原作養生湯米線

營業中

休息中

前排去紅磡睇演唱會，睇show前梗係要醫肚啦，上網搵到呢間食雞湯米線好似都幾吸引，而且我又真係好鍾意食雞😂吸引到我幫襯🐔🥢食物🥢1️⃣蟲草花膠雞湯米線$68: 份量其實都算幾多，飲到幾足既雞湯味，唔會係死鹹味👍🏻主角雞好嫩滑，花膠口感係爽口，整體CP值高2️⃣東江沙薑雞飯$58: d雞都係滑嫩，不過味道就冇咩特別，正正常常；但估唔到佢跟埋碗椰子湯先係精粹，好濃厚既椰子味，不過就鹹咗少少。另外加左$8配洛神花茶，味道唔會好酸，不過略嫌細杯咗少少😂💥環境💥成間鋪都幾光猛，同埋啲座位都幾闊落，坐得幾舒服。💥服務💥叔叔店員好主動，有禮貌服務都幾好，啲嘢食都唔會等好耐。

今晚去左黃埔食呢間養生米線🍜舖頭光線充足，座位唔會太迫，老闆非常熱情同nice!!☺️☺️佢同我哋介紹咗好多舖頭推介嘅食物，傾偈個時仲知道原來佢以前係龍璽做架添🤭🔻🍜蟲草花膠雞湯米線 & 桃膠鮑魚雞湯米線 原來雞湯湯底係用左金華火腿同豬骨等材料煲左八個鐘❗️所以味道非常之先鮮甜，一啲都唔咸❗️好似住家湯咁好飲🤤另外，佢有好多件雞🐔肉質食落好嫩，好厚肉😋仲有幾舊彈牙嘅花膠🙆🏻‍♀️感覺真係好養生😂啱晒女仔食👧🏻而桃膠鮑魚雞湯米線嘅鮑魚都好大隻！真係好足料😆🔻🥢油醋海蜇花 $58老闆話海蜇花係好難有嘅❗️因為一隻海蜇得幾舊海蜇花😝而佢嘅口感比起一般海蜇爽口，仲撈埋左啲蒜頭同辣椒🌶️真係好惹味🌸桂花蜜糖雞翼 $25/3隻呢個小食真係幾特別！啲炸雞翼淋滿左桂花蜜汁😍啲蜜糖仲有清香嘅桂花香味，而雞翼外皮炸得好夠脆，熱辣辣🤩正！🐷蒜泥白肉$58啲白肉唔會太肥❗️配埋佢面頭嘅蒜粒好惹味同香，而且佢嘅醬汁係酸酸甜甜咁嘅味道，都幾岩夏天食🔆🔻🍹凍洛神花茶 & 凍檸檬柑桔$18兩杯杯嘢飲都幾好飲，個人比較鍾意洛神花茶，味道較特別🤤

小編決定要多啲發掘區內嘅美食🤩見咁多人介紹，襯人少啲終於試左屋企附近嘅米線店😋 味道有意外驚喜☺️ 真係同平時出面嗰啲真係好唔同，又夠健康😋估唔到米線都可以咁正‼️招牌海龍王湯陽春麵（$128）呢款係店鋪嘅招牌菜🏅湯底係用左龍蝦、鮮蝦、蝦子、蜆等食材熬製八個鐘而成，飲落鮮味濃郁，唔覺唔覺飲左大半碗🥰小編特登轉左陽春麵，食落更加掛湯，超入味呀！龍蝦食落啖啖肉，帶子都幾鮮甜彈牙，正呀☺️蟲草花膠雞湯米線（$68）湯底同平時喺屋企飲到嘅雞湯一樣咁鮮甜，飲咗大半碗但一啲都唔口乾👍 雞件肉質嫰滑，食材仲加入左花膠、蟲草花等，夠曬補又養生🤣花膠大大塊，口感偏爽口～ 性價比極高‼️油醋海蜇花（$58）咁熱嘅天氣想試吓啲涼拌野，於是就試左呢款～ 食落比一般海蜇更爽口，口感唔錯！桂花蜜糖雞翼（$25）雞翼上枱熱辣辣，外皮炸到勁香脆，配合埋桂花香同蜜糖嘅甜，味道超夾超出色🤤就算擺耐左依然保持香脆口感，小編比100分！

