叉燒大王

營業中

休息中

記得之前做義工時，成日都要黎到沙田富豪酒店，個時得好小時間就會買附近既叉燒大王飯盒，又平又好味😍今日難得有機會就過左黎食，回憶下當時既味道。第一次堂食，原來除左燒味，佢仲有好多海鮮小菜等，同仲有茶記飲品都幾多元化🤔⭕️叉燒例牌食落同之前一樣甘好味，夠厚，半肥瘦，咬落蜜汁肉汁就跑哂出黎，正到爆！⭕️蒜蓉粉絲蒸蟶子蟶子好大隻又新鮮，冇苦味。蒜蓉唔會太生所以食落唔會苦，粉絲入味，撈飯一流！⭕️豉油皇大蝦總共有6隻，蝦好大隻，又彈牙唔會炒得過龍😏豉油皇炒但唔會過咸，反而吊出左蝦既鮮味正！

來到河畔花園的叉燒大王，當然要點這裏的招牌菜-叉燒。3點3下午茶時間都有好多人排隊等位、買燒味店內坐無虛席原本想點乳豬叉燒飯，點知乳豬仲好賣過叉燒，下午已經售罄。咁唯有專心試好呢舊叉燒！原以為天下叉燒一樣叉，意想不到叉燒肉質脂肪比例均稱，燒汁可口、肥燶叉的處理也恰到好處，入口鬆化不失大王之名！：真係好好味呀！朋友點左叉雞飯，唔知師傅係咪望住朋友身型泥斬，為佢著想，㨂左件超瘦叉比佢呢。結論：食叉燒都好講運氣，咁啱師傅斬左件靚叉比你就正嗱！唔好食嘅可能咁啱得咁橋舊瘦叉輪到你啫！所以下次記得點餐時指明：肥燶叉！

下午時段放飯，沙田有咩好食?來到沙田圍河畔呢度有好多餐廳但見到呢交叉燒大王外面已經排滿人就嚟試一試呢度最出名嘅叉燒。我哋叫咗個叉燒燒我雙拼加多杯凍檸茶咁就一餐先來介紹下呢個似明嘅叉燒叉燒物質落得好美味叉燒可以話係甜而不膩肥瘦適中叉燒林林的但大舊甜中帶豬肉味食得出係用新鮮豬肉燒的。燒鵝 外皮鬆脆鵝肉紮實彈牙 燒鵝 味道鮮美聯口 。燒鵝肉先甜味美食得出是深宵火識唔識飛一般貨色咪用上珍珠米粒粒飯未豐富蛋芽可口檸檬茶總共有三片檸檬大大塊冇苦澀味雖然簡簡單單一餐50蚊但係絕對係超值辛苦得來自在食食飽又再上班去

屋企懶得煮就落街食個便飯，一家大小就來河畔花園那裡的''叉燒大王''吃晚餐。晚巿總是很旺場，非常熱鬧坐下先來一壺普洱茶晚餐來這裡吃小菜有多選擇每餐吃菜是必須的，點了石窩通菜～每次來''叉燒大王''都一定要點的特選蜜汁叉燒王，是這裡的名物絕對比一般的叉燒好味得多！！叉燒肥瘦適中，蜜味濃郁，十分推薦！另外點了伴飯一流的蜜薯牛仔粒很有獲氣，非常惹味這一道是老乾媽剁肉蒸滑豆腐配上老乾媽帶點微辣，豆腐則非常嫩滑

蜜汁叉燒@沙田圍常言道：生嚿叉燒好過生個衰仔可見叉燒呢樣地道美食嘅地位係幾崇高 😂不過嚟叉燒大王除咗叉燒係必食之外其實雞都係呢度嘅名物嚟叫咗個特選蜜汁叉燒王，上過電視攞過獎 👏🏻叉燒肥瘦適中好好食，蜜汁甜而不膩～有啲人完全唔食肥肉但我就覺得半肥瘦叉燒係最正！香口好多唔會嚡 😽主食選擇豐富，唔淨止得白飯加多少少有好多麵揀，我叫咗個米線好好食如果唔係朋友細食都想試下粥品！頭抽雞又係必食，每一件雞肉好入味！碟雞旁邊仲有啲雞腎，雞腎味道濃郁爽口蜜薯牛仔粒都好好食，食咗少少先影 🤤個汁有啲啲似咕嚕肉，不過就唔酸嘅薯仔同牛肉都係切哂粒粒一啖一粒 👅

