名寶石餐廳

營業中

休息中

同朋友行完街唔知食咩好，行過呢間既裝修復似舊式茶餐廳，咁就黎個懷舊晚餐啦。叫左煎雞扒配薯菜，雞扒份量都幾多，有三塊。煎得香口，又唔會太咸👌套餐有餐包同西湯。好似無食過呢款餐包喇，而且仲有整返熱，熱辣辣，超香牛油味呀！最後仲有甜品，係啫喱，仲有花奶。都係細個成日食，真係超懷舊。

每一次知道自己將會去名寶石食飯，內心都總會出現一份莫名的開心與興奮，雖然每一次去都差唔多食相同的食物，但依然會充滿期待，嘻嘻！由頭盤食到main course 再食埋甜品，每次都要真係抱住個肚腩走人，suggest 著件over sized 衫去食今次坐落下，D員工動作好快手好肯做

週日到名寶石餐廳吃下午茶餐點了兩個餐, 一個是咸牛利沙律,另一個是牛肉炒麵先說前者,咸牛利共有四大塊,而且都是厚切,配上醬汁更好味，薯仔沙律也不錯炒麵也有很多牛肉😍味道很好👌下午茶餐跟飲品, 點了熱奶茶,茶是用鐵壺上，奶另上,倒出來慢慢喝整整有三杯之多，讃

呢到安排座位都好快 客人唔使等太耐 叫咗個忌廉湯都幾足料下同埋牛肋骨真係好誇張份量好多同埋脂肪分布得好均勻呢個值得一讚個醬汁就比較甜食物幾滋味 牛柳都幾好食肉質鮮嫩 下次可以再嚟食過食物價錢中上

是咁的，呢一日有朋從遠方來，因為我朋友係ABC黎，所以我就帶左佢去試下我地既港式扒房我朋友就揀左個三文魚扒拼牛柳！我自己就揀左個鵝肝拼牛柳！薯角非常脆口！鵝肝煎得啱啱好外面夠脆又冇煎燶！係呢間餐廳都食個幾次，叫牛柳一定要有技巧！我自己係食7成熟的！但你要同個侍應講，（我要5成熟），最後就會變左7成，如此類推！BTW 呢個叫法要睇情況，睇下多唔多人！呢d可能就係港式扒房既BUG🤣呢間餐廳，我認為最出色嘅都係呢個忌廉湯，材料非常豐富！你每筆一啖湯飲，都係有料係入面！大家都西式湯一般都係暖暖地，但呢碗夠晒熱！正

我好少寫食評，但今日一定要同大家講名寶石有咩問題，唔想其他人嚟食到一肚火 其實名寶石既食物質素還可以，但服務強差人意。有位銀色短髮查紅唇膏既女侍應簡直係害群之馬！佢既服務態度極度惡劣。各位如果想食餐安樂茶飯，見到佢就唔好幫襯啦！多客人、多野做，侍應都絕對唔應該以粗言穢語辱罵客人掛？嚟呢度唔期望有五星級服務，但無諗過名寶石既服務差成咁。奉勸大家唔好貼錢買難受。食物質素幾好都無用，服務差成咁，幾好食都補唔返呀

經常經過門口， 都高朋滿座。 今日專登入去試下 ，好彩今日有位。呢度嘅湯好特別， 無論係忌廉湯定係羅宋湯 ，都好濃好多料， 唔同出面水汪汪。 個羅宋湯裏面仲有好多菜好好味。 雖然餐包只係一般嘉頓貨色， 但都熱辣辣嘅濃湯特別開胃。牛柳拼大蝦份量唔係太大啱啱好。 本來要咗五成熟，但係呢度係七成 。好彩牛柳本身都好淋， 冇食柴皮嘅感覺。 蝦肉都幾實幾甜，雖然肯定係雪藏蝦，但係都交足功課。烚豬手嗰份量就大咗啲，如果一個人食有啲吃力，兩個人又似乎唔夠。 但其實個豬手都唔錯 ，唔係太鹹， 啲肉都幾彈牙。 不過唔明點解跟個泰式酸甜汁， 不倫不類。可惜餐廳啲位太迫， 隔離位講乜都聽到，差唔多以為係識嘅咁。 樓底又矮 ，形成個環境好嘈雜 ，想坐多陣傾下計都唔得。

又一城睇完戲...今次吾再想商場揾食…就走去太子…睇吓有冇新意思…毫無目標咁逛…路過【名寶石餐廳】…朋友就話不如哩間…上到2樓...有客人要等位喎…以為都要等吓…點知即時有張靠窗2人枱…望街景添!!...感覺太走運了!...心情大好啊!食客迫爆全場…多家庭樂或一班朋友的…對餐廳餐牌服務員o既感覺…就係老牌港式西餐廳款…好快我地就揾到兩個心水套餐…落單………餐湯 羅宋湯…材料足、夠滾熱…餐包軟熟…跟著尼碟鵝肝炒飯…賣相平平…就只似係雞蛋炒飯+面頭大量炸乾蒜…鵝肝呢??...整碟就挑得出兩, 三碎粒…細過綠豆…丁點味道都冇耶!!...收費$148…當然吾會諗住有兩大厚片鵝肝响飯面…但都不至於齋炒飯一樣的吧?!...忍吾住要找經理反影吓意見…還好經理先生接受及理解…退回廚房請師傅加料再炒!!...翻炒過o既顏色食味都對版好多...!!...經理先生亦有前來問滿意與否!!...就容佢當”一時失手”吧!!而蟹蓋焗飯…賣相真有D messy!!  其實真冇乜蟹肉…只靠上面一堆蟹籽充場面…蟹蓋裏面全塞白飯…$188…………實在………甜品選左…芒果布丁…可以…餐飲咖啡…不用期待

