影片
近上村公園
繼續閱讀
電話號碼
24889099
開飯介紹
以傳統盆菜而聞名，必試即叫即燒炭燒乳豬，皮脆肉香。
繼續閱讀
附加資料
提供嬰兒椅
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
*截單時間: 21:30
以上資料只供參考, 請與餐廳確認詳情
-
網上訂座服務暫停
食家推介
招牌菜
喺南苑海鮮酒家呢度可以食到粵式嘅傳統好菜。嗰日我生日，我同朋友就到呢度嚟食順便慶祝我個生日，我哋叫咗幾道小菜，有魚，有豬有蔬菜。💚南苑第一炒一道混合咗海鮮同蔬菜嘅小菜，有蘆筍，帶子，珊瑚蚌，腰果等等，經過廚師嘅精心烹調，唔單止帶出咗海鮮嘅鮮味，仲保留到蔬菜原本嘅新鮮味道，蝦嘅口感都十分之軟嫩，食落去可以話係好開胃。🤎炭燒乳豬我朋友同店員講咗我生日，上面仲有生日快樂嘅造型，令我好驚又喜。乳豬散發住陣陣嘅炭燒肉香味，皮仲會有爆花、佈滿好似芝麻嘅粒粒花紋，口感香脆鬆化，味道鹹鹹甜甜又酥香，食落去會有滿滿幸福嘅感覺。🧡鮮菠蘿拔絲咕嚕肉鬆脆可口嘅咕嚕肉嘅味道酸酸甜甜，帶有拔絲效果。食落去嘅時候，可以感受到肉塊同糖醋汁完美結合，有鮮嫩多汁嘅感覺。配上隔離嘅新鮮菠蘿，咀嚼嘅時釋放咗好多鮮甜嘅汁液，口感更加鮮美。💛油浸筍殼魚筍殼魚烹調得毫無腥味，肉質十分之鮮嫩，口感清甜綿密，仲帶住淡淡清甜，口感恰到好處。食落去嘅時候帶啲鬆脆嘅感覺，但係仍然保留到魚嘅鮮味，好好味。呢餐真係令人難忘嘅生日午餐。
繼續閱讀
呢間海鮮酒家之前食過一次，今次同媽咪再次到訪，食物質素都keep到~叉燒半肥瘦既叉燒燒得色澤均勻，唔會過long，肥瘦比例適中。叉燒嘅蜜汁濃淡適宜，肉質啱啱好，Mami比幾高評價，佢至愛！燒腩仔都唔錯，同樣肥瘦適中，皮卜卜脆，肉嫩滑有質感油浸筍殼魚店員特別推薦嘅！雖然話油浸, 但冇expect咁油淋淋。筍殼魚開邊炸, 感受到師傅有功夫！油溫掌握得唔錯, 魚脆而不油, 炸皮薄脆, 魚厚肉骨少, 鮮嫩有魚鮮味, 記得要點上秘製過既豉油丫啫啫芥蘭煲之前覺得好好食，所以今次encore! 用肉碎做料,夠香+鑊氣
繼續閱讀
✨油浸式嘅筍殼魚外皮炸得香脆，魚肉好香軟🐠😋食落脆卜卜，好爽口。.✨大龍蝦伊麵濃郁香甜，龍蝦特別新鮮🦞加埋芝士鹹香嘅味道，味道更加正🧀.✨菠蘿咕嚕肉好鍾意呢個‼️佢嘅味道都比較濃郁，酸酸甜甜，令人好開胃。啲肉煮得啱啱好，唔會太硬，連老人家都可以食！.✨燒乳豬燒得油香四溢，外皮同筍殼魚一樣香脆，肉質都好軟🐽🐽.✨芥蘭菜都煮得好有特色，係幾新鮮 食落好香甜同清新，好啱同其他餸菜一齊食🌱.✨酒呢度嘅酒唔會太濃烈👌🏻飲落好爽口🍺
繼續閱讀
朋友話附近有間中式小菜酒家啲食物望落唔錯，想去試吓。咁啱今日得閒，就一齊去試吓。我哋叫咗一份燒乳豬，層板皮非常鬆脆，豬肉又新鮮同埋多肉汁，食起上嚟香味十足，送飯一流啊！而且佢哋碟乳豬都好大份下，我哋食到好滿足😌仲有我哋食開小菜都必嗌嘅菠蘿咕嚕肉，酸酸甜甜嘅味道特別開胃，食到停唔到口！🤣而且啲肉又唔會好硬，整體口感同味道都啱啱好。再嚟我哋試咗筍殼魚，魚肉鮮香嫩滑同埋飽滿，入口即溶！呢度嘅魚肉仲好香嘅魚油味，質素有番咗上下先會有。我哋之後叫咗一碟芝士龍蝦伊麵，估唔到都好好食！麵質滑軟，加埋龍蝦同埋芝士一齊食，超好味呀！伊麵佢哋用新鮮龍蝦嚟煮呢個伊麵，所以先咁好味！大魚大肉，又點少得飲番杯。冰凍啤酒清爽解渴，配合埋其他食物，真係非常享受！朋友都非常鍾意呢度啲嘢食，下次可以再嚟encore😋
繼續閱讀
羊腩煲🐑🍲羊腩肉經過長時間燉煮已經好軟腍，肉質煙韌有咬口，鹹香味十足嘅醬汁更加係送飯一流👍🏼 羊腩肉肉厚嫩滑，牙齒一咬就散開，鮮嫩入味！羊肉羶味一點都唔重，肉質無比鮮嫩，而且醬汁超級濃郁，一啖羊腩一啖飯再淋上醬汁，簡直係人間美味😋元朗楊氏烏頭🐟烏頭好大條！而且肉質肥嫩，一點泥味都無👍🏼 呢碟魚有兩種味道，一半鹹檸檬一半豉汁，好清香～肉質結實唔韌，腩位軟滑油香，味道酸酸鹹鹹嘅令人胃口大增，好送飯啊燒肉🥩🥓燒肉都好好味啊🤤 肥厚的肉質但係肥而不膩，淨係咁食已經可以享受得到極致嘅肉香味，皮脆多汁！呢度特別嘅係畀咗一碟黃芥末醬，點少少鹹酸嘅滋味係好有層次感嘅味道💯推薦指數：⭐⭐⭐⭐
繼續閱讀