南苑海鮮酒家

營業中

休息中

喺南苑海鮮酒家呢度可以食到粵式嘅傳統好菜。嗰日我生日，我同朋友就到呢度嚟食順便慶祝我個生日，我哋叫咗幾道小菜，有魚，有豬有蔬菜。💚南苑第一炒一道混合咗海鮮同蔬菜嘅小菜，有蘆筍，帶子，珊瑚蚌，腰果等等，經過廚師嘅精心烹調，唔單止帶出咗海鮮嘅鮮味，仲保留到蔬菜原本嘅新鮮味道，蝦嘅口感都十分之軟嫩，食落去可以話係好開胃。🤎炭燒乳豬我朋友同店員講咗我生日，上面仲有生日快樂嘅造型，令我好驚又喜。乳豬散發住陣陣嘅炭燒肉香味，皮仲會有爆花、佈滿好似芝麻嘅粒粒花紋，口感香脆鬆化，味道鹹鹹甜甜又酥香，食落去會有滿滿幸福嘅感覺。🧡鮮菠蘿拔絲咕嚕肉鬆脆可口嘅咕嚕肉嘅味道酸酸甜甜，帶有拔絲效果。食落去嘅時候，可以感受到肉塊同糖醋汁完美結合，有鮮嫩多汁嘅感覺。配上隔離嘅新鮮菠蘿，咀嚼嘅時釋放咗好多鮮甜嘅汁液，口感更加鮮美。💛油浸筍殼魚筍殼魚烹調得毫無腥味，肉質十分之鮮嫩，口感清甜綿密，仲帶住淡淡清甜，口感恰到好處。食落去嘅時候帶啲鬆脆嘅感覺，但係仍然保留到魚嘅鮮味，好好味。呢餐真係令人難忘嘅生日午餐。

朋友話附近有間中式小菜酒家啲食物望落唔錯，想去試吓。咁啱今日得閒，就一齊去試吓。我哋叫咗一份燒乳豬，層板皮非常鬆脆，豬肉又新鮮同埋多肉汁，食起上嚟香味十足，送飯一流啊！而且佢哋碟乳豬都好大份下，我哋食到好滿足😌仲有我哋食開小菜都必嗌嘅菠蘿咕嚕肉，酸酸甜甜嘅味道特別開胃，食到停唔到口！🤣而且啲肉又唔會好硬，整體口感同味道都啱啱好。再嚟我哋試咗筍殼魚，魚肉鮮香嫩滑同埋飽滿，入口即溶！呢度嘅魚肉仲好香嘅魚油味，質素有番咗上下先會有。我哋之後叫咗一碟芝士龍蝦伊麵，估唔到都好好食！麵質滑軟，加埋龍蝦同埋芝士一齊食，超好味呀！伊麵佢哋用新鮮龍蝦嚟煮呢個伊麵，所以先咁好味！大魚大肉，又點少得飲番杯。冰凍啤酒清爽解渴，配合埋其他食物，真係非常享受！朋友都非常鍾意呢度啲嘢食，下次可以再嚟encore😋

羊腩煲🐑🍲羊腩肉經過長時間燉煮已經好軟腍，肉質煙韌有咬口，鹹香味十足嘅醬汁更加係送飯一流👍🏼 羊腩肉肉厚嫩滑，牙齒一咬就散開，鮮嫩入味！羊肉羶味一點都唔重，肉質無比鮮嫩，而且醬汁超級濃郁，一啖羊腩一啖飯再淋上醬汁，簡直係人間美味😋元朗楊氏烏頭🐟烏頭好大條！而且肉質肥嫩，一點泥味都無👍🏼 呢碟魚有兩種味道，一半鹹檸檬一半豉汁，好清香～肉質結實唔韌，腩位軟滑油香，味道酸酸鹹鹹嘅令人胃口大增，好送飯啊燒肉🥩🥓燒肉都好好味啊🤤 肥厚的肉質但係肥而不膩，淨係咁食已經可以享受得到極致嘅肉香味，皮脆多汁！呢度特別嘅係畀咗一碟黃芥末醬，點少少鹹酸嘅滋味係好有層次感嘅味道💯推薦指數：⭐⭐⭐⭐

