名寶石餐廳

營業中

休息中

今晚大約9:20分去到名寶石餐廳，巳指示要上樓上，這裡是一間門面舊式的餐廳，一望上去完來重有人排隊等位😅真係無諗過呢個時間重咁多人！不過等咗10分鐘左右就已經有位啦😬一入到去本來座有外景玻璃位置，但剛剛哪位置有BB車比較逼夾所以轉了另一邊位置就望唔到風景啦⋯⋯座下睇餐牌，價錢比較一般餐廳係比較貴，飯類、沙律大部分都要過百元，扒類就2xx，我本來唔想食扒不過老公話來了就試下😅咁就試啦😂我要了銀雪魚、黑毛豬，老公就食西冷！銀雪魚比較油，黑毛豬有肉汁但食到中間有點硬，旁邊的配菜有粟米粒、小棠菜及薯角，薯角香脆但其他配菜就麻麻啦⋯⋯西冷我叫了5乘但來了8，9乘的，有點失望😆好彩食落也有肉汁牛味都好，我本來叫老公換佢就話試下先，食食下都算了⋯⋯餐後有甜品及飲品，有啫喱及布甸，比較起來我喜歡啫喱，今餐食得好飽因為分量好夠，我們會再來！

第二次光顧了!間中也會心思思想鋸下扒，但又唔係想食好鬼佬果種，所以有次朋友推介，便黎左試，起初見到個餐牌都打個突，唔洗嘛拿起手都佰幾二佰蚊個餐，值唔值呀點知。。。一黎到個扒餐鬼咁大份，質素仲唔差添，自始，一想食港式扒餐就會黎呢度套餐有湯跟餐包，主菜，甜品(布甸或啫喱)同餐飲湯我只飲羅宋湯，幾足料，唔錯餐包應該係叮熱的，ok啦我試過炸龍脷柳，非常脆口又試過牛扒，都唔錯最誇張係豬仔骨，上碟個樣十足原始人，一個人應該食唔哂，幾鬆軟可能油脂夠，食落似肥燶叉燒，但凍左好漏，要趁熱食一般如唔揀飯或意粉，由於碟飯或意粉死咁大碟，我拎可揀薯菜，菜無乜掂，但薯角就非常正甜品我試過啫喱同布甸，懷舊果隻囉，唔難食，但又唔會回味咁真心覺得好食，唯獨係無鐵板餐啫，有就更加perfect.仲有，想晚市幫襯就最好卜位，因真係好鬼死多人捧場，佢仲有樣好既就係唔會嫌你坐得耐，同埋唔洗等齊人先入得囉～

話說成日去花墟買花都會經過呢間餐廳，成日都想走上去食嘢，但係冇理由自己一個走上去呢啲餐廳食嘢㗎嘛。今日終於搵到藉口上去啦，就係買完花之後勁大雨，都要搵個地方避一避架嘛，於是就走左入去餐廳啦。一上到去餐廳就有條樓梯，因為餐廳係坐落兩樓，一樓係負責做reception的。呢度嘅侍應超級有禮貌，真心覺得舊一代嘅餐廳比而家嘅餐廳服務質素好好多，只係一個小小嘅舉動就令我覺得好窩心，就係因為落大雨嘅關係，入餐廳收左把傘子，侍應好主動咁拎咗個膠袋過黎幫我放傘子👍👍👍👍👍上到去2樓覺得環境相當之不錯，樓底好高，枱與枱之間又有好大嘅空間，感覺好舒服好空曠。侍應拎左個下午茶Menu俾我，一打開原來都幾多選擇喎，最後嗌咗個紅豆班cake配熱檸水，由於好肚餓唔記得影相，但係個紅豆班cake真心好食，紅豆蓉配上cream再加上班cake塊皮，多重口感！就咁樣靜靜地渡過左一個下雨的下午茶！

