厚興瑜記手撕雞 (卓爾廣場)

營業中

休息中

朋友約埋一齊踩單車去屯門，差不多到目的地已經好肚餓，見到單車徑旁邊嘅卓爾廣場，一於入去食埋晚餐先至搭屯馬綫返屋企。呢個商場都好多嘢食，發現有間可以堂食嘅手撕雞專門店，啱晒我哋做完運動嘅人去補充能量。店裏面嘅裝修光猛感覺乾淨，自行到櫃枱點餐點，然後等叫號碼憑發票去攞食物。兩個都好肚餓揀飯餐，招牌手撕雞三寶飯$56, 可以轉做米粉、湯麵或者水晶粉👍所謂三寶其實就主要係手撕雞，再响小食嗰個餐單裏面揀兩種小食，可供選擇嘅小食包括：海蜇、鳳爪、豬肚、豬耳、雞腎、麻辣豬肚、麻辣豬耳、小冬菇、醬油冬筍我哋兩個果然係好朋友，飯餐同小食都揀埋一樣，連飲品都係一樣🤣🤣飯餐有例湯飲送，味道清甜，飲落順口解渴。招牌手撕雞三寶飯三寳：手撕雞、雞腎、醬油冬筍手撕雞啖啖肉有雞味😋醬油冬筍爽脆帶咸香，雞腎好爽唔會韌，食到停唔到口，飯上面仲有一隻溏心蛋，加埋薑蔥蓉撈飯就最惹味嘞。食飯要有菜先健康，上湯娃娃菜鮮甜淸新。又加咗$38兩款特色小食海蜇+麻辣豬耳海蜇夠爽口，麻辣豬耳香辣又爽脆，正！食完飯飲番杯嘢，個樽幾趣緻，飲管由蓋面插入去就飲得，金桔奇亞籽水晶蜜，啜一啖滿腔金桔味，連埋滑滑奇亞籽，甜甜地，飲完覺得滋潤又滿足。

去開屯門做嘢, 順話便約埋好友見吓面敘吓舊, 佢帶咗我去卓爾廣場裏面去食手撕雞, 呢間舖頭我都見過有專門店買外賣嘅,唔知道原來有一間可以堂食嘅旗艦店添兩個人各自叫咗一個精選推介, 我叫咗一個醉雞絲鳳爪雞腎水晶粉$56 , 水晶粉同餸分開上，未食已經聞到好有酒香，上面仲灑有白芝麻更滋味，醉雞絲嫩滑又夠味，雞腎爽脆滿有酒香，鳳爪爽脆夠味，正！精選推介係有例湯飲配送嘅，見材料有粉葛紅蘿蔔瘦肉…飲落足料好味無味精，好飲喎。閨蜜叫咗胡麻醬手撕雞撈烏冬（凍食 ）$56 可以揀凍食或者熱食㗎。我試咗少少烏冬口感煙韌有彈性，撈埋胡麻醬夠香又滑溜。我哋仲叫咗一個小食雙拼和上湯娃娃菜：雞腎拼醬油冬筍$38醬油冬筍好入味口感爽脆，雞腎一句講晒爽！上湯娃娃菜夠新鮮，腍中帶脆。我哋又叫咗特色飲品，好友係金桔奇亞籽水晶蜜，佢話好香金桔味，配埋奇亞籽滑嘟嘟，好正咁話。我嘅係3.6牛乳水晶華田， 3.6牛乳奶香十足，華田水晶口感似啫喱，隨住溫度上升，華田水晶慢慢滲透進入牛奶內，奶味逐漸被華田味遮蓋，所以鐘意趁凍飲🤭

