千歲擔擔麪

營業中

休息中

觀塘新開的裕民坊商場進駐了不少新餐廳，這家主打正宗上海菜的千歲擔擔麵是其中很吸引的餐廳之一，一直都想來光顧。今晚便約了朋友來吃晚餐，可以一嚐出名的擔擔麵。小籠包皮滑餡靚，肉汁充沛，鮮甜無比，肉質嫩滑。詠藜園擔擔麪（辣）湯底較濃郁，有香料和花生香味，帶有微辣，不能吃太辣的人也吃到。麵質爽滑香甜，吸收湯底的精華，美味可口。紅油水餃皮薄餡靚，水餃皮很滑溜，肉質嫩滑多汁，紅油惹味香濃，辣而麻香。炸銀絲卷即叫即炸，銀絲卷外脆內軟，𥚃面鬆軟香甜，入口即溶，外皮香脆，點上煉奶吃很配搭。蔥爆牛肉一端上檯香氣撲鼻，熱辣辣，大蔥惹味而可口，炒得很入味，牛肉嫩滑多汁，醬汁香濃惹味。

嚟咗觀塘呢頭行街 知道裕民坊平台花園有唔少嘅餐廳選擇😉 見到呢間上海菜館 係詠藜園嘅姊妹餐廳 因為食過詠藜園 覺得味道唔錯 所以就入咗嚟呢一間千歲擔擔麵試吓🤪同黃埔嘅詠藜園比較 呢一間價錢就訂得比較進取 可能係因為位於豪宅樓下啦 不過依然有唔少捧場客㗎😮詠藜園擔擔麵一定要食呢度嘅招牌菜啦 擔擔麵唔算好辣 麵條幼身 口感唔錯 味道幾特別 有別於一般擔擔麵嘅味道😝蔥油薄餅鍾意食蔥嘅朋友一定會叫呢一碟 蔥油味係有嘅🌮 但係並冇喺口腔爆發出嚟 未必滿足到好鍾意食蔥嘅朋友 薄餅亦都可以鬆脆一啲功夫燻魚呢個燻魚味道好出色 燻魚炸到好香脆🐟 同外面甜甜地嘅醬幾夾 不過食嘅時候要小心啲 都有幾多碎骨㗎至尊炒飯唔係好明白點解呢個炒飯可以賣得咁貴 炒飯有蝦 帶子同蟹子一齊炒 但係味道就一般 覺得唔值呢個價錢🥲如果要同本店比較 呢間新舖的確唔夠本店好食 不過可以俾多次機會嘅🙈

觀塘裕民坊重建之後都未黎過睇下變成點去參觀之前就做定功課睇下有咩新餐廳好食😌見到foodie 介紹千歲擔擔麵先知原來佢係詠藜園嘅分店！🤩所以就bookmark 定想試下從前嘅味道懷舊一番.🌟詠藜園擔擔麵（不辣）($39)擔擔麵湯底好香花生醬味🍜面頭亦都鋪咗肉碎、花生同蔥湯底濃郁之餘麵條亦都彈牙聽到隔離枱問店員先知原來改良擔擔麵係素擔擔麵 下次都想試下😚.🌟楊家小籠包（4隻）($48)小籠包係上海菜嘅名物皮非常薄 一啖咬落去成個口都係湯汁所以食時要小心 以免燙傷個咀好味到一籠都唔夠皮😍.🌟蔥油薄餅 ($38)蔥油餅同街邊食嗰啲有分別呢一個整得較薄身唔會話好似街邊嗰啲有厚厚嘅麵粉煎到脆卜卜就算放到凍咗食落都仲係脆👍🏻.🌟上海粗炒 ($88)粗炒炒得唔油膩 而且仲好濕潤多汁唔會乾爭爭 份量都好大碟😋調味亦都唔錯而且蔬菜同麵嘅比例啱啱好.🌟豆沙鍋餅 ($48)去到最後當然唔少得甜品豆沙鍋餅一向係我非常喜愛嘅甜品呢度嘅豆沙鍋餅皮薄餡多豆沙唔會好甜 味道啱啱好🤤.餐廳位於商場最高層 旁邊就係平台花園🌳所以景致優美 而且店內嘅裝修亦都大方整潔喺度飲茶同食點心都好寫意

