishes. Quite good but admittedly quite expensive.

好彩朋友訂左位，所以等十分鐘就有位。這餐廳樓高兩層，今次訂位可以坐樓上睇街景。兩人各自叫一個餐，價錢唔算平，平均二百幾一個扒餐，但份量真係堅大又多，我見到其他枱係分享黎食的。我就叫羊架加薯菜，有餐湯，餐飽，餐飲同甜品，餐湯有紅白湯，我當然選羅宋湯啦，足料味濃，餐飽軟淋淋的，加上牛油點羅宋湯好好味。羊架上枱好大碟呀！分享左一塊比朋友，夾硬搶返件牛柳！羊架好香，唔加芥末都好好味。朋友件牛柳好香牛味，薯角剛炸好的，份量多，但竟然清碟。加杯凍檸茶，回味中。朋友叫牛柳餐加飯。朋友話，當然好味啦，次次都會叫返同一個餐。佢個餐雖然加飯，但都好多粟米。總結唔算平，但質素唔差又大份，長龍係有原因的。

以前常常路經這裏，始終沒有來一試。下着微雨的今天，正好還未食晏，又剛好路過，心頭牽動，決定一定要嘗一嘗。下午茶餐都唔平，仲要加一。但原來物有所值。 😘在樓下看的餐牌，竟然只是冰山一角。翻開正式餐牌，竟然看到有鵝肝炒飯，嚇了一跳，這當然要試一試啦。雖然啲鵝肝切到好細粒，但係成個炒飯炒得好均勻，而且豐腴的美味 。在味蕾久久不滅。邊有人會諗到下午茶餐，竟然有鵝肝炒飯呢。 😂😂😂( 我諗一定係鴨肝，唔會係鵝肝，一定係，除非唔係。)連咖啡都很好喝呵。服務也超窩心，非常體貼。 😘

跟幾年冇見的舊同學撞入老牌名寶石餐廳食午餐，其實午餐價格比附近的都高一截，為什麼昵？($98起仲要加一）我倆不約而同都叫了午餐的咸牛脷，我叫薯菜佢叫飯！我個紅湯料好足，除什菜外還真的有牛肉，扁酸的番茄味加埋剛剛好！最緊要配個熱餐包，就因為佢我先叫薯菜唔叫飯！三大件厚切牛脷夠淋好味道，喜歡牛脷的要試一下！食完夠晒飽～最緊要係叫餐飮時，侍應問我們要啫喱定布甸，當我答啫喱唔要奶時，一鼓舊情緒湧上心頭，新一輩的未必懂此即時回應的order吧～

名寶石餐廳是歷久不衰的長青，第一次食的時候已經留下深刻的印象，數一數手指，已經好幾年冇幫襯，宜家又會變成咩樣子呢？我地分別叫左兩個餐share黎食的，首先，似足圓圓碌碌的餐包？似蛋糕仔吧？外表好看，但沒有以前的鬆軟感羅宋湯勁足料！好多牛肉粒架！姊妹飲既，她話好飲！焗牛肋骨，需半小時制作，搬上來時驚呆了，因為實在太大份，切下來的滿足感好正，雖然一定係全熟，但肉質不硬，軟腍好食！鵝肛配牛柳：牛好吃到不在話，鵝肛入口即融的口感令人印象深刻，我地舉哂挴指話正！最後再來餐飲及甜品，工作人員意外的好禮貌，份量多，埋單$3xx/人，這裡除了食氣氛及港式傳統外，味道也不錯！

呢一類懷舊扒房買少見少，所以我多一陣佢完全消失之前去食多幾次。我好鍾意呢一類嘅餐廳嘅原因，好大成份都係因為佢哋個紅湯做得好好飲。配埋麵包同埋牛油食，有時會比主菜更加出色。 個紅湯入面配料好多，睇得出係用心煮而唔係罐頭。講返個主菜我今次叫咗rib食，上菜嗰時見到佢好大份都知一定食唔晒，所以推介大家如果想食呢個rib既話就最好share食啦。主菜係有得跟飯意粉或者薯菜，配埋嘢飲一個人都係百零蚊上落。只可以話CP值好高