何解叫佢做老作呢，事緣今次是第二次食，第一次食覺得好鹹可能係個厨手震，俾多次機會佢啦！點知就伏咗第一次食龍蝦湯鯛魚配脆米，印象中全是脆米，鯛魚肉幾爽脆，當時估佢個湯係罐頭龍蝦湯，較濃味同好鹹，佢哋龍蝦原隻上何來蝦殼淆湯，吾同攞人哋食完後攞去淆湯咁恐怖；第二次食龍蝦湯紅蝦泡飯，收98蚊就諗住cheap cheap 哋都有兩隻阿根廷紅蝦啦，因為兩隻都係十幾蚊，點知原來係隻“紅色”蝦一隻，喺街市賣70蚊斤嗰啲，真正紅蝦個蝦頭嘅蝦膏鮮甜味比較其它蝦係吾同，呢隻蝦頭根本無膏，真係到爆，咁揾笨，睇你幾時執，跟住食一口覺得吾多妥，個湯好鬼死鹹，完全無蝦湯嗰浸鮮味，一定係溝水放鹽，另外一些是飯一些是脆米，兩溝咁都得，完全不知所謂，餐牌寫名配脆米，做到咁求其，同上手一樣無運行，嗰個位諗住做理工嘅學生，坐低到走都吾覺有乜街坊去食，可能大家都領過嘢；呃到咁都無乜負評，又易揾位，你懂的。

上網見到甘多好評 特登走黎試下 黎到點左個桃膠椰子雞湯米線同招牌海龍王湯陽春面 落單既時候 我講左2次走葱 我男朋友都講左2次走蔥 結果2碗都無走到 我男朋友無所謂 但系我對蔥敏感既 同服務員講完 叫我自己夾走去 夾左一輪都夾吾清 叫佢換 佢拎入去夾兩野 就拎翻出黎 出黎都系有蔥 都算 點知雞好咸又吾熟 又凍冰冰 好明顯系後期放上去 而個湯靜系得椰子味 結果食左2啖就再食吾落 真係好差既體驗 午市埋單都要200幾蚊架 以為質素都吾會差 點知結果甘令人失望 我絕對吾會再黎光顧第2次

-原作養生湯米線 🍜Midweek Treat💆有番咁上下年紀 平時除左搵好野食都要搵啲健康養生既東東黎平衝一下紅磡黃埔呢一帶都曾經係林芝蓮既地頭久唔久都會番去懷念大學時光今次發現左有呢間養生面！🦞原隻紅蝦龍皇湯泡飯 （$98）配料：阿根廷紅蝦，帶子，蜆，少少脆米湯底有濃濃既蝦味泡飯同脆米都吸到湯汁撈埋一齊食會又脆又冧 帶子好彈牙🐔蟲草花膠雞湯米線 （$68）配料： 杞子，蟲草花，雞鮮甜既豬骨雞湯 好似飲住家湯咁食完唔口渴所以係冇味精既雞肉肉質嫰滑 全部都大大舊 勁飽仲要加埋爽口花膠，蟲草花 感覺好健康🍗桂花蜜糖雞翼 （$25/3pc)最有驚喜係呢個🤩第一次食到桂花蜜糖味既雞翼唔係“死甜” 而且有陣陣桂花香係餐廳師傅自己調製既 ❤️食落好減輕到烤雞翼既油膩感💦油醋海蜇花 （$58）海蜇就食得多 但係海蜇花就第一次食口感比一般海蜇彈牙個油醋汁係混咗蒜頭辣椒 麻油味好香老闆話海蜇花係出面好少會食得到！好有新鮮感！ 會之後都好想周圍搵黎食食物整體都係高質而且唔貴 幾抵食環境都幾舒服 店員們服務態度都好親切會周圍問番客人既意見👍-📍原作養生湯米線Shop 34, G/F, Willow Mani

