千歲擔擔麪

營業中

休息中

老字號“詠藜園”嚟左觀塘市集開，簡直一大喜訊，坐位闊落，坐得舒服裝修得好光猛企理餐牌一目了然酸辣麵$42好欣賞個麵好爽口，唔會太林，最鍾意呢種質感，湯底仲有榨菜粒，辣辣哋，啱晒凍凍地嘅天氣詠藜園擔擔麵（小辣）$39扺食又好味，少辣、花生醬、花生碎、蒽粒⋯⋯再加上彈牙嘅麵，超好味蒜香脆皮雞半隻$138侍應話蒜香雞星期六日好難食到，今晚我就叫半隻試吓，果然唔錯，尤其個皮好脆，肉質嫩口，一啲都唔鞋，咸度適中，侍應冇介紹錯紅油抄手六粒$48我叫咗小辣，我成日好驚飽得滯食唔晒，點知抄手個汁真係好掂，有蒜蓉、醋、辣椒油⋯⋯食完一粒好快食第二粒仲好快完成滿足的

土生土長的上一輩香港人 一定會聽聞過在鑽石山大磡村的詠藜園擔擔麵 當年很多在華達片場的明星都來光顧 時移世易 大磡村清拆了很多年了 而詠藜園亦交由第二第三代的子孫打理 雖然分拆了很多間由不同子侄經營 但都會打上詠藜園這個品牌 這間在觀塘凱滙新開的店鋪 名為千歲擔擔麵 但細看之下仍然會見到紅色的詠藜園三個字 外牆裝修採用落地大玻璃窗 光猛明亮 桌子間的距離 和服務員的態度也可接受 餐牌祇有前後兩版 目測大多客人 枱上都是吃招牌菜 - 擔擔麵 我梗系要試下喇 可能為了迎合不吃辣的顧客 有不辣的擔擔麵 另也分為詠藜園擔擔麵和改良擔擔麵 普通的我之前吃過 便要了改良擔擔麵 生煎包和原湯水餃個人認為改良擔擔麵 重點是肉碎多了 口感較豐富 不辣的擔擔麵沒有紅彤彤的顏色 外觀不漂亮 沒有那種熟悉的感覺 有點失真呢 其實正常的擔擔麵 也不算很辣 麵條應該是機製 不是手工做 但也頗彈牙 湯汁的花生醬很濃郁 味道也很好 不愧是鎮店之寶生煎包 皮厚 煎得不夠香 內裏沒有肉汁 很一般原湯水餃 湯有點渾濁 味道普通 餡料有點實 菜上得很快 整個用餐時間衹是30分鐘 收茶錢及加一 似乎有點小貴

觀塘重建後的全新商場裕民坊YM²開了很多新餐廳，我相信鍾意食上海嘢嘅朋友都一定聽過詠藜園，詠藜園集團近期喺裕民坊YM²開了新品牌千歲擔擔麵，今日同朋友去試一試味道呀。餐廳位於平台花園的3樓，環境舒適，空間感濶寛整齊乾淨，還有一間獨立房間，看看餐牌都是很多美味的上海傳統食物。詠藜園擔擔麵詠藜園擔擔麵就一定要試啦！第一啖嚐嚐湯底非常濃郁，花生味勁香濃，還有小小肉碎同辣香，味道好有層次感！麵條是幼身咬口都爽口，麵條沾上湯一起吃非常惹味。楊家小籠包一籠小籠包有4隻，每隻都是人手包製，皮薄餡靚，咬落去入面很多湯汁，真係鮮甜濃郁呀！小籠包真是上海菜的代表作啊。生煎包底部煎得乾脆金黃，不致焦燶，十分香口，皮與肉比例適中，調味也自然。雲腿津白是健康的菜式，清淡中隱若帶有雲腿味道作點綴。豆沙鍋餅熱辣辣的豆沙鍋餅煎到金黃色，外脆內軟，味道不太甜，飯後甜品一流。整體來說食物水準都能保持，午市時間也是高朋滿座。

今天約了媽咪到觀塘新開的裕民坊逛逛，順道到千歲擔擔麵詠藜園，打下卡吃午餐。我們大約1時半到達，已見店內高朋滿座，幸好剛有兩位食客離開，我們便不用等位啊！坐下來，我們便開始看看餐牌，叫了兩碗詠藜園擔擔麵、楊家小籠包、豆沙鍋餅，還叫了花雕醉雞，因為這是媽咪的至愛。詠藜園擔擔麵：我們叫了不辣，上枱時已聞到陣陣花生香味，湯底夠濃，麵條煙靭，不愧是金牌麵食之選。楊家小籠包：共四隻，皮薄肉餡靚，點些醋一起吃，份外美味。每隻大小剛好，每次一啖吃一隻。花雕醉雞：酒香撲鼻，雞肉細嫩入味，加上杞子有益，確是滋補養生。豆沙鍋餅：紅豆蓉不甜，外皮酥脆，入口有口感。整體來說，印象很好，食物有水準，座位寛敞，招呼親切。備註：這裡每位要收茶錢$5，及要加一的。