因為阿頭"拔搶"，都要錫住佢荷包架，哈哈，不過佢唔介意，就揀左呢間與同事聚餐。之前已聽說呢間既價錢都唔平，閒閒地每個餐都要成$2xx，不過每一個餐都比足呢個價比你。我就點左牛扒餐，餐飲阿頭話一定要試羅宋湯，咁就聽佢話試一試，真係好正，好濃, 好足料。再加埋個餐包，呢個餐包唔係其他餐廳既一般餐包，佢好似成個蛋糕仔咁，好特別。主餐終於來到，我真心嘩左一聲，塊扒大過我塊面阿頭又share左佢個蟹蓋飯比我地，真係飽到上心口。不得了，下次我要帶埋老公黎試下先得勒。

很奇怪这间餐厅经常出现排队人龙，价格不便宜，但胜在水准稳定，我喜欢这里的罗宋汤，用料丯富，味道浓郁，份量十足，热辣辣配上美味的餐饱，另人感到十分满足，通常作为餐前汤饮，已经饱了一半，更为套餐加了不少分数。

名寶石餐廳我係由細個幫襯到大。咁多年嚟，佢嘅餐牌、裝修同侍應都變化不大。當然10年前佢已經要百幾蚊一位，10年後嘅今日加到二百蚊絕對不足為奇。記得以前門口有一部自動彈奏嘅鋼琴，係佢嘅標誌，而家因為唔再流行已經無咗，有啲可惜。今次預約咗地下，卡位可輕易坐到6人，我哋4人入座更加闊落。如果無book枱就要上二樓排隊。今次試試新意思，叫咗一個烤牛肋骨，講明要等40分鐘的。上枱大家都好驚喜，手臂咁長嘅牛肋骨實在唔多見。搽上蜜汁入焗爐慢火燒，做到slow-cook嘅效果－裡面大部份已經熟透，有啲位係有小小粉紅，但依然軟嫩多汁。將舊肉起出嚟切片，好似食緊牛肉叉燒。加上黐骨肉零舍有牛味，大家都覺得滋味無窮。

呢晚同一班友人約十個人黎左名寶石餐廳食飯～餐廳有兩層，我地被安排坐上層中間既位置用餐。一入餐廳已經見到侍應個個著哂西裝，俾人有一個好專業既感覺打開餐牌見到每個餐都有湯，包，主菜，甜品，野飲～其實價錢都唔平.... 一個set dinner要百幾二百蚊我地十人叫左九個餐share,不過我就冇每個餐影哂相...最記得叫左個沙律但係就唔係咁抵，百幾蚊得好細碟其他餸就中規中舉，味道都唔錯～侍應都有不斷加茶，不過我地未食完佢地就想收我地d碟

同朋友約咗去呢間名寶石餐廳食晚飯，大家都係第一次嚟，不過朋友好醒咁一早book定位，所以去到唔洗等位入座！叫左份羊架，好好味煎得好香，配埋荷醬一流👍👍牛排5成熟，真係剛剛好5成熟架👍👍佢啲薯角直得一讚👍👍👍好鐘意食😍😍仲有佢個牛舌意粉，（我唔食牛舌架）朋友表示好味😄😄最後仲有芒果布甸做甜品🍮三個人嘅晚餐食左五百幾蚊

小時候去過，印象深刻，那時候是我們高級西餐的其中一個選擇。趁去花墟買花，順道下午茶。一看餐牌，下午茶餐索價 $70-90，嘩，有點貴吧，比尖沙咀銅鑼灣的午餐價錢也高吧。結果食物一到，物超所值！即叫即做，新鮮熱騰騰。足料，入味。麵夠爽口，沒鹼水味。湯底夠味，咸淡適中。豬排夠稔夠脆夠大件。不會太肥，是豬柳。雞又香又滑，少少咸，配麵夠惹味。跟麵有菜，份量也十足，夠大方。咖啡夠香濃。而且服務十份好，地方又夠寬闊。

