友義氣‧酸菜魚

營業中

休息中

位置超級方便 一出地鐵站就係記得預先上網或打電話訂位 有8折！樣樣野食份量都勁大 三四個人share會好啲川味毛血旺有啲人(即係我)明明唔食得辣 但又成日挑戰辣野😂揀左微辣 一嚟到見到成盤辣椒就嚇到呆左好彩試左一啖 係好香好香但唔算太辣嘅入面嘅料超豐富 有牛肚 肥腸 鴨血 豬肚 午餐肉鴨血好嫩滑 肥腸冇乜臭味肥膏好甘香 午餐肉必食仲有雲耳銀芽金菇底 好爽口椒鹽豬扒炸得脆口 有肉汁唔會乾爭爭 椒鹽夠惹味 上湯菜心好有誠意 仲有雲耳同菇做配料 係略嫌油左少少紅糖糍粑外脆內裡軟糯煙韌 點埋紅糖漿同黃豆粉真係好味到食唔停口荔枝梳打/菠蘿梳打食辣野飲番杯梳打 夠晒解辣

銅鑼灣站📍友義氣•酸菜魚-銅鑼灣金百利廣場不嬲多野食，今次食友義氣•酸菜魚，不過唔係食酸菜魚，試試新意思✨川味毛血旺（$160）毛血旺大大盤，有金錢肚、豬肚、豬腸、鴨血、午餐肉，當然有其他配菜，好似豆芽、金菇、萵筍、雲耳等等。辣度要左小辣，一上台見到好紅，不過都係幻覺黎，嚇我唔到😋金錢肚、鴨血都幾ok，微香辣，瞓豬腸少少羶味，中意個隻味既朋友就好like，我就一般。加多碗白飯（$13）就岩岩好👍🏻辣子軟殼蟹（$148）軟殼蟹外脆內軟，幾好食，份量都幾多，不過食食下都幾飽。辣度簡左小辣，個人覺得辣味唔夠，下次會試大辣🙌🏻蒜茸炒包心菜（$75）叫返個清清地既炒菜，兩個人岩岩好。另外order左鮮青檸梳打（$26）同埋菠蘿乳酸（$26）兩杯野飲。青檸梳打好快ko，超解渴～晚市堂食有8折，以上價錢未折！！！環境方面，餐廳都幾乾淨企理，幾光猛。卡位坐得舒服，如果台面再闊少少，叫多幾樣餸就放得闊落少少🤏🏻

友義氣•酸菜魚 (銅鑼灣)我係酸菜魚愛好者，間唔中經過會見到呢間舖頭，默默地喺心裏面記低左個名😗。.終於到咗想食酸菜魚嘅時候，🔍search 佢先發現佢原來有幾間分店，😬我覺得開得咁多分店一定有返咁上下水準。.用得酸菜魚呢三個字做招牌，😉即係招牌菜咁話啦。$238 標準 $338加大兩個人食標準就夠，有魚、金菇菜、萵筍、豆芽、紅薯粉。🐟魚嘅份量滿滿的，肉係我食過的酸菜魚當中最厚的。😯即使咁厚但都保持住滑身，不過湯嘅味道就咁融入到魚肉入面。揀左中辣，辣度唔強，會似小辣。😄整體酸度辣度都係好溫和嘅果種。.除咗辣野川菜，仲有好多港式鑊氣小菜。職員推介椒鹽軟殼蟹😍真係好正，軟殼蟹係大大隻而且好有肉地，咬落去有啲肉汁嘅果隻嚟，好少可以食到咁高質嘅軟殼蟹。😋外面脆粉漿似蠔餅嘅粉漿，酥脆酥脆。整體香口好食，🤤好容易食完一舊又一舊。食辣嘢配埋大大杯嘢飲真係好爽。有大大杯凍檸茶凍檸樂。.

