叉燒大王

營業中

休息中

中午時分，很多客人。不過都有位，唔洗等。餐牌：見到多數街坊人士吃午市套餐，但我是專程來試叉燒的!叉燒飯連熱飲$40叉燒： 是傳統細個時幫襯燒味舖的味道。乳豬飯連熱飲$50乳豬：乳豬皮燒得好脆口，個皮非常好吃。皮以外是厚肥糕冇乜肉（接近零肉），對於只愛吃皮的人是非常好。但對我來說，我也想有些肉，因為所有都冇肉，我又不吃那層肥糕，那麼我只有幾片皮來送一大碟飯，感覺好像沒有餸只有白飯吃……飯：好大碟飯。熱檸水：足夠檸檬，good! 好飲。

行完山係慈沙古道係河畔花園搵野食….行行下就見到呢間餐廳,係門口見到好多人排隊買外賣同等入座。相信都係做街坊生意,咁多街坊幫襯應該唔會伏掛本身以為佢係似茶餐廳格局, 估唔到好似酒樓咁，有用茶葉沖既茶,茶味仲幾甘香添。😋我地叫左個皇牌叉燒😍,好耐已經無食過好味既叉燒,呢間食市無改錯名,D叉燒的確好好味,唔會太肥都唔會太瘦…燒得岩岩好。加埋D差燒汁送飯簡直一流。睇返菜牌D價錢都唔算好貴，性價比什高。本身我唔食茄子,但係朋友都好想食佢個避風塘茄子唯有試下啦。意外地好味我都食唔停口,好脆口,好惹味,有D似食緊薯條咁。仲叫左個蒜蓉粉絲珊瑚蚌。😋👍好新鮮，都好大隻，好有肉食。連埋d粉絲一齊食，好味。同價錢都唔係好貴。好值得叫 😃每味餸都煱氣十足，煮得惹味，之後一定會再幫襯價錢同酒樓差唔多,但係廚師出色過好多酒樓!!👍

今日同啲朋友係沙田踏完單車，肚餓周圍搵食！過叉燒大王。未到六點半就已經好多人係門口排隊等候。🤔咁厲害既！睇下咩料先…有app取票拎位，幾好喎！😎好彩唔洗等好耐就可以入去喇！有好多海鮮食，小菜既價錢都唔會好貴喎！😄黎到叉燒大王，梗係要試下啲叉燒有幾好味賣相又幾靚，份量亦幾多喎😃叉燒半肥瘦。肥瘦分明。最喜歡叉燒出面燒到有少少焦😃叉燒真係幾好味！食落好甜既蜜汁，咬落好 juicy 😋👍令人停唔到口 我唔想吃白飯，就叫左米粉喇！呢間米粉都幾大碗。仲有佢個湯底係濃湯黎。米粉食落有味 👍出面餐廳通常都係淡而無味！再叫左個 石窩啫啫芥蘭 🌱一上菜已經嗅到好香既豬油糕味！😍芥蘭用左d豬油一齊炒，好野味！好掂 👍蜜汁薯仔牛仔粒 😋😋出面好少牛仔粒會用蜜汁黎炒。估唔到咁夾 😃薯仔甜甜的。牛肉炒到唔會好老，食落好嫩。估唔到平民餐廳個廚師都可以有咁好既水準 👍下次再同多d人黎食，試下多d小菜先 😁環境又幾好坐。岩哂一班人黎食😃

