厚興瑜記手撕雞 (卓爾廣場)

營業中

休息中

每次做完gym 都要食返個高蛋白質低脂嘅 lunch 填飽肚😍商場內只有呢間有齊我想食嘅，亦係唯一一間有堂食 。以雞為主嘅款式非常多，可以拌麵，配飯，水晶麵 。今日叫左個花雕醉雞配水晶麵 $68花雕酒好濃，好入味，將汁料倒入個麵食一流跟餐配左個倒湯，好大碗又足料👍🏻今晚係青紅蘿蔔湯，清熱去濕，最緊要係無味精 ，似足阿媽靚湯🥰朋友叫左香蔥霸王雞配飯 $68香濃惹味，配白飯好開胃🤤啱晒我鍾意多蔥每個餐配特飲+$12手打檸檬🍋即場鮮打，推介！比出面茶飲店嘅一樣味道 。樽仔咖啡啡味濃厚

來這裏吃的全部是雞，到店尚早無人，店子整潔無塵給人好感，今次叫了兩個水晶粉，包括是青檸手撕雞及金銀蒜雞，自助取餐後試試看。每個餐包餸、湯粉及例湯，例湯無用太多味精料足，粉是透明圓身的有點勁道但粉湯偏淡，先說青檸手撕雞，其中夾雜不少青檸片和青瓜絲，雞的份量竟少得像個小前菜，即使再好吃也没甚印象，另外的金銀蒜雞則較正常有髀有胸，沾著金銀蒜碎及豉油很惹味，不過以六十多元一份來說亦算用料孤寒，區區認為其份量只適合OL或初中生吃，性價比不及其它茶餐廳。

今日我去咗屋企附近嘅厚興瑜記手撕雞食晚餐，真係好開心！😍 我哋叫咗佢雙人套餐，價錢只需$168，實在超抵！💰套餐入面有兩碗飯，搭配埋其他菜式真係非常合適！🍚✨ 仲有住家靚湯，湯底清甜，特別適合呢個季節！🥣❤️上湯魚腐娃娃菜亦都好好味，魚腐滑嫩，搭配新鮮嘅娃娃菜，味道清新又健康！🥬🐟 而且，上湯嘅味道真係一流！👌🌟最吸引嘅係香蔥霸王雞，雞肉嫩滑，肉質鮮美，香蔥味道更令整道菜升華，真係好好味！🍗🧅 每一口都係享受，讓我食到停唔到！😋總括來講，今日喺厚興瑜記手撕雞嘅晚餐體驗非常滿意，食物質素高，價錢合理，環境舒適，非常推薦大家嚟試下！🎉❤️地址：厚興瑜記手撕雞 (屯門)屯門石排頭徑1號卓爾廣場2樓202C號舖

[✨屯門厚興瑜記手撕雞 ]#厚興瑜記手撕雞 #屯門 🌟C2. 秘製香辣皇牌雞套餐 $68🌟C4. 金銀蒜香皇牌雞套餐 $68叫左2份套餐，跟餐麵同米粉，仲包埋足料嘅住家靚湯飲品，份量算幾豐富。主打手撕雞水準好高，肉質非常嫩滑，雞味濃郁，皮同肉之間仲有滿滿嘅骨膠原，真係勁好食！兩款雞都整得好入味，香辣雞辣度其實唔係太勁，不過都好惹味；蒜香雞味道都好香濃，好好食！————————♡♡♡♡♡♡————————✨總結少見主打手撕雞嘅連鎖餐廳，出品都好穩定，水準唔錯。加上店面光猛乾淨企理，係一間唔錯，價錢又合理嘅餐廳。📍厚興瑜記手撕雞🏠屯門石排頭徑1號卓爾廣場2樓202C號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #屯門 #屯門美食 #屯門好去處 #屯門食好西 #屯門餐廳 #厚興瑜記手撕雞 #手撕雞 #厚興瑜記

手撕雞熱乾撈麵+飲品天氣熱好想食凍野，但我見撈麵好似冇凍，又想食麵之後就揀左 「手撕雞熱乾撈麵」。醬汁加落麵度好好味，而且有黑白芝麻，開胃，岩晒夏天熱辣辣冇胃口，手撕雞正常，好食，但部位就冇得揀隨機比（我分到雞翼尖冇乜肉食）。