週末同阿爸阿媽去沙田探完親戚，巴士站附近都有好多食店菜館，諗住響附近食埋晚飯先番屋企。好耐冇阿爸阿媽出去食飯，兩老喜歡食中菜，特別係燒味，所以去左呢間叫叉燒大王嘅中菜館，七點幾店門口已經大排長龍，睇黎非常好生意，攞左號碼紙等位，等左一陣終於有位。入去時侍應就問我地飲咩茶先，幫我地準備好茶水；店入面裝修都唔錯，燈火輝煌，又裝左幾部電視，雖然食客幾多，不過坐位寬闊，坐得都舒服。蜜汁叉燒王叫得叉燒大王，佢地嘅叉燒梗係必定要試啦，呢度嘅叉燒真係好正，半肥瘦叉燒，脂肪比例平均，淋左蜜汁，味道非常香甜，用黎送飯一流！京汁棒棒骨一碟有四件，賣相幾得意，可以攞住棒棒骨黎食，啖啖肉，京汁味道同咕嚕汁差唔多，酸酸甜甜好開胃。雲南火腿蝦乾炒九菜花呢碟係侍應推介，阿爸阿媽鍾意食蝦乾同九菜花，呢個菜啱哂佢地，雲南火腿切得非常薄，咸香惹味，加埋蝦乾九菜花一齊炒，味道非常配合。蒜蓉粉絲蒸聖子一碟有五隻，隻隻都勁大隻，聖子真係好正好新鮮，肉質鮮甜肥美，蒜蓉粉絲非常好食，飯都可以食多幾碗！非常唔錯嘅一餐中菜，呢度叉燒固然正，估唔到叫嘅其他三樣菜都好味，同阿爸阿媽三個都食到好飽好滿足！

今晚去河畔食晚餐發現這裡很多餐廳已經開始訂枱電子化，實在很方便！七時半經過這間餐廳，門口有十數人，而且叉燒大王的叉燒好像還得獎過，故即使人多也選擇試試。店內有圓枱有方型枱，無論是一大班人或兩人來吃飯也很適合。然後，入座後，還會提供一壺好茶，跟一般茶餐廳有點不一樣，可洗杯洗碗，而且茶亦有茶香。多款燒味一應俱全，而來到叉燒大王一定要試試招牌叉燒這裡還有小菜、海鮮、湯品和粥品等可供選擇，想不到店不像酒樓般大，食物種類卻比酒樓還要多。上菜的速度很快，叉燒色澤鮮明，是半肥瘦叉燒，而且肉汁軟嫩多汁，淋上醬油後的蜜絲叉燒，配飯一流不愧為得獎之作！然後是石窩生啫通菜煲，甫上桌，香味已襲來，不單用上蝦醬炒通菜，還加入豬油渣使味道更豐富。加上，本人對石窩的食物情有獨鍾，而石窩亦能保持通菜的溫度然後是黃金豆腐角，放入口前聞到蛋黃的咸香味，表面還流有蛋黃的金黃色油，咬下去的質感與椒鹽豆腐不同，不是脆脆的，反而有點像豆腐卜的皮一樣，很特別！最後是蒜蓉粉絲聖子皇，很大的盤子盛載著五隻大大的聖子皇，蒜蓉和粉絲也有很多，附上豉油和蒜蓉後的粉絲真的很好吃，很入味！而聖子皇亦很新鮮，而且蒸煮時間掌握得很好，使聖子皇有少少

