名寶石餐廳

營業中

休息中

🇭🇰 名寶石餐廳 𝕋𝕚𝕗𝕗𝕒𝕟𝕪 ℝ𝕖𝕤𝕥𝕒𝕦𝕣𝕒𝕟𝕥 @ ℙ𝕣𝕚𝕟𝕔𝕖 𝔼𝕕𝕨𝕒𝕣𝕕呢種港式懷舊西餐廳真係買少見少🥲花園餐廳雖然周圍有但質素愈嚟愈差，難逃時代嘅淘汰。今次去嘅呢間名寶石餐廳前身為「紅寶石餐廳」，喺1965年開業，好有歷史🕰️平日一家人臨時約食餐飯，唔需要太fancy但又有特色👍🏻呢到岩哂。特別介紹 𝐂𝐡𝐞𝐟 𝐒𝐩𝐞𝐜𝐢𝐚𝐥 𝐒𝐞𝐭 𝐌𝐞𝐧𝐮一個Set都幾多野食，先有餐包、餐湯、主菜及甜品。有D失望嘅係個餐包😢甚至可以話係因為個包先想嚟(唔係誇張)。想食個種餐包係好鬆軟有少少四方型，上菜前會係咁咦叮吓個隻，但得到嘅係at least放咗1日嘅紙包餐包🍞🔸 焗葡汁石斑配飯 𝐁𝐚𝐤𝐞𝐝 𝐆𝐚𝐫𝐨𝐮𝐩𝐚, 𝐏𝐨𝐫𝐭𝐮𝐠𝐮𝐞𝐬𝐞 𝐒𝐭𝐲𝐥𝐞 $𝟏𝟖𝟓同瓦煲上嘅葡汁石斑好大份又熱辣辣😍好香葡汁味真係流晒口水！除咗石斑塊，仲有薯仔同西蘭花🥦不過食落就麻麻哋，魚塊勁乾勁鞋😣白飯又硬又頂住個胃。🔸黑椒牛柳 𝐆𝐫𝐢𝐥𝐥𝐞𝐝 𝐓𝐞𝐧𝐝𝐞𝐫𝐥𝐨𝐢𝐧 𝐰𝐢𝐭𝐡 𝐁𝐥𝐚𝐜𝐤 𝐏𝐞𝐩𝐩𝐞𝐫 𝐒𝐚𝐮𝐜𝐞 $𝟐𝟒𝟖男朋友點咗黑椒牛柳🥩其實配菜好簡單，少量薯菜+粟米+烚菜，賣相麻麻。不過最驚喜係個牛柳！點

🍔食物質素：👍🏻👍🏻👍🏻👍🏻     💵價錢性價：👍🏻👍🏻👍🏻     📸打卡指數：👍🏻👍🏻 🪑環境衛生：  👍🏻👍🏻👍🏻👍🏻     🤵🏻店員服務： 👍🏻👍🏻👍🏻👍🏻fai 今日又黎到名寶石餐廳食lunch，不過今次過左12點無早餐叫，雖然lunch個價格貴好多，但野食都會唔同啲。餐包早餐餐包係配多士，午餐餐包係蛋糕麵包，冧冧地，唔會硬。餐湯早餐餐湯係淨白湯，午餐餐湯就多左好多配料，有粉絲同火腿之類，好足料，基本上食左前菜已經唔會肚餓。精選午餐- 煎羊架 套餐 ( $168 )精選午餐- 煎羊架 套餐有: 餐包、餐湯、羊架、薯菜、飲品、甜品，其實都好多野食，只係午餐黎講就算係食得貴左啲，不過今次煎羊架幾得意，佢煎到外層脆脆地，唔知係overcook定係style，不過又唔影響個味道，又幾好食，已經羊肉好濃，但又唔羶。鵝肝炒飯 套餐 ( $108 )如果當佢淨炒飯真係好好味，粒粒分明，已經好香，可能落左鵝肝，油香都特別濃，不過當佢鵝肝炒飯，真係完全無鵝肝味，有期望有失望。