堂食開放返之後,我都耐唔時會去D清潔得唔錯既餐廳既堂食.呢日我就黎到厚瑜記手撕雞專門店既堂會店-卓爾廣場呢日係平日既晚市時份,堂食連埋我地有三圈客,都KEEP住有唔同既街坊選擇外賣自取.今日食左兩個DINNER SET加D小食,放滿晒成張台既感覺好治癒我好貪心簡左三拼飯(簡完之後發現飯仲可以改水晶粉之類)除左手撕雞仲有海蜇同麻辣豬肚,麻辣好惹味,海蜇一如以往爽口一見個蛋黃好開心醉雞水晶粉個雞好出色,溝個麵入D醉雞汁到食仲叫左小食拼盤加個菜清甜好多特別喜歡前面果個野飲,叫"金桔奇亞籽水晶蜜".甜度適中,又有咬口本身叫到成台餸有小小唔好意思,不過隔離台叫得仲多過我地,仲聽到佢地一路分享邊幾樣好食,呢D可能就係堂食既快樂啦

屯門有唔少平民小店，原來卓爾居都有一間😛呢度雖然地方唔大，但勝在座位闊落，環境光猛，都幾乾淨企理，所以食野既時候都好舒服。餐廳應該係家庭式經營，老闆非常好客有禮，佢同每位客人都有交流，當然亦有介紹野食比我地，比到人一種親民既感覺🥰我地叫左手撕雞伴麵套餐，手撕雞水晶粉套餐，海蜇麻辣豬肚雙拼，上湯娃娃菜👅套餐包例湯同餐飲，例湯睇得出落足料黎煲，飲落好夠味，同住家靚湯一樣，絕唔求期。餐野就叫左兩杯自家制特飲，鮮奶華田果凍同柑桔柚子奇亞籽，兩杯口味都幾清新特別😲手撕雞伴麵有冷熱之分，老闆就推介我地食冷既伴麵。麵質似油麵，麻辣汁都幾掛麵，d汁唔太辣，食落會好開胃。手撕雞係去骨既，肉質嫩滑，而且撕到大大塊，食起黎啖啖肉😋水晶粉配上麻辣湯底，個粉煮到好有口感好彈牙，個麻辣湯同樣開胃，食晒都有少少唔夠喉，好彩仲有小食😂海蜇正正常常，豬肚煮得好淋好入味，而個上湯娃娃菜都唔馬虎，份量唔少，質感爽口，唔似隔夜菜👍

呢間野真係由細食到大，之前街舖個陣一放學經過就會想買番盒打包番屋企做下午茶，估唔到宜家做到堂食！我地叫左個二人餐，每人一份手撕雞就一定架喇，包碗湯同埋每人兩個小食。手撕雞飯絕對keep到街舖時期既水準，入味，肉質夠滑唔鞋口，最緊要就係份量唔細，完全滿足到我既手撕雞癮不過個白飯就爭少少，稍為凍左d，如果可以熱番ｄ就好喇。同埋想提一下隻蛋，冇諗過呢度都可以食到平時拉麵店先食到既高質糖心蛋。。配菜小食就唔太有驚喜，正正常常不過不失咁啦。個海蜇都夠凍，但味道可以再濃番少少～拍青瓜係好食既！夠晒蒜，可以encore!Overall呢個價錢黎講係OK既，有得堂食之餘都算好坐，食物質素亦都keep到，得閒過黎過下口癮同朋友吹下水都係幾唔錯！

厚興瑜記手撕雞🐔🐔，一向質素都幾好，最近發現屯門開咗堂食店，當然要捧場，價格實惠， CP值超級高！！❤️特色小食-海蜇-雞腎可以簡單拼/雙拼，兩款都相當爽口和鮮味😋❤️主食-手撕雞麻辣水晶粉-清遠手撕雞飯 清遠雞比較爽口，手撕雞比較嫩滑，兩款雞味都相當濃郁，另外仲加咗糖心蛋，蛋味香濃！水晶粉亦相當有驚喜，濃郁惹味彈牙！❤️招牌菜：招牌手撕雞超喜歡他們的招牌菜，招牌手撕雞，雞肉嫩滑無比，味道鮮美濃郁，相當高質！❤️是日靚湯：每日的靚湯都不一樣，今天係粉葛豬骨雞腳湯，濃郁冇味精！豬骨香濃，豬肉好吃，相當足料！❤️娃娃菜亦相當新鮮，湯頭清甜可口，整體高質抵食🫶🏻