這間位於新開的裕民坊裏面的餐廳，主打上海菜，有多款上海小食，而這裏的招牌就是擔擔麵。楊家小籠包小籠包皮薄不易穿，中間肉汁豐富，加了些陳醋食更添鮮味。一口鍋貼鍋貼煎至底部香脆，外皮凍了有點硬，所以上枱要即刻食，鍋貼一口一件，肉汁豐富。過橋水餃餃子皮不算厚，帶點煙韌，餃子餡料有些蔬菜爽脆。花雕醉雞雞皮油脂不多且爽彈，雞件吸收了花雕酒香，而且肉質嫩滑。詠藜園擔擔麵擔擔麵麵質爽彈，即使浸了一陣才食都不糊口，湯底比平時食到的略稀，有淡淡花生香，味道不俗。

閒逛裕民坊，竟然這裡有老公最愛的擔擔麵，看看餐牌價錢不貴又啱食， 二話不說便開位嘆茶食小籠包。詠藜園擔擔麵擔擔麵麵條細滑，滑底很香花生醬和芝麻醬味，濃郁鮮香， 我們要求加辣，麵條在麻辣的湯料中，更加刺激味蕾。酸辣麵這個酸辣麵有別於我平時吃開的口味，整個湯底紅彤彤的也沒有什麼配料，只有一些蔥花，以為是很難吃的一碗，但實質比想像的好，麵條入口細滑，不會像麵糰漿著嘴巴，酸辣比例也適中。楊家小籠包小籠包味道很好，湯汁豐富鮮味，肉餡滑嫩，沒有油膩感， 這種爆汁的感覺，真的令人回味。蔥油薄餅鍋貼煎得香脆，內裏的蔥油很香口，面層鋪滿了芝麻，令鍋貼味道更香濃。豆沙鍋餅豆沙鍋餅是我最喜愛的甜品之一，外皮香酥內餡柔軟，紅豆夠清香，口感綿密，中式煎餅夾著甜美的紅豆蓉，很推薦。

裕民坊開咗好一段時間都未去過, 今日終於去行吓, 原來都幾多唔同食肆, 今日就揀咗上海嘢食。🥢詠黎園擔擔麵 (小辣)見到詠黎園呢3粒字, 唔多唔少都有d期待, 不過現實同想像都真係會有分別… 擔擔麵嘅溫度唔夠熱, 只是微暖。擔擔麵偏淋, 所以口感麻麻地… 唯一可取係湯底夠濃郁, 不過小辣其實係無辣味嘅。🥢小籠包皮薄多湯汁, 即使放咗一陣都唔會一夾就散。🥢椒鹽排骨肉質軟腍, 不過味道偏咸。🥢上海粗炒賣相, 味道都係中規中矩, 無乜特別。整體環境觀感同食物都係一般, 甚至屬於中下水平, 應該未必會再去。

相信鍾意食上海嘢嘅朋友都一定聽過詠藜園，詠藜園集團近期就喺觀塘裕民坊YM²開設全新品牌食店：千歲擔擔麵！千歲擔擔麵同樣主打上海菜式，由詠藜園嘅老員工以顧問形式，將佢哋嘅經驗傳授俾，並傳承品牌同精神，所以呢度嘅食物除咗詠藜園嘅傳統，仲有唔少創新營運手法。楊家小籠包小籠包絕對係上海菜嘅代表！楊家小籠包有4隻，每隻都係人手包製，外皮夠晒薄，入面勁多湯汁，真係好香甜濃郁呀！詠藜園擔擔麵講到詠藜園嘅成名作就當然係擔擔麵啦！湯底非常濃郁，花生味勁濃，仲有大量肉碎同少少辣，味道好有層次！麵條幼身爽口，掛晒汁，非常惹味。椒鹽排骨排骨份量唔少，上面有好多椒鹽粒粒同紫洋蔥。排骨夠乾身，而且唔肥膩，非常香口，令胃口大增！上海粗抄即叫即炒，好有鑊氣！上海粗抄份量唔少，配料有冬菇、肉絲同椰菜等等，調味唔錯，口感一流。