呢間餐廳主打零味精及養生湯米線，用新鮮材料經過8小時精製而成，果然名不虛傳😋😋😋😋1.蟲草花膠雞湯米線雞湯湯底濃郁，相當清甜。花膠份量多，而且大塊，雞肉嫩滑多汁，再加上大量蟲草花，呢個花膠雞湯養生加用料十足，實在值得一試。2.麻辣鴨血 鴨血刺激濃味，鴨血嫰滑有咬口，越食越惹味，將味覺帶進另一更深的層次。3.滋補黃酒煮雞湯米粉 米粉配搭黃酒煮雞更滋補養生，米粉索哂D湯超級正呀😋😋😋😋😋3.油醋海蜇花 用獨有美國海藻花精製而成，海蜇爽口彈牙，少少辣但非常惹味。總括而言，細細妹說好味道😋，老闆待客有禮，一直問我們好唔好味，平日時間都座無虛席，晚飯時段客似雲來，有機會下次都想試埋個海龍皇泡飯及龍蝦海鮮米線。

最近日日出街食，吸收左唔少嘅味精，令到個人好燥底，對皮膚又唔好，呢間米線專門店主打冇味精湯底，用新鮮材料熬足8小時，小編同同事都話要去補一補、急救一下😌《蟲草花膠雞湯紅薯粉》🐛🐔 $78先講份量，真係無可挑剔，花膠同雞都大大件，而且雞件肉質一啲都唔鞋口，厚切啖啖肉大快朵頤🙈湯底嘅色澤看似比較清淡，但味道意外的非常鮮甜、順喉，冇半點油膩感，明顯有用心處理過，真係可以飲晒成碗湯。🙈《桃膠椰子雞湯米線》🥥🌴 $78椰子雞湯一個字形容：香！一上菜，陣椰子香味真係連隔離位都流晒口水！🤤🤤湯底比蟲草花膠雞湯甜得多，椰子味好濃。湯底有補腎健腦、補血養神、滋潤肌膚嘅功效，可以講得上男女都啱飲！《酸辣炸醬牛魔王米線》🌶🐮 $78相比之下，呢款米線就相對普通🙉不過食得出佢啲牛肉係新鮮牛肉，一啲雪味都冇，都抵讚！啱晒啲無辣不歡但係又要陪同事食健康嘢嘅人🙈😂午市套餐仲會包一款小食同埋一杯飲品，小編就點咗黑松露糖心蛋同埋原味脆魚皮，味道質素都好滿意。總括嚟講，以呢個價錢，真係街坊價同良心價，性價比高。

質素不錯，性價比亦高的餐廳，在紅磡區的確難找到。最近呢間米線鋪亦是閒時都會光顧。這間米線舖已經是第3次光顧。黃金雞翼 比起第一次食時，差了點，大概是繁忙時間桂花蜜糖雞翼 這是menu上的推介菜，確是不錯，甜甜的很開胃。麻辣鴨血 辣是辣，可是不太入味…有點失望..東江沙養雞 轉雞髀加$10 性價比高，價錢不貴，桃膠鮑魚雞湯米線 🍜誠意非常，不過今次湯好像咸了一點…喜在是雞髀肉，鮑魚size亦星不錯。餐廳的服務不錯👍需要加贊一下👏👏

