古今二 (觀塘工業中心)

營業中

休息中

今次係我第二次食古今二因為我鍾意食飯又鍾意食日本嘢佢喺菜式係有啲fusion 風格主菜係卷物亦有好多唔同嘅選擇全部都超級有特色賣相都好吸引我見menu有不下十幾款卷物仲有串燒/天婦羅/沙律/壽司/刺身/飯麵我地得兩個人真係好難揀🥲🥲火山🌋用一個石碟盛載一上枱就點火好有儀式感😂佢喺材料有帶子/青瓜/牛油果/蟹柳材料舖滿喺砌好嘅飯團上面外型十足一個湧緊溶岩出嚟嘅火山舖喺上面材料都有炙燒過味道清新得嚟又帶點惹味推介😍😍😍龍捲風沙律🥗份量超級大！！！大到我有啲埋怨佢令到我食唔到其他嘢🤣沙律菜/中華沙律/蟹柳/脆片/蟹籽食得出材料係好新鮮色彩鮮艷開胃🌈配埋自家製嘅特色醬汁同埋醬油撈撈口感爽脆豐富味道亦都富有層次👏🏽唔會好似普通雜果沙律咁得草青/酸/甜正！！昭和豆腐煎▫️賣相平平無奇但係真係好好食😻外皮係用粉漿包裹再煎炸過個脆皮脆得來又帶點煙靭豆腐切開鮮嫩滑溜有黃豆味淋上個燒汁真係一絕簡單的美味就係咁樣😌櫻花蝦茄子燒 🍆原條茄子燒上面海量櫻花蝦🦐🦐🦐🦐🦐條茄子好juicy 調味啱啱好又無太鹹我哋成條清連啲皮都食埋🤣(平時啲人淨係會撩裏面啲白色茄子肉嚟食)總括嚟講二訪係無令我失望🤣我俾💡8.5/10

嚟到觀塘地鐵站附近嘅 古今二，係鐵路站行過嚟幾分鐘就到，位置方便。我哋啱啱好趕係繁忙時間前入座，坐低之後就開始愈嚟愈多人啦。店內牆身有特色嘅壁畫，仲有食物推介，除咗特色卷身之外，仲有唔同嘅壽司🍣、鍋物、串燒、沙律、天婦羅🍤等等。✨金龍卷三文魚質感嫩滑，油香十足，配上炸蝦同芝士，口感豐富。✨日式麻醬豆腐沙律🥗沙律份量足料，鋪滿蟹籽同三文魚籽，滑嫩嘅豆腐，仲有新鮮嘅沙律菜，加上胡麻醬，味道美味脆口。✨宮崎黃金炸豆腐炸完嘅豆腐外酥內軟，忍唔住係咁食呀，不過食嘅時候要小心熱呀～✨芝麻雞翼雞翼香脆可口，外皮炸到金黃酥脆，咬開仲有滿滿嘅肉汁同嫩滑嘅雞肉。✨日式冷麵夏天熱辣辣，食冷麵就啱晒啦！配料有蟹柳絲、蕃茄、雞蛋等等，麵條彈牙，清爽開胃。

古今二今年都食過幾次，喺觀塘算係性價比幾高，質素又好嘅日本餐廳，最鍾意係佢嘅選擇比較多，尤其有好多款唔同種類嘅卷物，今次就帶咗爸爸媽媽一齊嚟試吓叫咗個二人餐，包括柚子沙律，刺身拼盤，牛肉壽喜燒，炸蠔，另加咗卷物(唔記得咗叫咩名😆)以我哋比較細食嘅份量，其實二人餐加個卷都已經夠飽，沙律同牛肉壽喜燒份量幾多，刺身厚切好新鮮，卷物咁出名梗係好食，喺觀塘一想食日本菜就會黎呢度🤫想食記得訂位啊