同一大班朋友來呢度開飯，由於上次已經食過叉燒，所以今次同埋班朋友諗住叫第二啲餸啦。今次大家決定叫半隻頭抽雞，賣相唔錯，因為色澤立立令加上頭抽嘅顏色，一食落就知道唔係用冰鮮雞，肉質夠彈牙仲夠滑，而且用過頭抽來浸嘅味道係唔同嘅，豉油味令人一定要食雞皮，唔識食就真係浪費，隻雞本身帶少量脂肪，所以食起上嚟更加滑啦。第二樣係蒜蓉粉絲蒸貴妃蚌，將粉絲同蒜蓉鋪滿晒係貴妃蚌上面，貴妃蚌嘅下面就係蒸海鮮嘅豉油同埋鮮味嘅汁，淋返上面頭就最啱啦。粉絲吸收左蚌汁，所以食落真係好鮮甜，另外貴妃蚌肉質夠滑，除本身夠新鮮之外，用來控制蒸煮嘅時間都好重要，一人一隻好快食晒，真係好想食多隻。另一樣上碟嘅係蒸白鱔，賣相已經夠靚仔，白鱔切成一嚿嚿，食落就知原來相當肥美，但係又唔會覺得食到濟，因為用咗杞子來蒸，所以令味道相對較為淡，可以食多幾舊，唔同平時用豉汁黎蒸，豉汁相對較重口味，係一疊好適合秋天嘅餸。最後仲有一個豆腐海鮮煲，呢個天氣食都幾啱，因為個溫度可以keep住，豆腐將海鮮味吸晒入去，所以零舍多汁又夠滑，海鮮例如蝦同埋魷魚都好入味，加埋係煲底嘅白菜仔，將上面嘅餸吸收晒啲精華，所以連白菜仔都好入味。

今晚同屋企人去食飯，由於老豆話鍾意食叉燒，所以帶佢去食你間馳名食叉燒嘅餐廳，唔少得當然要叫一碟特選蜜汁叉燒王。一嚿嚿紅色嘅叉燒鋪得好整齊，顏色反光因為上面鋪滿蜜汁，一夾起蜜汁好似絲咁連住一齊，咬落香口之餘蜜汁同叉燒嘅肉質混埋一齊，味道相當唔錯，加埋有點脂肪嘅肉，食起嚟就更加滑啦。跟住上盤嘅係杞子蒸白鱔，呢味菜食得最多嘅係豉汁蒸，杞子蒸應該係第一次。由於用杞子黎蒸，食起嚟份外清新，同白鱔本身嘅味道好夾，白鱔肉質正又夠嫩滑，加上少量嘅魚油，食起嚟就更加香滑啦。跟手呢碟係炸淮山，估唔到呢度嘅菜式咁特別，淮山用嚟炸嘅方法應該都係第一次食，炸既功夫唔錯，因為粉夠薄所以食就夠脆，淮山嘅肉質本身就爽口，所以真係外脆內爽，口感足夠。最後仲有個湯飲，係茶樹菇瘦肉湯，呢個季節飲呢個湯就啱晒啦，因為夠晒滋潤，茶樹菇菇味突出，瘦肉味又出晒黎，所以個湯飲落夠深層次。

上次寫食評，原來已經係九月二日寫八月十六號既晚餐。呢段時間一來為左慳錢，少左一齊去食好野，二來有時都會唔記影相。係時候抹去筆桿上的鏽跡。我戴著笑面，因為我要將笑面帶給你。今日可以早少少收工，即刻去接老婆🐷收工。本來傾過去沙田新城市中心食，但諗諗下都係食沙田屮燒大王😋老婆🐷睇過d 食評話好好味。我地要左個蜜薯牛仔粒，其實都幾好味既，聞得出好香蜜糖味。d 薯仔炸到外脆內軟，而且入邊d 薯容都幾有薯仔味，唔會炸到硬哂一舊野咁。而d 牛仔粒都幾好味，咬落唔會咬唔爛，而且有蜜汁流出。最可惜既就係落得太多蜜汁，太過甜。不過整體黎講都算係好味☺️茶樹姑湯，呢次係我第一次食茶樹姑☺️睇落有d 似樹根。個湯其實都算好飲既，可惜美中不足既就係喊左少少。最好味既就係呢道餸，介蘭jerjer 煲。d 菜好甜好好味，可能當造？🤔不過本身老婆🐷想叫通菜，因為知道我鐘意食，不過暫不供應...好彩既就係錯有錯著，咁先食到呢個咁好味既野。今餐食我好飽，飲左6碗湯，老婆🐷飲左10碗。食完呢餐，我想講...對唔住，今次老天爺對我地開既玩笑開得太大...縱然如此，我會帶你離開這場噩夢，並盡一生所有以作出彌補。黑夜縱然漫長，但願我