偶爾經過觀塘，當然要來重建後的裕民坊YM2 行個圈。頭兩層都係商場和食肆，裝修還保留着舊時裕民坊地舖的懷舊氣息，3樓有花園平台，見到平台的兩側有一餐廳，其中有一間中菜館，名叫千歲擔擔面，便和朋友坐低，既可用餐之餘亦可欣賞出邊平台的風景。叫得千歲擔擔面，又點會唔試下招牌詠藜園擔擔麵，我們點了辣味。 一上菜，一陣香氣撲鼻而來，充斥着辣油、麻油和花生醬香味。麵條非常彈牙，不會煮得過熟和沒有一碗的份量一個人食剛剛好。另外有店員大力推薦的明爐燒雞，想不到這裏的燒雞份量也不少，叫了半隻兩個人食，外皮香脆，肉質鮮嫩，再加上懷念和香醋，的確冇介紹錯。小食還叫了頗有特色的紅油抄手，這裏的紅油抄手還可以自選辣度，我們叫了正常的辣。抄手個頭不小，一碟有六隻，紅油並不會太辣，抄手的面皮非常滑，內裡的餡料也非常香，非常值得一試。最後再叫多一份蔥油薄餅，蔥油香十足，啱晒鍾意食香口食物的人。

香港近年老字號愈來愈少，原來已有70多年歷史的「詠藜園」，最近在觀塘裕民坊新開副線，新店名號「千歲擔擔麪」，今天乘購物之便，順路一嘗川滬風味。館子位於在花園平台傍，一系列長型玻璃窗可以透進陽光，也看到綠悠悠的花園，仿如置身花園用膳，也有暖和感。我們的餐前小點：楊家小籠包，先嘗美味湯汁再細嚼皮薄肉鮮小籠包，很愜意。詠藜園擔擔麵，麵條掛着濃濃的麻香湯汁與豬肉碎，我們怕辣楝了不辣，因此香而不辣，濃郁而不鹹。椒鹽肉排，椒鹽香氣溢出，添肉排酥香，肉質軟滑十分可口。豆沙鍋餅，是唯一的甜品，香脆的鍋餅蘊藏豆沙饀蓉，清甜不膩。來自大馬的果汁罐裝：橙汁、石榴汁，我選擇石榴汁，有石榴清香，味道很合適。

約左朋友嚟裕民坊 YM² 睇攝影展，觀賞完展覽，順便喺場內覓食。友人提議試下位於三樓平台花園嗰間「千歲擔擔麪」，據說係「詠藜園」旗下嘅其中一個全新品牌。餐廳置有落地大玻璃，地方開揚寬鬆，內牆以白色為主，採光度十足，加上圍邊嘅綠色植物，環境宜人舒適，令人賞心悅目。先嚟一客生煎包 ($39)，睇下啲包嘅外形幾飽滿，個個都脹卜卜，包皮唔會太厚，底部煎至金黃微焦， 並且黐滿了芝麻，食落乾身香脆，肉餡很有肉汁，味道唔錯。招牌菜四川擔擔麪分傳統口味同改良版，今次揀左傳統版嘅詠藜園擔擔麪 ($39)。湯底用豬骨及老雞熬製，配料有肉碎、花生粒同芝麻醬，味道濃香。麪條好爽滑，入口充滿麻醬嘅香郁，非常滋味。再嚟兩款蔬菜，點左干煸四季豆 ($73) 同 清炒土豆絲 ($63)。四季豆做得很不錯，火候控制得啱啱好，食落乾身不油，爽脆又無渣，加上粒粒肉末，口感豐富又惹味。至於碟土豆絲，睇落雖然平平無奇，但吃起來清新爽甜，一點也不黏口，加上切得夠幼細，盡顯大廚刀工，令人忍唔住一啖接一啖。最後點左客豆沙鍋餅 ($48) 做甜品，一客切開有 8 小件，兩面都煎至金黃色，餅皮熱燙香口，豆沙軟糯，入口外脆內軟，甜而不膩。

今晚是平安夜，同老公想舒舒服服吃中餐，向來喜歡吃上海菜的我，來到裕民坊YM ²，見千歲擔擔面的價錢適中，坐得很舒服，我們坐窗口梳化位，窗外正好是空中花園，非常舒適。詠藜園擔擔麵超香的擔擔麵，花生🥜醬味香濃，麵底彈牙👍🏼楊家小籠包小籠包皮薄，要小心翼翼夾起，再在包面咬開一個小洞，將Juicy 肉汁飲下，然後再將剩餘肉汁連小包沾上醋汁，一流。雲腿津白津白軟淋，加上芫茜，香噴噴。而雲腿更有畫龍點睛之效，咸香的腿肉襯上鮮甜的津白，不錯🥰功夫燻魚燻魚汁香濃，酸酸甜甜，魚肉好嫩滑，沒柴皮感🥲，大愛。份量都頗多，抵吃。豆沙鍋餅皮薄夠脆，豆沙餡紅豆香，不會過甜，好吃。

觀塘凱匯開左唔少餐廳，今次同朋友第一次係3樓花園平台食野，見到千歲擔擔麵，十分吸引，有唔少上海小炒，招牌特色小食。茶位$5位，有加一，價錢方面都合理。糖醋魚柳$98魚柳份量足料，大大塊魚柳已經炸香左，口感好滑溜，一咬開炸得好香脆，加埋糖醋汁既點綴，送飯一流。平扁四季豆$78炒得香口，四季豆好有鑊氣，味道亦好好，份量足夠。楊家小籠包$48招牌小籠包每枱都有點。一咬開爆晒汁，啖啖肉，好有口感，值得一食。下次會想試下其他菜式，都有唔少款式。

