古琴雅苑 (利舞臺廣場)

營業中

休息中

推介指數 Recommendation Level : 🔥🔥🔥餐廳主打中式上海及北京菜，質素十分高，而且還有不少套餐可供選擇，所以價錢相對非常便宜，菜式的份量亦十分足夠。此外，餐廳亦會因應不同的季節，以新鮮時令的食材製作餐單，令客人有新鮮感。The restaurant specializes in Chinese cuisine from Shanghai and Beijing, offering high-quality dishes at very affordable prices. There are also a variety of set menus to choose from, and the portions are generous. Additionally, the restaurant adapts its menu according to the seasons, using fresh seasonal ingredients to provide a sense of freshness for diners.晚市套餐 ($718)Dinner

今次呢間都係應朋友仔要求 試下呢間今期至hit嘅京川滬菜 呢度都長期排隊，可見人氣爆登大家嚟食，記得訂枱仲有優惠贈送。今天菜式👇古琴酒槽烤北京填鴨（半）$228師傅會係大廳兩旁切鴨肉基乎做唔停，因為嚟得既客人都一定會叫，店員首先上咗常見的青瓜條 京蔥絲仲有不常見的哈密瓜條，令口感層次再多了一點點；另外上咗一小碟鴨皮，因為佢地話係鴨胸的位置，是極少的一個部位彌足珍貴呀，嚐了一口，極乾身，冇乜水份同油份淨低沾上些白砂糖，有點似甜甜既脆片不過入口好快便化開，十分有趣既食法，第一次試；半份烤鴨份量幾多，鴨皮真係烤得好酥脆，入口有油分，好香。至尊拼盤$208呢個係餐廳轉季特別推出的「暖冬窩心」系列菜式，今次決定要呢個拼盤已經可以一次過品嚐晒五款不同口味的涼拌小吃，花雕醉雞、雞絲粉皮、拍開洋黃瓜🥒揚州水晶肉、四喜烤麩。南翔小籠包（6件）$82見到上海菜，一定要叫返個小籠包，一客有6隻小籠包，真係新鮮熱辣，小籠包個皮好薄身，入面爆多湯汁 好juicy，超重肉味，而入面個肉都係好食 唔會太咸。腰果露$39手磨腰果露又香又滑。

我同朋友好鍾意食片皮鴨，今晚約定去試吓「古琴雅苑」呢度的京川滬菜好有名氣，店員服務品質也很好，訂座仲有優惠，天氣逐漸下降，店內特別推出「暖冬窩心」五款菜式配合入冬季節👍🔹古琴酒槽烤北京填鴨（半）$228見到每枱都必點片皮鴨，半隻既份量其實都好多，個鴨皮好脆口 連住少少既鴨肉，帶點酒香，食落油脂感好重滿口都係鴨油超正，用熱辣辣的餅皮連青瓜條 京蔥絲 哈密瓜絲仲有甜麵醬 砂糖一齊食，感少油膩感更加滋味。🔹古琴酸菜魚$288我哋揀咗一款「暖冬窩心」菜式，呢度古琴酸菜魚，魚肉爽口彈牙而且肉質鮮嫩入味，酸菜 芽菜 花椒 辣椒乾同泡椒用砂鍋上菜，食落有層次感別具風味。🔹金銀炒鱔糊$168該菜式色澤油亮，鳝糊爽脆，芽菜沒腥味。🔹高力豆沙香蕉$72剛炸好的蛋白霜包着甜甜的香蕉豆沙，軟綿綿的充滿空氣感，但內餡充實不會空洞，鬆軟清甜。🔹［訂座優惠］贈四喜烤麩

完全趕客，咁嘅服務態度不如唔好做夜市啦！搶執碗、狂推銷買套票、啲嘢又唔係好食，上海菜做唔到基本質素，北京菜又唔係咁好食，俾好評嘅食客一係就收咗佢哋錢寫好食，一係從未食過北京菜或上海菜老實，咁貴，又難食，街邊任何舖嘅服務態度都好過呢度，一定永不回頭

