合興粥麵飯

營業中

休息中

呢檔咖哩撈麵認真好味道而且服務一流，可能係街坊生意啦，我帶朋友去呢度食午餐，叫左一碗雜麵兩個share食，好滿足因為雜麵可以食到好多種類既，佢都話好好味有驚喜，豬腸夠淋又入味，蘿蔔又淋又香甜，麵又大大碟，總括黎講樣樣都好味，不過如果有番柚皮供應就真係完美喇！(因為以前係呢度食既柚皮真係超級無敵好好味架！)

豬大腸, 蘿蔔, 炸齋配粗麵...因害怕吃不掉..特別要求少麵..阿姐好好人..問柑少點夠吃..還收少$3..沒法子..腸胃唔好..不能多吃..豬大腸很深色, 但不會過咸, 肥膏早已去掉..有咬口蘿蔔..就差了..不太甜還有點苦..可能不是當造季節炸齋..真的好味..邊口還有少少脆..粗麵卻比預期差..有點硬..通常粗麵應該是滑溜的..整體而言..合格..但未至於非吃不可不知幼麵質素會否好些?齋大約一舊剪開4-5pcs, 豬大腸 5-6pcs, 蘿蔔 5-6pcs..(size 普通)2餸+麵 $16, 再加餸 @$5如果淨餸 @$6..服務就真的很好, 2女1男..都面帶笑容..很親切.這才是敬業樂業的精神...客人自然多..低讚最衰假日, 紅日唔開店, 否則介紹給c6 吃豬大腸, 炸齋...

在柴灣工作的最後一天, 別過上司同事之後, 便出來尋找有點特色的地方吃個早餐, 在此地留下一點飲食的足跡。來到這個被工廠包圍著的熟食中心 (好在位於大路旁, 難找極有限), 原來的目標是柴灣地膽 KC 兄介紹過的財記, 但鑽進「熟食中心」裡頭 (我還以為是市政大廈之類, 原來只是兩條昏黑的巷仔! ), 卻找不著, 將錯就錯, 便在合興門外坐下了。 早餐嘛當然是吃粥, 有好幾款大路的選擇, 價錢非常相宜, 十元以內已有交易, 有皮蛋粥有瘦肉粥, 但是就沒有皮蛋瘦肉粥, 真的耐人尋味。既然如此, 乾脆吃皮蛋粥 ($8) 算了。大大碗熱騰騰的粥, 絕對是冬日暖身佳品, 皮蛋也很多, 雖然粥底少不免有點「味」, 但總算綿滑, 是抵食的。一碗粥不夠飽, 再來一客腸粉 ($6), 三色醬什麼都下一點的, 腸粉比較扎實, 不太滑溜, 不過吃完剛剛夠飽。吃完之後, 才發覺這裡著名的 (我想), 是咖哩蠔油撈麵 ($16)! 幾乎人人檯上都有一碟!上回失諸交臂之後, 數月後有機會再回來, 今次是時候吃撈麵了。撈麵包兩款餸, 再加每款 $5, 這裡基本上都是車仔麵的運作, 要什麼麵條、多辣少辣都可以自選,

雖然星期六放晏時間都好多人排隊！車仔麵可以堂食or外賣（用塊plastic 直接包住）有粗幼米粉揀，今次叫左魚蛋蘿白油菜粗，佢會係上面加汁，oyster sauce n oil! 最鐘意佢蘿白好甜，麵又有口味，配埋個汁sweet n salty 好好食！抵！

十月下旬‧晴早餐時份，走進這個熟食中心，選擇也不少。就來了最多人排隊的粥粉麵店子，看看有什麼好吃。見這裡的冬菇及豬大腸也煮得像樣子，就來一碟米粉，加豬大腸、冬菇及齋，米粉扣底。冬菇很入味，吃起來口感夠爽，不錯；大腸也炆得軟腍，美味；最好吃的反而是齋，還有點微脆的，加上辣湯汁，好吃。不要看這等小店子，賣麵的阿姐服務態度是很好的。17元，吃得飽飽，很好。

好有HEART的車仔麵...是繼車仔麵之家,榮記 又一新發現... 我專程由香港仔到柴灣, 但都值得既!中午十二時許, 在一條簡陋的小巷, 排了大約十多人的人龍, 人人為的是要吃車仔撈麵。我叫了一碗特林(因為牙痛), 他們真的將粗麵淥耐D, 再來豬腸 - 好入味。蘿白,也是長長一條剪開, 好好味；豬皮 - 無毛, 好乾淨。豬紅 - 超好食。一大碟麵, 用不太咸的豉油再加上架喱汁, 一種懷舊的感覺湧上心頭。(小妹記得小時候在荃灣巷仔食過, 好似個鐘FEEL)真係好耐無食過有心做的車仔麵下次一定再食, 超抵的一餐!