約朋友去花墟買鮮花和盆栽，順便一齊食晏。 久不久就想去懷舊嘅餐廳，所以去，分兩層，樓上是雅座，先到先得，坐滿就要排隊，因為太多客人，一般只可以坐個半鐘，就要埋單交枱。我一早訂好枱在樓下，因為樓下中午時份，是可以接受電話預訂的，地方少少，好靜又坐得舒適。午餐主食我們兩個都選了焗豬扒飯，豐富蕃茄醬汁和豬扒，鋪滿整碟飯，豬排肉質鬆軟。羅宋湯有牛腩粒和雜菜，忌廉湯有魚肉粒，可配麵包或多士。啫喱加花奶~是兒時的味道~~

今日同爸爸媽媽黎名寶石餐廳食午餐'🍽🥘🥘🍲點了三個午餐牛脷飯~ 牛脷軟硬適中'好味芝士牛脷三文魚焗飯~ 三文魚牛脷夠淋 焗嘅時間啱啱好🤗🤗🤗香煎牛仔骨配薯菜~ 牛仔骨肉味濃' 份量多' 煙韌適中羅宋湯~濃香'美味🤗🤗🤗忌廉湯~ 多料, 味濃'正環境舒適' 價錢略高但物超所值

每逢放假去完花墟，總會到名寶石餐廳坐吓。這裡經常排晒隊等位，皆因食品有一定質素，尤其黑椒牛扒，肉質厚而多汁，五成熟份外嫰滑，份量十足，點上特製黑椒汁，更能突顯鮮味，稱得上超正牛扒。

之前同男朋友提起想食牛排 我話上次睇電視見到e間扒房係情人節好full 同埋望洛野食好吸引所以我地就過左節日先黎試試反正聽日就係3.14白色情人節 更加有提早慶祝既理由啦今晚我訂左19:30pm但係我19:00 就到左 所以都要等5分鍾左右安排入座個時個場都起碼8成滿安排到座位之後佢e d 餐具同牛油早就擺設好先上佢地既杯装餐包 仲有少少暖意 入面好鬆軟 食起黎有少許甜味 唔錯~我男朋友飲既係白湯 原來入面有素翅嫁 幾特別呀我就飲羅送湯 入面介仲足料呀所有蔬菜都吸曬d湯汁 羅白個d 係勁淋 所以你會知佢餐湯煲左好耐所以d蔬菜先錦淋 好正p.s 有朋友話返比我知 除左白湯同紅湯 仲可以簡牛尾湯 下次一定耍試下先.檸茶既特別之處就係佢攏檸檬好似要擺到成朵花錦 唔同出面茶餐廳直接放入面錦樣更加賞心悅目主角黎啦我叫左個西冷牛($228) 份量算好大 薯角係又脆又熱 蔬菜就甜甜地 唔錯 食一口肉食返一口菜可以解'利' 西冷我叫左5成 真係剛剛好 出面煎得好靚 入面食洛淋身 好有牛味 成件牛真係 肉質厚 肉味濃 食唔到有醃製既味道  口感一流!我男朋友就叫左燒美國牛肋骨($298)佢個個仲正 燒到

公司周年慶祝揀咗依一間去食，即是一早預訂，都等左差唔多20分鐘先可以入座，佢嘅出面排滿晒人，入到去坐，啲位好迫，打開份Menu，每個餐起碼$150 或以上，午市來講比較貴，叫咗佢個焗釀海鮮蟹蓋飯，其他嘅同事叫咗西冷牛扒，粟米焗斑片飯。我飲咗佢個忌廉湯，好好飲🥰，啲餸嚟到勁大份，差唔多每個人都食唔晒，食完飯仲會送甜品，我哋叫咗啫喱，同埋芒果布甸，佢哋啲服務員質素一流，雖然年紀偏大，好有禮貌，最後人均消費$200

老老實實說說，牛扒的質素真的一般，沒有驚喜，屬於舊式的扒房，價錢有點偏貴，薯菜尚算豐富，懷舊啫喱個賣相算係一點補償，味道自己屋企整可能仲好味少少😂因為呢個價錢可以有更好既選擇，有點名過於實。不過朋友說一試無防，所以就真係一試吧😂環境尚算舒適，樓高兩層，其實懷舊一下也有可以作一點心靈雞湯吧❤️其實地方裝修懷舊可以接受，但係食物味道懷舊就接受唔到啦真心一句，食物材料一定要進步改善一下啦，地點位置又唔差希望可以認真研究一下食物質素⋯⋯⋯

呢幾日有啲想食牛扒餐，所以突登book位食，下次食都一定會再book位，因為唔book位既話一定要等位，等位位置又唔舒服比較迫。間餐廳佈置都幾懷舊，坐低左之後，其實都比較迫，枱同枱之間係冇乜距離。我同朋友都點左西冷扒餐，有餐湯，主菜，飲品同甜品。而主菜我跟意粉，朋友跟薯菜。西冷扒一上，塊扒超大塊又厚！塊扒都幾林又唔會un，味道好食，把刀都幾好切。食完超飽既牛扒，仲有個好懷舊既啫喱加花奶，超滿足呀！👍🏾