為慶祝媽媽生日，選擇了這間以「片皮鴨」馳名的連鎖中菜餐廳，包括上海菜、京菜菜式選擇等，食物質素大有保證！🏠餐廳： #古琴雅苑 (利舞臺廣場)📍地址： 銅鑼灣波斯富街99號利舞臺廣場8樓B號舖烤北京填鴨 $218/半隻以半隻來說，片出的鴨也算頗多，外皮烤得香脆不會老，皮肉比例平均，用熱熱的餅皮包著鴨，再包著京蔥、哈蜜瓜、青瓜、醬汁等，好味非常！古琴酸菜魚 $288/例因為家人不吃辣的關係特意叫少辣少酸，出來感覺都不錯，尤其湯汁喝出酸菜味道又不會太辣！而且魚片份量都很非常多，足夠4-5人吃用，無骨入味易咬口，認真不錯！風味松子魚 $258上海菜考廚師刀功的一道佳餚，松子魚，糖醋醬汁控制得非常好，特別惹味！魚身炸得香脆，每塊魚肉切得平均，也是必吃菜式！瑤柱蛋白炒飯 $118為了配搭酸菜魚及松子魚特意叫的炒飯，有蔥有蝦仁，正正常常！餐廳位置不多，平日晚上來吃都滿座，最好一定要訂位才來。

香港食片皮鴨嘅餐廳有唔少，今日就同朋友去左銅鑼灣搵好食嘅北京填鴨而古琴雅苑就係我哋嘅目標🎯烤北京填鴨(半）北京填鴨當然要點啦，我地兩個人半隻就岩岩好，鴨皮酥脆帶有油香，以鴨肉味香軟嫩，用卷餅包住鴨皮、鴨肉同埋其他七種配料醬料，配搭出唔同口感同口味😋南翔小籠包 （6件）🥢每一隻都同匙羹差唔多大細，岩岩好裝住，先啜一啖湯汁再食肉餡，味道帶有鮮味上海粗炒麵🍝濃油赤醬，味道濃厚但唔會太咸，麵身煙靭，非常好食🤤蟹粉賽螃蟹🦀️抱住試一試心態，估唔到又幾好味，蟹粉汁味道濃郁，令蛋白煮成的賽螃蟹都充滿蟹味，重點係真係有加入蟹肉

今晚約咗朋友嚟銅鑼灣利舞台嘅”古琴雅苑”食晚飯。好彩有預早 book 枱，平日7:00都坐滿人客餐廳內見到開放式嘅北京烤鴨爐半隻烤鴨都係$218 ，確係抵食1. 叫咗壺桂花烏龍茶，入口有淡淡桂花清香2. 蟹粉扒豆苗($178) 冬天一定食蟹粉，豆苗好新鮮，蟹粉份量超多，每棵豆苗都包晒蟹粉，超正。3. 南翔小籠包(6件)($82)，片紅蘿蔔，唔會黐底。小籠包皮薄，內裡爆汁，食時小心燙親。4. 烤北京填鴨(半隻)($218) ，每片烤鴨大細都差唔多，可因應自己喜好配上不同醬汁。鴨皮香脆，入口唔覺油膩。啲皮超級薄，仲有每一片都有牛油紙中間隔開，非常細心。順帶一提，職員服務態度非常好，見你啲茶差唔多飲晒，就會主動幫你加熱水。整體而言，食物水準高上，價錢合理，性價比超高，值得一試再試。

當日撞正就黎母親節啲枱都幾full, 好在我一早係OpenRice 訂位，D今次得兩個人所以食唔到咁多野揚州水晶肉$88本身我都幾鍾意食啫喱口感蟹粉扒小棠菜$138蟹粉最好送白飯，可惜太飽烤北京填鴨（半）$218今晚嘅主角，好好味，冇令我失望最後經openrice訂位會送腰果露，正呀****最後總結***疫措施解除後迎接首個母親節，每間餐廳都想盡辦法推出套餐優惠吸客，所以我都明白餐廳會放多兩張枱做生意，雖然與枱之間都幾迫，不過主要係享受食物質素，下次我都會透過openrice訂位先得啦

