南苑海鮮酒家

營業中

休息中

前幾日，屋企人一齊嚟元朗食晚餐，揀咗南苑海鮮酒家。食咗幾道招牌菜，唔錯呀，味道唔錯，食完都幾滿足。呢度唔單止海鮮新鮮，燒味都唔錯，食落去有啲家庭感，幾舒服。🧀芝士龍蝦伊麵 呢道菜嘅龍蝦新鮮，肉質緊實，芝士味唔會太濃，湯底嘅味道更加突出，伊麵吸埋湯底好順滑，味道唔膩，係一道好開胃嘅主菜。炭燒乳豬 乳豬外皮燒得啱啱好，脆口但唔油膩，肉質軟嫩，帶有少少煙燻味，口感幾好，係每次食燒肉時都會選擇嘅經典，仲可以配少少蒜蓉，味道更加出色。叉燒叉燒色澤紅潤，切開唔油膩，帶有自然嘅甜味，肉質偏軟，但唔係太油，味道有層次，係我哋每次食晚餐都會必點嘅一道。油浸筍殼魚 魚肉嫩滑，油浸嘅方法保持咗魚嘅鮮味，湯底清淡，帶住少少海鮮嘅鮮甜味，整體味道清爽唔油膩，食完感覺好舒服。南苑海鮮酒家嘅海鮮新鮮，唔錯嘅選擇，無論係燒味定係海鮮，都唔會令你失望。呢間餐廳嘅口味唔會太過浮誇，食落去簡單又滿足，下次有機會一定會再回頭😋

位於元朗呢間海鮮酒家，係我鍾意嘅酒家之一。佢哋嘅羊腩煲真係好正，每次食完都好回味。羊腩煲（推介指數：⭐️⭐️⭐️⭐️⭐️）味道唔腥唔膻，羊肉嘅口感軟腍入味，仲保留到煙韌口感，而且香味濃郁，食落去暖身又暖心，送埋飯食真係一流。油浸筍殼魚（推介指數：🌟🌟🌟🌟）味道係極之鮮美嫩滑，鮮味可口，好啱老人家同小朋友食，而且肉多而厚，骨刺極少，肉潔白細嫩，味尤鮮香，每咬一口都十分之新鮮。鮮菠蘿拔絲咕嚕肉（推介指數：⭐️⭐️⭐️⭐️⭐️）咕嚕肉外層嘅脆皮真係薄而極脆，脆皮入面嘅豬肉雖然唔算十分多，但拔絲嘅效果，極佳嘅口感，糖醋汁濃淡得宜嘅味道，整體嘅口感同味道都都鮮嫩無比。呢個時候再食埋一嚿菠蘿，非常愜意，酸甜可口又多汁，食得好清爽。

平時同同事都係食西餐，噚日放工之後，我哋想試啲唔同嘅嘢，就揀咗呢間海鮮酒家。佢哋嘅炭燒乳豬絕對係今晚嘅亮點。擺盤好特別，有個豬頭，跟住豬嘅造型擺。乳豬皮燒得焦脆透亮，插落去仲聽到清脆嘅聲音，口感外皮酥脆，好好食！芝士龍蝦伊面睇落就好美味。龍蝦肉質好鮮美，配上濃郁嘅芝士，我哋每一啖都好享受，蝦肉仲好彈牙，口感非常好。沾咗芝士嘅伊面，好有咬勁，濃郁嘅芝士味，食到停唔到口。咕嚕肉炸得金黃酥脆，旁邊仲有好可口嘅菠蘿。肉質軟嫩多汁，酸酸甜甜，每一啖配埋菠蘿，口感更加好。油浸筍殼魚嘅外皮炸得好酥香，魚肉好軟滑，整體又唔會好油膩。呢道菜都係令人大讚嘅。我哋仲叫咗臘味炒芥蘭，臘味嘅咸香配埋炒芥蘭，真係好香又好食，芥蘭好新鮮。呢間舖頭嘅叉燒，我哋食完都大讚。叉燒醃得好入味，蜜汁配埋鮮嫩嘅肉，好香又好食。呢度每一道菜都非常好食，下次我仲要帶埋我家人嚟試試。