今日係屯門行完山去咗卓爾廣場搵嘢食，見到厚興瑜記手撕雞有得堂食。睇吓個menu 天氣熱熱哋好想食胡麻醬手撕雞撈烏冬我叫咗胡麻醬手撕雞轉咗撈麵行完山個人食個冷麵涼涼地真係透心涼😍我個山友就叫咗招牌手撕雞三寶飯其實如果唔食飯可轉米粉/湯麵/水晶粉佢話行完山無力要食飯補充下🤣呢個三寶飯有手撕雞、豬肚、雞腎。我夾咗兩舊豬肚試吓好爽口幾好食。其實佢個餐都幾抵食仲跟多兩款小食佢要咗雞腳同雞腎跟餐仲有兩碗例湯好足料除咗粟米紅蘿蔔仲有雞腳食😋飲品叫咗3.6牛乳水晶華田（左）金桔奇亞籽水晶蜜咗（右）

呢兩日天氣突然涼返好多，加上間中有驟雨，本來今日唔打算出街，不過有人興致勃勃，話要帶我去行山，唯有捨命陪君子，行完過咗嚟屯門卓爾廣場搵食。先喺場內行一轉，睇下有乜嘢心水食店。喺 2 樓見到新開咗間「厚興瑜記」，原來係品牌嘅首間堂食旗艦店，醒起都有好耐冇食過手撕雞，就一於試下。點咗招牌手撕雞三寶飯   同 胡麻醬手撕雞撈烏冬各一，另外再加咗份雙拼小食同飲品，每個套餐都會包時令靚湯一客。是日靚湯為合掌瓜紅蘿蔔粟米豬骨湯，睇下幾足料，入口清甜又冇味精。招牌手撕雞三寶飯  ($56) +$6 轉咗清遠手撕雞，另外還可選配特色小食兩款，揀咗鳳爪同豬肚。手撕雞用上清遠雞炮製，食落肉質好嫩滑，彈牙有口感。最鍾意就係佢嘅雞味好突出，帶濃郁鮮香，入口啖啖肉，好滋味。雞蛋大大隻，咬開仲有流心效果，正。鳳爪醃得好入味，外皮爽滑又不過韌。豬肚爽脆彈牙，食落帶麻油香。至於另一客胡麻醬手撕雞撈烏冬 ($56)  亦非常美味，雞肉下得很慷慨，份量十足，而且撕得夠晒大片，食落皮爽肉滑，油脂適中，撈埋啲胡麻醬、青瓜同烏冬一齊食，充滿東瀛風味。小食揀咗海蜇拼雞腎 ($38)  海蜇色澤鮮亮，入口脆而又韌；雞腎富彈性，咬下

屯門卓爾廣場的一間性價比非常高的老字號，有很多附近上班或居民光顧，下午茶時段最為划算，介乎$32-$38。不論堂食，抑或外賣也十分方便。店家更有參與提供免費愛飯盒給有需要人士，認真有良心。胡麻醬手撕雞撈烏冬 - $56可選凍食或熱食，凍食比較爽口；招牌的手撕雞是它們自豪之作，自設廠房生產更具衛生及質素保證，用上農家走地鮮雞，雞肉皮爽肉嫩，入口鮮滑又多汁；冰爽有彈性的烏冬充滿胡麻醬香，夾著爽口的青瓜絲，十分清新。招牌手撕雞三寶飯 - $56可自選兩款小食，海蜇口感清爽爽脆，完全不含油脂，雞腎彈牙又有嚼勁，晶瑩剔透的水晶粉充滿彈性，可選飯、麵或米粉。小食雙拼 - $38小冬菇面積較小、厚度較薄，入口肉質好薄脆，有少少鮮甜味，另一款也選了海蜇，拌著麻油和芝麻粒，好惹味。金桔奇亞籽水晶蜜 - $16酸甜可口的金桔具較高的營養價值，奇亞籽更有超級食物之稱，加上爽口的水晶蜜，好清甜。阿華田水晶 - $16濃郁的華田味和香滑的奶香，水晶啫喱也是華田味，甜度適中不膩。

