名寶石餐廳

營業中

休息中

一直都聽過"名寶石"的大名，但卻是一路沒有衝動去吃 (可能由於要等去試的地方是太多的吧)...恰巧舅父仔伉儷最近吃過後大讚，太太一向最喜歡半港式扒房了，故此縱然價錢比起"花園餐廳"一類的是沒得比的，但既有廚藝精湛的舅父仔的推介下，那就怎樣也要試一趟吧....一不留神"唔知定"下午沒有訂座，卒之早到了的太座就要在門外摸門釘，幸好時間尚早，等了不一會便到我們了....事先做了功課，這裡有兩款東西是定必要叫的 ---- 那就是白湯(即忌廉湯)及焗豬扒飯，所以小弟就預早叫太太先幫忙下order....太太相反很奇怪，每每在餐牌一看到有鵝肝她就會抓狂的，所以一味鵝肝炒飯自是可以預計會出現在枱上的....普普通通經常會在這一類傳統舊式西餐廳喝到的白湯竟是店內其一招牌，看來一定是"有D嘢"。未喝先見賣相已知不太差 ---- 洋葱、火腿絲、雞絲、紅蘿蔔及冬菇絲是滿佈於一碗內，湯身既稠但又不會喝得一口是粉。鹹度調得剛啱好之餘又沒咯喉之感。由於湯內還找到少許素翅之關係，所以它給我的感覺是更像所謂的金必多魚翅湯多過像普通的忌廉湯....麵包剛從微波爐拿出來自然是熱騰騰，拿上手也夠軟綿。絕對是送湯的妙品...

依晚另一半話想食西餐~仲揀定"名寶石餐廳"因為有次6點幾諗住walk in去~已經爆到七彩依日打去訂位又話已經full晒..但可以walk in所以早d同出去食囉~6點去到已經好多人等因為人齊先入得..攪到食客堆係樓梯+少少空間位等好在..我地等左無5分鐘就安排入座lu(感恩)~~~~~~~餐廳環境都夠光猛~但座位與座位間好迫安坐後..點好餐~先送上軟綿綿微熱"餐包""羅宋湯"..味道普通"忌廉湯"好多湯料~有鮮冬菇..椰菜絲..甘筍粒..洋蔥絲等口感都ok滑~cream味唔濃..清清淡淡"蟹蓋海鮮焗飯"底層用上"蛋炒飯"上層有蝦肉,蟹肉,菇粒等伴白汁..整成醬料加上芝士焗製而成..最後放上蟹籽炒飯底唔香..醬料偏鹹海鮮粒粒食得到用料新鮮..蟹籽份量好多整體個飯既味道普普通通"黑椒西冷牛扒餐"牛扒份量都好巨而且好厚身伴菜中..薯角炸得好粉糯脆身另一半話唔想食太生..所以要6成熟影相都聞到有牛香~另一半話好腍身有牛味餐飲.."凍檸茶+熱檸茶"茶底唔靚..混濁帶苦澀最後..送上甜品整體食物好普通..如以人龍黎衡量食物水準可以話完全唔覺得有驚喜~而服務都ok

有事慶祝, 想吃一餐好的, 總會想到名寶石餐廳呢度坐得舒服, 論食物呢度真係永冇失手, 選擇又多, 總有一款你會喜歡今晚點了兩個 set, 餐湯的味道剛好, 感覺似係自己煲唔係開罐頭湯, 又唔會好似某D 西餐廳咁鹹到死牛油麵包很軟熟, 每次都會全個食晒個三文魚牛脷焗飯的牛脷超超超林又入味, 可說是我從未食過炆得咁林, 焗飯是正宗的炒飯底, 厚厚的忌廉汁在面, 非常讚!老公的紅酒燴羊膝也是超讚, 兩大隻, 啖啖肉多到食唔晒, 肉是很嫩滑的, 紅酒汁的微酸味道減了羊的羶味, 實在煮得好!