🐠元朗楊氏烏頭：烏頭魚都好巨型，一條魚仲有兩種味道可以試到，好特別🤩 一半係鹹檸檬，一半係豉汁，兩種味道都好唔錯👍🏼 但係最令我驚喜嘅係檸檬嗰部分，味道非常清爽，加埋魚肉嘅肉質鮮嫩，入口即化！🦞芝士龍蝦伊麵：最鍾意就係佢哋奶香味十足嘅芝士龍蝦伊麵🤤 龍蝦都好新鮮，鮮香味十足，配埋吸晒芝士味嘅伊麵，一啖咬落去超滿足🥰🍲海鮮豬骨煲：我哋仲點咗佢哋嘅招牌海鮮豬骨煲，份量超級巨型！我哋四個人都食唔晒呢一煲😳 除咗沙巴龍躉之外，仲有各式各樣嘅新鮮海鮮例如蝦，蜆，蟹，扇貝等等，件件都好新鮮💯 湯底亦都係非常鮮甜，煮到後面嘅粟米都特別好食，非常入味！🥗臘味炒芥蘭：港式經典粵菜之一🙌 芥蘭嘅清香爽脆，加埋臘肉嘅鹹香，呢對神仙組合簡直就係送飯神器😘

前幾日同屋企人去元朗南苑海鮮酒家食lunch，呢度主打海鮮同啫啫煲，幾啱一家大細一齊聚餐。羊腩煲呢個羊腩煲味道好入味，羊腩夠腍，帶啲微微嘅滷味香，完全唔膻。加埋腐竹同蘿蔔，幾屋企人夾住食就最岩！油浸筍殼魚呢條筍殼魚炸得外脆內嫩，食落一啲都唔覺得油膩，魚肉新鮮得嚟仲保留咗啲鮮甜味，好惹芝士龍蝦伊麵伊麵吸晒龍蝦汁，又有啲濃郁嘅芝士香，但冇搶到龍蝦嘅鮮味，龍蝦肉仲彈牙又鮮甜，真係有驚喜燒肉燒肉皮脆肉嫩，啲肥瘦比例啱啱好，食落香口但唔膩啫啫芥蘭煲芥蘭煲啱啱上枱熱辣辣，仲聽到啫啫聲，芥蘭爽口，炒香咗啲蒜蓉呢餐飯大家食得好滿足，菜式穩定有水準，加埋餐廳環境又舒適，真係啱晒一家人去聚餐，下次一定會再嚟試其他招牌菜！

秋風起，又係食羊腩煲嘅日子，不過坊間好多餐廳都係用羊肉混水摸魚，但就賣緊羊腩嘅價錢。今日幫襯呢間南苑海鮮酒家就完全冇呢個情況個羊腩煲上枱，打開蓋已經見到好靚嘅羊皮部份，成煲加埋有廿件，件件都有皮有肉，皮下嘅脂肪係騷味嘅來源，接受唔到就可以咬走，但咁就足以證明係腩位,而肉嘅部份就炆到又腍又入味其他配料油浸筍殼魚，同樣都精彩用嘅係最靚芯嘅部位，先油浸一浸再上枱，以炸煮鮮魚嘅方式，令到魚鮮味倍增，質地十分嫩滑魚味濃，咁就唔會溝淡，反而愈食愈入味，愈食愈停唔到口再嚟嘅鮮菠蘿拔絲咕嚕肉咕嚕肉係一個廚師嘅考牌菜，而呢到就做到合格有餘，首先係調味，做到酸甜夠平衡，汁又夠濃稠，完全可以掛晒上件肉到。而炸漿亦唔太厚，最重要係放耐咗再食就仍然脆口，值得一讚

