名寶石餐廳

營業中

休息中

知道呢度出名。成日都想你試一試。等左半小時。叫咗兩個下午荼。一個生炒牛肉飯。一個牛仔骨。個牛肉飯都算ｏｋ。不過無乜特別。牛仔骨就完全５掂。無味又鞋口，個黑椒汁又唔香，雖然話繫下午茶，但ｄ質素差左啲。如果因為出名又要等咁耐就唔值羅。以咁嘅價錢繫附近餐廳都搵到。

這是約了藏友一起吃下午茶，為了方便我，便來了這間名寶石餐廳。這餐廳已營業多年了，每次都看很多人在等位的，所以要前來的人都要早點來取位。就是那麼多人吃，所以有點好奇心，這餐廳的食物是否那麼好吃，因為這裏的收費是不平的。最後只是吃了下午茶餐，便發現食物烹調真的做得很好，份量是很大的，怪不得那麼多人都來吃了。**********************等了30分鐘，終於有位了，不過等位的是在2樓，怪不得每次路過，地下的坐位沒什麼人坐。上到2樓，才發現他們坐位很多的，也不會坐得很逼的。每人的位上有一張餐廳的介紹紙，這是朋友吃的芒果班戟，其實是很大份的，賣相不錯，我沒試吃，朋友說好吃。這是我吃的茶餐，吉烈豬扒麵配熱菜蜜。飲品熱菜蜜也是沒什麼可以評論，因為只是用水加蜜，不是很甜的或很淡。沒想到麵底不是公仔麵還配上時菜，很好。這麵是很薄身的，不像粗麵的口感，但不會因為薄而煮到麵很腍，還有麵的份量很多，真的吃下很飽肚。吉烈豬扒炸的很香脆，豬扒也不會炸到過乾，還能保持肉汁，配上沙律醬更開胃。 

提早食 mother day dinner . 名寶石歷史攸久,由細食到大 . 一向知道這裡很旺，Lunch 或Dinner 最好book位, 約7:30左右抵達，等左15mins.6成熟蒜汁肉眼+大蝦＋+飽+lemon tea，味道不錯. 牛尾湯很好，香濃，足料，味道不錯！麵包熱熱的。次次都係鵝肝＋肉眼 。 這次叫大蝦＋肉眼，肉眼味道很好6成熟，無over cook. 大蝦彈牙好吃, 好香口.最後都係芒果布丁，很香滑。侍應態度好好，老餐廳的感覺。

是日車爸爸收得早就乘機出去撐檯腳啦揀咗名寶石餐廳吃車爸爸最愛的牛扒7:00pm到達巳排了一段人龍最後8:30pm才能入座嘻嘻其間走咗去花園街八咗陣竟然比我執到荀嘢有機會比大家睇下有幾荀~好似去咗酒樓咁haha~忌廉湯一個字~差~完全冇忌廉湯應有的本份確實係白湯一碗~ 車爸爸要的羅宋湯味道好濃厚只係鹹味欠了DD加少許鹽便好好喝了~ 普通溫熱餐包沒甚特別~西冷牛扒$198~車爸爸的厚切牛扒medium熟度做到稱心車爸更說肉味香濃肉質亦好靚可不須點醬汁品嚐~ 黑豚肉眼配大蝦皇$228實在太幸福了黑豚肉眼帶著濃香肉味而不羶,大蝦更扎實彈牙好吃到震,我也很不捨地分半隻大蝦給車爸爸haha~要彈一下我碟配菜求其扔下一堆菠菜影響整件美事~要改.要改套餐包一款甜品我要芒果布甸車爸爸要啫喱,好驚喜芒果布甸香軟滑超水準呀,黑加倫子啫喱也做得軟硬適中不錯喔!!飲杯凍檸茶和華田嚟過完滿的結尾^0^

名寶石餐廳同大伙兒黎到老牌餐廳，緊係据返個扒：）餐牌都幾多選擇，全部ard 150-200!我就食牛扒啦！肉眼扒上枱好香好厚好大塊，個樣都好靚仔，我切既時候唔知點解有點緊張lol因為我係叫medium既...但一切就覺唔對路，硬硬地！係well done！！乜medium咁難控制嫁咩？不過肉質都ok，但冇脂肪，所以冇油花溶化既感覺...但我寧願有得咬下，唔似金鳳用鬆肉粉la到無牙都咬到...