日式餐廳｜📍古今二根據餐牌介紹，「古今二」的獨特之處不僅在於菜式的創新和多樣性，更在於他們用心製作的醬汁和新鮮食材。他們自家製作的醬汁不僅味道獨特，而且難以模仿，這也是讓「古今二」的菜式與眾不同的關鍵所在。菜式秉承了「由古至今」的精神，將不同文化的烹調技巧巧妙結合，創造出獨特的味道。♡龍卷風沙律♡｜💰$78沙律都幾大碗，賣相都幾靚🫶🏻有海量嘅蟹柳絲同蟹籽，配埋新鮮沙律菜同中華沙律🫶🏻整體口感豐富相當開胃，2個人share好快就食哂♡蜘蛛♡｜💰$96呢款卷物一共有5件，卷物嘅內餡係炸軟殼蟹、牛果、青瓜、蟹柳。擺盤唔錯之餘，每件壽司都淋上獨特醬汁🧏🏻‍♀️所有食落甜甜哋，配埋青瓜內餡食好清新，唔會有油膩感♡櫻花蝦茄子燒♡｜💰$68茄子燒好易就可以扯到茄子肉出嚟，唔會藕斷絲連咁，呢個位做得唔錯🧏🏻‍♀️醬汁份量慷慨所有茄子唔會淡而無味，另外仲有櫻花蝦喺茄子上做點綴，打卡更加分仲可增添鮮味🤭♡昭和豆腐煎♡｜💰$58呢款賣相幾得意，豆腐表皮有脆口嘅口感，某啲位又會有煙韌口感交雜🤭豆腐本身食落相當嫩滑，配埋甜甜哋嘅特製醬汁都幾特別，作為小食呢講可以試到呢種獨特口感確實玩味十足😂可以一試

🤎古今二🤎今天我們來到了觀塘區的日式餐廳——古今二。古今二位於官塘工業中心，位置上十分方便，只要在觀塘地鐵站D出口步行兩三分鐘就到。古今二與傳統的日式餐廳不同，餐廳設計了多項新式的壽司料理，具創意的料理配搭讓壽司的層次昇華不少，值得一試！🤍卷物盛 $98卷物盛是我們大推的一款🥳，當中有四款不同的卷物，包括鰻魚牛油果卷、費城卷和加州卷，而當中最為驚為天人的是中間的特色卷物——火山，微辣的口感和牛油果及蟹柳絲也是十分配搭！🤍煙花 $79 +搖滾樂 $82煙花卷物是辣味三文魚、辣味吞拿魚和一些脆片組成。我對當中的辣味調味十分深刻，十分開胃🤤而搖滾樂即是由鰻魚、芝士、牛油果和炸蝦卷物，幾種食材的味道混合起來卻感到出人意外的配搭，當中鰻魚調味汁也不會搶走蝦的鮮味。兩款卷物加起來的份量也十份豐富👍🏻👍🏻🤍秋葵蝦肉天婦羅 $68秋葵蝦肉天婦羅香脆可口、炸得十分清脆，而不帶油膩。我哋食落覺得個炸漿十分之薄，唔會比炸漿影響到蝦肉同秋葵嘅鮮味。📍 古今二 (官塘工業中心) (觀塘)觀塘觀塘道436-446號官塘工業中心4期1樓B室#boombu觀塘#boombu文青cafe————————————味道:

全部都係飛飛 幾好食都無用我嘅刺身同卷物都比飛飛沾污 成場不停喺度撥啲嘢食諗住趕走飛飛點知連杯Sake都中埋招我相信咁嘅情況服務員無可能睇唔倒而同時間其他枱亦都退回食物（因為有昆蟲飛落去）啲員工抹隔離張台用消毒酒精噴可以噴到我身上Waiter 嘅服務態度有待改善嗌左生蠔同刺身上台嘅時候啲雪已經溶左一半以檯面唔夠位嘅時候服務員亦直接用碟撞碟既方式令食物可以放在枱上好多年前食既時候對呢間餐廳嘅感覺係貴但係值得到今時今日我唔會再幫襯希望餐廳保持想當年嘅質素令產品對得起價錢

難得請了annual leave 跟朋友在觀塘附近行街 於是就試一試bookmark 很久的古今二😉見到menu 款式種類眾多👍 我哋最後都決定左share 四款美食☺️首先就係 龍卷風沙律🥗真係好大兜🥣 入面有菜+海草salad+海量蟹柳絲+ 蟹籽+ 脆片加埋啲沙律醬就岩岩好 啲醬係帶有啲啲辣 所以食入口就更開胃😉同埋有埋脆片令成件事口感再豐富💕然後 就叫左富士山🗻 即係壽司在底🍣👍👍然後大量蟹柳絲鋪面 再加啲脆片係頂個壽司包住鰻魚牛油果🥑 😎 食入口一啲都唔會乾👍另外櫻花蝦茄子燒 也值得一試！未食之前已聞到燒烤味香噴噴😛 同埋櫻花蝦也提升左其香味😚 也燒得正好 最後我地也點了雜錦天婦羅🍤 可以點埋汁當中有大蝦 紫薯仔 同埋 秋葵mix 蝦滑很有特色 朋友esp 鍾情於紫薯仔 甜甜地軟糯很引人入勝😉

