合興粥麵飯

營業中

休息中

 柴灣有一間車仔麵,食法獨特,用撈麵方式上菜有別於一般用湯係秘製辣汁加醬油調成既汁底去撈距離柴灣MTR只有5分鐘距離,係平民食堂小店全名叫咖哩蠔油撈麵單麵$21,雙拼麵$26,每款追加 $3單配料散點$10公司麵=綜合=全部都有咖哩豆皮,滷水豬皮,豬腸,蠔油蘿白,豬紅,螺肉,冬菇,雞翼尖,油菜我個日點左一盒綜合撈麵,用特大外賣盒拎走柚皮,味道質感都做得唔錯大約係4人份量好誇張, $56一盒根本多到吃不完一般由早上開至中午就收工,好快賣完真正既隱世小店係平民既小食豬皮夠爽口,螺肉洗得乾淨入味魚蛋彈牙,豬腸味濃重口味豆皮唔夠入味阿根廷魷魚,咖哩味唔濃,但爽口豬紅夠咬口,但太細粒好易碎雞翼尖,好入味之餘又夠大隻 蠔油冬菇 沒有滷到太軟爛,保持一點爽硬,好吃多汁 大腸好重口味,不是粉絲可PASS 四人份量先吃到完......麵底可自選醬汁略為濃咸帶微辣可稱得上惹味,但份量一多,食落有少少苦澀味整體來說,味道中上,份量十足,價錢便宜但不算是頂級好味道可以一試合興粥粉麵地址：柴灣吉勝街10號熟食市場#香港美食#柴灣#車仔麵

搬離咗柴灣已經十年有多，宜家只要有機會返去就把握機會幫襯呢檔由细食到大嘅撈麵。佢係用豉油撈麵做底，同出面一般D車仔麵唔同，當然要加佢哋特製嘅辣汁，特别入味，的確係佢獨有嘅特色。仲有好多餸俾你揀，有美味齋、魷魚、豬腸、柚皮、螺肉、豬皮、豬红、魚蛋……等。要數至愛嘅當然係齋啦，個邊又脆，沾上辣汁食，很入味呢！另外，魷魚及豬腸也是不錯的選擇。假如有選擇困難症嘅人，可以試吓叫大雜麵，咪乜都試吓囉。價錢相當大眾化，一個餸都只係加幾蚊咋。

如果你自認係柴灣人，相信你一定會試過車仔撈麵，呢個麵我由細食到大，只有係柴灣先食得到，完全係代表呢個社區既食物！！每個月點都要食最少一次，以前係用個膠袋裝住d麵，好有風味，依家就轉左用發泡膠，但味道依然一樣最鐘意要魷魚、螺同齋魷魚夠彈牙，螺肉洗得好乾淨，齋係炸過黎，仲吸收晒d醬汁，好好食一定會推介未食過既人黎食

這家店位於一條不起眼的小巷，是很久以前已經有的熟食中心，如果唔係住附近或者附近返工，相信都唔會特別留意或者知道。每次嚟食都好多人排隊，特別係lunch的時間，平均都要等15-30分鐘左右。這裡賣的最出名係車仔撈麵，一般食車仔麵有的餸，如豬紅、豬皮、蘿蔔、大腸、螺肉、尤魚、魚旦、雞翼尖、冬菇、菜、齋等等都有。這裡的餸煮得好入味，特別推介的有大腸，好淋好入味； 咖哩尤魚味道也剛剛好，不會過辣，亦很有咬口。這裡的麵都是用同一種醬汁撈的，味道稍為有少少偏重，但個人來說都幾喜歡這份味道自己都好喜歡吃這種本土小店和地道食物，相比起昂貴的食材和高級餐廳，更有一種香港情懷和態度。 非常推薦的傳統小店，有機會不防去幫襯。這裡收很早，大約2:30pm左右，想吃的要注意一下

自從上班後，每天早出晚歸，其實很少留在自己所住的地區！土身土長的我，對柴灣有一份獨特的感情！很想慢慢地與大家分享更多柴灣的美食！自上次介紹林記牛腩粉麵，這次介紹另一間，屬於柴灣的味道！就是這間，我會稱它為魷魚麵的合興粉麵！這間店的位置偏僻，除了在附近工廠區上班的人，正常人是不會路過的！今天因為上夜班的關係，睡醒想到想吃，所以在上班前，特意走過來！小時後，已過身的媽媽在附近的工廠區上班，魷魚麵是每次探班必吃的小店！先說環境，這小巷與從前沒太大分別，坦白說，可以說是環境惡劣，有垃圾，濕濕的，像火爐的溫度！但肯定是加了很多感情分，我是可以接受的，更可以堂食！在這裡吃麵，是一種的風味、是回憶、是一份情！場內設有多把的風扇，但對現場的溫度並沒有任何的影響！一邊吃麵，一邊滴汗，是這裡的風味！平日有空，我多會買回家慢慢品嚐，與家人分享，大多會把餐牌上所有的配菜都下單！但今天只有一人的力量，所以只可適可而止！今天的選了幼麵，魷魚，冬菇，蘿蔔，豬腸，菜！幼麵，有點脹，但軟硬度還是適中的！話明魷魚麵，我最喜歡的，當然是魷魚！魷魚「發」得軟淋適中！辣汁入味！冬菇細細粒！同樣是軟淋入味！豬腸我不常吃，但這裡的

我記得上一次黎食，起碼三年。堂食同外賣既味道會相差好遠，真心建議堂食先好食呀。好難喺香港搵到呢啲“古早味“ 既地道美食，記得細過食呢啲麵，就在柴灣“屋村十三座“長興先食到，難得柴灣仲有呢啲味道。好懷念。我今次幫襯既，叫“公司麵“ ，慨念就係睇下當時檔口有乜配菜，就夾曬落去。螺肉，尤魚，大腸，豬紅，菜，蘿蔔，乜都有。諗唔到食乜，叫呢個啦。我原本叫不辣，但老闆娘扁咀，話一定要有辣先好食，我話我食唔到辣嫁，佢好強烈推薦，要幫我溝味，包我話正喎。點知食落我接受到

