名寶石餐廳

營業中

休息中

名寶石餐廳我係由細個幫襯到大。咁多年嚟，佢嘅餐牌、裝修同侍應都變化不大。當然10年前佢已經要百幾蚊一位，10年後嘅今日加到二百蚊絕對不足為奇。記得以前門口有一部自動彈奏嘅鋼琴，係佢嘅標誌，而家因為唔再流行已經無咗，有啲可惜。今次預約咗地下，卡位可輕易坐到6人，我哋4人入座更加闊落。如果無book枱就要上二樓排隊。今次試試新意思，叫咗一個烤牛肋骨，講明要等40分鐘的。上枱大家都好驚喜，手臂咁長嘅牛肋骨實在唔多見。搽上蜜汁入焗爐慢火燒，做到slow-cook嘅效果－裡面大部份已經熟透，有啲位係有小小粉紅，但依然軟嫩多汁。將舊肉起出嚟切片，好似食緊牛肉叉燒。加上黐骨肉零舍有牛味，大家都覺得滋味無窮。