友義氣‧酸菜魚

營業中

休息中

快靚正 地點便利 酸香帶辣酸菜魚～～～見到呢間個名相當有玩味嘅酸菜魚餐廳開咗喺金百利，收工就同朋友仔過嚟試吓，貪佢方便樓下就係地鐵🚇。～～～第一次嚟食咗佢哋最signature嘅🐟酸菜魚，酸菜魚用上海鱸魚，連埋魚頭上嘅，成個觀感好完整，份量不少。～～～我哋叫咗中辣🌶️，辣度啱啱好，食落鮮香麻辣具備，魚肉滑溜，唔容易夾散，裏面嘅薯粉煙韌彈牙，加埋爽口芽菜，整體調味不錯，配上大大杯珍寶size嘅凍檸茶，一個字，爽。～～～另外喺佢哋嘅餐牌見到辣子系列，有海鮮有肉類，喺軟殼蟹同埋海蝦🦐之間掙扎咗一輪之後，我哋就揀咗辣子海蝦。～～～顧名思義，呢碟餸係用上大量嘅辣椒炒製，不過食落帶辣香而不嗆，每隻海蝦先炸後炒，需要不少功夫，蝦肉扎實，蝦殼香脆可以直接食，加埋表面嘅薄脆炸皮，再配上一口凍冰冰嘅水蜜桃梳打，幾惹味，佐酒應該不錯🍺，亦幾下飯🍚。～～～友義氣•酸菜魚 (銅鑼灣)銅鑼灣記利佐治街1號金百利廣場7樓R3室

朋友喺呢頭返工，今晚就帶我上黎開餐佢話呢度開咗唔係好耐，所以環境都好企理好乾淨呢度主打食酸菜魚，有唔同辣度或者走辣都得我哋order咗一份唔辣嘅標準size酸菜魚，然後再加咗一份黃金雞軟骨一齊share唔使等好耐，大大份嘅酸菜魚香噴噴咁送到上嚟魚片嫩滑冇骨，食落啖啖肉當中仲有唔少配菜，好似金菇、芽菜、大豆芽同萵筍片咁，非常豐富！！！寶物沉歸底，食食下中發現有唔少qq既寬粉除咗酸菜魚，估唔到呢度嘅小菜都有驚喜呢份黃金雞軟骨超惹味，好香口！！！送飯配酒都冇得輸不過我哋第二朝要返工，所以當晚就冇飲酒反而要咗珍寶size嘅飲品我哋要咗一杯珍寶凍檸茶同一杯珍寶凍檸樂兩杯都超大杯！又夠凍爽呀

天氣這麼的熱，沒胃口怎麼辦？處身冷氣下吃酸菜魚，酸酸辣辣，一定能打開你的胃口，而且魚肉對怕肥的靚女們，完全冇負擔😍銅鑼灣新店冷氣足，地方尚算寬落，最重要是侍應姐姐笑容滿臉，隔著口罩也感受到，而且熱情介紹菜式，服務態度100分👍🏻《招牌酸菜魚》要了個小辣，新鮮海鱸魚切成片，雪白魚片嫩滑鮮味，酸菜開胃可口，湯底也有很多豆牙，粉條，最特別店家還放了些菊花花瓣，好看又清熱氣🥰《黑椒腰果牛柳粒》腰果炸得甘香脆口，牛柳粒約七、八成熟，牛肉味夠而且嫰滑有咬口，用黑椒調味，更惹味。

