厚興瑜記手撕雞 (卓爾廣場)

營業中

休息中

今日去屯門找朋友，決定加餸買野上佢屋企食。見到呢間有一個二人套餐，好吸引，好抵，一於試試。包括有半隻手撕雞、2個小食、菜、2個飯和2碗湯。二人套餐（$128 ）➰招牌清遠手撕雞半隻（+$20）店員好詳細同我講解招牌手撕雞和招牌清遠手撕雞的分別，於是我揀左招牌清遠手撕雞。賣相好吸引，撈上了芝麻及麻油。全部拆哂骨，進食時就非常方便。食落有好香的雞味，食落鷄皮爽脆而不肥，由於清遠雞養的時間耐少少，故較有口感。另外有5款的醬汁可以選三款供蘸點，包括有薑蓉醬、日式胡麻醬、川味麻辣醬、韓式辣醬及和味口水醬。我就揀左薑蓉醬、日式胡麻醬、川味麻辣醬。三款各有特色，大家可以視乎口味選擇，而我最愛的是薑茸醬和日式胡麻醬。➰灼季節時蔬今日的時蔬是上湯娃娃菜，娃娃菜浸泡在湯中，煮得夠腍且夠入味，正。➰是日靚湯今日的靚湯是菜干豬骨湯，湯中有菜干、豬骨、南北杏，非常足料且清甜，有家中煲湯的感覺，一點都沒有味精的感覺。➰白飯➰雙拼小食（麻辣豬耳&海蜇）份量好大份，食極都仲有，海蜇爽口彈牙，食落去有麻油的香味。豬耳麻辣惹味，唔會太辣。見到佢既飲品櫃有幾款特別飲品，於是叫黎試試。➰金桔奇亞籽水晶蜜（+$16 ）用粗飲管

呢間手撕雞開到全香港都係，緊有一間係左近，但有堂食嘅分店，原來開咗喺屯門，而且仲係第首間！呢度有粉、麵、飯，仲有套餐有餐飲🍗2人套餐$128-隻手撕雞-自選小食雙拼-時蔬-湯x2-白飯x2清遠手撕雞半隻 +$20-都幾嫩滑 已經調好味道-餸飯一流 自選小食雙拼-揀咗麻辣豬肚同豬耳-麻同辣都分配得幾好-食材新鮮無雪味阿華田水晶 +$16-牛奶加上阿華田水晶都幾夾-阿華田水晶好似啫喱咁幾好咬樽仔奶茶 +$16-大大支夠奶香-茶底都唔錯總括而言，呢間堂食嘅食物質素都幾唔錯，乾淨舒服👍🏻

成日開街都會見到依隻雞雞手撕雞有好多唔同口味仲有下午茶有機會要試吓佢嘅手撕雞牛角包 好似幾得意我就揀咗二人餐 $128有肉有菜有小食有飯有湯份量好足 都幾抵食同埋絕對夠飽招牌手撕雞半隻(薑蓉+和味口水醬)和味口水醬幾香幾惹味而且唔會太辣 同雞雞好夾自選雙拼小食(海蜇+麻辣豬耳)豬耳又麻又辣 海蜇偏清淡兩樣一齊食就啱啱好灼季節時蔬今日係上湯津白 係浸到好淋好入味嘅菜菜啲湯仲可以用嚟撈飯金桔奇亞籽水晶蜜 $16金桔蜜都唔會點出事加埋用奇亞籽整嘅啫喱 口感豐富同幾夾樽仔奶茶 $16茶幾香又滑 都唔錯埋單$160, 兩個人簡簡單單嘅一餐

又到開心星期五，今晚決定來一個外賣夜。在住處附近的一個小商場中，左右逛逛，最後鎖定2樓的這間「厚興瑜記手撕雞」。其實以前也食過幾次「厚興瑜記」的出品，不過這間分店比較特別的是設有堂食座位。點了一個二人餐，有手撕雞半隻、小食雙拼一份、時蔬一份、白飯和湯，頗為豐富。手撕雞撈上了芝麻、麻油以及秘製醬汁，未食已聞到明顯香味。雞肉入口都幾juicy，肉質滑嫩，即使是雞胸位也不會有鞋口之感。另外有醬汁供蘸點，薑茸醬就多一份鹹香，和味口水醬就添一點辣感，各有特色。分別選擇了海哲和雞腎。海哲爽口，咀嚼間充滿著麻油香味。而雞腎彈牙又有咬勁，同樣鹹香惹味。一向喜歡食娃娃菜的筆者，打開發現當晚時蔬是上湯娃娃菜時，非常高興。娃娃菜浸泡在清雞湯中，煮得夠腍又入味。再配上例湯、白飯各2碗。當天供應的湯款是眉豆雞腳節瓜湯，不過就稍嫌有點偏鹹。另外還點了2個飲品。樽仔凍奶茶帶有甘香茶味，然後再有一股奶香味。而金桔奇亞籽水晶蜜頗有驚喜，金桔香好fresh，甜度又適中。

