名寶石餐廳

營業中

休息中

第一次光顧這裡，進去後覺得餐廳很有懷舊的感覺。叫了一客黑椒牛柳,牛柳很有肉味之餘，黑椒汁亦很夠味。至於麵包及羅宋湯都不過不失，反而有我喜愛的芒果布甸做甜品，芒果味濃，不會只是有布甸粉做出來。雖然價錢好像有點貴，不過反而覺得物有所值，有機會會再光顧。

訂左檯雖然都要等, 不過因為未夠鐘, 所以時間其實係剛好既, 即係話真係夠鐘先好黎到... 上到2樓等完就有位, 地方都係迫迫地, 檯同檯之間的確係唔夠一個人身位過架喇, 不過尚算坐得舒服地方好大, 而且窗口位雖然望出去只係普通街景, 又只係2樓, 不過都裝修得幾靚, 可惜我地見到好似只得4人檯, 唔知有冇得2個人坐呢....?見到佢都有唔少menu, 不過望左一陣, 又見過呢度食評, 結果都係揀左肉眼扒先黎餐湯 & 麵包同朋友都係叫紅湯, 勁多料! d料有埋肉既! d菜好似唔駛錢咁~多到呢~ 而且好夠味!麵包好得意, 細細個好似cupcake size咁, 而且好軟好夠熱! 主菜黎喇~我要6成熟, 都應該係變左7-8成, 但至少肉質唔錯, 無嘜細筋, 而且入面都仲紅紅地, 算係咁啦!塊扒都大塊架, 幾厚身, 唔會感覺呃錢囉~ 配菜既薯菜都好好味, 佢唔多, 但蔬菜就好多! 果然最好味係粟米!!! 好大粒而且粒粒都實淨唔係煮過龍個種稔晒既~good!! 蒜蓉汁係另上既, 非常好, 自己鐘意幾多就幾多! 味道都唔錯, 唔會太鹹, 好配塊扒既味! 朋友要既8成熟, 反而就唔算好熟,

其實之前已經去過幾次~牛扒，羊扒，傳說中德國咸豬手都食埋，so far今餐係帶朋友來試～但朋友評價唔係幾好～首先環境，原本都算係幾有情調懷舊餐廳，但有班妹妹仔起度狂自拍，ｖ哇鬼叫．．．時日場面冷清，唔知係埋落雨關係呢？冷氣太凍喇～同朋友吹幾句水，ｄ野食已經凍到硬晒我點了一個套餐，大蝦配黑豬扒，朋友點了一個大蝦配牛柳。塊豬扒好乾身，味道好淡，除左食到煎過o既味，已經冇乜味，朋友牛柳太熟，冇乜牛肉味，唯一好食就係隻大蝦，容易切之餘，口感彈牙$158有湯有啫哩／布甸／涼粉任揀，重有野飲送，但價錢都過於貴。

得到老公的同事介紹, 我們去了呢間原來好出名的懷舊西餐廳度食晚飯, 食了一餐簡單但超水準的西餐!先有勁多材料的忌廉湯, 後面的包仔好軟綿綿, 好香牛油味, 好好食o架! 主菜一: 羊架, 嘩, 真係好得!!! 好食過好多餐廳,因為唔會太肥, 又煎得表層好脆, 唔會太肥, 份量都唔少, good! 主菜二: 鵝肝牛柳,嘩, 意想不到兩大片的鵝肝呀~~ 勁正, 面層少脆, 入口勁香又滑, 味道久久留在口中, 好回味!牛柳都好好, 真係剛剛七成熟, very good!服務都好好, 侍應應該都係D 做咗好耐的, 好有效率,七點幾已經好多人要等位, 不過佢都冇要人搭枱,我們二人可以有點私穩的好好吃一個晚餐,其他人客都係較年長的居多, 怪不得朋友稱呢度為闊太飯堂~絕對值得再來的餐廳

朋友介紹來這裡食，已20:40了但仍要排隊。餐廳很懷舊(有些老土)，面積大但餐桌很擠迫。餐包大大隻很熱又軟綿綿，湯就味道OK。肉眼扒配大蝦: 肉眼扒很juicy，份量大又好正，好好味。大蝦一般。西冷扒鵝肝: 西冷扒OK不及肉眼扒，但2片鵝肝份量很多，令人興奮! 很過癮! 鵝肝咬落不差啊，好過自己煮呢! 抵食。可再encore.