前幾晚同姐妹去咗元朗嗰間南苑海鮮酒家，試咗幾道平時少見嘅菜式，成晚氣氛好輕鬆，幾開心。以下分享下我哋試過嘅菜！【元朗楊氏烏頭】呢條烏頭煎到皮脆肉嫩，冇乜多餘嘅調味，食到啲魚本身嘅鮮味。清淡得嚟好有層次感，特別啱鍾意食魚嘅朋友。【啫啫芥蘭煲】熱辣辣上枱嘅一煲，芥蘭清脆中帶少少焦香，醬汁好入味，唔會太濃，幾開胃，感覺啱搭碗白飯。【芝士龍蝦伊麵】呢道係我哋一致公認嘅重頭戲！芝士香濃但唔膩，龍蝦肉質彈牙，伊麵吸晒啲汁，條條都好入味，食到停唔到口。【鮮菠蘿拔絲咕嚕肉】呢個配搭好特別！咕嚕肉外層香脆，咬開後酸酸甜甜，加上新鮮菠蘿嘅果香，成個味道好有層次，幾特別。整體嚟講，呢次晚餐感覺好滿足，每道菜都有啲驚喜。南苑酒家價錢合理，份量足，值得一試！

一個週末晚上，我喺網上發現呢間海鮮酒家，感覺幾唔錯，就帶埋我家人一齊嚟呢度食晚餐。當時點咗幾樣嘢食，第一個就係羊腩煲。呢個係放喺砂鍋煮嘅，端上嚟時，香味撲鼻而來，睇落就好有食慾。羊腩燉得軟腍，非常入味。呢邊嘅炭燒乳豬睇落好正，擺盤又靚。乳豬烤得好脆，肉又嫩。我家人食嘅時候，仲聽到脆皮喺嘴度被咬嘅聲音。之後我哋仲點咗一盤伊面，呢個伊面係配芝士龍蝦。龍蝦肉配埋佢哋調嘅芝士醬汁，配埋伊面一齊食，食完仲想再食，好滿足。服務員端上一盤青菜，臘味炒芥蘭。新鮮嘅芥蘭配埋咸香嘅臘味，係我哋之前未試過嘅味道，非常特別又好食。最後，我哋仲點咗幾瓶啤酒配埋。呢餐真係食得太滿足，太過癮啦。無論係羊腩煲定係乳豬，配埋啤酒真係太滿足啦。呢間舖頭嘅嘢食都令我哋回味無窮，期待下次聚餐可以再嚟試多啲菜餚。

「南苑海鮮酒家」 位於元朗八鄉上村錦上路 🌳 以傳統圍村盆菜聞名 🍲 有不同煲類，例如羊腩煲 🐑 適合冬天與家人朋友圍爐 ♨️ 除了盆菜，亦有多款選擇的小菜 🥢🐑 羊腩煲熱騰騰煲 ♨️ 大大件肉 沒有碎骨肉質嫩滑 🥩 羊皮嫩彈 帶有嚼勁脂肪半溶 🍖 入口即化 層次豐富🐟 元朗楊氏烏頭用上檸檬 🍋 自家製醬 鋪滿豆豉醃製再蒸 ♨️ 滲入魚肉 烏頭肉質細嫩彈牙 💫 清新香氣 沒有腥味🐖叉燒肉質軟淋 🍖 帶有肥肉 肥瘦適中充滿油潤 💫 不會過油 甜鹹滋味

