名寶石餐廳

營業中

休息中

復活節長假，蜜桃小丸子又要出外覓食了！今日來到位於太子的名寶石餐廳，一聽名字，大概估到餐廳開了一段時間。的確，餐廳有少少歷史，據聞住太子道西的老闆都喜歡來這兒用餐，當晚六時左右到達，已經頗多食客十分熱鬧，可見餐廳雖然走懷舊格局，但食物相信有一定質素。餐牌選擇十分豐富，牛扒、豬扒、羊架、雞扒、鵝肝、蝦魚、沙律都有，最好是它有不同的組合，梗有一款岩心水。講返食物先，羅宋湯係超級好飲。係街到平時飲嘅通常都係明顯嘅蕃茄溝蔬菜，一味得個酸字。但我可以好肯定話你知，嚟名寶石一定係飲羅宋湯，足料之餘，清楚見到佢係落足牛肉去煲，每碗都起碼有一兩件牛肉，佢嘅酸係好自然好香，十分美味。唔夠位放相，我地叫咗個牛肋骨，燒得剛剛好，外皮充滿焦香，肉質均勻夠嫩，唔會太肥膩，份量好大幾個女仔食都好飽，正！😋😋😋豬扒飯都好yummy，完全唔係街到個啲味道，啲豬扒整到好嫩，個汁似燒汁好香，啲飯係一粒粒嘅，好優秀！甜品必叫係芒果布甸，奶味較濃，好岩我！杯凍檸茶好足料，起碼有四片新鮮檸檬，唔係平時有啲暗暗地色唔知放咗幾耐嘅，好好飲。整體而言，用餐經驗愉快，侍應都好有禮貌，美中不足可能係人手有點兒唔夠，因為實在太多人幫襯，所

平時我都好少來呢度食嘢，係間唔中一年一次咁，因為我唔食牛，所以對於扒房其實興趣不大。😅😅😅 不過今次星期一難得放假，朋友仔就Suggest 來個Breakfast Meeting...🤣🤣🤣 okay, 見你咁掛住我，一早起身就要見我，好啦，應承你啦，雖然要我放假早起🤣🤣🤣🤣約左9:30am , sorry 遲到😅😅 起唔到身again🤣🤣🤣 一來到己經坐滿左7-8成人，真係好誇張，今日係weekday 喎，都咁多人，好嘢好嘢👏🏻👏🏻坐低睇下食乜先，一拎起手，$70/$75/$80/$82 ..... 有啲雙蛋火腿粉，有啲魚柳/雞扒/牛扒配粟米薯條，老實講句，早餐來講一啲都唔平，我朋友話呢度牛扒早餐okay, well well well, 我唔食牛㗎😰😰😰之後朋友話呢度啲魚都唔錯，okay 咁就試下個煎魚囉，本身我想配薯條粟米，但又好肚餓下，所以叫左個米粉加$8 .....一個set 包一杯juice ，橙汁，蕃茄或西柚，我就揀左杯橙汁😋😋 ，仲有烘toast , 幾好食。朋友份牛扒米線先來到，雖然話係薄切但係感覺一啲都唔薄， 不過我無影相😅😅😅之後到我個煎魚柳，得一條，好似好細咁😩

食物價錢越嚟越貴, 但價錢與質素又不成正比。另外這間餐廳, 我由細食到大, 都無限時, 諗住可以坐耐少少, 可以同朋友傾陣計, 但今日食食下野時, 有個講廣東話不太純正嘅 waitress, 突然攞張單埋嚟, 要求埋單, 話已夠個半鐘, 夠鐘交枱, 我即時打左個突。 這間餐廳一直吸引我番去幫襯, 就是不限時 , 我能夠有機會同朋友傾多陣計, 但而家連這間老字號餐廳都開始限時, 我諗我會少啲再去幫襯呢間餐廳。

新年前去左食太子懷舊餐廳, 一試難忘, 所以又再去, 就是名寶石餐廳, 而家呢種餐廳買少見少, 大約百幾至二百幾蚊一個餐, 抵食夾大件, 份量足之餘又好食😋😋, 唔怪之得成日要排隊啦。一個餐有齊甜品餐湯麵包仔餐飲, 餐湯亦係非常足料, 白湯係自家製嘅有魚翅㗎, 重有是甜品就是芒果布甸, 令人有種懷舊的味道。煎肉眼牛扒 - 見左嘩一聲好大件, 而且牛好Juicy咖哩三文魚頭腩配飯 - 份量充足, 味道惹味煎鵝肝伴牛柳 - 牛好Juicy, 鵝肝煎到好香脆紐西蘭西冷牛扒 - 熟左少少, 所以肉質有啲榎Château de l' Aubrade Bordeaux Supérieur 2018Castillo De Tafalla Garnacha