由於之前食過依間「友義氣」既水煮魚配飯，覺得好抵食，味道又唔錯，於是今日lunch time 就再黎依間食，試試其他野，就試左個口水雞飯再配下配紅薯粉，當碗紅薯粉黎到之後有小小失望，口水雞同紅薯粉係分開試，碗紅薯粉好清淡，唔緊要嘅，口水雞先係主角呀麻，點知一夾落去係幾舊痴埋一齊，又唔係話好凍既舊雞，但感覺到d雞油係鯨住咗，其左兩舊仲要塊雞皮痴左去另一舊度，而個口水雞個辣味都正常既，但雞唔係舊舊分明亦都唔算滑。所以依間口水雞同水煮魚個分別有d大。價錢🌟🌟🌟🌟味道🌟🌟🌟環境🌟🌟🌟今餐整體一般。OK咁啦。

位於銅鑼灣鬧市的樓上川粵菜餐廳，有多間分店，而這間位於港島鬧市之中。整幢大廈都是食肆，各國菜式，琳瑯滿目。這家主打四川菜、鑊氣小炒等。地方蠻大，枱面也相當寬闊。晚市訂位的話，更享有八折優惠，性價比甚高。兩位套餐：1. 招牌酸菜魚一大盤標準二人份量，可以選擇辣度。鱸魚片連同魚頭都浸泡在金黃的酸辣湯底裏，魚片十分嫩滑，每片薄片，大塊，帶皮，有少量骨頭。另外，湯底裡面的配料也十分多，有萵筍片、芽菜、金菇、寬粉。湯底酸辣香，若然麻椒香及酸菜添多點，味道會更濃烈，口感會更佳。2. 沙薑豬手每隻豬手很有份量，骨膠原豐富。調味加入了鹽焗雞粉及沙薑粉，味道香而不膩，十分惹味。3. 客家鹽焗雞（半隻）冷盤的客家鹽焗雞，醃製得很入味，雞肉鹹香，皮充滿油光。4. 芒果乳酸、荔枝乳酸賣相不錯的解渴飲品，而且乳酸甜甜酸酸，有助解辣及去膩。5. 絲苗白飯 、紅薯粉 每款一客，尤其是吃酸菜魚，拌著飯或麵吃，胃口大開。

耐冇食辣有條癮❤️‍🔥唔食得辣但想食啲麻麻辣辣嘅嘢😂水煮魚係個好選擇！🐷唇舌飄香水煮魚 $198超級大兜水煮魚，鋪滿辣椒紅噹噹當堂嚇一嚇，好彩食落麻大過辣，唔係剩係得個辣字🔥問店員姐姐依個係咩魚，姐姐話係無骨黑魚片🤭魚好滑而且彈牙，未試過食水煮魚啲魚可以做到又滑又彈🙈配料有萵筍、木耳、芽菜、薯粉，唔使叫白飯都夠飽😚🐷沙拉骨 $98叫多個小炒開心吓😍掙扎咗陣叫沙拉骨定係咕嚕肉，最後揀咗沙拉骨🤭呢度嘅製法先炸再包住甜酸醬汁，面頭再加上沙律醬🥗個炸粉好出色，即使我哋食到最尾個骨依然係好脆😚出面嘅沙拉骨通常都係直接撈沙律醬，呢度反而多咗甜酸醬，食落似咕嚕肉加沙律醬，雖然唔係平日食開嘅沙拉骨，但反而更加惹味開胃🫶🏻🐷金蒜手拍青瓜 $38以小食嚟講青瓜份量多，醬汁似口水雞醬，重芝麻味，呢一碟小食係店員姐姐介紹🧑🏻‍🦰有啲小食係Menu上面冇嘅，例如口水雞、雞絲粉皮，如果想食小食記得要問吓店員姐姐😜🐷珍寶大檸茶 $26好大杯凍檸茶！！連檸檬都有六大片！食辣嘢一定要飲好多野，依杯絕對夠你食晒成餐飯😚🐷芒果乳酸 $26有幾粒芒果爆珠做裝飾，飲落好重芒果味唔會淡茂茂😜慳妹攻略🐖✨晚市book咗枱有8折，抵到

9月26日來到銅鑼灣返工，lunch 突然想食辣野，周圍行行睇睇，行到去金百行，成座都係食店，睇到依間，友義氣，睇清楚先知係新開食辣野，於是入叫左個「水煮魚」本身想食酸菜魚，但佢菜單淨係得水煮魚，有米線、紅薯粉、白飯 簡，我簡左配個白飯，總係覺得辣野係要配白飯先係果種感覺，仲有杯凍檸茶，成個套餐$58 ，下午茶新開期間仲再有85折，飲凍檸茶個茶底感覺濃左小小，本身諗住$58 水煮魚唔會太大期望，點知黎到好大碗，算足料，仲要都算滑，碗白飯就粗糙左小小，但整體性價比算好高，會再去試試個口水雞。