前幾日約咗幾個朋友去【南苑海鮮酒家】食晚餐，呢間酒樓喺附近都算幾出名，特別係海鮮同燒味，啱啱好啲朋友都想試吓，咁就揀咗呢度！首先嚟咗招牌元朗楊氏烏頭，魚肉滑嫩，配埋個清淡嘅豉油蒜蓉汁，入口鮮甜，完全冇腥味，好啱啱啲唔太鍾意重口味嘅人。跟住上咗炭燒乳豬，皮燒到脆卜卜，帶有一陣陣炭香，肉又唔會太肥，好啱配啤酒食青菜我哋揀咗臘味炒芥蘭，呢個簡單又出色，臘味帶出咗陣陣鹹香，仲有少少油潤感，炒芥蘭又夠火喉，食落有啲爽口。最後當然唔少得叉燒，肉質嫩滑，甜甜地但又唔會太膩，係嗰種你食幾塊都唔會嫌多嘅感覺！呢餐食得幾滿足，味道實在，價錢又合理，難怪咁多人推薦！遲啲都想帶屋企人再嚟試吓其他餸菜～

講到好味嘅海鮮粵菜，梗係唔可以錯過位於元朗嘅南苑海鮮酒家。❤️‍🔥海鮮豬骨煲❤️‍🔥呢個煲入面有滿滿嘅海鮮，蝦，蜆，蟹個個都睇落去非常新鮮。配上豬骨湯一齊熬製，散發住陣陣嘅鮮香味，蟹肉味道鮮美，肉質飽滿，有住獨特嘅香甜味。蝦嫩多汁嘅肉質令人口感愉悅，加上豬骨湯味道濃郁，整體嚟講一煲鮮味十足嘅海鮮豬骨煲，正！❤️‍🔥鮮菠蘿拔絲咕嚕肉❤️‍🔥先嚟啖新鮮菠蘿，味道清爽有開胃。跟住滿滿糖醋汁嘅咕嚕肉，酸酸甜甜嘅味道配上口感軟嫩嘅咕嚕肉，帶有拔絲嘅感覺，非常美味。❤️‍🔥燒肉❤️‍🔥肉質鬆化嘅燒肉有住豐富層次嘅口感，食落去又香又脆，鮮嫩多汁仲有啲焦香味，再配上黃芥末，令燒肉更加美味。❤️‍🔥啫啫芥蘭煲❤️‍🔥好有鑊氣嘅啫啫芥蘭煲散發住焦香味，醬汁都好均勻咁分佈喺所有芥蘭入面，口感非常之脆嫩，味道都相當之新鮮。

隱世農家鮮味｜錦上路南苑海鮮酒家🚗 自駕族秘境藏身元朗錦田公路旁的南苑海鮮酒家，自駕導航定位精準，酒家門前竟有十餘個免費車位！週末正午到訪仍輕鬆泊車，對比市區酒樓找車位的煩惱，這裡簡直是駕車族的世外桃源。🏡 鄉土風情畫竹棚架起半露天用餐區，斑駁木桌配紅膠椅，抬頭盡是青翠山景。廚房飄來柴火香，阿姐們操著圍頭話穿梭送菜，恍如走進八十年代新界圍村辦喜宴的時光膠囊。🔥 炭燒脆皮燒腩仔首推鎮店三寶之一的燒腩仔，肥瘦四層分明如藝術品。咬下「咔嚓」脆響，蜜糖焦香混和炭火氣息，皮下油脂化作甘香汁液，佐以秘製芥末醬更顯層次。同桌長輩直呼比中環名店更地道！🐑 古法羊腩煲秋冬限定羊腩煲以炭爐原煲上桌，湯底用當歸陳皮熬足六小時。羊腩帶皮燉至酥軟，腐竹吸飽濃郁藥膳精華，最驚喜是加入馬蹄平衡膩感，十人分食仍意猶未盡。🦞 驚喜價上湯龍蝦時價龍蝦竟以$680/兩斤半超值登場！伊麵底鋪滿開邊龍蝦，蝦腦精華融入金黃上湯，蝦肉彈牙帶海水甜香。老闆透露清晨親自到流浮山收貨，難怪鮮度可比私房菜館。🥬 鑊氣雜菜煲看似平凡的雜菜煲暗藏功夫，豬油渣爆香蒜片作底，唐生菜、白菜仔、秀珍菇在砂煲中翻騰，上桌時仍滋滋作響。最妙是加入自製魚腐

