叉燒丼家

營業中

休息中

去葵涌探朋友, 朋友話有間新開專門食叉燒的店, 專登等埋我一齊去試! 被牆身相片吸引, 餐牌都唔駛睇! 鰻魚叉燒丼飯 $82 ~ 條鰻魚長到一個點, 肉質好滑都夠厚身, 鰻魚汁唔會好甜, 同蔥油竟然有點夾! 叉燒我哋無要全瘦, 肥瘦勻稱, 咬落啖啖肉汁, 肉質嫩滑! 唯一係飯沾有太多汁, 對於唔好用汁撈飯既我又點 over. 咸牛肉炒蛋多士 $26 ~ 邪惡軸心, 塊牛油雖然唔厚…蛋好滑, 麵包只有3mm厚, 所以烘得好鬆脆! 炸豬扒 $38 ~ 嚟到見到得呢個價錢只得一塊有點少失望, 點知原來好有驚喜! 厚厚的一塊豬扒, 外層炸得非常鬆脆, 肉質嫩滑, 唔油膩! 廚房細心哋將厚豬扮扒切件上, 好方便! 龍風檸樂 $22 ~ 唔睇英文都唔知咩嚟, 原罐可樂上, 自斟自飲…正! 

話說呢間新餐廳嘅舖位都算大, 有好多張卡位, 坐得幾舒服☺️ 裝修包含左少少日系嘅風格, 呢種港式燒味餐廳加入日本菜嘅元素, 亦係餐廳嘅賣點之一! ✮🐖 鰻魚叉燒丼飯叉燒配搭鰻魚呢個組合真係第一次試, 估唔到又夾得到喎🤤 叉燒肥瘦適中, 不得不提係除左醬汁夠香之外, 廚師仲加左焦糖嚟燒, 令到叉燒更加香口, 而且食果陣見到成塊焦糖添架😍 而鰻魚加左照燒汁, 夠哂惹味, 兼且啖啖肉😋 (不過大家食嘅時候都要小心可能有細骨) 呢個港日crossover嘅組合真係幾正, 推薦大家去try try👍✮🐄 咸牛肉炒蛋多士 呢份多士一睇就知足料! 咸牛肉嘅調味啱啱好, 唔會太鹹🤗 而佢嘅特色就係成塊牛油夾左入去份多士度, 味道更香更濃郁, 口感更豐富, 真係好邪惡😈🤤 不過份多士嚟到記得趁熱食, 小妹掛住食個叉燒飯食唔切多士, 搞到凍左啲同埋麵包唔夠脆😂✮🐷 炸豬扒同樣係啖啖肉嘅炸豬扒夠厚夠juicy, 炸粉唔會過多, 但係又keep到脆口, 咬落去sok sok 聲, 係其中一樣推薦嘅小食❤️✮🍹鹹檸七食左咁多肉, 配返杯冰凍嘅鹹檸七, 夠哂爽😎💯

新開冇耐就咁不知所謂！新開嚟食過早餐已經唔好印象，等咗半個鐘都未有嘢上，問佢催單先至遂樣遂樣上。碗通粉水汪汪只得得3片又乾又鞋嘅叉燒浮喺面，仲話叉燒當家，咁嘅叉燒質素👎🏻👎🏻👎🏻其他炒旦奶茶都一般正常。隔咗2星期就試試下午茶得唔得，點知咁伏，叉燒炒腸粉，真係可以講係垃圾一碟，又或者係廚餘，有圖有真相！😳😳😳唔係講笑，邊個睇到都唔開胃。我都有問自由係咪太閹尖，但睇真碟嘢仲要多油到成碟底都係，先令我一定要寫呢個麻食評等大家想入去食之前，諗諗自己接受能力有幾高？🤮🥴🤯其實正值下午茶旺時間，成個場只有3-4枱人，😓就應該調頭走唔好入去，因為呢句嘅居民食客都唔係咁易呃！🧐🤨咁差嘅質素，咁貴價錢，只建議食店一係減價，一係換個大廚，仲要改改餐牌，少過10款食品，早午茶晚市只係來來去去重複。

