影片
開飯介紹
提供粵菜、川菜的中菜館，食物種類眾多。除了主打的老壇酸菜魚等川菜，亦提供港式茶餐廳及小炒菜式，且價格相宜。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
-
網上訂座服務暫停
友義氣的招牌菜係酸菜魚🐟，li間飯店的酸菜魚係選用海鱸魚，魚頭經油泡過，香香脆脆，魚肉無骨而且好嫩滑。😋湯底有麻香味，我地叫左小辣，酸度適中唔會嗆喉。 除咗酸菜同魚片，配料仲有金菇，芽菜，萵荀片同寬粉條，勁豐富勁抵食勁美味！而且湯底濃郁，我們都將d湯撈飯撈食🍚因為第一次食唔知道份量咁多，仲點左個啫啫芥蘭煲同辣子雞，兩樣都好夠鑊氣好下飯。酸菜魚質素真心有驚喜，性價比高，環境又坐得舒服，幾推薦同朋友屋企人來試下，多啲人可以試多幾款小菜。
繼續閱讀
好耐冇食酸菜魚啦，所以今次特登嚟銅鑼灣去一間酸菜魚餐廳。首先我地叫咗酸菜魚，佢有分標準同埋大碗，兩個人嘅話標準就已經好夠，難度亦都可以自己揀我就揀咗小辣，魚肉鮮嫩，湯汁酸辣開胃，令人食完之後胃口大開。酸菜魚湯底夠濃郁，酸菜嘅酸甜味同魚肉嘅鮮味完美結合，好過癮。除咗酸菜魚之外，我地亦叫咗西蘭花帶子，帶子鮮甜彈牙，配合煮得恰到好處嘅西蘭花，清甜嘅口感令人讚不絕口。另外，我叫咗一杯珍寶大檸茶，真係好大杯好正，少甜嘅口感更加清爽。我亦叫咗芒果梳打，芒果嘅香甜味道同梳打嘅氣泡，好飲。
繼續閱讀
第一次吃酸菜魚，期待著酸菜魚的味道會是怎樣的？看看餐牌原來酸菜魚有不同程度的辣度，幸好朋友與我也不能吃太辣，我們選擇了小辣的酸菜魚，不然受不了辣就很難吃下去。吃一口湯感受辣中带麻，湯底不會太油腻。除了鱸魚魚片外，還有很多配料，如酸菜、芽菜、金針菇、萵笋、薯粉、菊花花瓣等。雖然有薯粉，但是我們還是喜歡酸菜魚配白飯。除了酸菜魚，我們還點了鮮果咕噜肉。咕嚕肉芡汁剛剛好，酸甜適中。咕噜肉外脆內鬆，不用過度咀嚼。唯一不足之處是菠蘿未熟，熟透就更加香甜。店員服務態度親切友善，儼如在家吃飯，非常舒服😌
繼續閱讀
店舖裝飾特別，牆上掛有靚靚嘅畫作，天花掛左類似燈籠嘅裝飾，好有心思👍✨酸菜魚（小辣）酸菜魚嘅魚肉同埋湯底都好重要，呢碟酸菜魚魚肉嫩滑，而且份量好多，足夠兩個大人食👍我哋叫咗小辣，但發覺都幾辣下，但辣得來個湯底好正，好好味，好開胃😋入面都好多配料，有芽菜、萵筍、闊粉，好飽肚👍✨鮮果咕嚕肉佢嘅咕嚕肉整得好出色，唔怪得係招牌菜👍咕嚕肉炸得好鬆脆，但唔會太厚粉，食落去有好脆嘅感覺，而且入面嘅肉都好嫩，加埋佢嘅醬汁，酸酸甜甜，好開胃，食到停唔到口😋我同朋友都食到好飽，佢嘅酸菜魚同埋咕嚕肉都值得推介👍
繼續閱讀
呢間餐廳除咗主打酸菜魚同水煮魚外，仲有提供多款川式小食同鑊氣小炒，啱哂鍾意「叫餸食飯」嘅朋友🥢💗友義氣酸菜魚 ($238)酸菜湯底微辣帶麻，唔會太油膩，唯一挑剔係酸菜唔夠多，所以酸味唔夠重🍲選用海鱸魚，魚片份量超多，而且嫩滑完全無骨🐟仲有少量嘅配菜，例如芽菜、金菇、萵筍同薯粉，吸哂湯汁好好味👍🏼💗川味口水雞 ($68)口水雞揀咗雞髀部份，雞肉都算嫩滑，不過口水醬汁就比較普通，辣味同麻味都唔夠香，冇乜層次🌶️
繼續閱讀