住左o係太子咁多年、都未試過去名寶石餐廳食飯坩就行去試下啦、聽人講都唔錯、貴D坩啦同友人去到、等左15分鍾有位lu坐低就叫左個2個餐牛仔骨同X蓋飯、個忌廉湯好足料主菜就一般左D、同花園冇分別個朱古力一睇就知好飲、都係吉百利朱古力、不過佢做得細心過好多餐廳起瑪都比人知百幾紋個餐低比個主菜唯一好o既就係D 配菜係暖的個甜品係最差的、一食之下就知係香精布丁、心想、這裏是高級西餐嗎？為何沒有用新鮮芒果做布丁、@@差極的甜品

名寶石不是甚麽殿堂級的西餐廳， 但在食神心目中有著一個不可取替的位子。食神小時住在餐廳的附近， 餐廳當時的名字叫 「紅寶石」。 可能是這區的西餐廳選擇不多， 所以爹娘老是喜歡每月帶食神到此用膳一次。 這天食神帶着啫哩人舊地重遊。 名寶石忌廉湯這個湯不是普通西餐廳的金寶湯， 它的味道不算出色， 但湯料的確是食神見過最豐富的， 當中有雞絲、 火腿、素翅等等。 白汁芝土焗釀半邊龍蝦龍蝦如果可以焗至較黃金色和乾身會更好， 白汁和芝士亦嫌不夠濃郁。 不過龍蝦加入白菌、 青椒等再釀入龍蝦殼焗， 倒有點兒新鮮感。 白汁燴牛脷牛脷烹至恰到好處， 很滑口和富層次感。 廚師預先把牛脷切成小小的條狀，非常細心。 芒果布甸甜品是芒果布甸， 如果可變為心太軟之類會更好。 總括此行， 懷緬起昔日情懷， 總是津津樂道。 食神一定會再來。。。

我是經常到那裡吃個牛肋骨，我本人認為這種古老的扒房很有味道，那間扒房做扒的味道還是不錯，牛肋骨還是那種味道，做得有肉汁的，外皮像叉燒皮的味道，雖然有點特別但最重要是道。比我以前吃過的餐廳好，我喜歡。結果: 好味，有懷舊feel

第一次到這間餐廳, 雖然只是食下午茶, 食物同服務都非常好!!本以為下午茶價錢$40-$60只會得賣相, 未必落足份量但他們用料非常講究, MUSHROOM大大片, 又有很多鴨胸絲, 勁好味 下午茶既份量跟晚餐既份量好像沒什麼分別, 一樣抵食又好味! 值得一讚!!

咁啱薑餅人要去太子，所以我哋就一齊到名寶石餐廳一試。我哋分別叫咗：紐西蘭空運牛柳伴炸蠔配意粉 (五成熟) 紐西蘭空運西冷牛扒配薯菜 (五成熟)餐包 – 雖然個樣唔似唔似牛油千層，但係食落味道簡直係一樣，而且仲係熱辣辣，搽完牛油就即刻溶晒，好好味。好欣賞用呢款做餐包，因為好少地方會用呢隻包。羅宋湯 – 一見到時真係有啲嚇親，因為料極多，絕對唔係馬馬虎虎，而且飲落味道好有懷舊餐廳feel，味道極濃郁，好滿足。忌廉湯 – 同樣都係勁多料，仲有少少冬菇絲，每一啖湯都有好多咬口，好夠誠意。紐西蘭空運牛柳伴炸蠔配意粉雖然叫咗五成熟，但係嚟到時硬係覺得件牛柳有少少overcooked，但係都唔緊要，因為都無太大影響塊牛柳嘅質素。一擺件牛柳落口時，並無預期中咁稔，但係肉味超濃，而且都幾滑。至於隻炸蠔，我都無諗過會係咁大隻，好誇張。當然，咁大隻蠔食落去唔會話超甜，但係真係好肥，而且好少有機會食咁大隻蠔。加上佢哋炸粉唔會太厚，脆得嚟又唔會搶晒隻蠔嘅味，非常美味！由於淨食牛柳同隻蠔已經可以好飽，所以只係食咗三四啖意粉，反而啲翠玉瓜同粟米就清晒！紐西蘭空運西冷牛扒配薯菜雖然都覺得件西冷牛扒唔只五成熟，但係相比

唔知係咪因為假期, 未到六點去到都full 晒, 好彩最後一張都比我地坐埋, 如咪有排等, 真係有啲誇長！紅/ 白湯都好味, 個包亦都好新鮮,暖暖地唔錯。駝鳥排配炒飯跟黑椒汁: 超大份, 有2塊排, 且都幾厚下, 肉質都幾好, 一塊就滑啲, 一塊就老左少少, 但係都可以接受。個炒飯都好乾身, 撈埋啲汁食真係very good, 伴碟仲有啲菜同粟米. 超飽, 食唔晒。焗豬柳, 呢個都好大份, 個底有好多菠菜, 跟住2大塊豬排, 再加啲類似粟米汁既"蜆", 最後2大粒薯蓉係面, 呢個啲豬排都幾 "鞋", 我就覺得一般, 啲菜同薯蓉就好好味, 又係超大份, 食到個肚超脹！仲加左$12 轉左個紅豆奶昔, 有啲似紅豆冰, 但係只係無左啲冰, 變左啲泡, 個底都一樣有紅豆, 個人認為太甜, 但係都幾香豆味！甜品無乜特別, 個pudding 就好假, 涼粉超大粒, 太飽, 食唔晒！但係好似好多味精, 食完飲左好多水都仲好口渴.....