已經唔記得有幾多年歷史，最少應該30年。名寶石餐廳，位於太子道西，女人街附近，是上世紀高消費的扒房。點了兩個精選午餐 HKD 168一位忌廉湯或羅宋湯，我的選擇一向都是羅宋湯，這裏的紅湯味道濃郁，真材實料。配上圓轆轆餐包，傳統扒房的味道出晒黎。對上一次來食早餐，點了牛仔骨，十分滿足。今次選了肉眼扒跟蒜蓉汁， 賣相唔做作，牛扒大大件又厚身，有水準。最後來一客啫喱甜品，加花奶是指定動作。今日跟老友記來名寶石餐廳共進午餐，回味花樣年華。

⭐️名寶石餐廳⭐️📍:太子太子道西148號地下⏰:8:00am-10:00pm💰:人均$101-$200(設加一)⭕️: 現金、信用卡👉🏻紐西蘭肉眼/西冷牛扒💰238🌜配薯蓉/飯/意粉+忌廉湯/羅宋湯+咖啡或茶+麵包+甜品👉🏻鹹牛脷沙律💰75👉🏻炸蝦多士💰68🌜配咖啡或茶🌟餐廳每一個餐份量都好大 👧🏻🍼最鍾意食佢個鹹牛脷沙律 有四大塊鹹牛脷 好冧 食完會好飽 完全唔似下午茶既份量 加上係我鍾意食嘅沙律(無生果)！再配埋一杯高質嘅朱古力 好濃朱古力味 係我每次去到都好滿足嘅下午茶 屋企人會叫炸蝦多士 炸得好酥脆 唔會油到落唔到口 之後我哋share食都好夠飽🤤🌟細細個開始屋企人已經成日帶👧🏻🍼去食 傳統裝修嘅餐廳 價錢較貴 每次去都人均$100埋單 但係食物質素好高 環境都好寬敞舒適 唔會好似啲師奶餐廳咁嘈吵 比較多外國人去食 所以我好享受嗰度嘅環境 真係俾錢去食寧靜 店員都好有禮貌 唔似普通餐廳嗰啲都唔休做😂#香港美食 #平民美食 #太子 #香港 #美食 #高質 #hkfood #hongkong #hkfoodie #openrice #hkfoodblogger #hkfoodies

今日係2個人既晚市晚餐 係太子附近搵食,呢條街多數都係茶餐廳,想食扒只有呢間每人一客晚市套餐 跟焗多士,忌廉湯一客忌廉湯夠濃滑,多士係麵包切半烘脆,食之前抹牛油或配湯食煎牛柳配沙律薯條 心型牛柳咁有趣 但切開左一半心型牛扒係牛柳位,特別嫩滑有肉汁,5成熟已經非常鮮嫩味美配以粟米薯角,份量好足好飽呢~魚柳薯蓉配燒汁 煎魚柳一份,煎得微焦脆,魚肉厚嫩,配燒汁食味道剛好不搶味薯蓉焗田螺 傳統焗田螺食法,仍帶點脆爽口感 薯蓉外面脆脆地,入面仍然好滑身Tiffany Restaurant148 Prince Edward Road West, Prince Edward消費$400

今晚搵左間好有歷史既扒房食飯試下佢既牛扒有冇退步 大牛肋肉排 連骨煎香 5成熟 鮮果田園沙律 燒美國牛肋骨 (燒焗25分鐘),紅湯對面朋友減肥,今晚改食沙律 一份鮮果沙律要價也不便宜先上紅湯 飲到牛肉碎洋蔥等唔同配料,煲到食材都近乎溶化既質感入口香辣帶酸濃番茄味道 幾好飲夠開胃 配2件多士麵包 脆口沾湯食一流主菜要煎焗等25分鐘,先試沙律 配以鮮芒果 青瓜 西瓜 火龍果 大蝦3隻 仲有墊底既雜果沙律豐富而清新,沙律醬也不多,就係食新鮮水果切片既甜味 健怡之選等到招牌美國牛肋上菜了 份量誇張勁超 連骨上接近一磅重 肉份量差不多有400克牛肋焗至中間仍然粉嫩,油脂豐富 骨邊肉係特別味濃香醇香有肉味入口嫩滑之餘口感係好柔軟非常美味 只需加少少燒汁配埋一起食已經好滋味平均消費$400評分8/10太子太子道西148號地下