一直非常好奇點解每次路過這間西餐廳都甘多人排隊。這晚就去試下，攞飛係2樓，但1樓都有凳比客戶座，非常好既安排。叫咗黑椒牛柳餐，蟹蓋飯餐。黑椒牛柳叫咗四成熟，難得師傅真係做到，果然吾錯。牛柳水準一般，港式西餐廳水準，但非常厚，無欺客。薯角做得好好，配菜好多，就係D黑椒汁吾多夠。蟹蓋飯都吾錯，但飯比較干。正正常常。餐凍檸茶好大杯，根本就係正常SIZE，好低。服務吾錯，難得同時服務150人既餐廳，吾簡單。生意真係好好，以價格與食物來比較，價格吾屬於平，比好多吾錯既港式西餐廳都貴咗D，出品吾會特別有驚起，屬於平實類型，可能甘先長做長有。

為了慶祝母親節，找了間西餐廳估不到會有甘多人是無訂位如果我要等位，有成半百人，起碼要等半個鐘以上步入餐廳就如坐上時光機一樣，回到80年代的香港，很有復古味道餐湯應該不是開鑵頭的，那種茄味是一種久違了的人手烹調感覺，湯內仲有一大件牛肉睇來d 湯都算幾用心製造.......我們要了只豬手+薯菜估不到只豬手會是甘大隻，都算煮得好好好淋身但，薯菜就少得...只有3幾條的薯條好難話會食得飽人.....佢有一個魚的餐佢會用一bowl 來送上仲有一個好大的白飯魚是先煎好先加上白汁都幾野味的黑椒牛扒($198)送上來的好似比較少件切好左之後牛扒又好似好多甘佢d 牛扒，用上比較好的肉我中意牛柳夠厚肉, 又唔會有筋....仲有陣甘香~~~ 配黑椒汁簡直係絕合得非常好!!!我通常叫7 成熟!!! 最正o既係佢真係做得到7成比我...唔會太熟太生!!!!算是好淋.....身最後，佢會送上甜品佢有啫喱我仲以為，只用啫喱粉開左就算點知佢用埋魚膠粉尼間都算是好有心-西餐的老店

第一次打食評, 打得差, 請大家唔好介意. 今次想講下舊年8月食名寶石餐廳既一餐晚飯.小妹係一個鵝肝狂熱迷, 經家姐既介紹之下, 決定去名寶石餐廳食鵝肝由於係突然既決定, 所以冇訂位, 唔知係咪因為WALK IN, 所以等得都好耐下! 我諗大概等左半個鍾左右.但係, 都覺得係值既! 因為食物既質素同價錢唔成正比! 點解咁講?以一個咁平既價錢黎講, 食到既質素真係算唔錯!份鵝肝唔記得左影, 雖然份量係細, 不過...鵝肝...係咁架啦呢相係同友人一齊share 既牛肋骨set! 點解會記得影佢?因為佢真係好大份!!!!!!!!! 大過我隻手掌好多!哈哈, 唔知點解我覺得佢既texture 有D 似BBQ pork, 可能係因為D 蜜汁既關係.anyway, 名寶石餐廳係個好值得去既餐廳, 不過希望等位呢個situation 可以改善下啦

在我腦海中記憶，名寶石餐廳已超過廿五年了(之前叫做紅寶石餐廳)，所以有些顧客已是第二代，什至係第三代。我係學生時代已開始光顧，甚至亦係少女時期同男友們拍拖撑枱腳的地方，經過漫長的光陰洗禮，雖然已經人面全非，但景物依然存在，味道仍然令人懷緬。屈指一算，我已五、六年沒有幫襯，適逢與識於微時的好姊妹新春出來閒談相聚，大家亦心有靈犀揀來名寶石。這晚係年初六，好姊妹已於七時多先嚟攞枱，但仍然全場爆滿要等位，不過很幸運地都係等大約＋五分鐘。這裡主打菜式都好似如太平館或皇后飯店等類型嘅港式西餐廳，我揀左法式焗豬柳套餐，而好姊妹揀左錫紙焗香檸魚柳(配白飯)套餐 首先牛油餐麭送上，係名寶石餐廳自家焗製，看似一個個紙包蛋糕，餐麭微熱外鬆軟内結實，有很香的麵麭味道，真想要多一個跟住再送上羅宋湯，湯嘅温度非常熱，可能有一層油在面層，雖然如此，但你並不覺得肥腻；喝一口湯，有濃香的蕃茄味，亦嘗到非常濃郁的牛肉湯味，湯中滿是雜菜，一個字 "正" 跟著來主菜 - 法式焗豬柳: 有兩件很大的豬柳及焗薯，可以非常飽肚，自己心想應該食唔嘥，幸好好姊妹好肚餓，我分了一件豬柳俾佢。豬柳非常嫩滑美味，而焗薯亦很幼滑及清新，因沒