週末和男友到沙田，步行到河畔，想回味下在工作相識時常去的餐廳，不過沒有了，所以就周圍看看有甚麽好吃的。經過叉燒大王，看到店外有賣燒味，好多人排隊買，基於羊群心理，我們決定直接入去吃叉燒！餐廳佈局在酒樓和茶餐廳之間，座位都頗寬闊的。當然第一時間點叉燒啦~餐牌厚厚的一本，食物選擇非常多，非常適合約一大班朋友來吃！必點的叉燒就在燒味部那邊即切即上，芳香撲鼻，還在冒煙，是熱的啊！未吃已看到好多汁，燒得非常美觀的暗紅色和中間的粉色，脂肪部份不會過多，肉厚厚的，口水直流啊夾起來軟軟的，入口好香好甜，肉質爽中帶軟，咬下去肉汁就爆發出來，果然是叉燒大王！酒樓都做不到那麼好吃奢侈一點叫個海鮮，蟶子皇有五大隻，用蒜蓉粉絲蒸，這些配料也是大堆頭的，看著都覺得豪華。每隻蟶子皇的肉都好厚好肥美，咬下去啖啖肉，爽口有咬感。不連配料吃的話最能感受它的新鮮。清甜的味道佈滿口腔歷久不散，讓我倆回味無窮所以蒜蓉和粉絲就用來拌飯吃啦~味道香濃，飯都吃多兩口接著是棒棒骨，有椒鹽和醬汁可選。喜歡重口味的我們當然選微辣的椒鹽啦！一共有五支骨，即是豬仔脾，烤得香香的，上面舖滿椒鹽粉，看著都覺得邪惡。原來外皮是有炸過的，所以很香脆！

雖然叉燒係一樣好普通既野，但要食到好味既叉燒其實都唔係咁易；今日路過河畔花園既叉燒大王，打正旗號食叉燒，應該唔會差呱？點左碟叉燒飯，叉燒份量唔多，但肥瘦適中，有少少脆邊，夠蜜汁唔會太乾；符合期望而杯檸茶就失色了，茶底苦，沒有檸檬味

今日約咗姨媽食飯，為咗唔想佢舟車勞頓， 就去左佢屋企樓下搵佢食飯，問佢想食乜?佢諗都唔諗就話叉燒大王，咁就食呢間啦燒味當係喺鋪面嘅出面，而且燒味有玻璃隔著，感覺衛生。另外，隔住玻璃都見到燒味光滑，（吞口水） 好肚餓呀我只係要求要食叉燒，其他由姨媽決定叉燒嚟到真係冇令到我失望，就咁睇叉燒厚切，表面光澤， 賣相贏曬! 叉燒一放入口， 肉質鬆化， 肥瘦比例適中， 肥膏入口即溶又唔油膩， 肉質唔太硬，上面仲要加左蜜汁，好正呀石鍋生啫通菜: 用石鍋上可以保持熱度， 啱曬我坐低慢慢食。 通菜份量超多，食落幾香醬燒脆皮茄子: 茄子中間釀咗肉碎，增加口感， 而且外脆內軟，面頭灑上芝麻，更加更引蒜蓉粉絲蒸貴妃蚌: 面頭蒜嘅份量啱啱好， 粉絲都唔會過硬，明顯係浸過先蒸 貴妃蚌，肉質彈牙鮮甜，而且都幾大隻整體感覺唔錯， 尤其係叉燒， 簡直係實至名歸， 等我搵阿姨食多啲飯先

無錯,小弟今次又係沙田河畔搵食啦呢間叉燒大王次次行過路過,對佢都毫無興趣但早排見小胖女黎食過,所以決定黎試下,黎到已經係人頭湧湧要等位大約10分鐘左右就可以入座啦,入面環境好光猛,地方企理,坐位夠大夠寬,立即叫野食,order左一份招牌叉燒,一個密豆合桃安牛粒,一舍金蒜蛋黃鮮魷做我地既晚餐,先黎既係合桃牛粒,合桃炸我脆卜卜好有食感,牛粒有好香既合桃味,非常夾同開胃既菜式之後到鮮魷,外皮都係好香既蛋黃包住,食落唔油同幾彈牙,送飯一流重點菜式黎啦,今次真係有請家燕媽媽出場大叫"叉燒阿,好叉燒阿,我從來未食過咁好食既叉燒阿,救命阿!!"脆脆位拖住既肥叉,入口即溶,甜甜既蜜汁送飯真係名不虛傳"點解,要比我食到d咁好食既叉燒阿,我第時食唔返點算",結果小弟食左兩碗白飯,真係美味既叉飯