開返堂食前最後一餐外賣食咗手撕雞套餐🥡二人餐有手撕雞半隻、小食x2、菜、湯同飯手撕雞好香，肉質嫩滑，連皮食仲好味🥳二人餐嘅半隻雞，真係俾返一隻雞翼、雞翼尖，同埋雞脾骨，一啲都無浪費😆唔會太肥或太瘦，正味道唔濃，食開重口味可以蘸薑蔥食小食雞腎同海蜇爽口，帶有麻油香味，香口得黎好開胃，用黎送酒都啱當日嘅小菜係上湯浸紹菜，上湯味道偏淡，不過不失湯反而唔錯，係蕃茄薯仔豬骨湯，有家的味道，好味😋豬骨啲肉都食埋😙

厚興瑜記大家都應該好熟悉，有很多分店，質素也高。今天去卓爾居分店買外賣回家吃，店員服務好，包裝也細心，分了湯，不怕被粉吸水。招牌手撕雞三寶米粉$56可飯可米粉，除手撕雞外，自選兩款料，我選了海蜇和豬肚，米粉配了湯，湯是雞湯來的，清清地幾夾，手撕雞雞香突出，大小剛好，沒骨方便吃，海蜇清爽，豬肚軟身帶麻油味。醉雞絲鳳爪雞腎湯麵$56配料是固定的組合，剛好也是我想吃的，酒香十分入味，鳳爪爽口不會很腍，雞腎爽得來有它特別的味道，喜歡它還配有一點椰菜，營養平均。雙併小食$38選了豬耳和雞腎，豬耳較硬身，但屬爽口不難咬，感覺有很多骨膠原，太喜歡雞腎所以在這裡也選了。樽仔奶茶$16本想著不是茶餐廳出品應不怎麼樣，結果有點驚喜，夠濃又滑，奶和茶平衡，好喝，抵飲，而且是新鮮製造，下次過來買奶茶也好。阿華田水晶$16有創意的飲品，牛奶配上阿華田啫喱，用飲管就啜到了，一向覺得珍珠硬又無味，喜歡這個特飲多好多。

放工來到卓爾居厚興瑜記手撕雞買外賣返屋企食，點了兩個主食返屋企同屋企人食。胡麻醬手撕雞撈烏冬，烏冬彈牙，痴住好多胡麻醬同青瓜絲，夠開胃。手撕雞麻辣水晶粉:本身以為係乾撈水晶粉，但原來係麻辣湯水晶粉，水晶粉同手撕雞分開上下層裝。我就覺得湯底可以再辣D，咁就更香濃惹味﹗手撕雞咸香，下面有木耳、椰菜墊底，清爽去膩﹗樽仔咖啡:枝裝很可愛，胋上店舖貼紙，咖啡香滑，甜度適中﹗水晶咖啡:當日得返最後一枝，可見其受歡迎程度，咖啡同樣香滑，用粗飲管慢慢去啜水晶，好過癮﹗上湯娃娃菜:上湯調味剛好，娃娃菜食落爽脆微咸﹗例湯係雞腳青紅蘿蔔粟米湯，有一碗仲有兩隻雞腳，煲到淋晒，呢碗真材實料湯，真係好清甜冇味精﹗