👍🏻蟲草花膠雞湯米線 $68湯底用左金華火腿同豬骨等材料煲左八個鐘飲落唔肥膩，味道鮮甜濃郁，好好飲🤤👍🏻無落味精，好似住家湯咁，飲哂都唔頸渴，成碗清哂添🤣雞肉肉質好嫩，厚肉又大大舊😋雞皮唔算好肥，食落咸咸地有啲似鹽焗雞最正係啲肉都好入味，好香雞味🤤👍🏻！花膠彈牙爽口，不過唔係好入味，比較清淡米線彈牙，份量好多🤰🏻整體好高質，必食推介👍🏻味道：9/10性價比：9/10-👍🏻滋補黃酒煮雞湯米粉 $66黃酒湯比雞湯濃味，藥材味濃郁，有淮山杞子等，好足料🤤酒味唔太突出，飲落好甜😋👍🏻又係無味精，當住家湯咁飲哂成碗🤪雞肉一樣煮得好入味👍🏻不過比花膠雞既肉質無咁嫩滑，無乜骨啖啖肉😛轉左米粉更加掛湯味道：9/10性價比：9/10-👍🏻油醋海蜇花 $58海蜇花比起一般海蜇爽口😛外型好似雪耳咁一舊，食落好有口感👍🏻混左蒜頭辣椒，甜甜地少少辣，麻油味好香！醋味就唔太食到，亦唔酸老闆話海蜇花出面好少有得食㗎🤪🤪完全食唔停口🤣正！味道：9/10性價比：8/10-👍🏻桂花蜜糖雞翼 $25/3隻係炸雞翼淋上桂花蜜汁好有驚喜😍蜜糖唔係死甜，係清清地好香桂花味仲超多蜜汁，直頭食一啖點一下🤪雞翼外皮脆，熱辣辣肉質嫩滑又

🤗係香港好容易搵到食麻\酸辣米線既餐廳好多時食完都會有啲口渴 😌食材較單一位於黃埔既原作養生湯米線有好多選擇👏🏻可以食米線或者暖胃泡飯 仲有好多小食每款湯底都好特別👍🏻👍🏻 今次試左 No.1 招牌海龍皇泡飯💕 （💰 128) 9/10🦞🦐蝦頭多膏 肉質爽仲有三大顆無沙蜆肉 帶子元貝 微溫湯底 好鮮甜 物有所值🤗泡飯配上澳洲脆米 攪勻後有啲似飯焦既口感 😮🤔可改善既地方-飯量偏少No.2桃膠椰子雞湯米線 🥥（💰 68) 8.2/10坊間椰子雞湯米線既湯底通常都用椰子粉絕少會整個椰子而度既湯底清甜 雞肉嫩滑 🐣🤫唔係雪藏雞肉 好有雞味🤣加埋高蛋白質養顏既桃膠👩🏻同補肝養腎蟲草花 營養價值⭐️⭐️⭐️⭐️🤔可改善既地方-米線可以再入味啲No.3 桂花蜜糖雞翼 （💰 25/3 or 32/5) 10/10平時我唔太鍾意桂花既料理但而款雞翼 令我對桂花改觀😂😂😂桂花蜜糖醬唔會過甜 微微清香桂花味🥰雞翼外皮香脆 放左一陣都無油同變淋No.4 涼拌土豆絲🥔（💰 22) 8.5/10爽口 微辣 好香麻油味 切得好幼細 No.5 黄金炸魚片（💰 35) 8.3/10即叫即炸 超香脆 極邪惡 😈鹹蛋

————📍紅磡、黃埔🙈好耐冇入過紅磡呢邊覓食 發覺都幾多美食 咩國家嘅菜式都有 住紅磡黃埔嘅街坊真係有口福喇🥰🥰ヾ(≧▽≦*)o 平時食米線都係去譚仔 方便麻🤣🤣 但今次去左食新野 #原作養生湯米線 主打原食材嘅湯底 配料都係行養生健康為主 🍃❏蟲草花膠雞湯米線 $68🌸一上枱好有啊媽煲湯嘅味 雞件好滑多肉 係近雞髀🍗附近嘅位 蟲草花同米線一齊食有唔同嘅口感 花膠超級厚🤤份量又多 抵食‼️❏鯛魚片龍蝦湯泡飯 $88🌸龍蝦湯好鮮甜 加埋泡飯吸曬湯嘅精華👍🏻👍🏻 鯛魚片鋪滿成碗飯 店家亦有落其他海鮮（帆立貝）❏桂花蜜糖雞翼 $25🤤🤤雞翼愛好者必食 雞翼好脆身 咬落有汁 桂花蜜糖比一般普通蜜糖雞翼較清甜 食多幾隻都唔會漏🌸————原作養生湯米線 (紅磡)紅磡必嘉街120號黃埔花園三期翠楊苑地下34號舖#winfat#winfat紅磡#winfat黃埔

