厚興瑜記手撕雞 (卓爾廣場)

營業中

休息中

行開街市一定見過呢間「厚興瑜記手撕雞」，去朋友屋企先知佢樓下卓爾廣場有間堂食～平平地揀左個二人套餐，有半隻手撕雞，我哋揀左撈麻醬，自選小食、白飯或者湯麵，兩碗老火住家湯，仲有一大碗大白菜+魚腐。豐富到以為比多左野我哋LOL半隻麻醬手撕雞份量比想像中多，雞肉係滑的👌🏼醬汁足夠同埋幾入味👍🏻稻庭烏冬滑滑溜，冇飲個湯，因為跟餐有碗老火湯好多料好正。試左兩款樽仔飲品👉🏻鮮奶水晶華田👉🏻柚子蜜水晶奇亞籽～兩款都好飲！佢啲水晶唔會太硬，但又有啲咬口，飲落好過癮下。可惜今次唔係午餐黎食，見佢哋午餐餐牌有手撕雞牛角包好想試下😝

厚興瑜平時見得最多就係外賣店，估唔到佢有堂食店。🔸喇沙手撕雞鴛鴦麵（$62）喇沙望落去好正宗，配菜都有芽菜、豆卜同雞蛋，再加上啖啖肉既手撕雞，麵底係油麵+米粉底，湯底香料味足😋🔸柚子蜜水晶奇亞籽（跟餐+$10）柚子蜜甜度適中仲有d柚子皮係入面增加香味，奇亞籽已經係水晶入面好有咬口🔸花鵰醉雞水晶粉（$60）好少地方有水晶粉配，似係粗版粉絲，但又比粉絲煙un，好鍾意佢唔索湯既質感，咁我就冇咁內疚😂醉雞花鵰香味十足，油味濃又唔會苦，而且雞皮同肉之間仲有層雞jelly架👍🏻🔸鮮奶水晶華田（跟餐+$10）華田味既水晶，配上鮮奶，順喉易入口食食下已經到餐廳下午茶時間，睇下個menu，有手撕雞牛角包，下次要再黎試下先得😌

厚興瑜記手撕雞1.手撕雞熱乾撈麵+配例湯$54（8/10）成個撈麵好香，手撕雞肉質好滑，撈麵微暖，撈埋d青瓜口感好清爽，青瓜沒有臭青味，好新鮮！例湯係蕃茄排骨湯，有肉又有蘿蔔，味精唔多，好有家庭味道！2.招牌手撕雞三寶飯$58+$10樽裝奶茶（8/10）三寶飯有手撕雞，另外可以揀兩款小食，我揀咗麻辣鳳爪同雞腎，仲有一隻糖心蛋。雞腎好入味，麻辣鳳爪唔算好辣，再加$10有埋樽裝奶茶，茶味好香濃，甜度啱啱好，奶味可以加多少少，樽裝奶茶唯一有缺點就係唔夠凍，無得加冰！2人總共價錢$122個人口味總評分：8/10地址：屯門石排頭徑1號卓爾廣場2樓202C號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#厚興瑜記手撕雞 #屯門美食 #屯門好去處 #屯門 #卓爾廣場 #手撕雞 #香港探店 #香港美食 #相機食先 #hkfoodie #hkfoodblogger #hkfoodpic #hkfoods #852food #hkfoodshare #dessert #hkdes

今日黎開呢頭好平既戲院睇戲，睇完喺附近行吓睇吓有咩食，竟然發現到呢間有得堂食嘅連鎖手撕雞專門店😯男朋友不嬲都鍾意食手撕雞，就入去試吓！❤️是日靚湯今日係粉葛湯，超足料超夠味，媲美阿媽老火湯💯⭐️馬來喇沙手撕雞鴛鴦麵手撕雞幾滑，湯底唔錯，香口但唔會太辣👍鴛鴦麵同出面有啲唔同，出面通常係油麵加米粉，呢度係米粉加類似檬粉，檬粉略嫌淋咗少少🤏⭐️花雕醉雞飯酒香味濃郁得黎唔會太苦，配飯一流👍底下有幾粒爽口雞腎，如果雞肉再滑啲更好😅❤️樽仔奶茶奶茶幾滑，甜度適中❤️柚子水晶奇亞籽唔會太甜，有𡁻口，高纖又飽肚👍#屯門美食 #手撕雞推介 #厚興瑜記 #卓爾廣場