終於黎呢度試吓, 地方好鬼難搵, 而且只係做上晏, 星期六黎左食, 好長龍, 排左好耐, 個靚姐做野好鬼慢, 五怪得甘長龍! 試左:由魚-五得好雪藏味, 齊-新鮮炸, 好好味, 蘿蔔ok, 朱腸- 超五掂好押, 朱皮-好好食夠淋好入味, 幼面- 好硬, 最後佢下鼓油, 油, 蝝油, 整度成碟好咸, 五係甘好食, 同埋食完好口乾, 要勁飲水

以前讀新翠培元幼稚園~朝早老豆一定帶我黎食一個"雜撈粗是油撈走辣"雜撈有餐肉,煎蛋,火腿,腸仔同尤魚~撈粗唔係粗面~係油面~是油係甜既稀是油~唔會太濃~食落反而似湯汁~事實上辣既好食詔唔辣~但係小朋友唔食辣野嘛=,="最近patpat痕請個上午假走去食早餐~叫左個雜撈油...一黎到...d汁咁"傑"既=,=?而且太咸~d料都不過不失~不過至抵死係d蘿白......白水灼都算啦....灼果時你唔識加少少甘草同冰糖ga咩? 基本野黎啦.....好似食左舊水咁.....我諗係我太強求以前果隻味道掛....為兒時既味道加分~>w<

在柴灣住了30年...都唔知有呢間食店..原因是地理問題.位於工業區的橫街. 本身都唔係一般市民會經過的地方.但是卻吸引了一班藍領白領甚至OL 光顧她們的招牌是車仔撈麵她們的選擇不太多.但每一個(食送)都整得好用心務求做到貴精不貴多.必點的是她們的齋. 每天清晨炸好...所以非常新鮮又沒有油益味.差不多每一個熟客都會點的.豬紅是比較實的一款,十分有口感.另外一款必點就是螺肉同埋魷魚.十分爽口.用秘制的醬汁煮後十分冶味。講明係撈麵.撈汁都係重點. 有別其他食店. 她們用的只是"豉油" 沒有其他店的濃厚醬汁. 調後的豉油更能帶出食品原來的鮮味.6個(食送)都只係$23, 難怪咁多食客都不怕後街環境較差都要一嚐.

首先, 我以為車仔面會係濕上,但其實係撈面. 都幾特別. 十四蚊面底加兩個餸, 之後每個餸兩蚊. 係咪真係o係香港o架.... 好抵!!咖哩魷魚好正,但有點辣; 螺頭好"琳"唔'UN";蘿蔔好甜,無渣;齋係老闆娘特別介紹, 係老闆自己打粉兼炸,真係好味喎; 豬腸必食;豬皮索晒D汁,正!!! 先廿四蚊....抵!!!!雖然食到最底會有D咸,但整體黎講都好味.地點: 好難揾.... 柴灣地鐵站B出口. 羅屋對面,見到大排檔沿小巷直入. 見到幾個靚太果間就係啦!!!

很奇怪為什麽這麽久都沒有食家介紹過這一間鋪頭,唯一解釋可能是這間鋪的營業時間,星期一至六朝七至下午三點左右,星期日及紅假休息除非是家住柴灣或者在這裏工作如果唔係都幾難食到首先講少少歷史這間鋪在柴灣起碼有三十年以上(小弟今年都三十過外真的由細到大)最初鋪頭是在舊式七層公屋地下開檔,清拆オ搬到這裏我想都有十幾二十年了!再講食物不是太多選擇但簡而精------{面}------粗面@幼面@米粉&公仔面{餸}------咖喱尤鱼@魚旦@螺肉@蘿蔔@朱紅@齋@朱皮@生菜/菜心@朱腸@冬茹@雞亦尖 (早幾年有柚皮但事頭婆話來貨價貴所以不賣了十分懐念因為好好食)還有煮的很靚的白粥就是這樣餸&面一吃就二十多年每一去食都十分滿足的離開,坊間都有很多車仔面但為什這間最吸引我?因為坊間很難食到好味的@車仔撈面@味道一流再配合辣椒醬簡直人間極品(雖然並不是用余均益)每次去之前十分期待,食完之後十分回味,但又有點失落因為下次唔知幾時才可以夾到時間去食所以每次我都會細心品嘗每一啖再三回味至於價錢吃了這麽多年我都是叫@什面@吃(全部餸都有)價錢只是$