香港有地道的車仔麵，真係買少見少，可能因為租金問題，竟然係柴灣仲有一間。每次lunch去呢間都係超多人排隊，有時要夾啱時間，剛剛今日就人不多，但都要等十個，我一如以往叫咗4個餸。尤魚鬚，螺肉，齋仆，豬紅，因為唔係次次都排到隊，所以呢幾樣都係我必叫的。

店舖細少所以位置也不多.但勝在老闆夠隨和及友善在出面的店舖應該比較少看到的吧??車仔麵有豬紅 魚蛋 豬腸好好味啊!! 好有味道米粉剛剛好 質感適中配埋辣汁 一流!!這是原始的車仔麵沒有湯的 只有醬汁感覺都幾得意 同埋都好好味的可以一試

係隔離間鋪食完車仔撈麵,眼見呢間咁多人排隊,反正十年唔會出黎一次,就試埋佢先走啦。叫左個粗麵,魷魚,豬腸,豬皮。21蚊,同隔離一樣咁平。魷魚好食,非常軟,又爽口,又隔離好食,唔怪得個個都叫豬腸色就有,不過無乜味。豬皮幾乾淨,但係唔爽口。麵底真係好一般,佢係一次過娥d麵煮好曬,唔好預期好食,個汁真係非常咸,搞到祊碟野都非常咸。搞到唔好食味道:非常咸,引唔住要加支可樂。但好多人食,可能我食唔慣環境:幾張枱係度,可以堂食,預左痴枱位服務:還好,街坊生意衛生:大排檔格抵食:21蚊3送其實好少見,可能少去柴灣個邊呢個撈麵真係唔岩我食,好似成緊鼓油咁。

第一次去哩間度食感覺好新鮮啊=]因為自己比較少去這些地方食叫左四個送有魚蛋 豬紅 豬大腸 咖哩魷魚所有送都好好味 全部都係自家製的麵底係公仔麵 質感煮到岩岩好再加汁去撈撈撈撈撈～～～～正啊!! 推介!!如果要叫野飲是另外加錢的都幾貴下 感覺唔太抵我叫左杯凍豬古力都要$15 *o*仲有 姐姐好nice會打招呼同物傾計的 好warm=]

魚蛋,豬腸,魷魚撈米粉魚蛋咖哩味10足, 不太辣, 不太粉豬腸十分入味, 沒有"酥"香, 亦來有鹵香的味道, 口感一流魷魚同是咖哩十分入味, 口感亦是一流, 不太靭, 一咬即斷.米粉伴著老闆娘所調的蠔油和醬汁侯產生一種美味可口的效果了

若不是柴灣地膽或在附近上班的打工族，相信也很難發現這間簡陋食店，因為它隱藏在一條毫不起眼的昏黑小巷。然而對我來說，這裏的哪渣麵就是兒時回憶，因為細細個的時候，母親大人久不久便會帶我來開餐。隨著媽媽已不在那邊工作，我就鮮有機會再吃合興的食物。今天忽然想覓回這種久違了的味道，晨早便往小店走一趟，適值是周六返工時間，前面已有幾個食客在排隊。我外賣了一包三餸麵，拿起時已覺得很墜手，回家一看見到份量確不懶。拌勻後先吃口幼麵，可能醬料太多的關係，麵質有點腍身，然而那個黑豉油加辣油就是精華所在，初嚐是甜甜的，及後喉嚨會帶點刺激，再加上餸料的咖喱汁，幾種味道在口腔打滾，感覺既複雜又有層次。三款餸料包括魚蛋、魷魚和螺肉，螺肉黑黝黝的樣子不討好，但煙煙韌韌頗有嚼勁。魷魚被咖喱汁重重包圍，味道很是香惹。魚蛋則沒甚特別，下次可轉一轉咖喱齋。這條小巷子還有幾所食店，印象中沒有幫襯過，或許要再找機會試試。

叫左豬腸(黑mug mug的)入味, 不過無豬既味, 得d豉油味, 蘿白(白恰的)無味, 味道是苦和硬的 豬紅(夠味)不過好少粗面(好大陣項味, 不知係咪佢地預先已經淥好, 人叫再淥一淥, 擺得太耐, 太淋)整面個嬸嬸動作太慢, 你急佢五急,無乜心機整, 黑口黑面做法求其. 五好食. $28再加一杯凍飲$13$41好似五係好低.

食晏時間得這間無乜人排, 原來這裡要叫左食乜比左錢先自己搵位. 叫左豬腸 蘿白, 豬紅, 冬姑, 米粉, 不過米粉好少, 食完五多飽.首先係d豬腸, 入味就入味, 因為成條黑色不過蓋五到d壓味, 五好食. 蘿白直情係白恰的, 只有苦味五得, 豬紅無乜特別五夠入味, 反而個冬姑就幾好味, 米粉太碎同份量好少, 附送2條生菜.總括黎講全碟都係靠臨尾個阿嬸落果d蠔油同豉油吊味, 因為這裡是撈面, 沒有湯的.食完番到公司好口乾, 勁飲水, 可能係d蠔油同豉油既味精.

十二月上旬‧陰天晨早要練習，要吃個豐富早餐，來這裡吃個冬菇大腸米。大腸入味又軟腍，冬菇亦入味也彈牙。米粉爽身，加入醬油也美味。最重要就一定要加辣汁，吃起來惹味很多。十六元，吃得飽飽，是合理價錢。