叉燒，一款四園都可以食得到食物，竟然有餐廳以此為名，一於試試佢。食神叉燒飯，其實只係叉燒飯加荷包蛋，已經有好幾間餐廳做得非常出色，咁這一間又點呢？叉燒可選肥或瘦叉，我一向怕肥膏的，所以order咗瘦叉。味道正常不太特別，一般燒臘舖味道。雖然喺瘦叉，但一點都唔會好似食柴皮咁，口感唔錯。成個丼裝落飯，份量夠晒大，抵！侍應阿姐推介樽仔奶茶，話原汁原味必要試。味道尚可，但覺得徧甜。可能由於店舖新開張，侍應出錯頻密，有待改善。以味道計，敏X的叉燒飯喺較出色，但此店平至少20%同份量又大，性價比有絕對優勝，可以一試。

叉燒丼家喺新蒲崗開張時我已經有留意 🧐叉燒配煎蛋炒蛋滑蛋我都好鍾意食嫁 🍳不過今次同鍾意食鰻魚嘅媽媽去葵涌新店 🏠當然要哄下佢開心，試左個鰻魚叉燒丼 🐟鰻魚好長好大條呀，燒得好香，肉質彈牙 👍🏻叉燒份量都好多，每一舊邊位都有微焦 🔥佢地嘅叉燒係用炭火黎燒，所以有陣炭香味 🍢配上秘製醬汁同焦糖，夠晒入味帶點蜜甜 🍯肉質方面略為實左啲，可能咁啱呢幾舊太瘦 🤔小食方面個炸豬扒夠厚身，鬆脆有肉汁 🍖而最令我回味嘅就係份咸牛肉脆多士喇 🐮重點係個蛋好滑，大大片牛油好邪惡好正 😈而兩邊切薄左嘅多士，令口感更有層次 🥪所以我最想再試嘅係佢個蔥花炒蛋脆多士 😋

本人好少寫食評, 但今次實在太差, 不想有人中伏, 就連普通一間燒味店都好食過LE 間"叉燒丼飯" 囉, 新開左LE 間"叉燒丼飯" 先講服務態度! 落單職員, 明明叫左"少飯" (餐牌上寫明少飯-$1) 完全無理會我叫"少飯" 落單職員總話"廚房一樣甘大碗"食物質素好差叫左"炸雞比蛋飯" 滑蛋叉燒飯" 溫泉蛋豚肉飯, 共3個, 先講"炸雞比蛋飯"炸雞比無醃過無味, D飯無鼓油乾爭爭,  "滑蛋叉燒飯" 話說最出名:"叉燒"完全無燒味炭燒風味, 好似用煲浸熟左舊豬肉甘(就連普通一間燒味店都好食過佢)"溫泉蛋豚肉飯" 豚肉汁淡而無味, 好難食 最後到收銀員服務態度, 只是1張單據分開比錢, 大大聲講: 我好多單要入呀, 唔可以分開比錢, (講真: 如果有散子需要分開比錢嗎?) 總之請大家唔好中伏啦

由瑞士咖啡室改為叉燒丼飯，叫左少飯（減$1）店員無理會， d飯落汁又無味，炸雞比無味又鞋只有炸粉味，不值這個價錢，不會再來，d叉燒又唔好味完全無燒味風味，叉燒好似係煲浸熟，豚肉汁淡而無味