疫情下好久沒出來聚餐！今晚豪一豪佢！扒大蝦伴肉眼牛扒（$268）～牛扒同蝦夠大龍蝦🦞尾伴極黑椒牛柳（$278）～扒比起肉眼扒細好多不過質素都比起肉眼扒好反而龍蝦🦞尾有點遜色偏亁！目測應該大蝦好啲不過唔太明點解叫「極黑椒」咪又係普通黑椒汁😅兩個餐有跟餐包+餐湯+餐飲+甜品（芒果🥭布甸/啫喱）！值得一提，龍蝦尾個餐可選周打魚湯夠熱足料

疫情下很多生活習慣改變了，線上上課、外賣抬頭、lunch做節、午餐鋸扒今年做冬我們選了太子的名寶石餐廳，可以鋸扒，可以食飯，仲有啫喱食。感覺午餐和晚餐的選擇不是差很多，價錢則便宜一點。紐西蘭牛肉眼扒肉眼不算多筋，五成熟真係五成，可能碟上的關係比較易控制。人大了，突然覺得鐵板有點浮誇😝焗芝士時菜石斑飯份量足，石斑沒有茶餐廳那種雪藏味👍🏻蕃茄牛脷飯汁和牛脷都很足，滿到瀉，牛脷鬆滑不韌，很入味，有點咸最後一提餐湯，羅宋湯很足料，一飲就知這餐坐在西餐廳定茶餐廳。離開的時候開始有人排隊等位，來午餐也是先訂位比較穩陣，否則排完都無心機食呢。

今日下晝去咗太子，路過見到間好熟悉的餐廳「名寶石」，就入咗去嘆返個下午茶。我點了一個咸牛脷沙律，牛脷肉質細膩，加入燒汁，味道更多一層次，慢慢融化入口中。再配上鮮果沙律，輕盈又滋味。

平日兩點左右去到都要等位，等咗15分鐘左右就有位！同男朋友叫咗兩個餐，叫咗一個咖喱牛肉飯（午餐）同埋一份西冷牛扒！好出名嘅名寶石忌廉湯，入面有超多料，有粉絲火腿冬菇個味道都唔錯！😋咖喱牛肉飯正常，都唔算特別好食⋯呢個紐西蘭西蘭叫咗五成熟，個賣相都唔錯，但食落去就冇乜牛味同埋仲食到有羊膻味🤦🏻‍♀️🤮（最憎呢隻味）唔知係咪佢啲牛扒同樣扒會放埋一齊，所以食咗幾舊之後已經唔係好想食⋯呢碟野仲要二百幾蚊，真係有少少失望😟最後跟餐會有兩杯飲品同埋甜品，我哋叫咗一杯凍咖啡同一杯凍奶茶，點知嚟到個杯已經好細，啲飲品仲要係唔滿😓即係飲兩啖已經冇晒😀然後個甜品就有啫喱或者芒果布甸，味道正常。總結來講個人覺得唔係好值得特登嚟試，以呢個價錢係出面可以食到更加高質素嘅午餐⋯

這個早餐很豐富，一杯果汁（橙汁、蕃茄汁、西柚汁，可供選擇），烤過的多士，外脆內軟，加上牛油和士多啤梨醬， 10分好吃。他們的早餐選擇很多，今天我選擇了牛脷芋絲，並吩咐牛脷要煎香，另外上。牛脷被煎得香脆，外脆內軟，配上了醬汁， 十分好吃。芋絲湯底清甜，並配上了西生菜，比較健康。這麼美味的早餐，怎能少了一杯香濃的咖啡呢，咖啡和牛奶是分開上來的，可以配合客人自己的口味而下牛奶的份量和糖的份量，調配出一杯屬於自己的咖啡。

之前朋友介紹過，一齊去食過一次早餐之後，因疫情關係，唔敢出去食。但又好想好想再去食，終於飛甩吖仔，同老公去食。Mememomo，又食早餐變咗食午餐！我叫左煎雞扒拼大蝦，黑椒汁🐔塊雞扒煎得外脆內滑！🦐蝦一樣脆，爽口彈牙仲有蝦肓🤪老公叫左肉眼扒5成熟，洋蔥汁🐮好大塊好厚，但食落無咩牛味。都淋身既，唔係柴皮餐湯係羅宋湯，呢個唔叫做羅宋湯，其實係個羅宋汁(杰)，比想像中辣！我都係鐘意星河個羅宋湯多啲，但唔係難飲既。我係飲曬架！好似個蛋糕咁，其實係餐包！呢個OK好食。熱辣辣，加埋牛油。咬落去脆皮，內軟。期待下次可以早啲起身嚟食早餐🙈

