叉燒大王

營業中

休息中

兩家人四大四小要搵食都唔易，細唔呢樣唔食果樣唔食就更煩. 本身想去打邊爐. 但一去到門口，其一個細路已叫曬救命唔想食. 好！今次就由細路話事，佢就揀左食叉燒喇8點半爆曬人，但都好彩好快有位細路大愛呢間的叉燒，的確鬆軟入味有咬口. 正！只係一碟例牌+1碟又飯就 KO 4個細路唔洗煩. 更正！大人就食羊腩煲. 足料，羊肉夠淋. 但就喊左 dd. 但朋友邊飲啤酒邊食佢就剛剛好.呢煲雞粥堅抵食. $88 夠曬4個大人食，足料夠香夠綿. 但都係喊左 dd.加埋碟金銀蛋豆苗. 飽曬！

今日同朋友去左沙田區shopping，朋友建議之後去沙田圍晚飯，聞說有間飯館小菜唔錯。我地6:45左右已到河畔花園附近，但唯獨其中一間食肆門外已有很多人等位，原來這就是我們今晚晚餐地點 - 叉燒大王好彩我們早到一步，等左大約15分鐘左右就有位，之後見到在外等位的人越來越多。等位期間見到有遙控取位服務，下次來可以試下。餐牌第一頁大字標題特選蜜汁叉燒王(例牌$88)，叉燒王原來榮獲多次推介大獎，還有多個媒體的推介。我地當然要叫個例牌試試。蜜汁叉燒王果然名不虛傳，燒得恰到好處，不會過乾過燶，肉質爽口多汁，令人回味。除左叉燒，我們點了個頭抽雞半隻($138)試試，果然也做得唔錯，頭抽很香，雞肉亦很嫰滑。茶樹菇燉唐排($118)，湯料非常充足，我們4人每人可分配到2-3碗，燉湯很鮮甜完全沒有味精。蒜蓉粉絲蒸貴妃蚌($78)，蒸得剛好，又新鮮又大隻，好抵食。金沙蝦膠蒸滑豆腐($62)，蝦膠彈牙，豆腐很嫰滑，再配上一些咸蛋黃，把本身清淡的豆腐，帶出更鮮味道。又是食豆苗的季節，見到價錢合理，我們點了上湯蒜子浸豆苗($88)，份量也不少。蜜豆合桃牛柳粒($98)，甜甜地好好味。我們吃到很滿足，有靚湯、海

今晚經過沙田，一向鍾意食叉燒既阿仔，見到叉燒大王， 即刻話要去食。入到去先知，原來呢間餐廳好出名，連TVB同好多傳媒都有採訪過。佢嘅叉燒重榮獲左第五屆「食神」全城食家美食推介大獎。我哋梗係要叫叉燒來試食一下喇！這隻蜜汁叉燒王真係唔係浪得虛名，叉燒肉質鬆化，肥瘦適中，仲要係厚切，真係好好味。然後我哋試咗佢嘅燉湯，今次係茶樹菇燉唐牌，個湯有好多料，茶樹菇很香，湯很清甜。蜜薯牛仔粒，牛仔粒好冧，薯仔好甜，有濃濃既蜜糖味。粉絲蒜蓉蒸貴妃蚌，很新鮮，很大隻，貴妃蚌上面鋪滿粉絲和蒜蓉，超好味而且仲係＄78嘅價錢有四隻，實在非常超值抵食。鬆脆豬頸肉，用炸粉包住豬頸肉，炸完之後再點沙律醬吃，這個食法都幾特別。想食一餐好味的家常便飯，這間餐廳是一個很不錯的選擇。

今日係沙田圍附近做野💼，難得係happy friday🎊，於是約埋同事係附近食埋飯🍽，係openrice見到呢間叉燒好出名又好靚口，果然名不虛傳，估唔到細細地一間鋪頭可以用food gulu拎飛，十分方便仲可以有網上外賣平台送外賣😱好貼心👍🏻7點幾己經坐無虛席，可見街坊都好支持😊原來咁出名😱嘩，啲叉燒好厚身😱同平時去食個啲有double咁厚，半肥瘦，微焦，咁先好食，啲蜜味濃但唔會好膩，好味👍🏻😋貴妃蚌，好大粒蚌！岩晒中意食蚌既我，好鮮甜，😍加上配搭蒜香同粉絲非常好味