前排聽老公講附近有間海鮮酒家，人潮好多，望落唔錯，就諗住等得閒去試吓。好彩我哋早到，仲有位坐。因為第一次嚟，就八卦望吓附近啲客食咗啲乜。我哋見到隔離枱呢碟龍蝦伊麵，啲龍蝦好大隻，價錢又公道，就叫咗個試吓。啲蝦肉好鮮甜爽口，伊麵又煮得好腍，配埋芝士嘅香味，真係好夾！仲有叉燒外皮好脆，肥瘦適中，點埋佢特製嘅汁食，味道仲正！至於魚，我哋叫咗油浸魚，同龍蝦一樣好大條，魚皮食落有陣淡淡嘅油香，而魚肉就比較嫩滑，完全冇腥味，好鮮甜！咕嚕肉嘅味道就比較濃，但係加咗菠蘿又中和返，唔會太甜或太酸，仲好開胃，食到停唔到口！我同老公最鍾意就係佢哋嘅招牌第一炒，色香味俱全，未食已經流晒口水！！！好多種材料一齊炒，味道同口感都好豐富。最緊要係啲材料好新鮮。我同老公都好滿意呢度嘅食物，下次嚟一定試埋其他嘢食。

同同事經過元朗，俾一間酒樓嘅霓虹燈吸引住，帶住好奇嘅心情入去，入面嘅氣氛非常熱鬧，酒樓入面都好闊落，就叫咗啤酒同同事一邊食一邊傾。海鮮豬骨煲賣相真係令人驚嘆，煲面擺滿晒滿滿嘅海鮮，蝦仔，蟹仔，扇貝，沙巴龍躉等等。趁熱食真係啖啖鮮味，沙巴龍躉嘅肉質爽滑魚味濃郁，扇貝有住強烈嘅鮮甜味、濃郁嘅鮮味以及充滿彈性嘅口感，配埋濃郁嘅豬骨湯，簡直就係人間美味。芝士龍蝦伊麵有焦香熱溶嘅芝士，散發住鹹香十足嘅芝士香味，令人垂涎欲滴。龍蝦肉質鮮嫩，口感細膩，芝士嘅味道都蓋唔過龍蝦嘅鮮甜味，加上美味嘅伊麵，可謂三合一嘅疊加美味。啫啫芥蘭煲嘅芥蘭鎖住水份同香氣，仲保持住脆嫩口感，醬汁均勻咁包住芥蘭，仲食得出猛火炒出嚟嘅焦香味。

【元朗非常有特色嘅中菜🦀南苑海鮮酒家】-老豆最鍾意嘅就係呢度嘅中餐。啱啱好周末佢生日，就帶咗一家人一齊嚟食晚餐。我哋叫咗呢度最有特色嘅烏頭魚，分別有兩個味道，一半係鹹檸檬，一半係豉汁，味道非常豐富。而且魚肉亦都好新鮮，完全冇腥味，連老豆唔鍾意食魚嘅人都讚不絕口。除咗魚，我哋仲叫咗兩款肉。叉燒肉同咕嚕肉嘅味道啱啱好，唔會太甜，特別下飯。叉燒肉唔會切得太厚，食起嚟好滑嫩爽口，而咕嚕肉就比較彈牙，仲有菠蘿作為配料，酸酸甜甜，食住食住就停唔落。至於菜，老媽揀咗芥蘭煲。芥蘭炒得非常軟，連根都唔會硬，而且香味十足，每一口都可以食到菜本身嘅甜味，非常正！仲有最好味嘅就係呢度嘅龍蝦伊麵。每一條伊麵都包裹住龍蝦嘅甜味，非常香濃，加上芝士作為搭配，整體嘅味道非常豐富，令人回味無窮。而且呢度嘅龍蝦仲好新鮮大隻，非常掂食。老豆食得非常開心，祝老豆生日快樂！

屋企人話附近有間中餐廳啲食物睇落唔錯，想去試下。啱啱今日有時間，就去左一齊試下😛.👁‍🗨 燒豬.➰ 外皮非常酥脆，豬肉亦都好新鮮多汁，食起嚟香氣十足，乳豬嘅分量亦都好大.👁‍🗨 菠蘿咕嚕肉.➰ 酸酸甜甜嘅味道令人胃口大開，食到停唔倒😂而且肉質唔會太硬，整體嘅口感同味道都啱啱好.👁‍🗨 筍殼魚.➰ 鮮香嫩滑，魚肉飽滿，入口即化😆呢度嘅魚肉仲帶有淡淡嘅油香，真係好香口.👁‍🗨 龍蝦芝士伊麵.➰ 麵條滑軟，龍蝦新鮮啖啖肉，好鮮甜😎伊麵吸哂龍蝦同芝士既精華😇.🔛 整體評分（7.5/10）