今日收工同同事一齊去食飯，嚟到呢間出名食叉燒嘅餐廳，同事話一定要試叉燒，所以即時叫左一碟蜜汁叉燒。叉燒本身肉質係半肥瘦，所以咬落口感非常滑，叉燒肉夠入味，外面就有曾蜜汁，蜜汁包着一層少脂肪，裏面就充滿肉汁，而且幾入味，造成肥瘦分明，食落唔會鞋口，係一啲質素頗高嘅叉燒。跟住食咗啫啫菜心，由於係用鐵鍋上碟，溫度足以維持，鑊氣充足，所以菜心食落非常香口，加上菜心用少量豬皮一齊炒，令菜心更加香口，菜心本身非常新鮮，所以食落夠嫩口，唔錯唔錯。另外有啲非常惹味嘅係椒鹽淮山，由於係即叫即炸，所以淮山上碟熱度足夠，食落就更加爽脆，外皮夠薄，而且炸到口感夠爽，至於裏面嘅淮山就夠爽口，新鮮度足夠，仲有少量淮鹽沈上面，所以係幾好食幾惹味。最後仲有一樣係豆腐海鮮煲，又係用鐵煲上碟，所以熱辣辣幾好食，豆腐非常入味將海鮮味道索晒入去，仲有雜菇夠晒健康，加埋海鮮伴碟，令成個煲更加多元化，加埋仲有白菜底，所以感覺夠晒Green。

After cycling with sweet heart, we decide to have a dinner at Shatin. This restaurant look like local cha chen tan but the food isn't normal!! We order sweet grilled pork, tong choi in stone pot and luo gon ma steam tofu. The pork is little bit salty but the surface really crispy😝 the sauce is a perfect match with rice🍽 Tongchoi is my favourite vegetable! It absorbs all the sauce in pot so really tasty😽 and very fresh as well😃 Tofu is little bit spicy because of luo gon ma ☺️ love that sauce very

今日秋高氣爽，相約友人往沙田騎單車，由下午三點玩到夜晚六點，我的體力完全消耗得所剩無幾，實在飢腸轆轆，友人介紹我去 ~ 叉燒大王食晚飯，大快朵頤。好彩和友人早去到，只係相隔咗半個鐘後，餐廳內已坐無虛席了， 燒味外賣部也不遑多讓，好多客人等候中。這裏有各式各樣小菜供客人選擇，有燒味，肉類，蔬菜，豆腐，湯水，海鲜……應有盡有。首先上菜係特選蜜汁叉燒王(例牌$88)， 餐廳名稱係叉燒大王，果然係名不虛傳 ，叉燒肉質鬆軟。多汁， 香甜而美味。 餐廳侍應推介海鮮~貴妃蚌四隻(每份$78)， 真係冇介紹錯，貴妃蚌肉厚有鮮味，配合蒜蓉加粉絲，食到舐舐脷。 來到沙田，當然要試下沙田乳鴿($58)， 體型適中，黃金色外皮吸引，鴿肉味道濃，嫩滑多汁。 食了咁多肉類，當然要點選個蔬菜吃~石鍋生啫芥蘭, 芥蘭鮮嫩，用石鍋盛載，保温兼維持香味，增強進食氣氛。整體來說: 餐廳環境舒適，侍應態度友善及勤快工作，小菜有一定的水準， 值得再來。

有時候經過河畔花園都覺得哩邊好多餐廳,今日補食中秋節飯,當然選擇中餐.平時都聽話叉燒大王既叉燒同燒味幾好食,今次就試到啦.選擇都好多,而且價錢都好相宜,怪不得成晚都幾乎爆場,食客不斷.黎到叉燒大王又點可以唔試下哩度既叉燒呢.例牌都好大份,每塊叉燒都好厚身,顏色紅潤,表面有光澤.見到叉燒肉的紋理都好靚,一丁點老既地方都冇,且肥瘦適中.食落味道岩岩好,表層的蜜糖帶起本身叉燒的香味.半隻頭抽雞,同樣份量好大.成隻雞都醃到好上色,食落好入味,仲有雞味,而且雞肉好滑,一D都唔鞋口.石窩生啫芥蘭連埋臘味一齊炒香,仲用石窩上令芥蘭一直都係煮緊既狀態,所以煮到好淋好易咬.而且加埋臘味的香味,油而不膩,更加惹味.石窩腊味椰菜炒粉絲,本身侍應話會有辣椒所以有D辣,但食落又唔會太刺激.就係有哩陣辣味,反而更惹起臘味的香味.而臘味好足料,切成粒狀,每粒都大大粒好惹味.粉絲加上椰菜絲,口感又爽又軟,一個好好的配搭.不過食到最尾有D油.茶樹菇燉唐排好大煲,3個人每人大約飲左2-3碗.一飲就知道用左好足料,因為真係好清甜好濃郁.茶樹菇的香味都燉晒出黎,但本身質地又唔會煮到好老,就連粗身的位置都可以輕易咬開.而唐排肪