厚興瑜記🍲近排見到屯門卓爾居開咗一間熟口熟面嘅餐廳，我好耐以前就有幫襯過佢哋嘅外賣手撕雞啦！😋😋今次見到佢哋有堂食，就叫咗佢哋嘅皇牌二人餐 $134 ，一個餐就已經包咗半隻手撕雞、自選雙拼小食、上湯魚腐娃娃菜、住家靚湯、粉麵飯兩碗！非常抵食🈹🈹🈹韓式泡菜手撕雞🐔（半隻）市面上比較多係鹽焗手撕雞，喺呢度就可以得閒轉下新口味，韓式泡菜手撕雞呢一個味我真係第一次見，夠晒創新特別！味道惹味，超好餸飯，絕對係名副其實嘅白飯小偷！🙈🙈自選雙拼小食🪼🐷今次我哋就揀咗海蜇同埋豬耳，平時喺呢類型舖頭買海蜇都特別貴，呢度竟然唔使加錢就可以揀海蜇！抵食！豬耳就非常之爽口，辣汁非常之香！👍🏻👍🏻上湯魚腐娃娃菜🥬成日出街食飯，冇乜機會食菜，呢個上湯魚腐娃娃菜就啱晒你啦！味道清甜，魚腐出色，份量仲有幾多㗎！🈵🈵住家靚湯🥣佢哋嘅住家靚湯都真係幾足料㗎，啱晒我哋呢啲平時成日出街食飯，冇啖湯水嘅！😌😌仲配左白飯/米粉/湯麵/水晶粉🍚🍜，搭配手撕雞同埋小食一齊食，成件事真係非常豐富💓💓仲可以以優惠價$10 加配特飲，我哋今次就要左柚子蜜水晶奇亞籽🍹，同埋鮮奶水晶咖啡☕！兩個飲品入面都有好多配料，口感非常豐富又唔會太甜，唔

睇完戲，行到去卓爾居呢邊，呢個商場原來都有好多餐廳，見到呢間厚興瑜記，係主打食手撕雞，好似幾好味喎！好，睇下有咩好食先。紅蘿蔔粟米豬骨湯，叫主食有湯，個湯都幾足料。韓式辣醬泡菜手撕雞飯，麻辣醬係橙色，好勁辣，個份量都唔少，仲有好多配菜。紫菜肉鬆，甜甜地，炒得好脆口，食到辣辣地拎嚟解辣都唔錯，呢個推介，必食。海蜇拼麻辣鳳爪，麻辣鳳爪好惹味，啲海蜇又索索聲。鮮奶水晶華田，個水晶啫喱係阿華田味，飲一啖鮮奶又有粒粒咬咬下，都幾得意架！

呢日約左幾個朋友去左屯門站附近係附近搵間食店食午餐 見到呢間厚興瑜手撕雞🐔以前媽咪成日都會買外賣加餸 原來而家開左間堂食餐廳喎餐廳主打手撕雞 採用正宗清遠手撕雞有多款口味選擇 有辣有唔辣亦可配各類粉麵 仲有多款套餐供應添👍🏻👍🏻/🔸 胡麻醬手撕雞撈烏冬 （$58） 食得出雞肉原汁原味 雞肉皮爽肉嫩 加上香口芝麻醬 撈埋彈牙烏冬 很好既配搭/🔸 麻辣手撕雞撈麵 （$54） 愛食較濃味人士最佳之選 雞肉肉質結實 有咬口 混上麻辣醬加撈麵 唔會太辣 但超惹味又香濃/🔸手撕雞麻辣水晶粉（$56） 麻辣湯底濃郁 雞肉嫩滑 水晶粉又惹味又彈牙 食得好滋味呢😋/🔸 手撕雞麻辣米粉（$56） 清遠手撕雞啖唹肉 非雞髀位肉質都很嫩滑 /🔸 小食（雙拼）海蜇 麻辣鳳爪（$39） 小食有多款選擇 海蜇非常爽口 撈上芝麻 麻油 麻辣鳳爪少辣 十分爽脆口感

- 胡麻醬手撕雞撈烏冬可以揀凍烏冬或熱烏冬👍🏻👍🏻好味😋😋雞同烏冬都好滑，胡麻醬同芝麻配搭手撕雞冇得輸😊- 手撕雞蝦餅飯蝦餅都足料，好好咬口👍🏻兩個餐都配左例湯，好香濃既粟米🌽蘿蔔湯🙌🏻雙併小食（海蜇+豬肚）- 彈牙爽口，好正😋😋另加左兩支特飲：- 樽仔咖啡- 金桔奇亞籽水晶蜜🍊個樽好得意，專登要來留返個樽😋特別特別推介水晶蜜，真心驚喜，每一啖都好多果肉，完全係邊飲邊食，好豐富！整體係性價比好高既一餐！每個餐都只係$5X左右，加左咁多野，兩個人都係百幾蚊，而且係好味又夠飽😋😋