羅宋湯 : 都算唔錯...湯料都幾夠...可以裡面的牛肉有點兒"鞋"口大蝦拌肉眼 + 大蝦拌西冷 : 大蝦冇咩問題...普普通通~ 而牛扒呢....先唔講佢d扒係唔係來自咩國家...貴唔貴~佢主要既致命傷就係唔識控制牛扒幾多成熟~我叫塊六成熟肉眼....做咩要比塊九成熟我....已經唔係鐵板上嫁la...冇籍口可言估都估唔到最好食竟然係........伴碟果d粟米粒lo 芒果布甸 : 我估呢一味好難唔整到難食既

約朋友在太子食飯，還懶醒帶人去食buffet，去到Blue Cafe才知道已經結業，真瘀皮。後來，人家提議去名寶石食西餐，還敢異議嗎?時間尚早，只六點鐘左右，所以不用等位。被安排坐樓上的窗口位，也不錯喔。說一說呢度既環境，懷舊之餘帶點高檔，感覺舒適，這類餐廳在香港應該很罕有了。餐牌有好幾個，睇都睇到眼花瞭亂。在云云的套餐當中，選中了鵝肝牛柳，兩位朋友分別點了西冷扒和煙鱈魚。湯，我揀忌廉湯。很杰的湯底，溫度尚可接受，而且材料相當豐富，味道不錯，我也難得地喝完一碗。據聞羅宋湯亦幾好。我的牛柳五成熟，火路恰當，不會過韌。牛柳厚身，但肉質幼嫩，亦有牛味，點上蒜茸汁幾滋味；兩片鵝肝，很甘香，卻未算是外脆內軟，入口即溶的那種。不過中肯講句，鵝肝夾著牛柳吃，絕對是好味道。伴碟的翠肉瓜不會凍冰冰，著角亦不錯，可見不是馬虎之作。朋友的鱈魚偏紅色，幾吸引，我也忍不住嚐了一點。魚肉嫩滑，微甜，質感亦實在，不至死實實咁，似乎比我的牛柳更出色。甜品有布甸、涼粉及啫喱三款，我揀左後者。吩咐了啫喱要加奶，吃落更為幼滑，啫喱不是雪得硬轟轟，都收貨了。結尾的凍檸茶，茶味好濃，正中我口味。埋單四百六十，幾合理。朋友搶了俾

餐湯足料，好味道，份量夠。我個人覺得羊是最好味道。羊扒餐是我家人每次必叫的，有時食紅酒燴羊膝都一樣好味道，上年聖誕訂了一隻燒羊脾，怕SO的同事都讚好味，無SO味! 正!!!不過樓下的伙計就不知所謂，經常將D位留起，人有人等，位有位空，試過有次隔離的女人一個人霸6個位，由我等位到食完，她還是一個人霸6 個位等，一路睇報紙。

DUN JUDGE BY ITS COVER!係外面睇佢只係1間好普通既舊式西餐廳,,,但佢SERVE既野好食過扒王X王多多聲,,,羅宋湯 - 有水準,,足料,,夠熱牛柳5成熟,,真係見血,,証明解凍做得好,,,個SAUCE會另上,,免得破壞原汁原味,,,有牛味,,配菜既粟米非常鮮甜,,一流生蠔/焗蠔非常抵食,,大約$30一隻,,但下次試,,,炸蠔就厚皮少少,,個人認為無咩蠔味,,,牛肋骨 - 要預早落左單先,,因為要等一段時間,,,味道非常好,,燒得甜甜蜜蜜,,但5會太甜岩岩好,,,老人家就最好5好試依個,,因為100%熟,,肉質會比較實D,,,份量其實一般都食得哂,,但細食果D最好搵人SHARE再試下其他野,,,因為點好食,,食太多都會厭,,何況名寶石中西菜都有,,,鵝肝炒飯有D貴,,一百蚊左右 一梨到似生炒牛飯,,鵝肝味5特出,,,但以炒飯梨講5膩,,味道大眾化,,,但鵝肝個效果真係發揮5到,,,總括梨講: 又係一間好餐廳,,絕對值回票價!!!但記得早D等位,,同埋有一點好有趣,,,上層同下層係分開攞飛等位架,,許可既話2層都攞飛,,,下層就暗D但細D同埋焗D,,上層就光D同埋大