即興約食飯唔知食乜好就決定大包圍食豬骨煲烚下烚下！朋友推介呢間港式豬骨煲，於是夜晚時間就直接walk in一坐低就先要咗個招牌海鮮豬骨煲，本身已經好足料，有多舊豬骨，仲有大蟹、大魚、大蝦等等，試咗啖湯都好鮮甜。芝士龍蝦伊麵上枱時熱辣辣，芝士汁夠濃稠，鹹度適中，麵條非常掛汁，龍蝦肉彈牙新鮮，唯一唔好就係太好食完全食唔夠😅，剩低嘅醬汁梗係唔可以嘥直接拌飯食，整體味道都好滿意。鮮菠蘿拔絲咕嚕肉炸得外脆內軟，芡汁嘅稀杰度適中，配上菠蘿，清甜爽脆；成個菜酸酸甜甜，配白飯食一流。要試地道港式風味一定要試呢間！做到非常港嘅味道～

之前同同事一齊嚟食過呢度嘅中餐，食物非常好味。所以今日又嚟食其他嘢，順便解決晚餐。我叫咗呢度嘅特色【第一炒】，多種材料加埋一齊炒，香氣四溢，食起嚟嘅口感更係豐富至極，下次嚟仲要再點！ 我一入酒家就畀吸引嘅乳豬，燒得外皮酥脆，食起嚟脆卜卜嘅，真係非常爽口。而且豬肉仲帶有淡淡嘅焦香，鮮嫩香軟，一流！至於咕嚕肉嘅味道就比較濃郁，但係加咗菠蘿後，味道中和咗唔少，甜中帶酸，令人胃口大開！咕嚕肉亦都煮得非常軟，咬住非常香，加上食材非常新鮮，一人食一盤都唔係問題！最後我仲點咗炒芥蘭，雖然睇落普通，但係味道唔輸其他食物，非常香甜，而且仲有臘味作為搭配，食起嚟更係香！最重要係菜唔會炒得太軟，口感啱啱好！真係一頓好味又豐盛嘅晚餐！

我哋一行兩個人，約午餐12點半到達，室內裝修幾簡潔，所以坐得幾舒服，環境算唔錯。炭燒乳豬 -- 好食嘅乳豬，必要係連皮帶肉嘅，皮要酥化香脆，唔帶苦味；肉要鬆軟鮮美，略連肥脂但唔會太膩嘅為最佳。不過要整味美嘅乳豬，事前嘅醃肉風乾功夫必須做足，將乳豬上叉再喺炭火上慢慢碌燒，少半點心機都唔得。至於呢度嘅乳豬件，同出面食肆食到嘅，的確有啲唔同，以潮流健康為前提，師傅喺上枱前已經片去黐住乳豬皮嘅肥膏，所以皮還皮，肉還肉，骨頭自然都去掉，乳豬皮咬落香脆，冇半點脂肪，唔覺肥膩，肉質都算嫩滑，只係稍嫌冇皮連肉食嗰種傳統風味。元朗楊氏烏頭 -- 所謂元朗楊氏烏頭其實就係豉汁+檸檬煮嘅烏頭，表皮入口外脆內軟，脆嫩鮮甜，加上魚肉新鮮彈牙，白質地脆嫩鮮甜，甘香惹味，唔覺油膩，用嚟送酒配飯，清清地都幾唔錯。芝士龍蝦伊麵 - -個芝士龍蝦伊麵個汁好濃，亦都好重芝士味，啲龍蝦都好厚肉，起碼唔使擔心每人分唔到一舊龍蝦，因為嗰伊麵索晒啲芝士，我都食咗兩碗。呢度整體服務都唔錯，食物味道都好好，而且價錢合理

前幾晚同姐妹去咗元朗嗰間南苑海鮮酒家，試咗幾道平時少見嘅菜式，成晚氣氛好輕鬆，幾開心。以下分享下我哋試過嘅菜！😋【元朗楊氏烏頭】呢條烏頭煎到皮脆肉嫩，冇乜多餘嘅調味，食到啲魚本身嘅鮮味。清淡得嚟好有層次感，特別啱鍾意食魚嘅朋友。🐟【啫啫芥蘭煲】熱辣辣上枱嘅一煲，芥蘭清脆中帶少少焦香，醬汁好入味，唔會太濃，幾開胃，感覺啱搭碗白飯。【鮮菠蘿拔絲咕嚕肉】呢個配搭好特別！咕嚕肉外層香脆，咬開後酸酸甜甜，加上新鮮菠蘿嘅果香，成個味道好有層次，幾特別。🍍整體嚟講，呢次晚餐感覺好滿足，每道菜都有啲驚喜。南苑酒家價錢合理，份量足，值得一試！✨