厚興瑜記手撕雞唔止雞食屯門卓爾廣場有堂食店！地址：屯門石排頭徑1號卓爾廣場2樓202C號舖平時成日買開厚興瑜記手撕雞加餸做晚餐，我地成家都勁中意食，原來屯門開咗門市仲有得堂食！一定唔可以錯過呢，於是同老公嚟食個下午茶。我食咗雙拼小食（海蜇同豬耳）$39我揀咗海蜇同豬耳，味道好鮮美！啲海蜇爽口，豬耳又有啲嚼勁，岩岩好。下午茶餐 芝士手撕雞牛角包、沙律 凍檸茶$38之後都揀咗下午茶餐$38，有芝士手撕雞牛角包、沙律同凍檸茶，又飽肚啦！牛角包香脆，芝士同手撕雞好夾，沙律醃得啱啱好，凍檸茶又涼又開胃，好適合喺熱天食。手撕雞魚腐魚片頭湯米粉煎蛋拼多士$38手撕雞魚腐魚片頭湯米粉煎蛋拼多士$38，份量好大，味道好正！湯底好香濃，魚片鮮甜，手撕雞肉質好滑嫩，煎蛋又好好食，拼多士香脆有層次感。真係好滿足呀！總括而言，厚興瑜記手撕雞嘅味道同其他外賣店一樣咁好味，仲有好多選擇，而且價錢都好實惠。如果你都鍾意食手撕雞嘅話，一定唔可以錯過呢間店啊！

放假入左屯門同朋友睇電影，電影未開場我哋行咗去卓爾居嗰邊食個午餐。來到二樓經過門口聞到好香所以就決定入去，可能因為半開放式廚房的關係，成間餐廳都聞到好香嘅食物味道，就好似屋企煮飯成家人都會聞到嘅感覺。餐廳係自助點餐同取餐但環境好舒服，今次我就叫左個麻辣手撕雞撈熱拉麵，朋友叫左花彫醉雞配水晶粉，另外加左海蜇加麻辣豬耳做小食。 .     食物整好出去拎的時候已經有驚喜，原本諗住份量唔多先叫多左小食，取餐時發現份量都好足，手撕雞都有排-7塊大雞肉，例湯仲見到幾舊豬骨，花彫雞有成隻雞髀咁大，真係未食先興奮。.坐番好終於到開餐時間，湯飲第一啖食到絕對唔係平時茶餐廳D 味精湯！飲落去滿滿媽媽的味道。食正餐雞肉，雞肉size 好大好啱平時會做下運動嘅我，蛋白質一定足夠！肉質又唔會鞋，麻香十足，肉質嫩滑，底下個麵就吸晒佢地嘅精華，好惹味呀！朋友都大讚醉雞，肉質嫩滑得黎酒味十足。再試下小食，海蜇豬耳一樣勁爽口，麻辣夠麻夠辣。整體來講餐廳可能唔係賣D好特色的食物，但食物質素上拉滿左能力值。住家飯的感覺，但味道上就係更好味特層次，小編十分滿意的一頓午飯。.食完飯，買左兩支飲品（阿華田，奶茶）諗住們偷偷帶入

🐥 #屯門 #厚興瑜記手撕雞難得入到屯門，今日我同朋友喺商場試咗間手撕雞，見呢度都幾多街坊幫襯，信心保證呀🙈 我哋嚟到嘅時候已經係下午茶時間，於是一人揀包一人揀米粉😚🥐 手撕雞牛角包 （$32）牛角包好酥脆好好味😋 外表酥脆，內裏酥軟，仲夾咗好多手撕雞添😋 下午茶餐仲配有沙律同飲品添，抵食！🍜 手撕雞孖寶湯米粉 （$38）孖寶米粉除咗有手撕雞，仲有麻辣豬肚，亦都可以轉其他小食😋 麻辣小食唔會話太辣，唔夠喉仲可以問店員拎多啲辣醬㗎🤩 米粉睇落唔算多，但都幾飽肚😋 仲有超脆多士同太陽蛋添！🥓 小食雙拼 （$39）我哋另外叫多咗個小食：海哲同豬耳，兩樣都好清爽好味😋！