觀塘不嬲都出名多野食，今晚去左觀塘工業中心四期嘅樓上餐廳。去左一樓嘅古今二食晚飯。之前食過其他分店覺得唔錯~叫左個沙律 - 日式麻醬豆腐沙律，係熟悉嘅日式胡麻醬，簡單配上豆腐，沙律菜，車厘茄，蟹籽同三文魚籽。味道清新，豆腐滑溜，她開胃。見有咁多款特色卷物，我都揀左一款試食，金龍卷，由三文魚，炸蝦，芝士組成，面頭嘅明太子醬令成個卷食落更惹味。中間吧炸蝦食落都仲係好脆，推薦！野菜天婦羅，金針菇，大菇，紫薯，同茄子。天婦羅炸得好靚，係金黃色，而且蔬菜都好新鮮。紫薯仲好香甜，咬落軟綿綿。宮崎味鹽牛舌串，牛舌好有咬口，但唔會韌，仲好香牛味。外面嘅黑椒味鹽燒完好惹味。食左d偏油嘅野，叫左杯 柚子沙冰 好足料，柚子肉滿滿，仲加左d柚子皮，淡淡清香，味道都唔算太甜。食物多花款，整體質數唔錯！

雜錦天婦羅。佢哋嘅天婦羅真係令人驚艷！首先，佢哋會將各種新鮮嘅海鮮同蔬菜，包括蝦、魚、洋蔥、茄子等，全部裹上薄薄嘅麵粉漿炸至金黃酥脆。而家，最吸引嘅地方就係佢哋用咗唔同嘅漿炸唔同嘅食材，所以個天婦羅有種多樣性同豐富感。味道方面，雜錦天婦羅香脆可口，啲海鮮保持咗鮮甜嘅味道，蔬菜都保留咗啲嘅清脆口感。配上啲日式醬油同芥末醬，更加增添咗風味。

之前聽朋友介紹呢間馳名隱世餐廳，今日就特登同朋友一齊試試！一入門口就已經好有日本feel，仲要見到有咁多特別嘅菜色後，令我同友人都急不及待去嘗試！ 🤩🤩🤩🥗柚想蝦你 ($98)沙律一入口除咗有濃濃嘅柚子味之外，仲有小甜蝦，口感清爽並有海鮮味。仲有各色各樣嘅小配菜，令我哋不禁食完再食😆 🌯安格斯蔥牛卷 ($72)呢個菜色嘅特別之處就係佢嘅燒汁，充分嘅燒汁配合安格斯牛同蔥，口感多樣豐富，牛肉味濃郁，整道菜色又甜又爽口，真係讚不絕口🤤 🍣烈火紅唇 ($98)相信大家都冇諗過士多啤梨竟然可以溶入壽司😲自己食過咁多道日本料理，呢道菜色真係好特別又好食😋壽司有士多啤梨、炸牛肉、忌廉芝士，呢個組合真係好新奇，但唔係講少，真係好好食，推薦大家不妨考慮嘗試👍👍👍 🍢 鹽燒雞中翼 ($28)鹽燒雞中翼多汁，味道鹹香的，帶有烤制過後的微焦味，口感酥脆，肉質鮮嫩。一定係鍾意食雞翼嘅人士首要之選😎😎😎 🍢安崎味鹽牛舌串 ($32)牛舌本身肉質鮮嫩，加上安崎味的調味料，可以增加菜品的風味層次，使口感更加豐富，味道鹹香同微甜。安崎味鹽牛舌串是一道美味的串燒菜品，係日本料理愛好者嘅不二之選。

彩虹卷彩虹🌈 其實係由三文魚，牛油果，白身魚的刺身鋪組而成。視覺上都幾得意。日式麻醬豆腐沙律好中意咁健康嘅沙律🥗 日本豆腐滑嘟嘟，生菜爽口烚燴木🥬 加上煎培麻醬；口味清新燒雞中翼（1串）比我想像中好食，雞中翼都大隻，同埋拆咗骨，可以輕鬆地食到裏面嘅肉。鹽份適量 加上檸檬🍋 一番！龍卷風🌀都幾中意裡面有一口小芝士🧀️ 而且包裹的飯糰🍙不太厚，食完都唔會感覺太濟胃。而且上面仲有芝士碎碎、燒醬汁。喺觀塘地鐵站B出口，行去觀塘工業中心四期，就搵到古今二。呢間環境幾舒服，坐得耐傾偈嘅居酒屋。店員見我哋凍，仲幫手校暖返個冷氣