早排喺屯門返工放lunch 成日好頭痕好多屯門「名物」都大排長龍本身想食雲川 但實在太多人所以就求其入咗呢間手撕雞舖我嗌咗個招牌手撕雞飯首先要讚一讚有一大pat蔥油令成個雞飯更香口更惹味至於主角手撕雞就正正常常唔會鞋口 唔會太油但都係expect到嘅味 唔算係好驚艷但四五十蚊呢個質素算係咁手撕雞可以encore 例湯就唔係幾啱我口味個人認為太油味道就鹹咗少少整體嚟講 算幾抵食如果lunch time行過卓爾居可以一試我見佢仲有其他餐仲有煲仔飯、麻醬撈等等下次可以試吓

嘩！依家行過去厚興瑜記，d手撕雞真係攞命！啱曬我呢啲唔怕肥既人，撕開一小把，啖啖肉，外層香脆，入口就即刻飽滿中意個種樽啲咸香，啲雞肌肉鮮嫩得嚟彈牙，簡直就係屋企飯局必備手信👍🏼。隔離個馬拉喇沙，湯頭夠晒勁，辣得嚟又唔會攞命，咬落去d鴛鴦麵勁彈牙，仲有嗰種入味到唔行既手撕雞塊，溝埋喇沙湯，真係夠哂癮！😋另外，個花雕醉雞配上水晶粉，嗰個醉，喺食物之中流溢出來，鮮味透心涼；每啖醉雞，軟滑得嚟帶點花香，幾個字—正中下懷。飲品就唔使多講，港式奶茶，香滑得黎唔膩口，飲落暖笠笠。水晶華田就清新解膩，完美收尾。總括黎講，厚興瑜記嘅手撕雞真係值得一試，難怪街坊都捧場！下次仲要帶埋屋企老豆老母黎試下！👨‍👩‍👦

👉🏻花雕醉雞飯（可轉湯麵/水晶粉）好好彩有雞髀食🙌🏻花雕酒香味同清淡嘅雞蛋好夾，酒味唔會over。雞樣透明爽滑，雞胸都入味唔柴，加埋杞子感覺好健康養生。大家留意番，花雕雞係凍食的。👉🏻手撕雞飯清淡之選，手撕雞調味適中，配菜有椰菜、紅蘿蔔、木耳。如果覺得唔夠味，枱面有支甜豉油，或者可以問店員拎辣椒油/蔥蓉。👉🏻今日嘅老火例湯係粉葛紅蘿蔔豬骨湯，好飲🤩我果碗有好多粉葛，仲有舊豬骨，證明真係足料。👉🏻樽仔奶茶、水晶阿華田兩款飲品都好香滑，落重花奶。水晶質感好滑溜，幾有驚喜。

🥣.屯門卓爾廣場二樓角落頭有一間好出名嘅手撕雞鋪，遠望以前店舖細細，原來裡面仲有更多空間，除此之外平日夜晚都多人點外賣及堂食添😋.🍚 煲仔飯套餐 $69臘腸滑雞飯非常可愛並好食嘅臘腸滑雞飯，豉油由自己落，想多啲少啲自己選擇。另外食煲仔飯點少得飯焦呢？由於餐廳用嘅係小型電飯煲，溫度調較得好好，唔會好似砂煲咁易燒燶咗，非常好食住家靚湯（蕃茄薯仔粟米湯）非常足料嘅住家靚湯，另外非常清租甜，唔會好似市面上嘅味精高鹽份嘅湯好唔同，飲多碗都得灼清菜唔清楚餐廳是否只有一款清菜，但當日我哋享用嘅係白灼菜心，無蠔油，非常健康👍🏻 見到另一台直程點一碟大嘅清菜食.🍜 現煮米線 $66酸菜滑雞米線清爽酸菜與滑嫩雞肉結合出色，雞湯中帶有微酸，米線完美吸收酸菜和雞肉湯汁，另外有花椒八角提升整體味道例湯（蕃茄薯仔粟米湯）.雖然厚興瑜記嘅手撕雞係最出名，2020年亦拎過獎，但佢哋都持續創新唔同嘅新食品比香港市民享用🍜 所以全港九新界都有佢哋嘅分店都係有原因㗎🤭💰沒有加一服務費