今日突然好想食酸菜魚，同事介紹銅鑼灣有間酸菜魚小菜餐廳好正，whatsapp訂位就可以有8折，決定一齊去試試。餐廳位於金百利商場，地鐵一出就係，非常方便。平日7:00到達，唔算多人，唔駛排隊就有位，仲有卡位坐，幾舒適。打開餐牌，選擇幾多，價錢合理，大部分都係大約$100就有交易。酸菜魚（標準）$238餐廳既signature dish酸菜魚，用佐特選海鱸魚，魚肉鮮甜有咬口，辣度揀佐小辣岩岩好，有埋萵筍，寬粉，大量芽菜，湯度酸度夠，好味。沙拉骨 $98個人既至愛，除佐沙律醬外，佢既酸甜醬好似加佐蜜糖，非常杰身，好甜人士必然喜歡，特別鐘意佢肉多過骨，甚至可以話無乜骨，大碟抵食。鮮青檸梳打 $26飲味點佐鮮青檸梳打，好大杯，襯食辣野絕對一流。埋單有8折，人均唔使$200，正。

價錢合理，味道一流，lunch更加抵食. 辣子雞不會淨係骨有肉的，味道非常好👍 而豬大腸更加係我至愛，乾身和脆口. 我覺得最好的是毛血旺，有牛肚，豬大腸，豬肚等等，他們不會好像其他川菜淨係多芽菜，所以極力推介

位於銅鑼灣金百利廣場出名多野食，最近更加新開左間友義氣•酸菜魚，主打酸菜魚及選用特選海鱸魚，今日放左工就同朋友去試下！點左個小食，水煮魚、小菜同2杯飲品！小食川味口水雞（$68）口水雞賣相吸引，灑上麻辣香油、花生粒🥜、芝麻和蔥花等配料。雞件肉質嫩滑，吸收麻辣香油味道夠香又不會太辣。麻辣鮮香 唇舌飄香水煮魚（$198）麻辣鮮香 香味濃郁 味道鮮美成日食水煮魚，今次一於換下新口味。酸菜桂魚片以鹹香味道為主，魚片滑溜溜的，配上份量超多，濃郁的湯底真的不錯！水煮魚嫩滑無骨，吸收了麻辣香味更為惹味。配料有芽菜、雲耳、萵筍、薯粉，非常足料，沾滿了麻辣汁，非常惹味，最後和朋友吃得乾乾淨淨。招牌鑊氣小炒鮮果咕嚕肉（$108）這個餸菜配搭夠曬創意，吸睛又好吃。咕嚕肉伴上菠蘿酸甜交織，非常開胃，膩感盡消。咕嚕肉肥瘦適中，脆皮不會太厚，醬汁酸甜開胃，配埋新鮮菠蘿鮮甜多汁，酸酸甜甜，很開胃的一道菜。鮮果飲品賣相不錯，吃辣必備，解渴之選👍🏻草莓梳打（$26）芒果乳酸（$26）📌店名：友義氣•酸菜魚‘📍地址：銅鑼灣記利佐治街1號金百利廣場7樓R3室

餐廳空間足夠，以卡位和圓枱為主，透過玻璃室內外連成一片，座位寬敞舒適，通道寬敞，沒有焗促的感覺。餐廳開張三個月，晚市有八折優惠。川味毛血旺：份量充足，盛載的皿器係一個大盆，里面材料豐富，有鴨血、午餐肉、豬大腸、金錢肚、豬肚、金針菇、芽菜、萵筍、黑木耳等。辣度可以拙大、中、小辣，視乎對辣的接受程度而選擇。冰鎮咕嚕肉：咕嚕肉即叫即炸，入口即能感受酸甜美味，新鮮波蘿味道清甜、熱辣辣咕嚕肉經過冰鎮之後，咕嚕肉外皮變得酥脆。外層的冰涼與熱熱的肉粒形成強烈對比，的確好銷魂。黑椒腰骨牛柳粒：牛柳粒切到若腰果尺寸大小，加埋腰果、洋蔥粒、青椒粒一齊炒香，充滿鍋氣。上枱之時還熱氣騰騰，香味撲鼻。珍寶大檸茶超級大杯，菠蘿梳打加理珍珠果粒，釋放清甜味道，係一杯非常不錯的解渴飲品。