作為一個酸菜魚迷，久唔久就會想食酸菜魚😌🐟今次係銅鑼灣發掘左呢《友義氣·酸菜魚》，佢既酸菜魚都幾正宗，夠酸夠麻辣，食到舔舔脷😋😋🌟老壇酸菜魚 $238雖然係標準款，但都超大份，魚肉起晒骨，食落嫰滑彈牙，魚肉數量超多！湯底落左藤椒、乾辣椒、酸菜，集合麻辣、香辣、酸味，超惹味開胃🤤🤤仲可以簡幾種辣度，由小辣辣🌶到魔辣🌶🌶🌶🌶！配料有芽菜、萵筍、金菇同寬粉，吸晒湯底既酸味同辣味，夠晒入味🤤食酸菜魚點可以唔加返個白飯，d汁撈飯食真係一流😋👍🏻🌟沙拉骨 $98除左酸菜魚好食外，呢到既小炒都幾唔錯，好有鑊氣🥰沙拉骨同平時食開既好唔同，食落啖啖肉，骨頭部位唔多，加上味道酸甜可口，肉質軟腍，食落非常滋味🤤🌟珍寶大檸茶/珍寶大奶茶 $26話明珍寶size一定有番咁上下份量🤩，係平時飲啤酒🍻既size，食辣野梗係要叫番杯啦😂📣📣提返餐廳新開張，晚市仲有全單八折，超抵食👍🏻👍🏻

同朋友收工去銅鑼灣行街，不嬲都知金百利多野食，知道新開左間酸菜魚，我同朋友都超鍾意食酸菜魚，即刻上去試試。😁員工態度好親切，會過黎同你閒談幾句，係幾開心😂食物質素都好唔錯，份量亦好多。依家新開張，晚市有8折，好抵食。👍🏻👍🏻醉菜魚 (標準-小辣) ($238)一上枱已經覺得超多份量，係絕對夠3-4個人食。👍🏻一上枱即刻試佢個湯，超香濃，好岩我口味！😋魚就用左海鱸魚，超級滑，口感好爽，而且索得到湯底濃郁既味，超好食。👍🏻佢仲配有小量紅薯粉，好彈牙，不錯！避風塘茄子 ($98)個避風塘味做得好出色，好香口。皮炸得好膽，內裏就配好香既茄子，外脆內軟，好正！😍我太鍾意食，一個人食左大半碟。😂荔枝乳酸 ($26)超鍾意呢個！好出色！荔枝味好突出，個乳酸好合我口味。😂配酸菜魚一流，超想飲多2杯！芒果梳打 ($26)芒果味都幾出，甜度做得岩岩好，呢杯十分解渴！👍🏻總括黎講，都真係幾抵食，叫左唔係好多野都食到超飽，而且味道上都有水準。下次可以再黎！

朋友唔知點解好鍾意食酸菜魚😆，耐唔耐佢就叫我陪佢一齊食，呢日佢約我喺銅鑼灣，又係帶我去食酸菜魚😆😆兩個人叫咗三樣食物😆：- $38 嘅「金蒜手拍青瓜🥒」：呢個先上；青瓜🥒拍開咗，加咗大量蒜蓉🧄、辣椒🌶️、芝麻、醬油同麻油，撈埋一齊，應該醃咗一陣，作為前菜，簡單、開胃、美味😋- $238 嘅「酸菜魚 - 特選海鱸魚🐟（標準）」：雖然係標準size，但係已經一大鍋上桌，幾有氣勢😆；飲啖湯先，叫咗微辣，都味道濃郁，麻同辣嘅程度亦適合我哋嘅胃口😋；鱸魚新鮮、味鮮甜😋，仲有大量配菜，當然包括酸菜、芽菜、萵筍、紅辣椒、花椒、粉皮等等😋；餐牌咁樣形容「麻辣鮮香，香味濃郁，味道鮮味」😆- $118 嘅「友義氣・黃金蝦」：蝦肉🍤新鮮肉質結實，蝦殼🦐脆脆哋食得落肚😆，外邊用鹹蛋黃包住，好香口😋- $26嘅「草莓梳打」同埋都係 $26嘅「鮮青檸乳酸」：兩杯都叫咗少甜少冰，幾清新，配辣嘢食，好夾😋雖然只有三個餸，已經食到朋友同我相當飽😆。新開張期間，晚餐仲有全單八折🤩

