影片
以上資料只供參考, 請與餐廳確認詳情
有老朋從英國返嚟，完咗聚會，一行4人本來打算飲餐茶，不過，老朋友話好想食燒味，佢仲喺「叉燒丼家」嘅忠實擁躉，投其所好，就改到嚟食番餐叉燒飯。餐廳環境好大、好深長，入到去大把位揀，茶記格局，所以，主要都喺以卡位為主。雖然我哋得4個，但客唔多，都揀咗坐中間啲6人長枱，方便擺吓嘢。食物嘅選擇包羅萬有，唔會淨喺得燒味食，不過，既然以叉燒起名，自不然喺食佢啲叉燒飯，就算喺叉燒飯，都有好多配搭。特濃芝士叉燒丼飯 $56由於同枱朋友客唔喺嗰啲相機先食嘅人，就唔方便影其他人嘅嘢食，單單只分享吓小弟今餐食咗乜。單喺睇睇飯面滿滿嘅特濃芝士汁就感受到有料到，個芝士汁確喺校得唔錯，夠香濃，質感啱啱好，撈飯確喺一流。而佢哋主打叉燒，叉燒亦做得一手，小弟就揀瘦叉，口感鬆化唔會好柴皮咁，而且，有唔少燶邊位咬吓。熱奶茶當佢都喺間茶記，所以，餐飲都揀番杯熱奶茶，睇見色澤都對辦，雖然飲落唔會話好正好正，但至少茶味夠，茶奶比例都OK，我就收貨架啦。由於真喺客唔多，食完晒侍應都無乜點理我哋，所以，大家都傾咗好耐，有唔少當年今日嘅話題，亦講講晌彼邦嘅生活軼事，移民確喺好多辛酸，大家都明白只喺報喜不報憂而已。
繼續閱讀
下午茶，肚仔餓，搵野食先，見個名叫叉燒丼家，就入去食叉燒飯，下午茶細細碗叫夠食，有多多薑蔥蓉係叉燒上面，即刻試下，叉燒冇咩特別，又唔會特別好食，叫正常，唔會太瘦唔會太肥，相反隻蛋同埋啲飯夾埋就超好食，啲飯粒粒鮮明有口感，蛋黃大又濃味，撈飯好味，基本成碗飯，薑蔥蓉蛋黃汁同埋啲飯一同，夾埋超好食。食野除了食味道外，最重要係食人情味，當日我都食哂野飲哂野，準備埋單，店舖職員問我要唔要碗西洋菜湯，話話剛剛煲起，俾碗我試下，本來都想埋單走人，俾人情味感動，所以優先出此食評。
繼續閱讀
之前呢到係出名叉燒飯嘅茶記，近期再黎發現多左個邊爐五食，好似係同其他集團合作，200幾又唔太貴就黎試下。本身見佢個牌咁多野以為係揀，點知原來係全部都有。上雞煲前可以拎小菜，一共十一款，包括炸奶、木耳青瓜、泡菜、蝦等。然後係雞煲先，有兩款揀（圖片有），我地揀左辣雞（可再揀辣度)，叫左bb辣，好好食，上枱後即炒，店員同左我地講點炒亦會keep住黎幫手炒，十分鐘食得，好嫩口而且口味同出面雞煲唔一樣。之後就上海鮮盤，係蒸好左先上，可即食，有帶子、蜆、鮑魚、壕、蝦、烏東，好大份，都好食。佢會換走雞煲嘅煲先上湯，我地揀左花膠湯（入面仲有雞），可以飲左先，之後佢會再加湯比你打邊爐，牛豬任叫但要同佢地落先有，（鮮牛幾好食，彈牙的），其他丸、菜可直接拎。飲品櫃都好多野揀，汽水、茶etc 平時見到嘅都有，仲有雪糕、啤酒都係free的，啤酒有兩款揀～而且可以食到十一點，可以慢慢食總結真係好飽但好抵食，大胃巴絲請進場🫵🏿
繼續閱讀
位置相對偏遠，但係真係葵涌值得行上嚟一食！食物質素及選擇都高質過一般茶記！估唔到竟然有泡菜、仲有薯菜或沙律選擇，價錢一律極親民，全部都係$50幾蚊選擇多到、又好味到，覺得要嚟食幾次，實在有太多都想試食！// 泡菜叉燒丼飯首先，叉燒可以加錢轉肥叉燒，以下我係冇選擇加錢，係普通叫叉燒佢會嘅比嘅質素，可以見到就係瘦叉，一啲肥都冇 which 對我嚟講完全好ok!味道上係中規中舉，我覺得係因為佢薄切叉燒影響咗個口感，同唔夠美道豐富。厚啲嘅話佢會有多啲咬口、啲肉會索多啲汁，一咬嘅時候就會滲多啲味道出嚟，不過呢個係唯一挑剔嘅地方。泡菜就係超市買返嚟嗰啲現成泡菜水準，相信都唔會係自己醃製。不過佢真係好不吝嗇，比超級超級多泡菜另外佢會有啲叉燒醬汁落入啲飯，好好味好送飯，一開始見到覺得好似有啲多飯會食唔晒，但食下一啖一啖就食哂，實在太好味了絕對值得再食第二次佢哋碗叉燒雙蛋飯好吸引，相信啲蛋黃醬好送飯
繼續閱讀
今日喺葵涌想食下午茶就去左呢間餐廳叫外賣，既然餐廳名叫叉燒丼家，咁下午茶就梗係要試吓佢哋嘅叉燒啦！細叉燒煎蛋丼飯，叉燒份量都唔算少有六塊，但係就唔算厚身。叉燒都唔會好肥或者係好乾身，味道就冇乜特別，同平時食開嘅差唔多。雖然係細size嘅丼飯，但係份量都唔細，食完都會好飽。叉燒飯配有蔥油，平時比較好少見呢個配搭。太陽蛋亦都煎得好完美，撈埋啲蔥油飯一齊食，真係好好食！但係依間餐廳嘅位置就唔太方便，應該都唔會成日去光顧。
繼續閱讀