話說下班給大肥婆鎖了大閘, 要自己攀爬鐵閘😂總算成功逃脫,跟三位舊同學,即係未來社會棟樑,食一個西餐,幸好有兩位在大公司上班的大忙人,八點三十分才趕到,其後去了名寶石餐廳,叫左個西冷掣排, 雞扒,同兩個肉眼排,紅湯酸得黎好好飲,岩哂我既口味,試左舊同學既白湯..入面好似有魚翅咁..口感一流..味道又唔錯既!兩碗湯都好好飲!肉眼排夠有肉汁,雞扒皮脆肉嫩😍蝦夠鮮可連殼食,我既西冷排都不黃多讓,真心好食!五成熟變七成熟都唔緊要, 因為完全保留左口感同肉質..口感同味道都係肉味,餐飲我檸茶都好好飲..茶膽真心唔錯!!布丁也不錯的說,哈哈!!而價錢係就係雖然貴, 相等於吃日式放題既價錢...但點都推介一試!!下一次想吃西餐,呢一間都係唔錯既選擇.有環境,有味道...今次坐2樓...感覺良好~

周末逛花市，再到名寶石，7:15pm一樓已全満座，生意意外的好。這次有備而來預先打電話訂了窗邊靚位。 推荐： 大蝦肉眼扒餐 / 龍蝦牛柳餐。 老式（港式）西餐廳，份量很大，大男人也足夠飽，對女士...可能會食唔哂。 牛扒七成熟ok仍＂嫩＂不會覺得＂鞋＂。大蝦／龍蝦也燒得好。

去花墟買花，順路拐進來，是一家老式餐廳，要沿著木質樓梯上來，很有懷舊風。 可惜靠窗看街景的幾個雙人座都被人留座了。點了下午茶餐。 芒果pan cake幾好酸酸甜甜， 招牌三明治份量足。 價錢稍貴，但製作認真，足料。好評！

今日機緣巧合下來到這裡晚餐，點了兩個套餐，分別是煎石班及牛柳配煎三文魚。每個套餐都配有餐湯，餐包，飲品及甜品。餐湯紅白湯各一，兩款湯都用了十足，羅宋湯很多蔬菜，酸辣度剛好。白湯十分特別，內里有仿魚翅，火腿絲，椰菜絲及火腿絲，很足料。煎石斑煎得十分金黃香口，外脆內軟，魚肉質地很扎實，沒有半點魚腥味，配搭的蒜蓉汁亦惹味，很好吃。牛柳點了五成熟，肉質鬆軟，牛味頗濃，份量亦很足。煎三文魚煎得很甘香，保持一定的肉汁。甜品方面有啫喱或者布甸供選擇，很懷舊的港式西餐廳風情。選擇了很久沒吃的布甸。芒果口味的布甸淋上了花奶，香滑。總括而言，這裡的食物質素不錯，有懷舊的感覺，價錢一點也不便宜，但都可算是物有所值。

話說又話市道差，一入舖頭見坐滿晒人，侍應見到我地2人都唔過來serve，咁我地唯有自己上樓上講真樓下同樓上真係差天共地，樓下燈光暗暗咁浪漫，樓上好似一般茶餐廳咁，好熱鬧好嘈職員安排我地坐入面角落位，隔離就是雪櫃然後我地點左餐，先上餐包，轉左用紙杯，味道好似同之前的餐包唔同左，一般左，2人share一個就無食了上菜，食物OK正當我地食食下，有個職員(唔知係咪老闆，無著制服) 過來要修理我隔離個雪櫃道門，咁其實對我無影響啦，之不過佢係咁瘋狂大力關雪櫃門，啲風係咁飛過黎== 唔係一次半次，仲要佢修理良久都未搞掂，有無諗過食客感受？有無必要而家整呢？有食客坐係度佢可以當若無其事，唔係咁做生意呀？佢又無幫我調位又無同我講唔好意思，當我透明咁，可能換轉第2個唔好老脾，真係會發爛渣，我咁鵪鶉緊係無啦，所以自己調去對面坐，然後有侍應見狀，幫我執啲餐具，修理果個人好似先發現我存在咁，同我講唔好意思== 見佢整完走左去，然後見個雪櫃比人開兩開，都係關唔到門，都唔知佢為乜，好心搵專業返黎整啦佢令我要寫呢篇野黎表達佢既唔專業甜品是啫喱，可以唔食，一般走既時候，全場full晒..