厚興瑜記手撕雞相信很多人都聽過這名字，甚至是吃過他的手撕雞，當然我也不例外。但想不到的是原本只做外賣的店，現在竟然也開了新的堂吃門市，而且餐點還多元化了，果然什麼都不可以一成不變的！招牌手撕雞三寶飯（５６元）雖然寫是三寶飯，其實是四寶才對，因為他還附上了滷蛋！招牌手撕雞是主角當然是少不了，而且還可以任選兩款小食來搭配感覺也挺不錯，而我就選了雞腎和海蜇。首先是主角招牌手撕雞給的份量可以，而且肉質超滑嫩，帶點雞味，而且本身就有調好味的，帶點鹹香的味道！其次是雞腎，吃起來爽脆沒異味。接著是海蜇，吃起來滑嫩爽口！最後是滷蛋是用上了半熟蛋，吃起來流心，蛋味香濃！而下面的白飯質感不錯，粒粒分明，帶有飯香！胡麻醬手撕雞烏冬（５６元）夏天當然是少不了冷麵，這個味道挺好，胡麻醬的味道香濃，帶點回甜，配上香滑的手撕雞，爽脆的青瓜和滑嫩的烏冬，整個吃起來既清爽又解油膩，為夏天帶來一絲絲的涼意！小食（雙拼）（３８元）我選了麻辣豬肚和麻辣豬耳，兩個的份量都不錯，辣度約小辣程度，兩款吃起來都挺爽脆的，豬耳會脆一點，豬肚會有肉感一點！水晶華田（＋１０元）這個挺特別的，既喝到濃濃的華田味，又有很香滑的牛奶，又有大量的

復活節假期的最後一天，我也去了新界一日遊，晚飯暫還未能堂食，就決定外賣到朋友的新居食。在她家樓下的商場竟然見到有這手撕雞店的餐廳version，與平時外賣店不同，所有東西都好像upgrade了，變靚了，高級了。我可算是這店的常客，見到這圖文精美的餐牌，很是高興，雖然升級了，但套餐價錢還是合理，又可以加錢配飲品。我作為手撕雞愛好者，點了手撕雞麻辣水晶粉朋友選了醉雞絲鳳爪鷄腎米粉，足料。我們另外再加了一個雙併小食:  醬油冬筍併海蜇，連同套餐包了的蔬菜粉絲，超滿足。值得一提的是，飲品超正: 水晶咖啡和水晶柯華田很有特色，入面的啫喱配合本來平常不過的凍飲就成為令人讚賞的特色飲品，加HK$10 絶對值得!

今日早上同家人去左打針, 擔心打針後煮飯太操勞, 所以決定買外賣番屋企食 (其實係懶得煮 😆) 回家途中, 順路經過卓爾廣場, 係水牌位睇左一陣, 最後決定去呢間厚興瑜記手撕雞。睇完價錢之後發現都幾抵食, 我地4個人分別叫左一個二人餐, 一個醉雞絲鳳爪雞腎米粉, 一個胡麻醬手撕雞撈烏冬, 平均每人都係$60, 食到超級飽! 不過因為宜家仲係維持緊2人一枱既限聚令, 所以我地無堂食, 外賣拎番屋企一齊慢慢食。等待取餐時有店外拎左份單張黎睇, 發現原來呢間餐廳有好多間分店! 可能係疫情呢2年期間, 我太耐無出黎覓食… 趁住疫情開始慢慢好轉, 要出多D去食好野💪🏻醉雞絲鳳爪雞腎米粉 ($56)可以轉做白飯 / 湯麵 / 水晶粉, 但最後我地都係叫番米粉。呢個餐既好處就係一個餐包左三種配菜, 一次過滿足哂3個願望! 醉雞絲食落去個酒香味好夠, 平衡得幾好, 唔會得個酒味而無左個香味。雞腎就大小適中, 都幾爽口。鳳爪就切到好細, 唔係原隻鳳爪咁上, 味道OK。胡麻醬手撕雞撈烏冬 ($56)落單時店員有問我要熱定凍既, 所以我估計可以轉做熱食。但呢排天氣熱番D, 同埋行番屋企都行到個人熱哂, 我就