名寶石餐廳

營業中

休息中

難怪家人咁鐘意這餐廳，餐廳提供的食品款式實在多元化。紐西蘭肉眼扒，五成熟恰到好處，家人說很有肉汁，外脆內熱，扒身其厚，配合燒汁，最後只剩吉碟一隻。老人家喜歡紅酒，這裡亦有提供，各得所需。日式醬汁燒銀雪魚。家人上次來已食過這道菜，今次是anchor，魚燒得很香，魚肉新鮮香滑，可配意粉，飯或薯菜。日式燒銀雪魚配美國極黑豬扒。菜式配搭多元化，家人選擇又魚又肉，配薯菜，一人份滿足多個願望。紐西蘭西冷牛扒。家人不乏牛魔王存在，整晚不同牛既部位都差點食過，血紅的西冷牛扒一啖也不留。烤鴨胸伴銀雪魚配天使麵。烤鴨胸不是小妹杯茶，但賣相也不錯。茄焗牛脷意粉。 本人不喜愛牛脷，感覺怪怪的，但家人已將整個意粉食清光。時菜焗蒜蓉帶子牛脷配意粉。 這個菜式好特別，從來冇諗過可以這樣配搭。 今晚各人有各自的精彩實在係大滿足。

最初計劃搭小巴轉地鐵 7 點到步，但諗諗下黃埔開左新地鐵站可以試試喎。由行去地鐵站連等車，到達餐廳只需 30 分鐘，真係快喎 ﹗那可以走在繁忙晚市之前，唔洗等即刻有位，lucky ﹗又係我最討厭的二人迷你檯，坐到頂手頂腳，檯同檯之間幾乎零距離，無無私人空間。菜色多到不得了，貪心的我樣樣都想試。朋友仔想食上海菜的，但我近日經常都京川滬真的悶到反胃了 ﹗真有義氣陪我食港式西餐，都好啦，已經好滿足喇，多謝晒。羅宋湯，厚厚濃濃湯汁，茄味特濃帶酸而不辣。雜菜好有咬口又爽脆，唔會腍劈劈，新鮮滾架喎。湯全部飲晒，連渣都無剩，完全清晒 ﹗餐包，似蛋糕的餐包都係第一次見，上半係餐包、下半係蛋糕，撕走包紙，起動 ﹗餐包夾著牛油好好味呢，外皮香口、裡面乾棉棉，沾上羅宋湯同吃一樣好食。西冷牛扒 3 成熟，牛味濃郁突出，越趙越 juciy，質地有趙口有彈性，外層全熟包著嫩紅色牛肉在內，捲埋辣中帶甜黑椒汁堅好食 ﹗我對薯仔一向麻麻，脆薯皇沾上大量茄汁，外脆內棉新鮮炸薯，真係特別好食喎。炒粟米粒好香口，全部消滅無得留低。龍蝦併牛柳 3 成熟，牛柳甜美軟塾，充滿肉汁，一鋸即射。龍蝦被炸漿厚厚封住，肉汁完全鎖係裡面。界

今晚係家庭生日聚餐，家人預早兩星期預約留座，否則一定冇位。我家老人家特別喜愛這裡，聽聞這家餐廳已營業起過三十年，給老人家很多美好回憶。鋪進門口，等待安排座位的空間佈置得很有園林感，相當舒服。餐廳分為兩層，地鋪雅座和二樓。這條是通往二樓雅座既樓梯，兩邊有扶手，環境光猛，只是老人家要慢慢行。樓上的空間很大，座位間隔寛敝，我們被安排梳化位置，很是舒服。餐廳提供暖暖的餐包，加牛油，包身鬆軟非常。這裡的忌廉湯值得一讚，湯料十足，包括東菇絲， 椰菜蘿蔔絲 ，仿魚翅， 雞肉絲，要慢慢品嘗！點了炸蟹鉗兩隻，很肥美香脆，不過蟹肉不夠十足，點著甜酸汁進食，已經很好食！由於食了下午茶，點了比較輕盈的香芒蟹柳 吞拿魚沙律。這個生果分量十足，材料絕不吝嗇，包括香芒，西瓜，蜜瓜，青瓜，生菜，吞拿魚， 番茄，粟米，紅腰豆，蟹柳，薯仔等等。不用點提供的沙律醬，已很美味！愛人點了美國牛仔骨，好誇張有五塊巨型牛仔骨，跟肥美的薯條，大量栗米，配合黑椒燒汁，他冇辦法食得哂，唯有我幫手食一件，肉質香脆嫩滑，肉汁滲入口腔每個各落，兩個字：完美。甜品選了啫喱，這是青檸味，很新鮮開胃。實在太飽了，來一杯熱檸檬茶消消滯就最好不過。

It's my first time visit to this traditional cafe in Hong Kong. Rib is delicious and juicy. But, just like an old traditional hong kong cafe, crowd and loud...