今日經過沙田,諗起之前朋友講過呢間叉燒好食,一於試下。黎到河畔花園,有好多食肆,叉燒大王好大既舖面,好易搵。叉燒例牌,$88-黎到叉燒大王,點可以少得佢,肥瘦比例剛剛好,一口咬落去,十分之鬆化,甜度適中,必食推介豉油王煎海蝦 $138-海蝦好新鮮,夠大隻,仲係有羔既添,味道剛剛好,唔會過咸,黃金豆腐$62-豐富既咸旦黃包住炸豆腐,每啖都食到旦黃香石鍋生啫通菜$62-比起一般既炒菜,石鍋菜有一股獨有既香味，仲keep住熱辣辣添

週末放假，兩口子不想煮飯，於是徒步到河畔花園的>>>叉燒大王<<<，隨意吃一頓簡單的午餐。餐廳不需輪候入座，反而外賣生意甚好，門外等候人士頗多，看來大家也想斬料回家加餸吧。單看餐廳名字，很容易讓人誤會這兒只有燒味。要是整間餐廳只賣燒味，選擇未免太單一了。特餐就是要跟燒味劃清界線，四款選擇可為很典型茶餐廳的組合，令整個餐牌更見多元化。冰揀的是特餐A(HKD42)，包括蕃茄肉碎湯通粉，配粟米炒蛋及脆脆奶油豬。蕃茄湯通粉不算是很新奇的配搭，但蕃茄湯底勝在酸香十足，在炎炎夏日提升食欲。豬肉碎粗粗質感與通粉滑溜有點對比，頗為有趣。粟米炒蛋未有額外添加太多調味，以粟米清香突出整個炒蛋味道。脆脆奶油豬沒有偷工減料塗足滿滿奶油，豬仔包烘得鬆脆，一試難忘。男友的是叉燒乳豬米粉(HKD54)，以豬骨湯底烹調，吃後沒啥口渴感，相信未有添加味精，真材實料。乳豬固然脆口，招牌叉燒以半肥瘦姿態呈現，軟滑細膩，燒汁味道非常突出，甜美誘人，相信師傅下了好一番功夫調製而成。冰的餐飲是另加HKD5的熱薑蜜，微微辣味，容易入口。男友的餐飲是熱咖啡，以數款咖啡豆合併所製，香醇風

聽人講河畔好多好野食，今日放工就同老公入黎撐枱腳。中式餐廳最岩我地胃口，所以就睇中叉燒大王，一於試下。我地7 點前黎到，唔使等位，晏D就開始多人，門口仲好多人買叉燒。黎到無理由唔試下最出名既叉燒，一份例排都唔少！食落真係lam lam 利，半肥瘦叉燒又香又多汁，好耐無食過咁好味既叉燒。正！經理推介左啫啫通菜煲，都好食，通菜好爽，又夠鑊氣！係中式餐廰先做到～仲叫左龍蝦伊面，都好食，即叫即整熱辣辣！見隔離枱叫左椒鹽海蝦都好吸引，下次會帶埋呀爸呀媽黎試。

有些食店，會把其招牌的食品押上牌面，表明你來我呢度，食呢樣野就最正架啦。串D，有食店會自稱王自稱霸。是日，我就來到一間自稱 "王" 的食肆，說是叉燒佢最靚的一個燒味茶餐廳，是位於沙田河畔花園的《叉燒大王》。我對《叉燒大王》的初認識，是幾年前，由住職威爾斯親王醫院的朋友推介的。那天到他家，他本以《叉燒大王》的叉燒招待我們，可是我們當日事先有約，沒有品味到，一直至某一天我自己一個睇完醫生，一個人去午飯才品味到。這一次，是重來，又是看完醫生來，食返個叉燒飯。 早已經知道這兒的燒味最出色，所以一叫就叫個叉燒乳豬飯。我沒有特別要求，隨意讓店方自行分配叉燒給我，出來的叉燒，沒有太過肥，而且入口蜜味。看起來，肉其實是瘦的，但吃得出是梅頭肉，感覺很香，也很腍。乳豬的肉不多，的確是一隻很乳的豬。豬肉香嫩，皮脆，吃得出，此店是有水準的。 改日，早上故意來到河畔轉車返工，故意來，食返個叉燒主題的早餐。這一份麵早餐，除左有碗麵之外，也有多士，餐肉同雞蛋。餐廳夠高貴啊，俾 Lurpak 牛油搽麵包架。 早餐的主角當然是叉燒，是一碗叉燒湯麵。麵來到時，我才醒覺，我應該叫意粉。因為湯意才是香港飲食的名物。說回麵，用