呢日要返屯門探長老，行經新墟，見到呢間手撕雞店，就決定入去依下肚。呢間舖頭好光猛，入到去乾淨企理，見到每張枱裏面有調味料同埋盒裝紙巾，照顧到客人嘅需要，好貼心！👍🏻滑雞娃娃菜米線這款米線以滑嫩的雞肉和新鮮的娃娃菜為主要食材，配上細緻的米線，味道非常美味。雞肉煮得剛剛好，保持了嫩滑的口感，而娃娃菜的清爽蔬菜味道與米線相得益彰。湯頭清澈鮮美，讓整道菜更加開胃。我很喜歡這道菜的簡單和健康感。北菇手撕雞飯北菇手撕雞飯的北菇炆得好腍。北菇的鮮香與手撕雞肉的鮮甜相結合，讓這道菜的口感豐富多樣。米飯蓬鬆香濃，完美地吸收了北菇和雞肉的美味湯汁。這道菜的份量也相當大。手撕雞配有薑蔥蓉，更突出雞的鮮味。菊花杞子茶菊花杞子茶茶包散發著芬芳的菊花香氣，喝起來非常清爽。菊花和杞子的組合有助於提升免疫力和養生效果，是一個健康的飲品選擇。例湯例湯雖然只是一小碗湯，但湯熱騰騰的，口味濃郁，充滿了鮮味。

之前都食過呢間手撕雞專門店嘅其他分店 通常我都係嗌外賣返屋企加餸多🐥 好少會坐低堂食 呢日就嚟食個靚午是日靚湯呢日係紅蘿蔔合掌瓜馬蹄豬骨湯 飲落口好有住家湯嘅味道😂 飲得出好真材實料係用新鮮嘅蔬菜熬製而成 我連湯渣都食晒呀滑雞娃娃菜湯麵呢一個係新推出嘅菜式 感覺更加健康🥬 用濃郁嘅雞湯做湯底 真係好想飲晒成碗 呢一個新產品可以揀米線或者湯麵 我哋就揀咗湯麵 雞嘅味道有啲似醉雞 質感係好滑🐥 仲有好多鮮甜嘅娃娃菜花雕醉雞水晶粉成碟醉雞份量真係好多 難怪有咁多人叫呢一個啦 醉雞用上陳年花雕特製而成☺️ 味道唔會苦 但係就有花雕嘅甘甜 雞件都算醃得幾入味 仲有幾粒杞子喺上面添呀 底下仲有兩三塊雞腎 水晶粉口感幾爽彈😮 都係一個唔錯嘅選擇特飲港式樽仔奶茶 奶茶嘅淡奶味道好出眾 雖然係預先製作好嘅奶茶 但係都唔會好甜☕️ 柚子蜜水晶奇亞籽 呢個柚子蜜味道香甜 入面仲有啫喱同埋健康食物奇亞籽 咁就更加飽肚同埋有口感🍊本來仲想試佢個煲仔飯㗎 但係製作需時 我又冇用電話預訂 所以就今次食唔到啦🥲

煲仔飯可能大家都會食過，但係電飯煲仔飯我都係第一次食，厚興手撕雞在這個秋冬推出咗電飯煲仔飯系列，以電飯煲來代替以往的瓦煲仔，更加可以保持住飯嘅溫度和濕潤的口感，以原個迷你電飯煲上菜，食幾多就添幾多，添完就衾埋個蓋，可以在秋冬清涼的天氣之下，仍然可以食到暖笠笠的米飯 煲仔飯的配料相當豐富，已原隻三黃雞切粒，加上紅棗，木耳，冬菇，秘製醬汁和雞湯等來炆飯，米飯入口鮮雞味濃郁，還有淡淡的紅棗，冬菇的甜鮮味，有種很滋補的感覺還有用電飯煲民炆煮的雞肉，十分嫩滑，整體份量足足有差唔多兩大碗滿，最正都係食到最後啲飯都係暖笠笠的，保持溫度，個人覺得真係好適合無飯家庭啊！跟餐再會附上一個每日例湯，真係好有住家feel