今天秋高氣爽，下午去了沙田城門河兩岸散步。接近傍晚時分，肚子有點餓了，行入河畔花園，見到一間名為「叉燒大王」的食肆。餐牌上的食物非常吸睛我們四人走進店內，並叫一個燉湯和數碟小菜。茶樹菇燉唐排湯用料十足，茶樹茹味道清甜，而唐排肉質稔滑，需用排骨燉湯亦不會覺得肥膩。小菜方面，叉燒可真是鎮店之寶，賣相精緻、口感豐富，每口也有蜜汁香味。驚喜的選擇，想不到它們的乳鴿同樣出色，乳鴿則皮脆肉嫩，入口甘美膩滑。至於薯仔牛仔粒上枱時已香氣撲鼻。牛仔粒爽口彈牙，富嚼勁。薯仔煙韌惹味，佐酒一流。芥蘭菜豐腴透出鹹鮮，送飯的一流小菜。整體來說，「叉燒大王」材料到家，味道不錯，員工服務態度良好。若時間和地點方便的話，不妨一試。也成為我們一家可以選擇晚飯及外賣燒味的好地方。

今個週末去了沙田探望朋友剛剛出世的BB之後，我們一家3口看看河畔花園這一帶有什麼好吃。行了一會，我看到這一間叉燒大王，看上門面看似是一間普通的茶餐廳，左邊是外賣燒味部，右邊是堂食。但我看看餐牌，是叫餸食飯，而且出面都好多人排隊，我心信這一間必定是有來頭。那麼我就去拿飛排隊。等了10分鐘左右，有位了，而且是"卡"位，坐得很舒適。我們叫了4個餸:  叉燒例牌($88)，蜜薯牛仔粒($88)，石窩生啫芥蘭($62)，金沙蝦滑膠蒸滑豆腐($78)叉燒例牌($88): 這裡的招牌菜，叉燒真的很好味，半肥瘦，多汁，色澤均勻，我感說沙田區叉燒這裡是最好的。石窩生啫芥蘭($62):  我本人不太好芥蘭的，但是這裡的芥蘭用石窩上，我蠻喜歡的，用上石窩，能夠保持熱度，而且炒得很香，雖然略為鹹了一點，但整體來說配合得很好。蜜薯牛仔粒($88): 相信是另一個招牌菜，通常牛仔粒一般會肉質用粉"啦"到很軟，但這裡的牛仔粒並非這樣，有口感，再配合蜜薯，再加蜜糖、黑椒、洋蔥來炒，味道配合得很好。金沙蝦滑膠蒸滑豆腐($78): 送飯一流，豆腐很滑，又有豆味。蝦滑膠很爽，打得很好。本身豆腐及蝦滑膠算是清淡的，但加上鹹蛋