🎁古琴雅苑🎁經過食過好多次仍不斷encore的中菜餐廳—古琴雅苑，不但裝修優雅而且食物水準一流，令人一試再試😎😎🪿北京烤鴨（半隻）🪿作為餐廳的招牌菜式，梗係有返咁上下。烤鴨外脆內軟，而且油香十足。配上麽麽皮夾埋一齊食，再加幾多條京蔥、蜜瓜，一口就食到清爽同香水嘅味道。✨農家醬爆牛肉✨傳統農家醬汁配上牛肉，加上不同種類的配菜爆炒，一啖食落肚就已經尋回遠在家鄉外婆的味道。✨高湯嫩雞煨麵✨湯底雞味濃郁，完全感受到呢個湯底由幾咁多雞熬出來。而且軟綿綿，十分適合老人家吃。✅餐廳資訊✅銅鑼灣波斯富街99號利舞臺廣場8樓B號舖

今日行時代廣場，食晏時喺附近搵食，我哋上咗利舞臺8樓中菜廳＂古琴雅苑＂地方唔係好大，但坐位非常闊落，俾人舒服嘅感覺。黎到必點北京填鴨，二個人半隻岩岩好，餐廳師承北京「全聚德」，選用上乘北京填鴨，以傳統掛爐烤製，烤鴨新鮮出爐，烤鴨師傅會大展刀工即席片鴨。皮脆肉嫩的烤鴨，配上清新的青瓜、京蔥及哈蜜瓜，蘸著秘製的蜂蜜黃梅醬和京醬，煙韌的餅皮包裹甜酸爽口的配料，解除油膩感之餘，口感層次豐富，一定要試！食咗甘多肉，梗係要食啲菜，嗌咗個蟹粉扒豆苗，一上台面頭鋪滿蟹粉同埋一絲絲嘅蟹肉，配上合時的豆苗，每口都食到蟹粉的香味，合時嘅豆苗鮮嫩美味。最後嗌多個京蔥鮮肉餅，入口爆汁美味無比。

有冇人同我一樣好鍾意食片皮鴨㗎呢？今次慶祝朋友仔終於完成考試，一齊去咗銅鑼灣✨古琴雅苑食片皮鴨～ 🤭踏入左秋季，餐牌已經有一系列蟹粉既菜式啦！ 😝 不過早2日食咗大閘蟹，我哋就order返d特色小菜啦~🦆古琴酒糟烤北京填鴨（半）第一時間當然要食片皮鴨啦！呢度有傳統填鴨同酒糟烤2款～ 酒糟烤會多浸酒香味，😂我哋食落都係覺得鴨香濃d~ 鴨皮烤得酥脆~ 鴨肉味濃，烤鴨配料連醬料共有7款~ 我最鍾意係加京葱京醬及少量黃梅醬再用卷餅包住食😋 半隻3個人share啱啱好～🐷爆火鮑魚小炒肉開邊鮑魚size偏細、食落有嚼勁。小炒肉即係豬腩肉，相比之下較入味～ 整體香口惹味～ 送飯一流呀！🍲津白雲吞湯（例)原本想嗌雲吞雞，不過驚食唔晒，呢個就啱啱好～ 湯底夠清甜，豆腐同津白索晒湯好味～ 雲吞都唔錯～🐷意大利黑醋骨唔好睇佢黑麻麻咁，其實肉質都ok, 唔會太乾~入口酸酸甜甜好味呢！🍌高力豆沙香蕉我最鍾意既中式甜品！ 每次食北京/上海菜必點！ 入口柔軟如綿，香蕉豆沙餡細滑～ 🥄腰果露腰果味一般，質感較稀~ 🎉特別要講返佢哋而家做緊6周年禮遇Promotion~ 🎁 現金禮券套裝一套9折、2套85折，每套附贈總