之前食過一次咁耐咗食物質素同樣好高👍👍~首先梗係要叫一碟叉燒，一上菜就睇得出的確係好貨色。半肥瘦叉燒燒得色澤均勻，唔會過燶，肥瘦比例適中。叉燒嘅蜜汁濃淡適宜，肉質都係軟硬度啱啱好，媽媽畀予好高評價！另外再點嘅燒腩仔都唔錯，肥瘦適中，燒腩皮卜卜脆，腩肉嫩滑有質感😋店員特別推薦嘅油浸筍殼魚, 雖然話油浸, 但竟然冇預期中油淋淋, 筍殼魚開邊經油炸, 油溫掌握得唔錯, 先可以令成條魚炸後超脆而不油, 炸皮薄脆, 魚好厚肉, 骨比較少, 魚質好鮮嫩有魚鮮味, 點上秘製過嘅甜甜地豉油, 提鮮美味。 印象最深刻上一次食過啫啫芥蘭煲好好食🥬,今次再encore! 用肉碎做料,個芥蘭煲夠晒香,又夠鑊氣🔥~

主打港式小炒嘅一間餐廳, 以粵菜風味聞名, 人流‘’一枱接一枱‘’, 就算過咗飯點都依然有新客人, 以平日嚟講十分厲害! 👏🏻🍽️海鮮豬骨煲一份好多大海鮮大骨頭，上面鋪住滿滿嘅海鮮，入面仲有唔少豬骨豬肉，全部燉得好入味且軟糯糯！湯底係濃郁嘅豬骨湯，睇呢個顏色就知道膠原蛋白多🈵了😌Ladies飲多兩碗please～🍽️叉燒嚟到就叫咗份叉燒試吓，好快就上菜，見到叉燒唔乾身，有汁似啱啱燒起，食落熱辣辣，叉燒肥瘦適中，咬落都好有肉汁，令我有啲驚喜，因為平時食嗰啲都好乾，第一次食啲咁有肉汁，配白飯食好滿足👍🍽️鮮菠蘿拔絲咕嚕肉另一道餐廳招牌菜，咕嚕肉炸得脆口, 有少許拔絲效果, 一般餐廳嘅拔絲咕嚕肉都會比較甜, 但呢個酸甜度十分適宜 😊🍽️南苑第一炒正宗粵菜必食🫶🏻 非常鮮味令我改觀🤩炒得好嫩完全唔會咬唔爛攝牙罅😬 大蝦個海味更加濃縮咗好新鮮另外仲有腰果口感同味道都好豐富多變🥹

好耐都冇同屋企人一齊去之前成日去嘅南苑海鮮酒家食嘢店內環境好大好乾淨坐得好舒服侍應服務態度都好好👍🏻 我哋揀咗油浸式嘅筍殼魚外皮炸得香脆魚肉都好腍食落脆卜卜好爽口仲有每次嚟都會嗌嘅大龍蝦伊麵🦞龍蝦肉濃郁香甜特別新鮮加埋芝士鹹香嘅味道 更加正!😋菠蘿咕嚕肉食落酸酸甜甜夠哂開胃另外仲叫咗一份燒豬🐷乳豬燒得油香四溢 外皮好香脆肉質都好軟最後仲嗌左食落好香甜仲好清新既芥蘭食😋全餐飯都真係好不錯呀💯

我細姨非常中意食中餐，所以對中餐嘅要求特別高。剛好朋友介紹咗附近嘅中餐廳，我就帶咗佢過嚟試嚇。海鮮煲嘅湯底真係太鮮啦！海鮮都非常新鮮，加埋豬骨一齊煮，湯底更加濃郁香甜。我最中意嘅就係肥美嘅螃蟹，蟹肉香軟可口，令人食到停唔落嚟！呢度嘅一魚兩味非常正宗。一半鹹檸檬，一半豉汁，完美結合，味道豐富多變，魚肉都好新鮮，口感同味道都係滿分！芥蘭都炒得香味十足，根部唔會太硬，咬起嚟好有嚼勁，加埋臘味獨有嘅風味，芥蘭本身嘅甜味更加突出！睇落普通嘅燒肉，味道都好唔錯。外皮酥脆香甜，肥瘦適中，加埋特有嘅醬汁一齊食，燒肉味更加濃郁。仲有食中餐必點嘅咕嚕肉，配埋菠蘿完美搭配，唔會太酸亦唔會太甜，肉都非常軟，我哋兩個人都食到非常爽！細姨話食中餐一定要嚟杯啤酒，咁樣先有氣氛。啤酒唔會太烈，仲帶有香氣，同肉一齊食真係好夾。有肉有酒嘅午餐真係太爽啦，而且仲好正宗，下次仲要再嚟食更多！