古今二 (觀塘工業中心)

營業中

休息中

嚟到觀塘地鐵站附近嘅 古今二，係鐵路站行過嚟幾分鐘就到，位置方便。我哋啱啱好趕係繁忙時間前入座，坐低之後就開始愈嚟愈多人啦。店內牆身有特色嘅壁畫，仲有食物推介，除咗特色卷身之外，仲有唔同嘅壽司🍣、鍋物、串燒、沙律、天婦羅🍤等等。✨金龍卷三文魚質感嫩滑，油香十足，配上炸蝦同芝士，口感豐富。✨日式麻醬豆腐沙律🥗沙律份量足料，鋪滿蟹籽同三文魚籽，滑嫩嘅豆腐，仲有新鮮嘅沙律菜，加上胡麻醬，味道美味脆口。✨宮崎黃金炸豆腐炸完嘅豆腐外酥內軟，忍唔住係咁食呀，不過食嘅時候要小心熱呀～✨芝麻雞翼雞翼香脆可口，外皮炸到金黃酥脆，咬開仲有滿滿嘅肉汁同嫩滑嘅雞肉。✨日式冷麵夏天熱辣辣，食冷麵就啱晒啦！配料有蟹柳絲、蕃茄、雞蛋等等，麵條彈牙，清爽開胃。