撐枱腳食午餐 難得同一日放假約埋出黎食午餐去左間懷舊西餐食飯 佢午市一樣可以食煎扒餐 不過就無鐵板午市套餐全包餐湯飲品 西冷牛扒配薯角粟米燒汁 煎美國大雞扒配燒汁粟米薯角西冷可選熟度,要7成,想食熟少少,肉味濃得黎油花唔重,啖啖肉又無筋咁先好食美國大雞扒煎到2面都脆,中間切開有肉汁,雞皮好脆好好食 本身已經有醃過調味,所以唔洗配汁都好食跟餐都幾多野食,有4片多士,烘得好脆身仲要配果醬同2杯果汁,成個感覺好似返左20年前一樣整結味道,環境都係幾好既,服務一流 食物又夠大碟又好食名寶石餐廳地址： 太子太子道西148號平均消費$120評分7/10

🍔食物質素: 👍🏻👍🏻👍🏻👍🏻💵價錢性價: 👍🏻👍🏻👍🏻📸打卡指數: 👍🏻👍🏻👍🏻  🪑環境衛生:  👍🏻👍🏻👍🏻👍🏻 🤵🏻店員服務: 👍🏻👍🏻👍🏻👍🏻 名寶石餐廳係一間歷史悠久的懷舊餐廳，你去到門面會感覺到好似去左酒樓，內裡裝修就好有懷舊feel名寶石餐廳8:00-12:00都供應早餐，fai.lok 推介大家係12點前可以去試下個早餐，因為午餐同早餐價錢都相差好多，所以早餐相對抵食。Grilled Fillet Steak ( Black Pepper Sauce )   ( $88 )  👍🏻煎牛柳粒 ( 黑椒汁 )一開始fai.lok以為牛柳粒係一粒粒正方形個種，雖然佢係大大舊，但你真係會食到牛柳粒感覺，每一舊都好彈口，好有肉味。至於粟米就有啲乾，我加左餐包的牛油就好食好多了除左餐飲之外，精美早餐都會有細細杯果汁，一種另類健康，值得一讚!餐包用上普通方包，但脆度岩岩好，而且你發現好少有果醬提供，而且仲要係darbo果醬真係夠晒懷舊餐飲方面，如果你飲得到苦澀奶茶，一定要試下奶茶，侍應都話好多長輩都係為左依杯奶茶黎食早餐，果然飲落除左奶茶香滑，仲會帶點苦澀餐單: 

今日同阿媽行花墟行行下竟然落大雨唯有食午餐先啦！仲諗住行完先至食嘅😅點知落咁大雨唯有行住一半先竟然地面都可以坐位真係未見過我見到好多人排隊原來要上一樓攞飛都等咗10分鐘左右已經有位我哋兩個人好彩坐一樓唔使坐地面地面黑蚊蚊好似好污糟咁之前一直都有食開嘅坐一樓疫情關係我覺得一樓坐到好密密麻麻不過服務員都係熱情招待（冇變過）我就嗌咗個芝士焗三文魚牛脷飯+羅宋湯+凍奶茶+甜品我媽就嗌咗個吉列魚配薯條+羅宋湯+熱檸水+甜品我同阿媽個甜品都冇食啊拎走⋯侍應生都好好呀佢話等一陣間你埋單之後先至攞我個芝士焗三文魚牛脷飯超好食裏面仲有好多菠菜添！以前一向我都有食開嘅但係今次食有好大嘅改變就係牛脷裏邊只係一條條唔係一塊塊啦已經😔羅宋湯唔使講勁多湯渣好好味！阿媽吉列魚有兩大塊佢勁讚😂兩個餐食飽飽離開三百幾蚊（其實我覺得貴㗎兩個午餐三百幾蚊😅）反而我阿媽就話好超值🤪我哋走嘅時候都仲有好多人排隊應該食下午茶😝疫情下人頭湧湧！