今日幫朋友搬屋 搬完屋 成個人散左😩朋友為左慰勞我地一班「義工」特登請我地食返餐飯🍽🍽一睇店舖名 就知招牌菜係「叉燒」啦😀好早就爆場 好在可以用定foodgulu 拎位姐😝叉燒上枱時熱辣辣 「厚切」叉燒😱😱好好好犀利呀👏🏻👏🏻完全食落去感受到叉燒既肉質 肉汁香濃 加上蜜汁鎖實起叉燒表面 輕輕一燒 更加令蜜汁昇華到另一層次😘😘棒棒骨酸酸甜甜 好開胃肉質鬆化 直情可以當雞脾咁食棒棒骨非常大條 唔好睇少🤤如果想帶好味既叉燒 返屋企同屋企人分享可以去買燒味外賣咁就同其他人一齊開心share 啦😍😍

近期因自己家發生太多事，現在處理好，心情也平伏下來，很久沒有去找外母吃飯，今天就帶她到叉燒大王吃晚飯，嘩！好多人。好彩還算早，還有兩張細枱，地方整潔，店員服務也很有禮貌加個App就可在手機取票先，減短排隊時間還有很多餸菜選擇，種類也很多，燒味海鮮小菜各適其適叉燒一定要叫，香甜美味，軟腍汁水超多酥炸淮山：爽脆，淮山咬落有滑潺潺的感覺，感覺很有趣蜜薯牛仔粒，薯仔較多牛仔粒較少，因牛仔粒很好味，牛肉又腍又嫩豆苗上湯蒜子浸，上湯配上豆苗美味而入味，十分可口椒鹽斑馬賴尿蝦：椒鹽野味無比，賴尿蝦鮮甜美味，非常矜貴🦐濃湯瀨粉：普通

入沙田探媽媽多數都飲茶，因媽媽要照顧爸爸所以晚上都不會出街吃飯，近期因媽媽身邊少了一個人，才陪她出來吃晚飯。媽媽帶我去河畔吃叉燒大王，因她想吃叉燒，這裏地方不算大，但也很整齊，乾淨。另有燒味部，方便客人外賣，食飯時間也很多人。叫了茶樹菇燉唐排$118，是一個燉湯，非常好味，清甜香濃，茶樹菇爽脆，有好香嘅菇，湯內的肉排也很香叉燒例牌$88，份量也很多，肥美多汁，肉嫩又腍，而甜美豆苗上湯蒜子浸$88，炸蒜頭很香也好味，豆苗夠嫩身，配上上湯更美味濃湯河粉$18，因媽媽沒有胃口，所以叫了碗河粉給她，易入口，湯底也很濃美還有很多美味的小菜選擇下次再來

今天與友人行經沙田，便到附近嘅《叉燒大王》吃晚飯。一去到餐廳門口便見到一條排隊人龍，原來人們正在排隊買外賣燒味。我心想這餐廳嘅燒味應有咁上下的水準餐廳座位都算闊落，環境唔錯：故名思義，我們就叫了一客必食嘅招牌叉燒。叉燒嘅肉質十分鬆軟和甜美，很好味道，下次我們會再食：貴妃蚌：餐廳做緊推廣（$78 四只），超抵食鬆脆豬頸肉：大人細佬都喜歡吃，炸到很薄、很脆！豆苗上湯：所選的豆苗都算新鮮，味道唔錯蜜薯牛肉粒：份量不少，牛肉粒食落夠軟茶樹菇燉唐排：超好飲嘅燉湯，濃度適中且有老火湯嘅味道，這是喜歡飲中式湯人嘅必飲之選：