朋友生日，我帶佢到元朗嘅酒樓食晚餐，叫咗炭燒乳豬嚟幫佢慶祝。乳豬上面仲有靚靚嘅皇冠，可以打卡影相，好有儀式感。乳豬嘅色澤烤到紅潤，皮脆肉嫩，遠遠就聞到乳豬散發嘅炭香味，香而不膩，油脂唔多，點埋乳豬醬一齊食，鹹鹹甜甜又酥香。跟住嚟元朗楊氏烏頭，一條有住兩種味道嘅楊氏烏頭，一邊鹹檸檬嘅味道，一邊豉汁嘅味道，令你可以一次過體驗兩啖唔同味道嘅魚。鹹檸檬嘅楊氏烏頭酸鮮爽口，唔單止去除咗魚嘅腥味，仲帶出咗鹹檸檬香醇，食落去非常開胃。豉汁嘅楊氏烏頭口感嫩滑爽口，豆豉嘅鮮香帶出魚肉嘅清甜，好啱送飯。最後嚟一碟臘味炒芥蘭，芥蘭炒起嚟依然清甜爽口，配埋臘味嘅鹹香味，口感層次非常之豐富，整體味道油香不膩，同好好食。

羊腩煲🍲羊腩煲份量好大～而且羊腩仲幾多塊～仲配咗腐乳醬同一份生菜🥰熱辣辣咁上枱～滾起之後就可以配飯一齊食～羊肉又腍又韌～鮮香十足‼️.油浸筍殼魚🐟最鍾意就係佢哋嘅油浸筍殼魚～肉厚鮮嫩～用咗少少鹽同糖嚟醃製調味～魚肉帶住微微鹹味～幼嫩鮮香嘅滋味真係好正👍🏼 外皮用油浸過好香脆～食落外脆內嫩～點少少豉油食更加鮮香！！鮮菠蘿拔絲咕嚕肉🍍酸酸甜甜嘅咕嚕肉超送飯！炸得香脆嘅外皮仲帶住菠蘿嘅果香～一啖一件簡直好食到停唔到口🤤芝士龍蝦伊麵🦞酒樓經典菜式之一🤩 龍蝦超巨型～食落肉質緊實爽口～配搭鹹香味十足嘅芝士🧀🧀更加添風味💯 伊麵口感都唔錯～包住芝士同龍蝦肉一齊入口好滿足😌

講到元朗食晚飯之選，其中一間我鍾意嘅就係懷舊feel嘅小炒「南苑海鮮酒家」😻！呢度長期都咁旺，基本上都要早一個星期book位😌 食物質素的確掂👍🏻 元朗楊氏烏頭好大條，雙味係檸檬+豉汁，好清香，烏頭一點泥味都冇，肉質結實唔韌，腩位軟滑油香，啲汁有淡淡豉味，少少鹹，唔小心撈咗飯🤤。燒腩色澤紅潤，邊緣嘅焦皮，外皮好脆，肉和脂肪層次分明，入口肉質鬆軟，好似喺口中溶化，但又唔太油膩，別有一番風味。啫啫芥蘭煲-碧綠芥蘭新鮮爽脆, 加咗臘腸炒起,超熱熱鍋，好有鑊氣, 個汁鹹鮮香甜, 超級惹味，正！鮮菠蘿拔絲咕嚕肉 - 最常點嘅一道，最有驚喜嘅係難得係用新鮮菠蘿🍍嘅咕嚕肉😋！！咕嚕肉炸粉唔厚，咬落去唔會覺得食咗一pat粉漿，咕嚕醬都調得啱啱好，唔會太酸👍🏻，份量超多～