今日去屯門醫院探病，探病前先跟朋友在附近卓爾廣場吃飯，原來這廣場有不少食肆，今晚揀了間主打手撕雞專門店。地方光猛，設有數張二至四人枱，座位不多，但乾淨企理，坐得舒適。餐簿附上菜式相片，都幾精美。有招牌手撕雞、小食、手撕雞粉麵飯、套餐、特飲等。******************************每客粉麵飯均奉送紙包飲品或例湯，是日例湯($0/贈送)是粉葛粟米雞腳湯，味道鮮香，以粉葛、粟米、紅蘿蔔、雞腳等煲成，用料十足，加上少油少鹽，啖啖順口，好夠火喉。******************************花雕醉雞湯麵（$60）竟然是雞脾上枱，正! 雞件半浸在酒中，還有幾粒杞子。連皮的雞件挺嫩滑，雞皮爽口，烹調入味，酒香味十足，我倆把碟中所有的酒也通通喝光，吃得津津有味。湯麵份量十足，口感滑。******************************溏心蛋北菇手撕雞米粉（$56）追加海蜇（$8）相當豐富。米粉爽滑；手撕雞啖啖肉，肉質嫩，味道鹹香，有些麻油香。海蜇口感佳，相當爽彈；冬菇一啖一口，爽口入味，好好味! 溏心蛋非常靚仔，好黏滑兼富蛋香，還配上清新的椰菜和紅蘿蔔，均衡

講起手撕雞大家一定會想起厚興瑜記，很多地方都設有外賣店，我有時候都會買手撕雞回家「加餸」。但不講不知道原來有店舖可以堂食呢！所以這次就來嚐嚐在餐廳堂食的出品。 堂食食物的選擇不少，餐廳和平日看到的外賣店裝潢風格路線截然不同，這裏用上木糸感覺很有新鮮感，而且座位與座位之間的空間足夠，不會有擠迫感，桌上貼心提供紙巾，也有自助的水供應。 我們先在櫃位點餐，然後等職員叫號碼取餐。 •豪華二人餐$188 ♡招牌手撕雞半隻 🥢必點🥢雞肉肉質嫩滑，手撕雞已去骨吃下啖啖肉呢～職員問我們要不要添加葱油，沾上葱油味道更加惹味，加上表面灑上芝麻，很香口。 ♡鮑魚拼冬菇鮑魚口感彈牙，鮑魚和冬菇十分入味，茨汁做得很好，很好下飯啊！ ♡自選雙拼小食我們選了豬耳和海蜇，還有豬肚、鳳爪等其他選擇，豬耳和海蜇調味不重，不會有味精感覺。 ♡上湯魚腐娃娃菜上湯吸收了魚腐娃娃菜和精華，喝下都十分清甜，而且份量不少。 ♡住家靚湯十分足料，內裡有豬骨、准山、紅蘿蔔、合掌瓜。 ♡白飯粒粒分明，是我喜歡的口感比較硬的飯。 ♡水晶粉另一個白飯我們轉了做水晶粉，水晶粉晶瑩剔透，湯底比較清淡，適合配其他小吃一起吃。 左起:♡鮮奶水晶華田$

印象中手撕雞是外賣加餸的選擇，想像不到原來可以堂食，而且呢間餐廳裝修不錯，燈光明亮又坐得舒服。見到餐牌上有各款套餐選擇，每款都送一支菊花茶或一碗湯，加錢仲有特飲揀添！🌟 花彫醉雞（配薯粉）當我困惑緊揀咩食嘅時候，店員推薦呢款招牌，所以就要咗啦。果然無介紹錯！皮薄而且肉滑，入口花彫酒香慢慢湧上來，不錯！🌟 胡麻醬手撕雞撈烏冬手撕雞同樣都好滑身，烏冬是偏扁身嘅，而且口感煙韌，入口每條烏冬都包滿胡麻醬汁，好好食！呢日例湯是雞湯，裏面好足料有馬蹄、鮮淮山、粟子等等，超鮮甜！🌟 水晶華田入口奶味香濃，華田配隨水晶一齊慢慢湧出！🌟水晶奇亞籽飲品底是柚子蜜沖成，微微甜加上充足嘅奇亞籽，感覺好健康！