今天準備黄昏後去花墟買年花，就在附近的「名寶石」吃個下午茶。雖然都知這裡的茶餐平均要五六十元，但因附近的西餐廳選擇不多，就來一次啦。現在大多數西餐廳都會給一杯水的，很少給你一杯茶，覺得好茶餐廳feel。茶餐的選擇很多，我今天不想太Heavy，於是揀了「咸牛脷沙律」。咸牛脷很爽口，也很滑，幾好味。 沙律就比較多薯仔，雜果較少。餐飲為熱咖啡，比想像中香濃，至少應該是即磨的。餐廳環境頗嘈雜，服務則較慢，雖則食物OK，五六十元一個茶餐屬於略偏貴，但過時過節就算啦。

近來的上班時間不斷被人調來調去，雖然心裡很不高興，但也無能為力，只能默默承受，唯有找些方法令自己開心一些。今天要12點才上班，本來是打算去吃個豐富的早餐的，可是又不敵睡魔的誘惑，最後還是睡到十點多才起床。鬆弛今天剛好不太忙碌，所以可以陪我吃些東西，最後我們來了這裡吃早餐，因為這裡的早餐是供應至中午12點的呢!早餐的選擇不少，而且有一些很特別的早餐，除了什麼火腿通、雪菜肉絲米粉等等大路早餐外，還有一些如牛脷芋絲湯粉、時菜班片天使湯麵等的選擇。我們最後各自選了香檸煎雞扒和煎薄牛扒，早餐包含一杯冰凍果汁，有橙汁、蕃茄汁和西柚汁三款選擇，還有牛油果占多士和餐茶。吃早餐前喝一小杯果汁，很外國的模式，果汁冰凍。多士有牛油和士多啤梨果醬讓你自己塗，多士夠熱夠脆，塗上牛油待它慢慢溶化，滲進多士裡，簡單又好吃。鬆弛要了煎薄牛扒，其實這塊牛扒一點都不薄，與快餐店那些零點幾cm的牛扒沒得比，可是這塊牛扒也有一個問題，就是煎得太熟了，如果是很薄的也沒有什麼生熟度好選的，可是有點厚度，還是煎個八成熟就好，不過仍然有少許肉汁。伴碟的有粟米、車厘茄和薯角呢，豐富得像午餐。我選了香檸煎雞扒，餐牌上寫著要等15分鐘才有

一個$158嘅晚餐，食得我滿心歡喜。羅宋湯味道豐富，有蕃茄味，亦有濃濃嘅牛肉味，湯𥚃面仲牛腩粒，雖然煲過湯，依然肉味濃郁。比起坊間很多都係茄醬溝水，淨係呢個湯已經睇得出店方嘅心機。主菜要咗黑椒牛柳。火拿揑準確，唔會過熟。牛柳切開露出鮮嫩粉紅色。最重要食落唔覺有鬆肉粉或梳打粉味，是真真正正全牛肉味，肉質鬆嫩牛味濃。男友要咗羊架，無脂肪位，成件都食得，質素一樣咁好。最想讚侍應個個態度好，有禮貌，笑容滿面。想信呢度老闆一定係良心老闆。所以伙記個個笑住做。

小時候坐巴士，已經常常經過「名寶石餐廳」。晚上跟男友去慶祝，便特地來此試試。起初以為是像「美而廉」，但事實上是像「大平館」，都是走比較高檔的路線 餐廳環境舒適，可選坐地下或一樓。如果提早訂位的話，緊記要預留卡位。受盡好評的忌廉湯，雖然材料豐富，卻鮮味不足，沒有一般白湯之 creamy 感覺。新鮮熱燙的牛油餐包，外層軟綿綿，內裡的密度也很高。如果有自家製牛油就更好。五成熟的西冷牛扒，好像煎燶了，幸好切開後仍然是粉嫰的。牛扒質感比較鞋，不夠 juicy，要依賴黑椒汁去提升味道。伴碟有西蘭花、薯角、粟米粒。豬扒飯是其招牌作品，質素令人滿意。豬扒可能下了鬆肉粉，吃下去軟稔稔的，鮮味也足。整個醬汁都不錯，超多蕃茄，用來拌飯一流。跟其他老牌餐廳一樣，甜品是布甸或 jelly。布甸芒果份量不夠，綠色的 jelly 反而清新好吃。凍檸茶，茶味濃，檸檬新鮮。服務生不多，但全都有禮和勤快，還未開口，已經知道我們想要什麼了 一貫老牌餐廳的水準，平日也有很多熟客棒場。兩人消費約三百多，價錢略貴，但也值得一試。