近日叉燒丼家在城中相當火紅，繼新蒲崗和元朗兩家分店後，它又在葵涌落戶，令我不禁躍躍欲試。雖然沒曾造訪過另外兩家分店，但感覺上葵涌分店還蠻寬敞的，座位與座位之間有一定的空間，不會過份擠擁。.我跟友人一行二人來到。入座不久後，我們便急不及待拿起餐牌瞧瞧看。餐牌上的選擇極盡多元化，即便是叉燒飯，也有許多具特色的配搭，如咖喱叉燒飯、鰻魚叉燒飯。不愛叉燒的食客也有蔥油豬排蛋飯、五花肉溫泉蛋飯、炸雞脾脆邊蛋飯等選擇。主食以外，餐廳也有供應不少小食，如炸豬排、炸雞脾、沙嗲牛或叉燒蛋炒腸粉等，相當吸引。而且，食品的定價並不高，相當划算。.一場來到，我們當然要嚐嚐這裡的主打—叉燒。但除了鰻魚叉燒飯外，嘴饞的我們還點了一份鹹牛肉滑蛋三文治和炸豬排來分享。加上天氣炎熱，我們也點了兩杯紅豆冰。以下將作逐一點評：.{{ 鰻魚叉燒飯 }}一客飯可同時滿足吃鰻魚、叉燒的願望，絕對是DOUBLE HAPPINESS。叉燒肥瘦相間，口感軟腍，一點都不會乾柴。加上蜜汁的份量適宜，不會過甜，頗耐吃的。至於原條鰻魚則口感彈牙，無甚細骨，只可惜面頭的醬汁甜度略高，加上不夠溫熱，扣去了一點

叉燒丼飯$52 因為唔係好鍾意肥肉特登叫咗瘦叉燒，叉燒燒到少少燶邊，幾香口，篤穿個太陽蛋嘅蛋黃，用d蛋汁配埋豉油同蔥蓉撈飯一齊食好好味😌 呢份飯真係超大份，我地兩個女仔食曬碗飯已經有飽飽地鹹牛肉炒蛋多士 $26 可以話非常之抵，每件多士有三層烘底麵包之外仲要配埋半溶牛油塊，邪惡但係好味🙈炸豬扒$38 出邊嗰陣炸至金黃脆卜卜，而入邊嘅豬扒又夠juicy，連我平日唔點食炸野嘅人都忍唔住食咗一塊紅豆冰 $26 鍾意呢度嘅紅豆粒粒飽滿，有咬口我地見到隔離張檯個鰻魚叉燒丼飯條鰻魚都好吸引，下次有機會去試埋😋

突然好想食黯然銷魂飯🥰捉埋大食仔一齊食神上身～·🍚叉燒丼飯（瘦叉$52）懶健康選擇左瘦叉🤣但肥叉一定係好食d gaaaaaaa!!賣相吸引🤤煎蛋燶邊⋯篤穿蛋黃，再加面頭薑蔥；甜豉油一齊撈飯食真係世界級美味🤤🤤🤤🤤·🍔叉燒漢堡配薯條（$48）叉燒漢堡第一次食～又唔錯wooo🥰烘到香脆既麵包夾住蕃茄🍅生菜🥬清新，加埋香甜叉燒，邪惡芝士🧀煎蛋～好難唔好食😋·🥪咸牛肉炒蛋多士（$26）咸牛肉炒蛋再夾大大件牛油多士🥰好肥仔啊～～～大食仔表示好好食，口感豐富～但我唔鍾意食牛油既關係，了走左🤭如果多士更香脆會更好食😙·地方有點難找～我地係葵涌站搭的士去的👐🏻·📍叉燒丼家葵涌和宜合道26-30號和宜商場地下

屋企附近最近開了間义燒丼家, 決定試一試！ 我同男友各叫了义燒丼同肥义燒丼， 傳單同實物賣相相差不太遠！ 特別係煎蛋確係有認真的煎， 有脆邊但蛋黃仍然流心. 至於义燒本身就有點讓我失望了！ 肥义也只是多點肥肉無咁乾身， 但味道無义燒應有嘅味道！ 瘦义是有炭香味，肉質唔算太乾， 但食落似較多汁的豬肉乾而已， 凍左就會變硬，而且碗飯上嘅時候已經唔熱， 食食下已變成微暖， 感覺大打折扣！ 作為以义燒飯作招來， 賣$52 一碗， 確有點失望！

