叉燒大王

平時好間唔中都會同同事去叉燒大王食晏。落單嗰陣時我同事叫瘦叉(如果有要求，唔好介意講，餐廳都會盡量滿足)。我冇特別要求，但每次我都求神拜佛，千祈唔好跟佢一樣比瘦叉我。我叫咗個叉燒燒腩米線。一上枱就覺得嘩今日個碗嘢咁靚。叉燒燶邊，燒腩半肥瘦，仲有條好肉嘅青菜，係咪今日中秋，所以斬啲靚嘢俾我呢？脆腩咬落去個皮脆卜卜，叉燒唔會太肥太瘦加少少燶邊勁香，好出色。平時覺得叉燒大王好普通，今日食完呢餐之後覺得佢有五星。希望可以keep住呢個質素。…查看更多

夜晚叫個外賣，企咗喺收銀位置準備叫嘢，門口講嘢唔正嘅阿姐完全冇反應走咗去，之後返嚟仲要俾我後邊個男人打尖落單都唔幫我落單，到落單的時候又態度極差！希望店鋪會睇留言，知道情況。…查看更多

之前約咗男友人噚日（7-11-2026 Fri）出街食晏，我話食燒味，佢話嚟呢間食，OK呀！我哋嚟到見出面有人，係咪等位？原來唔多人等位，係埋單，我等職員得閒啲攞位，佢即指我入去門口張枱，我唔想，就行入啲，指另外一張有位嘅大枱，問裡面嘅店員可唔可以坐嗰喥？佢答可以。坐低後，店員會自動按人頭俾熱水，睇完menu，我就要$58.00嘅叉鴨飯，要熱奶茶。男友人要$58.00嘅叉蛋飯，加$3.00要凍鴛鴦走甜。所有嘢都好快到齊，奶茶茶味偏淡。2分啲餸排得幾靚，叉燒唔係半肥瘦，但瘦中帶啲肥，食落口感好好，蜜味唔太濃，適中，好正。燒鴨俾咗髀位，有肉有骨，正常冇問題。飯嘅軟硬都適中，豉油又夠，最後係成碟食晒。叉燒：5分，燒鴨：3分，飯：4分衛生：冇問題嘅，只係同枱其他食客嘅質素有問題。服務：OK嘅，男友人問攞蔥油都樂意俾。環境：好闊落舒適，溫度又啱啱好唔凍唔熱。抵食係2.75分，因我覺得叉蛋飯唔應該咁貴。上次食評係2016年6月17日提交嘅呢篇：https://www.openrice.com/zh/hongkong/review/%E5%A4%B1%E6%9C%9B-e2604771。…查看更多

今日去咗叉燒大王！嗌咗黃椒水煮魚，成碟菜式只有一條黃辣椒！張相係沙巴魚嚟嘅係大眼雞！仲要條魚係梅嘅，非常難食！其餘嘅配料完全都唔知係乜！非常失望！問店舖經理，佢話佢哋係咁煮嘅！相片只供參考！但唔係相片嘅問題，佢連個標題都冇關！！非常離譜！不知所謂…查看更多

叉燒大王～本身聽個名就覺得一定係食叉燒最出名啦！但！！！我覺得佢既小菜都值得一試～今次就叫左油浸筍殼魚、XO小炒王和鼓椒炒蜆!這道油浸筍殼魚的呈現讓人驚艷，魚身金黃酥脆，外皮油亮，散發著誘人的香氣。筍殼魚肉質鮮嫩，入口即化，搭配上豉油，不會掩蓋魚肉的鮮味，反而將其完美襯托～好食🤤至於XO小炒王，XO醬的香氣撲鼻而來，搭配蝦肉、蝦乾和韮菜花，炒至剛剛好的火候，既保持了食材的鮮美，也讓每一口都充滿了濃郁的風味。豉椒炒蜆的蜆肉鮮嫩，搭配上鼓椒的微辣和香氣，好食～又有鑊氣👍🏻…查看更多