平日來名寶石總是一伙人來，客人又多，喧喧鬧鬧，從沒能安安靜靜的吃。今天店一開便來，祇有一對老人比我先到，終可坐到靠窗的位，大清早，花園街還未睡醒，世界像靜止了。菜牌大部份早餐都很吸引，記得這裡的牛扒不錯，決定吃mini steak, 蕃茄汁多士牛油果占不怎麼特別，牛扒卻不得了，絕不mini，絕對是中價餐廳百多元一份的午餐份量， 厚度是茶餐廳的三、四十元一份的薄牛扒的三、四倍，牛扒煎得十分香脆，肉軟滑淋香，充滿肉味，配薯角和粟米，100分，吃清光，好一個快樂的清晨。

我今日情人節去食e間餐廳，一坐低原來今日只有牛柳 羊架 銀雪魚的389蚊套餐選擇沒有散叫的，我無奈地選擇了銀雪魚配龍蝦有湯一個沙律，首先來個湯都可以飲下既，第二碟個田園沙律得二片煙三文魚同幾快生菜粟米賣相好唔靚，第三碟主菜終於到以為等左咁耐會有好野，銀雪魚無落味一樣淡淡的，啲蒜溶汁微溫唔熱，隻龍蝦是唔新鮮的用油炸熟完全唔值果個價錢!!希望檢討下

晚上好友往名寶石餐廳，小弟order了九成熟黑椒牛柳+白飯+菜+忌廉湯+方飽+凍奶茶，味道不錯(忌廉湯很足料，味道不錯！但麵包太鬆沒有口感)，之後share 朋友肉眼扒，味道不過不失；之後試西冷牛扒，味道最甘，好吃！最後甜品芒果布丁，很香滑。

今天是平安夜，Honey晚上參加彌撒，所以，提早在午飯時共聚。西方節日，吃西餐啦！Honey在太子附近上班，一想，就想到名寶石餐廳，區內「老」店嘛！幸好有訂座，否則，12:00到，已經滿座了！我們到上層雅座，看！顧客好多都上年紀！一如老牌有名的餐廳，如太平館，光顧的往往都是上年紀的舊主顧。今天平安夜，臨近假期，人多得很！座位擺放得密麻麻的。幸好，侍應安排我倆在窗邊座位，感覺開揚一點。我們點午餐。餐包熱辣辣的，而餐湯是羅宋湯和忌廉湯。羅宋湯一般，忌廉湯就怪怪的！明明是白汁湯，但，材料卻是冬菇、雞絲和粉絲，不就是中式湯羹的用料嗎？Honey點了烤牛仔骨配薯菜。份量好多！牛仔骨肉質適中，不韌也不太稔。黑椒汁也不太辣，惹味！炸粗薯角好脆！好大碟，Honey吃完都笑說，太丰富了！我點了炸龍脷柳配沙律。雖然龍脷柳好大塊，但，整個菜一般而已！由餐湯和主菜，都一般而已！反而，最好吃的是甜品！提子味啫哩和芒果布丁。剛才主菜好「肉」！小小甜品，非常解膩！我覺得名寶石的食物也可以，但不算好出色。然而，午餐都要$108-$158(+10%)，不太物符所值！

是年小友生辰的正日是在平日，除了切切蛋糕以外，難免要和他吃一頓晚飯。平日要約齊人真是一件蠻困難的事，在多番的預約及夾時間底下，最後卒之也能成事....作為爸爸的我，總算是放下了一件心頭大石了....因為要遷就太太工作的關係，故此要吃所謂的一頓像樣一點的"大餐"的話，位於隔鄰街的"名寶石"似乎已是唯一之選....一向知道這裡乃是一個旺場，就算是閒日也是必須要訂位才可就坐的。約七時左右抵達，門外雖沒有人龍出現，但店內的人氣已是相當的鼎盛....每人點了一份套餐。小友和太太兩人共享一個焗飯，再加小弟的極黑豬扒拼大蝦，由我們三人分來食已是夠有突....兩母子吃的焗鮮茄龍脷柳飯，舖面的芝士下得頗重手，食多兩口已開始覺膩。魚肉只是普通雪藏貨，沒有鮮味的它要能將之吃下肚子的話，一定是要和如此濃厚的燴汁去配合才成；飯只下了少許蛋來炒，吃起來就少了應有的香氣；所謂的鮮茄汁只是一堆用人造茄膏開出來的醬汁。一如所料，是越食越咯喉....自己的"蝦扒雙併"聽聞是新出品。黑豚扒很明顯是煎得過熟了，肉中心的些微血水及肉汁是全欠，剩下的就只是那乾乾嚡嚡的肉。唯一仍感到自己是正在吃黑豬的是那點帶爽的咬囗....忘記了