新建的裕民坊 YM²  還是第一次來， 商場樓上的住宅仍未入伙， 不少新食肆已相繼進駐。行完地下嘅裕民坊市集， 再逐層行上 ，3樓有平台花園， 同層找到這間「千歲擔擔麵」。平日下午接近三點都算幾多人。沒有特別套餐，單點項目有各款小食，點心，冷盤，麵食和小菜。楊家小籠包（4隻）小籠包外皮好薄， 內有滿滿的湯汁， 肉餡鮮味，充滿肉汁， 只是一客四隻兩個人分唔多夠 ～豆漿$13每次食上海菜都要配豆漿先會完滿～詠藜園擔擔麵（辣）看見這道菜的名字才知道原來詩詠藜園系列。 秘製嘅擔擔麵都係非常出名當然要試。湯底依然濃郁， 有花生香味，肉碎和少少辣， 麵條也是非常出色，幼身爽口，唔會太腍。 一人份量就啱啱好～酸辣水餃$48以為係酸辣湯底， 即係打咗芡哪一種，較稠身。但這碗酸辣湯沒有打芡， 只有葱沒有其他材料 ，亦不是太辣太酸。 水餃好大隻， 麵粉皮是很北方那一種， 較厚較實淨。 肉餡紮實好夠份量， 味道唔錯，不過略嫌缺少木耳或蔬菜， 感覺似小籠包內嘅餡料。蔥爆牛肉$88轉個頭就上菜， 速度超快。大蔥爆得好香， 惹味清甜，仲好有鑊氣， 牛肉份量都不少， 送飯一流！

這次去了裕民坊覓食，去到食肆樓層逛逛，有家吃上海菜的餐廳。環境感覺舒適涼快，是中西合璧的裝修，座位間也有段距離🙈。餐牌上由小食到主菜有不少選擇，我們點了其中幾款來試試看😆。-💥過橋水餃 HKD$48，這個是無湯版本，一份有七隻，面頭有蔥花做裝飾。無湯版本吃得較方便😎，水餃外皮不會太厚。肉質鮮味帶肉汁，加了醬油味道更好😆。-💥楊家小籠包 HKD$48，這個一份有四隻，小籠包不易夾散。做到皮薄饀料多，湯汁味道濃郁不咸🤤。肉質爽口鮮味，很快就吃光光了🤩。-💥麻辣擔擔麵 HKD$48，上菜時傳來很香的味道😍，顏色看似很辣，但味道不太辣。湯底味道很濃郁，感覺是微辣的味道。擔擔麵麵質剛好，湯汁均勻地沾在麵條上🤤。-💥咕嚕肉 HKD$88，這個賣相可以的，材料有菠蘿、青椒及紫洋蔥。咕嚕肉皮脆肉嫰，而且是無骨很方便吃。醬汁味道酸酸甜甜，是個很開胃的小菜🤩。-

味道還可以的，我叫咗紅油抄手+紅油麵。抄手六粒，幾大粒，個餡幾多肉，d汁ok，如果食開辣者會覺得這只是bb辣。紅油麵是撈麵，麵dd汁不夠抄手d汁d味好，油多但調味似乎比抄乎少啲。兩碟加埋加茶錢，一人111元，其實唔平，只係坐得算舒服乾淨，味道還可。不過，今次佢最失誤係唔記得咗幫我地落單，過咗幾個字覺得唔對路先發現，令我地非常心急，因為中午食完要趕住返工。我哋表明了趕時間，催完佢之後，過咗約五分鐘，食物就送上。總括嚟講，味道還可以，上海菜來講，味道中／中上。

屋企人都間唔中去黃埔詠藜園幫襯，見到觀塘裕民坊有分店開張，自己住得咁近梗係要試，午餐點咗擔擔麵同小籠包，辣同唔辣都夠花生味，同黃埔味道差唔多，39元碗抵食啦，小籠包都夠湯，ok好味。見有兩枱都叫砂窩雲吞雞，好似幾正，下次試吓先！

今天特別和父母來到裕民坊看看新商場，在 3/F 平台花園選了這間新開張的菜館，見到招牌有「詠藜園」這個三個字我們都有所期望，還點了招牌菜「擔擔麵」。點了六樣東西，全部都令人失望。肉絲炒麵 - 是新鮮炒出來的，熱焫焫的，但非常非常多油（請看圖）小籠包 - 湯汁沒有應有的小籠包餡料味道，淡而無味生煎包 - 包非常厚，餡料像無味的餃子春卷 - 新鮮炸的，但內裡的疏菜餡料切得太大件，不好吃擔擔麵 - 點了不辣的，湯底花生味淡，太多水份；麵條也沒有特別。清炒河蝦仁 - 廚師用太多梳打粉去醃蝦，令蝦仁過份地爽脆，味道假，而且有被「乸」過籠的味道。我只能說，此水準實在把「詠藜園」三個字拉低了，很失望。唯一值得稱讚的是：服務很好，熱心、有禮！