今次第一次食厚興瑜，這間出名食手撕雞，這間位於卓爾居廣場二樓，雖然店舖不算大，但見到他們收到很多外賣單。我們一共四人去食叫了四個餐。📍麻辣手撕雞撈麵，看起來賣相不差，雞肉很滑，加上麻辣醬不會太辣😋📍胡麻醬手撕雞撈烏冬麻醬撈烏冬味道吸引，食咗上癮，吃到停不到口，雞肉很滑，而且有冷食或熱食选擇😋📍麻辣手撕雞水晶粉個湯底很紅以為好辣，但原來不是想像中那麼辣，水晶粉好像薯粉十分衣韌，另外配樽咖啡十分滿足😋📍小食海蜇、麻辣鳳爪海蜇不太爽有口但可以接受，麻辣鳳爪很有口感很有麻辣味道😋樽仔咖啡很重奶味，甜道適中😋

自己一個又唔知食乜好，要食飽啲先有力氣翻工😢於是就去左附近睇下有咩好食，見到呢間手撕雞平時只係買外賣🥡原來係有堂食，即刻令我好有食慾，因為唔怕外賣會影響到質素😍。堂食menu同外賣menu唔同，除左有飯既選擇之外都有粉麵🍜等我地有多啲變化，唔一定只有手撕雞飯。🐒溏心蛋北菇手撕雞飯💰$56👉🏻樽仔泡沫咖啡+$10今次呢款我覺得除咗味道好之外，配搭都十分之健康🥗因為佢每碗都會有雜菜，而我揀呢款仲有菇同蛋🥚營養均衡，如果怕清淡枱面都有枝甜豉油可以加🫗另外佢都有唔少自家製既樽仔飲品俾我地加配☕️我作為一個coffee lover，咁我就緊係要試咖啡啦，佢地甜度係少甜，好重奶香又夠滑🥛。🐒香煎蝦餅💰$24最後嗌左小食蝦餅🦐一客有3件，件件蝦膠都好足料，所以咬落好彈牙，相信蝦既比例都唔少

☺️屯門開心大發現！📝喺屯門卓爾居搵到一間食醉雞同手撕雞好好食嘅店舖！住屯門嘅人都知卓爾居商場比較細，樓層唔多，但都好多食市！其中呢間都好多分店 @hauxinyuflagshipshop 厚興瑜記手撕雞，一坐低叫咗個花雕醉雞米粉，估唔到個花雕醉雞超級好食，花雕味好濃雞好入味！呢個真係值得👍🏼▶️嗌咗個手撕雞蝦餅飯，手撕雞好好食，雞好嫩口，個蝦餅由屋企嘅味道！▶️忍唔住，叫多兩個小食，麻辣豬肚同埋海蜇，麻辣豬肚都幾難，但佢切絲係好食好易入口，拼起海蜇味道唔係好夠，但一齊食就好夾！▶️兩個特飲，一個係樽仔奶茶，奶味好重！另一個係水晶華田，亦都係奶味重有水晶啫喱粒粒，$10一支，唔錯㗎！▶️跟住兩個湯好有屋企感覺，係飲得出完全冇味精，材料好足，有雞腳，木瓜粟米，紅蘿蔔！▶️講真，返完一日工，真係想食一餐舒服嘅飯，呢間完完全全可以舒舒服服坐低食，推介推介👍🏼

媽媽經常光顧揚稱十分抵食，今次帶領我一同品賞，嘗後發現不但抵食，手撕雞嫩滑又多款式，點菜時也一道選擇困難。開揚門面內裡光猛，大約可容納25人，裝修簡約以木系為主，整體乾淨企理點餐處張貼多款手撕雞菜式，甚為吸引，加上餐牌之選擇，媽媽與我商量了好一陣子才能下決定。醬汁份量多，令撈麵濕潤滑溜，是芝麻醬及鮑魚汁的混合，鮑魚汁的瑤柱鹹香令整個醬汁提鮮，青瓜手切爽脆，手撕雞連皮啖啖肉滑溜，鮑魚軟腍一點都不韌，其實麵量亦甚多，都分飽肚！韓式手撕雞確實第一次試，整體概念如韓式石鍋飯，有椰菜、甘荀、泡菜、手撕雞，最後淋上微辣韓式辣醬，辣醬濃味稍有蓋過雞肉香但肉嫩依然，建議撈勻一同進食，口感、味道與濕度也會有所提升。隨餐附送例湯，香濃老火湯好足料，好件蓮藕在其中鮮奶水晶華田：涼粉丁方口感爽脆，香濃奶味帶微華田香.港式樽仔奶茶：高瓶身一點都不是樽仔size，甜度適中，茶香但奶味更濃，以奶為主味道的奶茶.杞子烏龍茶：茶味清幽有淡淡杞子味，是輕盈之選。