難得舊同學聚會，大家決定返沙田開餐，朋友提議河畔花園多選擇可以去到再揀食乜，一行四人有男有女，行完個圈最終揀咗連燒味外賣都排長龍既叉燒大王，嚟到先知佢有gulu呢個網上預先攞飛既程式，覺得好蝕呢~入到叉燒大王唔叫叉燒（$88），亞媽真係會話生舊叉燒好過生你!係我最愛既半肥瘦，蜜汁味濃，話咁快就清晒成碟茶餐廳既格局，燒味以外做埋小菜，仲要有羊腩煲（$248），價錢同出面差唔多，賣相同材料都好豐富，冬菇都有三粒又厚又爽，支竹、冬筍、馬蹄羊腩煲最佳配料，羊腩脂肪少啖啖肉炆得夠入味，落咗薑粒唔怕有羊羶味蜜薯牛仔粒（$88）鑊氣拍得住深水埗愛民生，蜜汁加上黑椒碎甜甜辣辣，牛肉爆香唔會老，薯仔炸得又夠粉係日本食過山芋天婦羅，估唔到呢度都有酥脆炸淮山（$58），淮山補脾胃益處多，炸過既淮山減少滑潺口感，灑上淮鹽食到停唔到口

今日又到同媽媽撐枱腳時間，陪佢送左兩位姨甥上校車之後就陪左佢係沙角街市買菜。當然，點可以俾媽媽捱肚餓呢？之前佢一直同我講呢間叉燒佢成日買番屋企斬料加菜，咁今日就一齊試下佢啦午市時間好多人下，不過好彩都唔係好使等啫。燒味飯為主。當然普通茶餐廳飯都有既。乳豬叉燒飯乳豬個皮脆到卜卜聲，望落以為好肥但其實還好。肉汁多而且肉質唔柴。叉燒個方面，餐廳果然無改錯名，果然係叉燒大王。採用半肥瘦叉燒，完全唔硬，蜜汁夠哂濃同甜沙嗲金菇牛肉炆伊麵一上枱已經聞到超香，超夠鑊氣，唔好以為好少牛肉，其實牛肉係哂底，多到你食唔哂丫！凍檸茶比例對我黎講係完美，夠哂甜亦夠哂茶味但唔苦澀夠哂高質丫！

今日又同老婆返娘家 ，同外父外母一齊食飯。 外父提議話去河畔試下間叉燒大王， 佢話每次經過都好多人，要試下是否真的咁好食！結果7:30pm去到門口，已經有七八張枱要等 ，好彩地方都算大等了不需半小時就有枱了。喺門口已經見到有好多人買外賣燒味， 我再 留意到其他客人都有點叉燒，畢竟店名叫得 ，我決定要一試……例牌叉燒半肥瘦肉質十分鬆軟。仲叫了一個羊腩煲，上湯豆苗， 脆炸淮山同埋蜜薯牛仔粒。先來了上湯豆苗， 豆苗鮮嫩 ，上湯夠味夠熱。估唔到脆炸淮山， 可以做到個效果好似天婦羅一樣， 完全冇油 ，仲有淮鹽喺面 ，十分脆口。 羊腩煲來了， 附送生菜一碟， 比我之前食過其他羊腩煲略大一點， 冬菇、腐竹、 都好足料，仲有馬蹄、 筍片。羊腩一啲都冇、騷味， 羊肉皮脂不算太肥，剛好！ 亦不見皮脂上有小毛 (小弟最怕)！再加了兩碗白飯， 我同外父都食到好飽了之後嚟埋碟蜜薯牛仔粒， 薯仔好似爆個油， 好脆口加上有蜜糖及黑椒，酸酸地十分醒胃 我們一行四人，十分滿足。想不到價錢真係街坊價， 不用收茶錢及加一， 價錢同我樓下茶餐廳差不多， 值得推介不錯嘅家常小菜！

同朋友午餐選了去位於沙田圍河畔花園的「叉燒大王」，以供快捷式的中餐及燒味餐的膳食。豉椒牛肉炒河，這和一般食肆所提供的一樣，乃以嫩滑的河粉，香滑爽口的牛肉塊、切洋蔥、紅青辣椒等作主要配料，再加上鮮味蠔油豉油汁及豆豉粒等一鑊熱炒下，一碟中式充滿鑊氣的牛河就弄妥，而且我好喜歡食河粉。楊州炒飯，以叉燒粒、燒味粒、細蝦、切菜莖粒蔥菜粒及蛋碎作主要配料，然後以香飯落油炒飯，一碟充滿美味嫩熟的中式炒飯就弄成，吃落惹味十足。