雖然大家已各自離開同屬的工作崗位，但嗜食的性格又讓我們再次相聚。彼此近況當然是分享重點，飲食經歷亦是離不開的話題，輕輕鬆鬆，又渡過愉快的一夜。為了配合雙方的下班地點，今次晚飯就選址太子，好友揀了兩間心儀餐廳，我就定了這所環境較舒適的。步入餐廳，就如坐上時光機一樣，回到八十年代的香港，這裏的佈置就如電視老片的格局，很有復古味道。雖然只是七時左右，等候的客人已多不勝數，幸好老友已預早訂坐，可以省回不少時間。聽說焗豬扒飯是這兒的名物，我們當然不能錯過，另外點了一客黑椒牛柳。侍應先把餐包和熱湯送上，餐包樣子有點與眾不同，是一個紙包餐包，它微微溫暖並略帶甜味。金必多湯確是挺熱，材料非常豐富，輕輕一攪已看到蘑菇、火腿、甘筍和甚少看到的素翅。此湯喝起來滑身夠稠，單是一碗已能讓人填肚子。黑椒牛柳先行送到，厚厚的共有兩大件，而醬汁是分開盛載。切開一看，內裏是嬌嫩的鮮紅色，看來有點不足七成，然而沒有滿碟血水的情況，仍是我可接受的尺度。可能是較生的關係，肉質確是十分嫩滑，中間的位置很是柔軟，肉汁漾溢，難怪食家們也會點五成熟吧！必須承認我是一個醬汁怪，今趟聽同行好友說，喜歡食物原汁原味，我倒又學習一下，真的嚐

去親太子都會同老公黎扒一扒!鍾意佢D扒肉味夠濃,吾似有D扒廳D鬆肉扒每樣食物都很有質素必選名寶石忌廉湯,真係超足料!!!!面包可轉多士,一樣好好味!我的西冷選了5成熟,很好!真的是5成熟!讚!伴碟的薯角可轉: 薯蓉/ 意粉/ 飯,不用加錢,多樣選擇,讚!甜品: 芒果布丁/ 啫喱/ 涼粉/ 雪糕(任選一),多樣選擇,讚!以百零蚊有咁既質素,真係好值得食,讚!

名寶石餐廳都唔平不過見無試過就試下牛扒餐你睇塊扒幾厚五成熟都美味薯角都OK伴菜都新鮮的個汁都味濃環境唔錯都係旺中帶靜果隻交通又方便可一試

朋友約飯局, 二話不說就揀定左名寶石餐廳. 我即刻上去openrice 睇, 雖然好多好評，但係啲價錢真係睇到我眼都突.臨近月尾, 窮人兵團仙都唔仙, 個個餐連加一差唔多成百五蚊樓上. 我心諗: 咩料呀, 咪又係花x餐廳咁既款, 做咩收咁貴?帶住疑惑去到名寶石. 首先講吓個環境, 的確係唔錯, 坐得舒服之餘都幾闊落, 最啱我地係度盡情吹水.跟住睇餐牌, 四位窮人叫左個價值95蚊既set dinner, 另外一位想食得滿足啲既朋友就叫左個三文魚牛扒餐, 連價值148.我點左紅湯, 嘩, 其實未飲之前個fd已經話呢度啲湯好正, 當你真係食落口時, 發覺原來真係好正果種感覺, 絕對可以用爽YY黎形容.個湯啲料足到傻, 幾乎每一啖湯都有餸, 啲餸仲要唔係煲到爛哂果啲! 其他叫白湯既朋友都對啲湯讚不絕口, 甚至有人話: 啲料使唔使足成咁呀?跟住... 我要講吓個餐包. 雖然佢只係一個完全唔起眼既餐包, 但係佢居然係整到好似紙包蛋糕咁既款, 令我差點以為佢係堅係一蛋糕!當我食落去果啖, 個包鬆軟到真係有蛋糕既感覺, 令我下次有問佢可唔可以送多件餐包既衝動.去到個正餐, 我叫左咖喱龍俐柳焗飯. 個食