今日係農曆七月初七七夕情人節,所以收工就約咗阿肥出嚟撐下枱腳。其實由細細個嘅時候已經見過呢間名寶石餐廳架喇,不過做咗幾十年人都未嚟試過...因為每次經過見到門口都未試過有人,一直都以為係冇人嚟嘅🤭但時至今日佢都仲健在,所以就有個想法要嚟試下喇💡一開門:嘩!!!乜咁多人嘅?原來要上去一樓度拎籌等入座,而上面同下面都有一炸人喺度等緊位,我哋見都係等十個號碼左右姐...同埋大家喺呢度都聞到一陣好香嘅味道,就決定等一下,呢度都幾好,有好多張櫈喺門口位置俾客人坐低等位,唔怪得之出面一直以嚟都冇人啦。等嘅時間一啲都唔耐,可能有啲人餓得滯或者俾等位嘅人數嚇親啦,所以有兩三個號碼都走咗,變相我哋等嘅時間一啲都唔耐,大約十分鐘左右就輪到我哋喇✌🏻 裡面嘅地方都幾大,裝修乾淨光線充足,環境同舊式扒房無異,座位亦都坐得舒服,如果坐近窗邊嘅話仲幾有情調添。睇咗一輪份餐牌,我決定叫一個焗釀海鮮蟹蓋飯套餐,而阿肥就揀咗個紐西蘭肉眼扒套餐。套餐會包括餐湯＋餐包,咖啡或茶,仲有甜品。 個餐包有塊蛋糕紙喺底包住,附牛油,個包係熱嘅,個包皮亦都會有啲啲脆,係一個高質嘅餐包,估唔到餐湯嚟咗都好有驚喜,我哋兩個都叫咗羅宋湯,

今日既lunch 食左好似無食咁，男朋友話要帶我黎食好西，食埋lunch食唔夠個份。雖然係平日，要等位。未食過呢d舊式西餐廳，未入座周圍八下，呢度有上下兩層，除左有好多後生仔黎食，仲有好多老一輩既老友記黎食，唔知係咪咁岩得咁橋，發覺d侍應好細心，老人家通常都安排坐樓下，唔駛上落樓梯，呢點好值得讚！唔係等左好耐，一坐底就叫野食，紅白湯同餐包好快到。紅湯，無特別。白湯驚喜，不嬲對餐湯無乜期望，但呢個湯堅多料，唔會杰到一pat pat, 飲完覺得唔夠喉。餐包見個樣脹卜卜就知好野，仲要熱熱地，鬆軟好食，不過怕食唔落主角唔敢食晒。焗釀海鮮蓋飯樣係靚仔既，不過味道不如外表靚仔，內裏既蓋飯唔覺有蟹肉同無乜海鮮味，味道一般。蟹籽加埋一齊食加番d分，不過咁多蟹籽好邪惡呀，唔想同膽固醇做朋友，食少d。最想既黎喇燒美國牛肋骨大件到呢，個大件過我把刀，我唔客氣喇。食落味道好正，外面似係搽左蜜糖，甜甜地好juicy，肉熟左d，但肉質依然嫩滑。太大舊，好努力都係食唔晒，可惜無意識到可以打包，浪費左美食。。

這是一家令人回味的老店，我不是常客，但可說是個老客，定期會來懷舊一下，每次必吃鵝肝七八十年代的裝橫，身穿懷舊西服的老伙計，依舊令我有著坐時光機的感覺，彌漫著上一輩的情懷。環看四周，青春少艾，寮寮可數。公公婆婆，叔叔阿姨，處處可見，開懷暢飲，聚首一堂。我一向都是假期到訪，每次都坐無虛席。這次選擇平日下班時間，怎料不比假期遜色，仍然熱鬧非常，不早來恐怕要等候入座。餐包軟綿綿，暖笠笠，有幸福的感覺，令人份外開胃忌廉湯味道香甜，湯料十足，不會太稠或太稀身，味道濃郁，十分豐富的口感，很滿足煎鵝肝配牛柳我的最愛只要想吃鵝肝就自然會想到名寶石，可能香港沒太多地方賣鵝肝吧，通常吃自助餐才吃到，有些還以鴨肝充當。名寶石的鵝肝不是特別大件，但勝在厚身，而且煎得剛好，不會太油，不會太乾，十分香口，表面還會煎得薄脆，是很高層次的享受另外的煎牛柳，我選了7成熟，友人選5成熟。店員不小心掉亂了。起初友人吃了7成熟的也沒發現，不覺口感太韌，還繼續吃得滋味，後來我切開5成熟我牛柳才發現掉亂了。牛柳即使煎至7成熟也不會太韌，沒有咬不斷的筋，所以不黏牙，以大火煎香，鎖住了肉汁，咬下去肉汁濺入口裡，十分滿足芒果布丁加花奶這