當天是Boxing Day和世伯生日世伯喜歡吃牛扒，男朋友建議帶兩老一齊去名寶石食扒餐名寶石，之前同朋友，家人都食過幾次，水準依然，每次都很滿足！好彩我地book定位，８點半都仲有好多人排梗隊啊我地四個人，除了我試下龍利柳之外，佢地都叫左西冷扒。其實呢到除左牛肉出名之外，其他都好好食！首先黎左餐湯先，可能因為節日關係，多左款周打魚湯！周打魚湯：飲落同白湯差唔多～但係一樣好好食！忌廉味好香，好濃同埋滑。而且好足料，仲食到有魚肉。羅宋湯：每個人黎到飲呢碗羅宋湯，都一定讚不絕口！首先佢既料超足，而且Ｄ菜料好吃。仲有埋一舊舊既牛肉架！呢碗羅宋湯香得黎唔辣，唔似得有Ｄ只係得個辣字，比起好多外國餐廳既可以話更掂！食得出佢d湯全部都係自己煮的, 唔係就咁買一大罐現成貨返黎就算不過小女本身喜歡白湯多過紅湯，所以每次都係一定簡白湯，飲幾啖其他人既紅湯咁，試晒兩款湯嘛ＸＤ等左一陣，主菜有得食了人多黎講佢既上菜時間都算快。西冷扒配薯菜燒汁西冷扒：佢有幾款汁簡的，男朋友叫了燒汁～都唔錯！至於西冷扒７成熟剛好，牛既肉汁味好香濃，肉質又唔UN，又唔多筋，容易入口！咁足料既牛扒，男仔都食到好飽。。。薯菜及配菜：D薯

今日下午行開花墟買花，見有啲肚餓，本來諗住去茶餐廳食個下午茶，但家姐極力推介呢間餐廳，就即管去試一試。餐廳位於2樓，環境尚算舒服，下午茶選擇不少，有炒麵炒飯，亦有沙律，湯粉麵，價錢平均約$50～$75（另需加一）。家姐選了香蔥炸豬扒湯粉（但改了烏冬，不用加錢），而我有D肚餓，所以叫左鵝肝炒飯（$75）。香蔥炸豬扒湯烏冬先到，豬扒以吉列制作，皮厚薄適中，炸得鬆脆，肉質淋，但肉味很淡，亦食不到香蔥味，配沙律醬食，尚算ok，不過烏冬份量少，而且煮得太淋，一夾即斷，有待改善。接著鵝肝炒飯上枱，一看，飯面竟然有塊2個萬字夾大少的黑色物體，而且一睇就見到，立刻詢問送來的Waitress(短頭髮染灰色，穿黑西裝，應該高級D），佢望一望，只係求其講左句＂D蛋炒燶左，鑊燶黎＂姐＂，之後竟然施施然走左去，，態度極差！之後，再問另一waiter (後生仔，花恤衫的），他立刻將碟飯攞返廚房，之後返黎話唔好意思，並話會炒過另一碟給我～好快，另一碟鵝肝炒飯上枱，份量一般，但香味不足，數粒鹅肝細過豆豉（當然$75，我亦不會抱乜期望），配料少，而且太過多油。餐飲叫了凍朱古力，但水多粉少，淡而無味。總括：雖然之後看到隔

今日黎到呢間位於太子道西嘅一間舊式西餐廳, 話明係舊式, 當然裝修同職員都比較老練啦😆😆😆 上網見過好多好評所以一早已經提早book位, 餐廳確實非常熱鬧, 虛無空席! 估唔到有咁多人都鍾意去舊式餐廳食牛扒😁因為預先book左枱, 所以被安排到角落 window seat, 氣氛真係好舒服, 好有情調👍🏻黎得舊式西餐廳當然係鋸扒喇! 🍴Order打完牛扒之後職員已經馬上奉上麵包同餐湯忌廉湯用料豐富, 飲落唔會好杰身, 口感適中唔錯❤️餐包外型好似蛋糕仔😆😆😆 不過可能攤涼左, 同埋唔夠鬆軟, 不過如果點埋餐湯一齊食嘅都OK👌🏻鵝肝伴牛柳配薯菜 跟黑椒汁 $258因為有鵝肝關係價錢相對比較高, 牛柳唔算十分大件order 左7成熟,切落去唔會有血滲出來, 廚師控制火候控制得好好喎! 牛柳會煮得過分熟, 識落肉質軟身, 而且都有牛香味! 鵝肝方面, 份量都幾多鵝肝味道香濃😍😍😍 外層輕輕煎香過, 令到食落多咗一層鵝肝嘅油脂香味! 真係好邪惡啊😈跟餐既甜品 芒果布甸味道還可以唔算好有驚喜👌🏻