朋友搬了新家，上完佢屋企house warming 後便一同數人去左佢推介的中菜餐廳食晚飯，估不到那兒帶給我驚喜呢！😆😆六點鐘去到時已經有不少客人啦，門口還有人排隊買外賣燒味！可見在區內應該好受歡迎！先睇一睇餐牌有咩吸引的選擇！😍一打開就係佢出名的燒味，叉燒仲要係得過獎的！特選蜜汁叉燒王（例牌）～色澤好靚，件件厚度差不多，肥瘦平均，口感柔軟，滿口也有蜜味！真是做到十分出色的叉燒！🤤侍應推介我們的～茶樹菇燉唐排非常清甜，還有茶樹菇的開味，十分喜愛！老乾媽剁肉餅滑豆腐～看見菜名十分特別，其實是炸菜肉餅蒸豆腐，微微辣的肉餅十分惹味，豆腐真是十分之嫩滑，是好好送飯的一個小菜！蜜薯牛仔粒～牛仔粒炆得好入味亦不會過老，十分腍；而且薯仔外面微脆內軟加上有甜甜地的蜜糖味連小朋友也食得十分滋味！當我們離開的時候約7時已經要等位入座啦，可見是不少街的晚飯之選，如我住在沙田的話，我也會多來光顧，光顧小店每次也會帶給我不小驚喜！值得支持！😊😊

中秋節一直都好忙，未能約到寶寶和AUNTIE一齊食飯，今天剛好跟寶寶一起假，便回到沙田約AUNTIE晚餐。不想走太遠，便到附近的餐廳食飯。中秋節當然要食中餐，看到平時經常滿座的叉燒大王剛好還有3-4人桌，便決定在此晚餐。厡來這裡的食品選擇都幾多，除了叉燒燒味，還有海鮮和各種小菜小炒。茶樹菇燉唐排($118)很清甜而味濃的湯。飲第一口時，煲湯專家AUNTIE笑說像是下了味精一樣，因為真的很香甜，當然飲落知道完全沒有味精的味道，是天然的清甜。看看原來湯的用料好足，大量新鮮唐排加上茶樹菇，燉了幾個小時將其味道都迫出來，所以飲得到唐排本身的鮮甜。就連茶樹菇都可以燉到好軟身，連粗大的枝條都輕易能咬開。3個人飲，每人都至少分到2碗，真心好抵。叉燒(例)($88)用上脢頭豬肉，所以肥瘦適中，切的厚度亦剛好，咬落很有質感。肥的部份晶瑩易咬開，不會有油膩感；而肉的部份則鬆化細嫩帶有嚼勁。而且蜜汁調得剛好，燒起的叉燒不會有死甜的味道，而是把叉燒的香味都帶出來。而且例牌的份量都幾多，我們都食不完要打包攞走，切粒炒飯應該很好食。頭抽雞(半隻)($138)醃得很上色亦好入味，食落似用上新鮮雞，所以「食雞有雞味」

今日來沙田行街，行到河畔花園附近，見到叉燒大王外好多人等位，又等外賣，我覺得應該唔錯，所以決定試吓～ 唔係等左好耐就有位，仲要係卡位啊～ 座位好闊落，坐得好舒服，環境又好，好光猛，唔錯～ 食物選擇好多，有選擇困難嘅朋友要小心啦～ 哈哈～ 我地揀咗蜜汁叉燒王，茶樹菇燉唐排，黃金蝦，生啫芥蘭～ 蜜汁叉燒王$88招牌菜蜜汁叉燒王果然正👍🏻叉燒色澤很好，蜜汁鋪滿叉燒面，叉燒肥瘦適中，肉汁淋嫩，味道鹹甜適中，叉燒份量足，不愧為招牌菜😋茶樹菇燉唐排$118一上枱見到好大盅呀！點止係燉湯咁簡單，簡直係一道菜，店員好細心咁幫我地盛起裏面嘅湯料出嚟，竟然有完整嘅半隻雞，仲有好多排骨肉，同埋茶樹菇～ 湯料可以點辣椒豉油食用，雞肉同排骨仍然嫩滑有味～ 講返個湯先，雞肉同埋排骨嘅鮮味完全融入湯裏面，所以個湯真係好鮮甜，亦有茶樹菇嘅香味，正👍🏻 份量真係好多，但個湯真係好好味，所以我哋兩個人都飲晒啲湯😋不過湯料真係食唔晒啦～黃金蝦$88賣相已經好吸引，蝦夠大隻，而且新鮮，肉質爽口實淨，殻炸得夠脆口，不油膩，外面鹹蛋黃鋪滿蝦身，充滿鹹香，我哋直情連殼都食埋啊～ 好味～ 生啫芥蘭$62芥蘭用鐵鍋上菜，熱到十足，芥蘭