同屋企人去花墟，佢地話要食「紅寶石」仲話以前呢間餐廳好出名，專食港式扒餐而我就聽都未聽過，抱住10萬個問號去試。餐廳有兩層，卡位就只有下層先有入座卡位後開始睇menu 發現好多選擇，真係你講得出既combination都有，最後叫左幾個扒餐同焗飯🥘落完單，waitress好快就送上暖粒粒既餐包牛油夾係中間慢慢溶化配埋好鮮茄味既羅宋湯，已經覺得間餐廳好正扒餐黎到，份量大到嚇親羊扒併比目魚一塊魚柳x五塊羊扒比目魚香嫩，羊扒帶有油脂配上蒜香🧄完全唔會覺得膩再黎焗飯，豬扒好鬆化茄汁同蘑菇舖滿面，如果冬天食食完一定唔會覺得凍最後仲有甜品送添，飽哂！多謝屋企人介紹呢間餐廳比我（收費比想像中貴，可能始終係旺區）

以前成日搭車經過見到呢間野，今日同男朋友去完花墟買花，就入黎試下😏個餐包形狀好似個cupcake咁😆，餐湯正常，塊扒好大件🙈，食唔曬🤣最後有啫喱做甜品，好滿足❤️

細細個已經跟婆婆黎鋸過扒，最近再訪，依然覺得出色👍🏻精選午餐 $168💎羅宋湯配餐包呢個羅宋湯真係不得了🤩 
超超超濃茄味，輕輕辣辣地提高味道層次，入面仲有不少雜菜❤️
再配埋個餐包 (當然要厚抹牛油)，一開始已經滿足到爆☺️💎煎肉眼牛扒配飯 (蒜茸汁)一上枱，我呆左😨塊扒洗唔洗咁大呀，話說呢餐係我星期六既第一餐 (brunch黎架大佬)，見到咁大塊真係嚇親... （然後即刻送左3分1塊比屋企人)無菜不歡的我亦被碟上頗多的雜菜滿足到😊塊扒雖然唔係高級酒店扒房質素，但勝在唔會用醃肉粉攪到淋pat pat，有番牛扒應有的肉質口感，牛味亦唔差😌蒜茸汁加左100分😀呢個份量，lunch的話男士都食唔曬呢... 介紹番💁🏻‍♀️ 呢個餐只係$168💎青檸啫喱甜品可以揀芒果布甸或啫喱，食到好好好飽的我想食d fresh少少幫助消化😄啫喱加花奶，童年回憶中之天下無敵，不用多說～套餐仲包一杯餐茶，真係抵到呢.......

叫左個豬手 等左成9個字先有 攞岀嚟仲要岀面暖入面凍😡經理又唔肯換 連行過嚟親自過嚟道歉都冇 really bad services need to improve and reflect on themselves

聽過餐廳名，睇過餐廳門口都知道呢間餐廳應該有返咁上下歷史。員工服務態度幾好，價錢亦都唔貴，味道就不過不失，但係唔會好味道想再返轉頭食。✨✨兩塊扒我哋都叫咗medium rare，不過一切開就睇到兩者分別好大，證明廚師控制火候同時間唔Standard😅😅✨✨我本來好鍾意食龍蝦，不過龍蝦用厚粉再炸，浪費食材之餘完全係over cook，d肉仲好霉，反而食大蝦個肉質更加爽口彈牙。✨✨今次將男朋友細個食過嘅美好回憶摧毁左🙈🙈

住在這區一段時間，但一直都未光顧過這餐廳。原因很簡單，價錢一點不吸引。這早上與家人食早餐，價錢一點也不便宜，但經驗有好有不好，值得點評一下。首先，價錢雖然不便宜，早餐幾乎80元，我相信是貴絕太子了。但我家兩個大人一個小朋友，吃得飽甚至有餘。重點是食物份量夠，有落足料，八十元一份早餐有一杯果汁，多士有果占加牛油。我點了燴免治牛肉天使麵，免治牛肉本身已經難得在一般茶餐廳吃到，而菠菜份量足夠，還有蕃茄，配天使麵是一流。老婆食珍寶腸配炒蛋，有粟米及薯條，份量也算可以。另外可以算入價錢當然是樓上雅座的街景了，可以說油尖旺可以從二樓望落街看路人的餐廳一定不多，甚至是絕無僅有呢。最後想說服務是一般了，香港人太有錢，尤其是那些「收成期」，這價錢竟然都幾乎坐爆，侍應都做到無停手。服務難以說是理想。總結，性價比一般，但整體食物質素理想，月頭出糧有閒錢不妨一試開心一下。