與2位朋友相約平日中午飯聚，很隨意地選擇了利舞台，而因朋友未光顧過古琴雅苑，所以決定來試試。經openrice訂枱，3人以上可以享用免費醉雞一客。 平日中午時份客人不多，座位也寬敞舒適。除了有酒樓送的醉雞，我們點了蜜汁火方、蟹粉豆腐、煎鍋貼及甜品腰果露。小菜價錢雖不算平宜，但份量算是合理的。連荷葉飽上枱的蜜汁火方火腿大件，而荷葉飽也是大大件的，味道也不錯。蟹粉豆腐上面舖滿蟹粉，整體份量是充足的，不過稍嫌獻汁的粉漿比蟹粉料多，蟹粉最好可多些令喜歡蟹粉的客人較滿足。煎鍋子貼則非常香口美味。甜品腰果露說是酒樓自家制的，大大碗又美味，喜歡甜品的話，我認為是必食的。 整體來說，性價比程度可以，個人感覺如果是4人以上甚至一大枱人想食淮揚菜，又想價錢不太貴、份量合理及地方舒適、菜式多選擇的，這酒樓是一個不錯的選擇，服務態度方面也不錯。不過今次未有機會試北京填鴨、荷葉杭州雞及其他常見淮揚菜，要留待下次試過才可評論。

📍古琴雅苑上海嘢嚟講，最鍾意就係食片皮鴨同埋小籠包😋烤北京填鴨🦆(半隻) $218片皮鴨嘅色澤好靚，油香四溢，師傅亦刀工了得，每塊厚度都差唔多，配料全部都係任添，唔使慳住食🤣南翔小籠包 $78皮薄餡多，咬開仲有暖暖嘅湯汁流出，最估唔到係底部仲好有心思咁黐咗紅蘿蔔片🥕上去，夾起嗰陣就唔會黐底，加分！上海粗炒麵 $108雖然望落去好深色，但完全唔會鹹，好香醬油味，忍唔住食完一啖又一啖🤤紅糖桂花湯圓 $34食湯圓從來都唔飲薑湯嘅我，今次第一次飲晒，桂花嘅香甜中和咗薑嘅辛辣，味道香醇，非常出色👍🏻

🐾古琴雅苑🐾今日去咗仔銅鑼灣試吓朋友強烈推介嘅中菜餐廳，風格優雅嘅古琴雅苑，令人一試難忘🤤🤤🍴北京烤鴨半隻🍴今次就點咗佢嘅招牌菜，北京烤鴨配上嬤嬤皮。烤鴨片10分香脆，而且充滿油香味，配上爽口清新的配菜，香口而不油膩。而且在配菜中更加選用了哈密瓜片，十分有特色。🍴農家醬爆牛肉🍴牛肉份量超多，超級抵。配菜種類很多，有翠綠感，醬汁濃味，食落夠惹味。🍴高湯嫩雞煨麵🍴湯底非常濃郁，充滿雞味。食得出真係用好多雞去熬呢個湯底，而且麵條有彈性。◆．◆．◆．餐廳資訊◆．◆．◆銅鑼灣波斯富街99號利舞臺廣場8樓B號舖

聚會出嚟食飯我話想食片皮鴨朋友就推介左呢一間餐廳，喺銅鑼灣利舞臺8樓嘅古琴雅苑，位置好方便，時代廣場地鐵站一出就係。好彩朋友一早book咗枱，個晚成個場見到都係full既。餐廳環境好舒服，而且枱與枱之間嘅距離都唔會好迫，好適合一家人慢慢聚會傾吓計。必食烤北角填鴨，我哋得三個人所以淨係點咗半份，我覺得份量啱啱好，鴨肉好嫩，皮就好香口，而且配料好多，我就鍾意夾埋青瓜同甜醬，加埋一齊食好清新。南翔小籠包（6件）皮薄餡多，食既時候d湯汁爆出黎好Juice。金腿濃湯津白湯底好多好清甜，菜亦都好新鮮。紅油抄手抄手有辣嗰個香味，但識落又唔會太辣，岩岩好。瑤柱蛋白炒飯蝦好多同大大粒，而且配合埋瑤柱同埋蛋白炒，所以好香口，飯粒粒分明又唔會太油。