疫情太勁，已經無晚市堂食relax 既機會，唯有買下外賣俾個happy dinner 自己今日黎到卓爾居呢間新開既手撕雞 唔知係咪抗疫關係，$128已經有一個好完整既二人餐，好開心可能因為新開又無咩堂食，成間店都非常乾淨企理店員介紹既二人餐好抵食又好多野食雙拼小食既選擇好多order 完等左15分鐘就可以拎餐，返到屋企正式開餐！手撕雞有好多味簡，我呢次就選擇左薑茸同和味口水醬另上，個口水醬唔辣但好香，我好鍾意同埋半隻雞兩個人食都好足夠小食簡左麻辣豬耳同埋鳳爪，麻辣好惹味！份量亦好足，食極都仲有今日時蔬係雞湯津白，調味唔錯送既兩個例湯飲落係鮮雞殻煲成，唔似有味精，我同屋企人飲到一滴不剩外賣有個好處，就係完全無加一，真係$128食飽兩個人。係抗疫既日子，有時要俾自己食下外賣減減壓💪🏻💪🏻💪🏻

<好味手撕雞堂食旗艦店>😋厚興瑜記手撕雞一向出名好味, 平時我都有幫襯開上環分店, 買外賣加餸. 今次位於屯門新開這間店可以堂食🤩 絕對又正又方便. Lunch 堂食有多款口味可以選擇. 今日我揀左個二人餐可以選擇😎 當然一定要食呢度最出名既手撕雞. 包括有半隻手撕雞 (我揀了胡麻醬, 醬料可以自己選配), 自選兩款小食拼盤, (我揀了雞腎 & 豬耳), 時蔬, 湯, 飯及飲品. 手撕雞一如以往咁好味😋我揀左胡麻醬. 半隻雞但份量超多. 雞腎豬耳超爽口好味. 再配埋菜, 湯, 飯, 真係有10個飽.特別要推介大家飲佢既自家製<阿華田晶晶>😍😋, 係真係好飲到你唔信. 絕對可以一試再試. 🥘餐廳 : 厚興瑜記手撕雞 (堂食旗艦店)🥦地址 : 屯門卓爾廣場2樓202 C 號舖

「厚興瑜記手撕雞」全港有多間分店，聽朋友講話好好味，一直都想試下，今日係屯門卓爾居剛好經過一間，得知佢係全港首間堂食旗艦店，可惜疫情期間要減少堂食，所以都係叫外賣返屋企食算啦。我地叫左個二人餐，有招牌手撕雞半隻，雙拼小食，菜，湯同飯。我地亦另外加左兩個特飲。招牌手撕雞：手撕雞份量都算幾多，回家途中仲聞到外賣盒裏面傳出陣陣麻油香氣，返到屋企就忍唔住即刻開嚟食啦。雞肉肉汁豐盈，唔同部位都有唔同嘅口感，雞髀位置肉質軟滑溜，雞胸結實唔鞋口，每口都充滿着秘製醬汁、麻油同白芝麻嘅味道，店員仲分開附上薑蓉，我哋鍾意點幾多就幾多，非常貼心。雙拼小食：小食分別有海蜇，鳳爪，豬肚，豬耳，雞腎，麻辣豬肚，麻辣豬耳，小冬菇同醬油冬筍，而我地揀左海蜇同豬耳，兩樣都好入味，令人一口一口咁食過不停。上湯娃娃菜：吸收左上湯精華嘅娃娃菜真係非常入味，值得推介。蕃茄薯仔豬骨湯：兩口子住真係好少煲湯，呢排又無得家庭聚會，呢個老火湯真係好有媽媽的味道。3.6牛乳水晶華田 ：3.6牛乳就聽得多，但係用佢黎整飲品就真係好少見到，呢個特飲係3.6牛乳加入華田同仙草整成，入口香滑，仲好重華田味添。金桔奇亞籽水晶蜜：柚子茶加入奇亞籽，