叉燒丼家

營業中

休息中

唔係朋友介紹，都唔知和宜合道新開咗間又平又抵食嘅餐廳，話明叉燒主題，當然要食佢個招牌菜叉燒飯啦，佢個餐牌居然有個鰻魚加叉燒飯，鰻魚又係我最愛，叉燒又係我最愛，一於就叫呢個啦😛.. 鰻魚叉燒飯$82.原條鰻魚好大條，外脆內軟加埋個燒汁好正，配6-7片炭火叉燒，叉燒肥瘦適中😋其實呢個飯可以夠兩個人食，抵！.鹹牛肉炒蛋多士$26必食，佢個多士有三層薄麵包。兩層夾厚牛油，兩層夾蛋牛，又係外脆內軟，呢個要即刻食，因為個多士熱，入面個牛油凍凍地，🤩估唔到咁好食。炸豬扒$38.個豬扒外邊鬆脆，入邊juicy,估唔到咁平嘅餐廳都有啲咁好味嘅豬扒。

叉燒鰻魚丼飯 Roasted Pork & Eel Rice (HK$82)咸牛肉炒蛋多士Corned Beef with Scrambled Eggs Toast (HK$26)炸豬扒Deep Fried Pork Chop (HK$38)Rating: 4/5 ⭐ @masterofcharsiu條鰻魚係堅巨型，勁厚肉，肉質好tender。個叉燒質感好特別，唔知點解有d似雞腎，好爽口，整體個叉燒都偏瘦，無咩肥膏，上面加上蔥油，帶出傳統香港口味。個多士係有驚喜，新鮮整出黎，焢得好脆。個咸牛肉同蛋份量豐富，亦都有咸香。呢個係雙層多士黎GEH，嘩，另外果層，有熱溶牛油，勁邪惡，但勁好食。個豬扒係物有所值，外表炸得乾身亦香脆，肉質多汁唔會話過熟，好食！The eel was HUGE, very meaty and the meat was really tender. The roasted pork has got a very special texture, the texture felt a bit like chicken kidney, not the greasy ty

中秋節過後，秋天嘅氣息越嚟越濃厚，係時候食肥自己過冬啊！呢一日嚟到葵涌和宜商場下面嘅叉燒丼家，試咗：炸豬扒：完全唔會鞋身，半肥瘦嘅豬扒非常對口味鰻魚叉燒飯，鰻魚非常肥美，叉燒有炭燒嘅香味，個人覺得其實唔需要再加薑蔥油鹹牛肉三文治：多士只有3mm厚，可以感受到餐廳用心製作出非常香脆嘅三文治，仲有牛油添，好邪惡啊嘢飲方面我要左超級檸檬茶，原來係有爆爆珠嘅檸檬茶，好得意，有台式飲品嘅感覺。總括來講，餐廳裝修得體，價錢走平民路線，如果我住附近嘅話應該會成日嚟食呀

新蒲崗嗰間，我幫襯過好幾次☺️佢哋嘅叉燒的確好好食😋咁啱要去葵涌😎竟然遇到佢哋啱啱開多左間分店😮既然見到，當然入去幫襯支持一下👍鰻魚叉燒丼飯🤩$82鰻魚竟然成條上😮味道唔錯，夠入味😋叉燒當然好食😉肥瘦適中😛而且鰻魚配叉燒都真係幾特別😛咸牛肉炒蛋多士🥪$26多士烘底，之後仲要加上一片厚厚嘅牛油😛咬落去，牛油開始變軟溶化🤩配埋夠香夠滑夠厚嘅炒蛋🤤真係好邪惡😈炸豬扒🐽$38即叫即炸👍豬扒勁厚身😝咬落唔乾身，夠Juicy😋咸檸七🍹跟餐+$8鹹鹹甜甜，消暑解渴一流☺️叉燒丼家 (葵涌)葵涌和宜合道26-30號和宜商場地下B-C號舖

第一日開張，抱住興奮既心情嚐試，但結果令人十分失望。第一，沒有系統，第一日開張已經十分混亂，落錯單，送錯野第屢見不少。第二，野食性價比低，一碗叉燒飯兩五十几蚊，但同三十几蚊既快餐店燒味飯無異。第三，速度慢，只有几十樣野食，而且全是燒味，常餐，但平均等餐時間要半小時。總括而言，改善空間有很多。