最近朋友極力推介呢間叉燒大王。地點就唔算好就腳，但係為咗食好嘢都帶埋屋企人一齊去食~我哋七點未夠，去到嘅時候已經人山人海。最誇張係佢嘅外賣部， 多人到呢😱通常一間店好唔好食，睇多唔多街坊幫襯就知。見咁源源不絕既街坊特登嚟買燒味，即刻對佢嘅燒味 好有信心，覺得自己冇嚟錯👍👍去人多，但係其實流量都快，所以等多陣間就有位。燒味梗係唔少得啦 ❤但係原來佢都有唔少小菜， 都幾特別嘅。叉燒果然係名不虛傳。好食，源自於佢揀嘅豬肉，肉質靚，唔駛好多肥都鬆化， 另外就係火喉控制得好好。 Juicy 得黎， 有少燶邊，真係好正。入面仲有好多水分😍😍另一個我強烈推介一定要叫嘅頭抽雞🐔雞都有分好多種，佢地用本地新鮮雞，嚴選一斤半重量既，所以肉質，肥瘦同味道剛剛好。另外，佢哋話佢哋用嘅豉油都係加埋自己特別嘅配料調製，同埋用一次就唔會再用嘅， 真係好有驚喜！推介一定要試。我哋另外都叫咗個小菜， 老乾媽剁肉蒸滑豆腐。淨係知老乾媽係內地辣醬嘅品牌， 但係原來撈埋肉再配滑豆腐都係幾特別嘅配搭。原來舖頭自己有工場即刻燒，所以品質控制得好好。 推介大家，值得黎嚟試下👍👍

今午去沙田圍探朋友，想先食午飯才去，見到叉燒大王是主理叉燒及各式燒味，離遠已見佢門口的外買燒味部好多人排隊叫外賣，我都要等位先可到店內餐廳食野，同時間我朋友都叫我先在叉燒大王食飯，真恰巧，可以猜到佢在呢區是好出名架。楊州炒飯, 主菜是切好的叉燒粒，叉燒粒燒得剛剛好令外脆內軟，加上外層叉燒汁香，再加上一些蝦仁、蛋、蔬菜粒、蔥香...等作配料，粒粒爽身的炒飯令胃口大開，自然味上加味可口，食到飽口福因較少見。飲了涷咸檸7，潤潤喉嚨了。

今日同太太有嘢做要去沙田，辦完要事之後喺沙田附近一帶行街，睇下諗住搵咩特色野食。跟住見到有人話喺沙田圍近住河畔花園，有間叫“叉燒大王“的舖頭，啲人講到好好味呀，所以就同太太入去試試，睇下係咪真係咁好食。當時大概晚上七點，見到間舖門外已經大排長龍。再行近d睇，間舖有兩部分，一部分就係燒味部（專做外賣）大排長龍，而另一部分係餐廳（堂食）都係大排長龍，呢間舖好特別，門外擺放了一部機俾人拿攞籌。雖然門外等嘅人多，但眼見客人流轉都好快，好彩得了15分鐘就有位了 。我哋見難得一場嚟到，點都要試下入佢嘅叉燒， 睇下係咪咁好食好啦。入正題呢次我地點了薑汁炒芥蘭，一份叉燒例牌，蒸貴妃蚌，半隻頭抽雞。主角例牌叉燒一份佢份叉燒上枱時，我哋就首先睇下佢嘅外表同人地有咩分別，見佢外表呢佢冇街市入邊嘅叉燒咁紅，我諗佢應該無用人工嘅色素，夾起舊叉燒一口咬落去又軟又林，唔似普通燒臘舖咁又乾又鞋，可以用soft & juicy 去形容，叉燒大王出品嘅叉燒果然零捨不同，而且每一嚿叉燒都係暖熱的，非常之好味。薑汁炒芥蘭呢味菜掌握得非常好，薑闢咗芥蘭的草青味枕，又提升咗芥蘭入面嘅香味，加上非常之夠鑊氣呀 ，淨係食個鑊氣都抵返