見呢日係父親節 本來想帶長輩去食間舊派餐廳等佢可以懷舊一下點知 卻令佢失望而回book左位8點 去到個職員話要等一陣等左一陣就可以入座叫左兩個set 有餐包+湯+主菜 連飲品海鮮忌廉湯配 餐包個湯 個人覺得唔錯食到有蜆肉 同埋至少唔係好稀果種到主菜 香煎美國牛仔骨呢樣令我地好食失望個賣相唔錯 上菜時我都幾抱有期望點知第一啖食落去 我竟然食到酸味!!!!!!係果種醃肉醃得太過 果種酸味我即刻叫部長換過份 好好彩佢都換左份比我不過佢d肉質係好腍 一食就知醃左好耐果D所以本人覺得唔值$248另外一份叫左焗肉醬意粉呢樣反而味道唔錯食到好舊式果種味道 最後叫埋餐飲凍朱古力又係比個樣呃左以為好濃烈既顏色 會好好飲啦點知又係無乜味

這家係老爺和安人最喜愛既餐廳，歷史攸久，聽說這裡也是他們拍拖進餐喜愛之地，無奈老人家未能和家人再來多一次，一切美好回憶留在心底裡。雖然如此，我們這家人亦會常常選擇來這裡食晚餐🥣，除了有故事外，食物服務環境實在非常好，連我這個新進屋企人也愛上了這裡。今次有突破性嘗試，週未唔去茶樓飲茶，來這裡食遲緩的早餐，十一點半到，早餐當埋午餐🥣，絕對夠份量！早餐選擇種類多得很，由茶記典型ABCDE餐，到新款有魚扒牛仔骨三文魚都有，實在嘆為觀止。餐前鮮果汁🍹有橙汁，番茄🍅汁和西柚汁選擇。唔好覺得細細杯，份量剛好，開胃醒神。多士有樣有實力，香脆美味，檯面提供牛油和果醬，任食唔嬲。煙三文魚炒蛋配炸薯角粟米粒，以為唔夠飽就錯了，食完飽到下午5點！ 好好味。最吸睛莫過於這份黑椒牛仔骨配炸薯角粟米粒，五片牛仔骨唔係講笑，好味野味正！下次anchor!最後點本香濃熱咖啡☕️，滿足到極點！

記得小時候，到咗天家嘅爸爸帶我嚟過，當年對於住公屋嘅一家六口，呢度真係天堂，係高級餐廳呢！冇記錯當年呢度叫紅寶石，而家就叫名寶石唔經唔覺，我已經長大成人，當我有能力帶父母去食餐好，但回個神原來佢哋已經不在。。。心裡面確實有一點難過😞入到嚟，望住個餐牌，扒全部都係扒，見隔離左右全部叫扒餐，冇理由我唔叫吧？猶豫過叫唔叫焗飯，睇落都好似唔錯，不過最後都敵唔過食肉獸嘅唆擺🤣我叫咗洋蔥豬扒，男朋友叫咗黑椒牛柳等咗冇耐，食物上枱了，味道係正常，但未到驚喜入嚟，我真係食回憶，價錢唔算好平，不過招呼幾好，但記得訂枱，因為人流真係唔嘢小！

午餐的選擇有$98及$103的套餐；含餐湯（忌廉湯或羅宋湯）、主菜、甜品（布丁或啫喱）及咖啡/茶。主菜鹹牛脷（$103套餐）的燒汁還要放一旁的，很貼心。下次一定要試試久違了的焗肉醬意粉（$98套餐）！

名寶石餐廳開業50多年，10多年前還有灣仔分店，現在就只剩下太子這一間。餐廳共有兩層，地方相當闊落，仍然座無虛席，幸好女友一早已訂枱，否則要在2樓排排坐等位！這裡的設計、陳設、傢俱 全部都充滿懷舊味道。Menu 選擇不少，來一客 大蝦皇伴西冷牛扒 。餐湯及麵包很快就到。羅宋湯十分足料，有大量蔬菜與碎肉，微微辛辣，不錯。西冷牛扒有驚喜！外皮香脆，雖然牛扒厚身，肉質仍然嫰滑juicy！大蝦Overcooked有點韌，薯角有香味，炸粉不會太厚。西冷牛扒要Medium的，外皮微焦，內裡的肉色以粉紅為主，中間部份仍是血紅色，做到標準的Medium，不錯。若要論食物質數這裡未必是首選，但濃濃的兒時滋味 及 面帶笑容、殷勤的服務 這裡絕對可以滿足您！

成日搭車經過太子都會見到呢間名寶石餐廳，今次終於有機會試吓。未到七點入去都已經full左一層，原來間野都幾出名。叫咗一份肉眼同一份羊架。未講主菜之前，首先要讚一讚佢個餐飽，個面包係熱嫁。塊牛扒厚到一個點，食到一半，已經飽晒。羊架好入味，外皮香脆，內軟。仲有甜品，芒果布甸，懷舊既外表，但味道一般。