<好味義氣酸菜魚>🤩酸菜魚控, 無論天氣熱或凍都係會愛食酸菜魚😋 今次推介位於銅鑼灣分店<友義氣>, 主打酸菜魚為主, 亦有各式各款既小炒可以選擇. <酸菜魚 (標準, 微辣)> {$238}😋 選用海鱸魚, 味道香濃, 魚質好滑嫩. 配有寬粉, 金菇等配料. 份量大碟, 完全係足夠二人既份量. 不過如果D 寬粉份量可以再多D 就更加正啦.<黄金蝦> {$118}😋 完全係出乎意料的好食, 冇諗過呢度既小炒原來仲正. 熱辣辣, 一上枱已經聞到好香既咸蛋黃香味. 蝦炸到脆卜卜, 十分有口感. 而且一客有大約8隻, 份量多.另外飲品既Size 真係大過我塊面😍飲極都飲唔晒, 配酸菜魚解渴一流.✌價錢合理, 份量大又好味, 絕對值得回頭再食.🍲餐廳 : 友義氣酸菜魚🥣地址 : 銅鑼灣金百利廣場7樓R3室

早前在OpenRice看食評，都已經知道這間酸菜魚，不過最近知道已經開到了銅鑼灣，今天趁有空檔便來一試。老壇酸菜魚標準$238，這間食肆採用了海鱸魚，海鱸魚的味道比較鮮甜，配合酸菜的味道，就更加惹味。配菜有金菇菜、芽菜、薯粉和萵筍片。如果兩個人吃這個酸菜魚，配菜的份量都足夠有點飽。黃金大蝦球$125，炸漿都算薄，沾滿了蛋黃的鹹香味道，香脆可口，蝦肉爽口鮮甜，這個黃金大蝦球，不用剝殼便可進食，非常方便。珍寶大檸茶$26，茶味十足，檸檬差不多有一個份量之多，非常足料。大檸樂$26，屬於重量級的檸樂，吃完這頓飯還未喝完。

今日心癮又起好想食酸菜魚，近近地嚟咗金百利，見到呢間新開嘅友義氣決定嚟試下🥰酸菜魚好高質，用咗特選嘅海鱸魚，魚肉雪白嫩滑，而且冇咩骨，非常食客friendly ☺️酸菜魚嘅湯好香濃，叫咗唔辣都好好味✌🏻配料方面都好豐富，芽菜好足，薯粉晶瑩剔透，Q彈好有口感😍雙蔥尖椒爆牛肉好有鑊氣，牛肉嫩滑，一啲都唔會老，加埋辣辣地嘅尖椒好香口，食慾level up❤️飲品叫咗珍寶大檸樂，真心超大杯，茶底係偏濃個種，所以少甜就啱啱好；荔枝梳打就相對甜，但又好refreshing 😋整體食物質素幾好，價格又夠friendly，CP值好唔錯，而且勁近地鐵站出口，非常就腳✌🏻

野食上得耐都算。鹽焗雞未整返熱有啲啫喱狀嘅野痴係上面，懷疑本身擺係雪櫃雪，之後拎出黎叮就算。定係鹽焗雞本身係for凍食？咁嘅半隻雞收100蚊會唔會太敷衍？完全唔值呢個價。其他野食都係麻麻地，隔離枱都嘈啲野食上得耐

經朋友介紹，得知新張期內有6折優惠，加上聽講質素幾好，當然即刻要黎試下啦標準酸菜魚份量真係唔少，出面好少有，魚肉好滑，辣度酸度麻度都適中，聽姐姐講都可以自己要求口味，不過薯粉偏少，但叫得酸菜魚當然想食多d魚啦，所以食得好爽快，唔洗就住就住菠蘿咕嚕肉依個真係有驚喜，無諗過，佢個炸法同平時有d分別，肉同炸粉會分開d，但佢個脆口程度真係未試過，側邊伴碟既菠蘿都好甜，份量又係大大份絕對會再反轉頭再食，下次試下其他分店先！