健康養生湯米線喺黃埔咁耐都係啱啱先知原來呢度開咗一間健康嘅養生湯米線，今日就同朋友過咗嚟試呢間野鯛魚片龍蝦湯泡飯 ($88)因為到就見到橙色好濃郁嘅龍蝦湯😍😍即刻飲下啖湯就有好鮮嘅龍蝦味😋😋用來泡飯就啱啱好啦，每一啖飯都可以加埋龍蝦湯一齊食，好滿足🤣🤣鯛魚片就好滑同埋好足料，有好多塊😆😆蟲草花膠雞湯米線 ($68)朋友食蟲草花膠雞湯米線🐓🐓，佢話啲雞湯都飲得出有雞味同埋好濃郁，塊花膠好大塊都幾好味，見到附近有幾枱都仲加花膠添😚😚油醋海蜇花 ($58)海蜇花夠晒爽口，配埋油醋夠香，同埋有啲酸酸地嘅味道🤣🤣幾開胃幾好食桂花蜜糖雞翼 ($25)🍯🍯桂花蜜糖雞翼擺盤好靚，面頭有啲靚靚嘅桂花碎同埋蜜糖鋪滿成隻碟🤤🤤仲可以攞嚟點添😁😁雞翼炸得夠晒脆幾好食👍🏻👍🏻檸檬紅茶 ($18)檸檬金桔 ($18)檸檬茶都同平時差唔多啦🤣檸檬金桔就好少見到有得飲，所以就揀咗佢啦，唔會太酸，都有金桔味，幾好飲📍 原作養生湯米線 (紅磡)紅磡必嘉街120號黃埔花園三期翠楊苑地下34號鋪

📍原作養生湯米線 (紅磡)紅磡必嘉街120號黃埔花園三期翠楊苑地下34號鋪🍽蟲草花膠雞湯米線💰$68雞肉鮮嫩肉滑，大大件，啖啖肉🐔花膠好厚身，夠入味，爽滑彈牙👍用料新鮮，不含味精☺️湯底非常清甜，我竟然全部都飲曬🤣🍽油醋海蜇花 💰$58油醋海蜇花，食落爽脆彈牙😎的確係我至愛，雖然有少少辣，但夠曬惹味🌶🍽黃金雞翼 💰$25/3隻蛋黃包圍住成隻雞翼，外皮炸至金黃酥脆😆啖啖都食到濃郁嘅黃金鹹蛋黃味😌🍽檸檬金桔💰$18炎炎夏日，飲杯冰凍檸檬金桔🍹清涼潤喉，解渴一流🍋

原隻紅蝦龍皇湯米線 價錢有少少貴，$98一碗。但個湯底又真係值嘅，湯底蝦味濃郁，食落唔似放咗味精。米線就爽口，有2粒帶子、3隻蜆同埋1隻紅蝦，料都OK足夠。不過紅蝦啲肉入口即溶，可能煮得太耐，如果爽口啲會好食好多。當日仲叫咗個櫻花蝦餅，不過個人覺得冇咩特別，唔一定要叫，如果再去都會叫其他小食試吓嘅。其他評價：不設加一，環境都ok。不過當日播緊菊梓喬啲歌，我覺得有啲趕客😂，結果那那林食完就走，唔想再聽落去。