晚餐黎到金百利廣場食酸菜魚，其實成個金百利都好多川菜，但呢間用酸菜魚做招牌餐廳名，相信一定好好食！招牌酸菜魚大大盤勁上碟已經聞到好濃烈既酸菜味，魚肉份量相當多，同埋難得會見到酸菜魚連埋個魚頭上，保證真係全條魚勁吸引，啖啖都係魚肉唔多骨，有咬口又方便，而且湯底真係濃烈好入味，呢間既酸菜魚真係夠正宗！霸王辣子雞鬆脆口感好柔軟既雞，辣得黎好過癮，作為小食前菜真係好開胃！雞絲粉皮難得食到勁多麻醬，冰涼口感真係可以解夏天既熱！鮮青檸梳打珍寶大檸茶好鍾意去到餐廳見到有咁大杯既檸茶，食辣野真係要叫！

友義氣•酸菜魚 (銅鑼灣).金百利果然係銅鑼灣搵食之地，近地鐵站又多野食.▪️酸菜魚▪️.好食(˶‾᷄ ⁻̫ ‾᷅˵) 酸菜魚唔食得辣嘅我倆揀Bb辣，但夠麻，入面有少量萵荀片，寬粉，豆芽，鱸魚塊超滑溜！魚塊夠多又滑.▪️友義氣·黃金蝦▪️.黃金蝦可想言知就係鹹蛋黃，連蝦殼一齊炒，鹹蛋黃鋪滿個蝦面！.▪️避風塘茄子🍆▪️.呢個好驚喜，佢同黃金蝦嘅外皮完全兩個味，冇諗過軟林林嘅茄子可以用避風塘處理，外脆內軟，熱辣辣！有啲似川式天婦羅！.📌 友義氣•酸菜魚 (銅鑼灣)銅鑼灣記利佐治街1號金百利廣場7樓R3室.環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

小妹好鍾意食酸菜魚所以成日周圍都會搵酸菜魚嚟試去開銅鑼灣買嘢見到金百利有一間食酸菜魚嘅舖頭就即刻衝左入去食😎酸菜魚一上枱就見到個湯底金黃色嫁😍當然試一試啖湯😋好香嘅酸菜 同埋 好新鮮嘅魚味❤️配埋飯一齊食最perfect👍🏻湯底香又正之餘 魚都好香好滑嫁🤤裏面仲有好彈牙又滑嘅寛粉😎同埋 好清香嘅萵筍✨仲仲仲有當然要食埋個香脆嘅魚頭啦❤️成個酸菜魚真係好完美😎干煸四季豆辣道剛剛好😋而且四季豆食落都好滑好爽脆❤️而且加埋肉碎吸哂嘅醬汁一齊食再加埋香飯😎正到爆沙薑豬手煮法令豬手保持咁香咁滑之餘😋最正係沙薑味完全入哂豬手到✨而且唔洗浸住沙薑都可以做到咁香😍真係唔可以唔食🤤而且豬手咬落香爽又彈牙😍一定要叫埋嘅菜式之一😎珍寶大檸茶真係好好好大杯😂夠哂👧🏻同🐨飲❤️而且茶味香得黎唔澀✨甜度剛剛好😋仲夠哂凍.菠蘿梳打菠蘿味好香💛飲落甜度一樣剛剛好😋仲好夠氣又夠凍👍🏻最正係有埋爆珠飲😎

途經銅鑼灣，拿到有義氣酸菜魚傳單，名字很特別，新開張，晚上有八折咁抵，正好也想吃辣，就去試一試店內的兩人套餐。套餐二選一，要到最高《唇舌飄香水煮魚》魚片雪白，上桌時麻香撲鼻，上面一層紅紅的辣油，誘惑非常。水煮魚下面的湯底有豆芽、紅薯粉、香菜等配料，非常抵食。涼菜三選一，要了《雞絲粉皮》，麻醬調配得剛好，混搭著雞絲、青瓜絲和粉皮，超愛。套餐還有二選一的菜餚，要了《走地鹽焗雞》，足足半隻雞，鹹香入味，雞肉還算嫩滑，最重要味道剛好。兩份《紅薯粉》做主食，其實已經很飽，吃了兩口，太飽真吃不下😅套餐有很多不同飲品選擇，要了《荔枝乳酸 》及 《芒果梳打》