等咗半個小時 ⏱好期待 ，點知冇味 😰又吾香 大部分系中翼 😪 從來未食過咁差葡國雞飯 ，一個餐 差不多$180 太離譜 快餐店都好過佢好失望😪😪😪😪😪😪😪😪😪

現今港式西餐廳買少見少，比較有名的還有荃灣莎樂美 、 土瓜灣哥登堡、太子金鳳及今次試的名寶石。不論是裝修還是食物，餐廳都貫徹一種古舊老氣，裡面包含各種味道。對我來說，除了小時候跟家人吃西餐的種種回憶還有餐廳的人情味。到名寶石，識點一定要羅宋湯～小時候餐湯跟麵包永遠完成一半就pass給家人，以免吃不下主菜～haha鹹豬手分量十足，顏色偏淡。豬手微鹹，肉質尚算嫩滑。白烚豬手配酸菜同吃味道更佳。點餐飲點了雜果賓治，味道像天然西柚汁，雖然要加＄20，都值得一試。甜品是用透明玻璃杯透明盛載..又高呼一句：好懷舊呀！

行行下街，屋企人話想食西餐，即刻上openrice搵下太子有咩西餐，見呢間又近我地，加上開咗咁耐應該都唔會中伏嘅，即管就黎呢間試下啦👅估唔到都幾多人，等半個鐘有多🔔一開始見到價錢都唔算太平，都諗緊佢質素唔知點，但一上菜果陣，我地第一下反應係~wow~好大份！！！真係兩個人都未必食得曬😮😮呢個羊膝真係幾大份！而且味道都唔錯😋餸飯必選👍👍牛扒有我塊面咁大😂😂大塊得黎又好食，真心讚👍呢個價錢真係好抵食✨

久不久就有心癮去名寶石吃一餐豐富早餐。這𥚃的早餐我祇吃煎薄牛扒，不是其他的不好味，是牛扒實在太太太正，所謂薄其實厚過其他餐廳的午餐、甚至晚餐的牛扒起碼四五倍，厚到你唔信。而且永遠不會大而無當，煎得香脆，連邊和羔也煎得脆卜卜香噴噴熱辣辣。 牛扒是港式製法，非常稔，但還有濃濃的肉味，我不吃汁，總會襯牛扒還冒着煙，把抹多士的牛油放在牛扒上塗勻，牛扒因為牛油汁而肉味更濃，太滋味了。早餐吃大牛扒，即使是$86一份，但絶對比其他餐廳的午餐晚餐牛扒好味、抵吃。

一開始以為係普通舊式扒房打開餐牌 d餐都唔平平均每個餐都要2xx蚊 心諗係咪咁好食🤨我就要左個羊架餐首先上枱係羅宋湯同包個羅宋湯完全唔簡單係好足料 有好多蔬菜 最重要有牛肉碎個味酸得黎有d微辣 飲得岀係有心機煲👍🏽個餐一上枱 嘩 咁大份嘅😱成5舊羊架 仲咁多薯菜😍食落去 一d都唔過火 完全唔會韌 perfect👍🏽西蘭花完全唔會淋晒 係爽脆👍🏽薯角炸得岩岩好 不過就少左d😂食完個餐 仲有野飲同杯啫喱👍🏽👍🏽👍🏽二百幾蚊都值👍🏽

一個悠閒嘅星期日，走入左名寶石餐廳。聽講已經有幾十年歷史，係一間舊式扒房。餐廳入面侍應都著住整齊西裝，臉上掛住招牌笑容。即刻有少少時光倒流感覺，諗起細個一家人去扒房嘅回憶。今次去到三點鐘，下午茶時間餐廳都好多人。我地一行4個人叫左四個餐：咖哩三文魚飯，因為太餓食左，所以冇影到相。好味，三文魚好香口，咖哩調配得好好。黑椒牛仔骨，好味！鵝肝牛柳焗天使麵，味道冇鵝肝味，一般般。之後叫左個蒜香白汁蜆肉焗意粉，好足料，不過意粉太淋。味道都不錯，不過食feel都抵啦！聽講晚餐牛扒唔錯，下次一定再試試。