昨日外賣拎走試咗個叉燒通粉早餐，等咗差唔多20分鐘先有得拎...都唔係一個問題！員工都有7，8個，廚房都有三個人再有一個經理，客人唔算多已經係混亂😥😥但味道都算有誠意。今日都想試下出名既蛋多士，竟然外賣又唔比人叫（叫完自取）聽電話個呀姐又無禮貌又要cut人線有生意都唔做喎話廚房亂🤔員工就多啦...但真係唔知係度做咩🤷🏻‍♀️🤷🏻‍♀️

去到從前熟識的地方，遇上上次在別區吃過的叉燒飯，便停下來進去吃，因今晚上興趣課，吃飽後才去上課罷。鰻魚叉燒丼飯上次吃了叉燒蛋飯，這次把煎蛋轉了鰻魚。用炭燒的叉燒，瘦肉內有肥脂，不覺肥，有咬口，微軟，厚身一點更好味(貪心呢！) ，看餐牌圖片是整條鰻魚，這是令我想吃的原因，因通常吃到的是一段或半條，這裡是一條的，帶甜醬油味，肉夠厚身，沒有骨，啖啖肉，吃到魚的油脂，肥美的送飯啊！今晚點了少飯。因為我太為食，另點多了一樣食物；咸牛肉炒蛋多士兩樣都想吃便點晒佢 ...嘻嘻！至多吃少一點飯！麵包兩邊切了薄片，一邊還夾上牛油，全熟雞蛋一點都不老，加了不太多的咸牛肉在蛋內調起個味道，當咬到牛油時，口中的味道更豐富。點飯免費包熱飲。還有一項應給讚的，食店有2,3位比較年長的侍應，她們工作經驗，人生歷練比人豐富，專心為一家店工作強，仍有很強的工作能力，如有多一點商店，食店願意顧用，為社會做多點貢獻，香港便會更好！

今日同朋友去咗荃灣和宜合道運動場打波，打完波之後，當然要搵嘢食醫下肚啦，見到開咗一間新嘅店舖叫做叉燒當家。呢間野喺新蒲崗都有一間分店，就喺正我公司樓下，我都未食過，今晚就試吓呢一間啦！因為係食飯時間，所以都等左一陣位睇嚟呢間野出名薄多士顧名思義，叉燒飯就一定出名睇吓晚市餐牌有乜嘢食先, 主力都係叉燒飯，睇真d, 原來仲有鰻魚叉燒飯！先來一碗咖喱叉燒飯，咖哩汁嘅香濃程度，係微辣，對於我不吃辣嘅，都還接受到。全碗都係咖哩汁，好堅！叉燒切得幾薄，又淋，的確唔錯！咸牛肉薄多士牛肉唔算太鹹，同埋厚蛋一齊食，口感非常豐富。叉燒漢堡包漢堡包內除了有叉燒，裏面還有芝士又蛋。第一次食咁樣嘅配搭，有幾得意！唔好睇少呢一餐，的確係飽肚又滿足！

唔係朋友介紹，都唔知和宜合道新開咗間又平又抵食嘅餐廳，話明叉燒主題，當然要食佢個招牌菜叉燒飯啦，佢個餐牌居然有個鰻魚加叉燒飯，鰻魚又係我最愛，叉燒又係我最愛，一於就叫呢個啦😛.. 鰻魚叉燒飯$82.原條鰻魚好大條，外脆內軟加埋個燒汁好正，配6-7片炭火叉燒，叉燒肥瘦適中😋其實呢個飯可以夠兩個人食，抵！.鹹牛肉炒蛋多士$26必食，佢個多士有三層薄麵包。兩層夾厚牛油，兩層夾蛋牛，又係外脆內軟，呢個要即刻食，因為個多士熱，入面個牛油凍凍地，🤩估唔到咁好食。炸豬扒$38.個豬扒外邊鬆脆，入邊juicy,估唔到咁平嘅餐廳都有啲咁好味嘅豬扒。