▫️卷物盛_$98 「足有四款卷物：鰻魚牛油果卷、加州卷、費城卷、火山 (帶子、牛油果、青瓜、蟹柳)。火山的調味較豐富，帶有微微辣味。其餘三款味道和賣相都不合格，CP值也不算高。」 推薦：🧡🧡🖤🖤🖤🖤 ▫️滑蛋焗豬扒丼_$75 (午市價錢) 「非常有份量的豬扒丼，兩人一起吃都沒問題。豬扒味道正常，略有一點雪藏味。雞蛋再滑嫩些更佳，整體調味偏重口味。」 推薦：🧡🧡🧡🖤🖤🖤 . 環境：🧡🧡🧡🧡🖤🖤 服務：🧡🧡🖤🖤🖤🖤 抵食：🧡🧡🧡🖤🖤🖤 . 🍽古今二 (觀塘分店) 🚪@kokon1010 📍觀塘觀塘道436-446號官塘工業中心4期1樓B室 📍尖沙咀彌敦道100號The ONE 5樓502號 📍荃灣眾安街68號荃灣千色匯1期3樓3013號 📍荃灣楊屋道1號荃新天地1樓116號 📍銅鑼灣軒尼詩道525號澳門逸園中心21樓 . 

聽朋友介紹，觀塘站D出口官塘工業中心入面有兩間隱蔽但幾唔錯的餐龐，一間係台式的Eden，另一間就係日式的古今二。睇介紹先知古今同古今二之間的淵源。兩代師徒一齊研製創新的菜式同醬汁，一於今晚試試啲特色小食：龍卷風沙律 ($78)平時呢個價預左只係細細份沙律。頭先佢唔單止份量超多，用料仲好豐富。沙律入面有大量蟹柳、蟹籽、蛋黃醬之外，仲有好多中華沙律🤩撈埋爽脆的生菜，口感好豐富。而且佢仲加左啲自家醬汁同辣味，好開胃，好好食啊。雜錦天婦羅 ($88)天婦羅即叫即做，上碟熱辣辣，好香炸物味。一份有三大條炸蝦、兩條炸秋葵同紫薯。秋葵入面原來仲暗藏玄機，包住左蝦滑增加風味😋個人最愛炸紫薯，香甜軟糯無得輸。另外叫左兩個特色卷物都唔錯：忘不了你 ($98)餡料有芒果、炸牛肉、芝士。炸牛肉同芝士好夾，食落好香。都唔洗咁多蛋黃同芥末醬已經好夠味。加埋芒果再清甜啲，幾好。煙花 (6件) ($79)以辣味三文魚、辣味吞拿魚同脆片整成。擺盤都幾用心丫。食落唔太覺得有辣味，吞拿魚蓉都幾新鮮，啖啖肉🫶🏻

今晚同阿囡試呢間日式餐廳，果然冇失望加州卷6件$45壽司舖滿新鮮蟹子，密密麻麻，蟹柳青瓜紫菜都係新鮮食材龍捲風沙律$78呢個沙律真係冇得頂，賣相已經吸引，新鮮沙律菜配上海藻蟹柳脆片非常有特色金龍卷$98呢個金龍卷係餐廳創意之作，食材有新鮮三文魚、芝士同埋炸蝦，熱辣辣炸蝦，包住溶左嘅芝士，口感非常日式章魚小丸子6粒$48木魚受熱下郁郁下非常生動，小丸子熱辣辣好飽滿，令人食慾大增，入面仲包住粒墨魚粒，好味今晚趕住睇戲，下次會試其他出色卷物☺️

柚想蝦你(柚子沙律)柚子沙律做前菜，份量都超級多，整體好fresh又好有料，蝦肉柚子份量都好足料。再加埋有牛油果配合，質地幾滑，再帶有少少酸味非常開胃。卷物龍捲風+ 辣妹個名就好有特色，所以叫咗兩款試吓龍捲風卷物材料有cream cheese加鰻魚，兩者配合非常幼滑， 味道濃郁，再加上有卜卜脆，口感特別。辣妹，芝士，炸蝦，辣味吞拿魚味道唔錯，但唔係好夠辣，餡料豐富。泡菜豚肉鍋呢個鍋，偏辣， 泡菜同白菜好足料，韓式好味偏重。