放工後同幾個同事一齊由銅鑼灣迫去太子。係非常肚餓既情況下，慶幸我地有book位，所以係完全唔洗等既情況下可以食餐好時既。同事話名寶石係佢地由細食到大時既餐廳，歷史攸久。小妹見識少，未食過係同事介紹下，我叫左個煎鵝肝伴牛柳同埋牛尾湯牛尾湯好好味！牛柳不也不錯，惟鵝肝麻麻。食晒後真係飽到上心口

知道出名, 就去咗試下,反正這價錢,冤枉了也不是好肉赤既!我點了海鮮餐, 價錢和其他扒餐差不多,有餐湯 及 飲品。衛生、環境及服務都是中上水平。侍應有仔細聆聽顧客之需要，而地下甚少食物殘渣。另外，餐廳採用柔和的燈光，桌子上也有桌布，營造了高雅的氣氛。以為有大蝦, 青口之類鐡板上啦點知, 只係一碟薯蓉焗魚柳+幾粒仔八爪魚唉... 一上枱見到, 我心不由得一句: "吓?"食落, 魚~腥得不得了, 吃不出魚味, 只吃出雪藏味!慘咯!之後我地就帶住好重o既怨氣埋單。真係無下次

去開金魚街買魚糧，六點未夠但有D肚餓，決定試吓名寶石呢間老牌港式西餐。由於時間仲早，唔使等位，經理仲安排我地坐窗口既二人檯。 一人叫一個黑椒汁牛仔骨配薯菜既晚餐。先上麵包同湯，可以揀牛尾湯，非常香濃！麵包亦好鬆軟！ 上主菜喇！一黎就已經聞到好香！ 欣賞黑椒汁另外用容器裝起，咁就唔會浸到薯角淋晒，讚！ 牛仔骨份量極多，有成七、八件，而且一D都唔老！配菜亦絕不馬虎，薯角香脆，而幾條小棠菜就令個餐冇咁漏。然後上埋甜品同餐茶。甜品可以揀芒果布甸或啫哩，布甸加花奶，係兒時既味道！餐茶轉檸蜜都唔使加錢，又一抵讚！另外侍應態度好好，手腳亦快，再讚！最後埋單每人$130，好滿足又食到飽飽咁走。一定會再黎啊！

燒牛肋骨，雖然點餐時表明要等20分鐘，但絕對值得。牛肋骨分量驚人，多人共享會較好。而牛肋骨上出爐上枱時香氣四溢，充滿燒烤的牛香，聞到已經流口水。食落更停唔到口，因為外層燒得香脆帶甜，内裏肉質亦很juicy,除了牛肉味十足，有牛油香之餘竟不油膩！實在超讚！牛柳配鵝肝size也是重量級分量，鵝肝煎得香脆，有少許流心，唯一美中不足就是略欠肝香。至於牛柳，一樣新鮮，牛味逼人。牛柳鵝肝與牛肋骨相比下則比下去，但其實亦出色，始終牛柳與牛肋骨屬不同部位，很難比較，視乎各人喜好。不過牛肋骨則是極推介的必吃之選。

由於好想鋸下扒，順道慶祝與男友的2週年，就選擇左呢間經常經過的名寶石餐廳。即日訂位都訂到，幾方便！去到即刻有位，yeah!要左一個牛尾湯同羅宋湯，um又唔覺有好特別，不過幾足料、餐包樣子很可愛，可惜有點不夠熱黑椒牛柳肉淋，六成熟，有一塊就熟左啲，另一塊男朋友話good!但啲菜就比較無味，黑椒汁都唔會過辣，覺得幾好。我食蒜茸汁羊架，一黎到個樣已經幾正4舊羊，切落幾易切，岩晒我！我中意食好蘇的羊，呢個羊如果可以更蘇就正了！我是食薯菜，比左啲炸薯角我，哈哈幾好味喎點蒜茸汁！兩位承惠392元，um價錢還可以吧，未算很特惠、還有！環境是比較噪吵的，如果一心想談心和悄悄話應該不適合！食物是美味，靜啲更岩你，哈哈