七點十五分到達，等了大概五分鐘可以入坐由於一心係黎食牛扒，所以勁快點餐。名寶石係出名的舊式扒房，其實都唔駛點介紹我點左一份 medium 的 rib eye 份量超夠，煮得岩岩好，切落有少少血水就very good la, 不過唔夠均勻呀，食到尾尾比較厚身的地方，變左rare, 薯菜就嫌有少少燶，夠哂香口，跟餐有飲品甜品餐飽餐湯，餐飲可以尾尾先叫，因為全程都幫你fill 茶，服務一流。好，看圖睇野食

老牌扒房餐廳, 就抱住期望以為是一間有水準的西冷扒, 结果失望, 五成厚扒, 烹調超硬。另外下單散叫牛脷飯98 , 我清楚説明會叫其他套餐, 所以不需要重覆湯和飲料, 地面層黑衫男伙記問要咩湯, 飯是包括湯, 埋單竟收取128 (加了30元), 询問下，男伙記大聲説冇講過湯是包括的, 凶狠説飲料甜品不是己經上了餐枱。實際餐枱上面的飲料和甜品是牛扒餐的。食品和服務態度差, 不值再去。

我估應該冇人好似我咁誇張，早餐流流食牛仔骨！幾好味，D肉冇乜根，唔會食到牙都軟。其實成日都食名寶石，原因係由細食到大，有感情，至於味道，其實普普通通，價錢略貴。

個日比較早去，所以唔駛等位，但個度泊車真係好難。。。四個人食晚餐兩個嗌肋骨一個嗌魚我嗌羊架得我中伏好似食緊茶樓D牛仔骨咁但完全冇肉味更加冇羊味佢烤到好乾所以真係好難食其他人既餐都OK所以下次真係唔再食羊架。。。

本人係懷舊控，久唔久我都會去食下傳統扒房。今次食龍脷柳同西冷（5成），魚份量頗多，不會過咸，味道較淡，注重健康的我覺得很好。而西冷都維持水平，蒜蓉汁好惹味。甜品也不能忽視，布甸超香滑，必定要加花奶，而杏霜實在要一試，好香濃滑，為晚餐劃上完美句號。

這家老牌餐廳，惠顧過兩次，兩次都見有好多人點牛肋骨餐，應該是招牌菜吧！趁老爸這個牛魔王生日，當然要來湊湊熱鬧吃牛肋骨。牛肋骨來到，沒想到這麼有份量，是兩倍老爸的臉外表少少燶，還擔心是否over cooked 會好硬，沒想到入口很軟，口感有點像牛臉頰一樣淋，我又覺得好像「西苑」叉燒咁淋，近骨位牛味好濃，難怪成為招牌菜誠意向各位推介P.S. 另外，喜歡羊的朋友也不要錯過他們的羊架啊！夠羶又juicy 😊

老牌餐廳信心有保證，價錢比較高，不過有鮮橙汁同餐飲，好小早餐有二柸野飮，牛朳好正，位置就腳，，都幾多，幾夠飽，環境都幾舒服，但食過早餐成七八十蚊都幾貴，一年食幾次就夠.

同先生兩個人去，佢食肉眼，好基本，所以都無影相，點知到我想試嘅牛肋骨嚟到，同張相差唔多但係見到實物都係覺得有啲震撼。牛肋⻣上面掃上蜜糖去燒，形成一層脆皮，好食。不過弔詭之處係佢無乜調味，可能係預計食客點港式西餐必備嘅洋蔥汁黑椒汁etc，但係我一點洋蔥汁就無晒蜜糖味同埋同食其他扒無乜分別。去到最後，我都係會俾一個笑，因為牛肋骨實在燒得唔錯，先生嘅肉眼水準正常，老牌餐廳需要支持。後記：個人經驗，平日晚飯時間都需要訂枱，除非你可以六點半或之前去到搵位。