首次逛官塘市中心的新商埸「裕民坊YM2」，當然要去看我至愛的微縮藝術展作品和去品嚐我至喜歡的擔擔麵。大約二時來到花園平台的千歲擔擔麵店，真意想不到非繁忙時段仍擠滿食客，幸好我們二人等了一會兒便可入座。～詠藜園擔擔麵歷史悠久的詠藜園早在鑽石山開業，後遷移到紅磡和黃大仙開店，其招牌四川擔擔麵早已為港人所熟識，今天我來到這個官塘副線，又怎能不嚐一碗傳統擔擔麵呢？不能吃辣的我們叫了走辣板本，少了那層辣紅油，但也同樣滋味。爽滑的幼麵條掛上香濃的豬骨湯，既有濃郁的芝麻花生香味，又吃到混在湯裡的肉碎、榨菜粒和花生碎，口感極多元化。走辣湯底仍然濃郁惹味，值得一讚。～椒鹽排骨剛做好且賣相不俗的椒鹽排骨入口仍是熱烘烘的，骨肉分明，肉厚又淋滑，絕對不會乾身又不韌。椒鹽味略淡，但配料中的紫洋蔥、青紅椒絲、蒜蓉和蔥的份量毫不吝嗇，與炸得金黃色的排骨配合得宜，味道討人。～一口鍋貼（5隻）迷你鍋貼皮薄、餡料豐富，調味適中。沾上附上的醋來吃，便能一解肉的膩，胃口大增。一口一隻，不經不覺便吃掉整份鍋貼。～生煎包(3隻）生煎包體積不大，但餡料充實多汁。生煎包的底部滿怖芝麻粒，香脆可口。～豆漿原來這店是用上了另一間受歡迎的

餐廳位於觀塘，新式大型商場之內，商場距離地鐵站路程只需要五分鐘左右，方便快捷，餐廳主打的就是正宗的中國菜，中國菜包羅萬有，包含了很多不同的食物，而我這天最喜愛的，當然就是他們招牌的擔擔麵。擔擔麵先從面質開始，他的麵真的做得不錯，入口口感一流，加上粗幼度適中，令整個湯底也可以掛在面上，滋味十足，但最重要的就是不痴牙，證明師傅的工價實在不錯另外通常帶點肉末他的肉末完全不肥膩肥瘦適中也是一個令我十分喜愛的原因而湯底方面快點花生醬的香味加上稀傑度適中這就是他的美味全源。

觀塘重建後全新裕民坊YM²開了好多新餐廳，今日專登去行。行了平台花園3樓，見到間食上海野，聽朋友講詠藜園集團開了這間「千歲擔擔麵」見全玻璃環境好光猛，空間舒適寬敞，入去幫襯先。餐牌都多選擇，我地點了🍽雞絲拉皮粉皮通透彈牙，勁多麻醬🤤好味😋詠藜園擔擔麪我地點了辣🌶湯底非常濃郁，花生味香濃，麵底沾上濃郁辣湯非常惹味😋楊家小籠包皮薄餡多，脹卜卜又多汁，啖啖肉。一口鍋貼哩度鍋貼比較细隻，皮薄，一口一隻，吃落唔油好香口。炸春卷炸到金黄色好香脆😋豆沙鍋餅熱辣辣煎到金黃色，豆沙蓉非常多，飯後甜品一定要點豆沙鍋餅🤤豆漿食上海野一定要飲豆漿先完美😊

未夠老江湖食過大磡村年代嘅詠藜園，只食過搬去蔡瀾美食坊嘅嘅擔擔麵版本，已至少係十年前嘅事，當時覺得不怎麼樣。到今日，緣份到了，自然又食到進化版——新裕民坊版本。大廳約15枱包括2、4、6人枱，正門右邊一間貴賓廳容納12人大枱一張。侍應姐姐個個都好快手，奉洗碗水、奉茶、上菜都火速，落單清楚。唔駛$40食番聲稱原版擔擔麵，同行食過大磡版本之長輩話已經好接近，只係當時湯會少啲但濃稠啲，新版湯就多啲、清啲冇咁重口味，啱番依家祟尚健康飲食要求。始終係佢地嘅擔擔麵花生醬味濃郁過其他舖，辣嘅程度係微辣。呢個價錢，麵底預咗細，大概兒童份量。好怕啲鯇魚類物體腥到喊，膽粗粗叫咗功夫燻魚，8塊兩隻食指並排咁大左右，甜甜脆脆，內裡軟熟，起勢夾完食完再夾。紅油抄手較得個汁底微甜，比辣擔擔麵稍辣，又係食到愛不釋手，如果加埋蔥花就更完美。上海粗炒椰菜肉絲粗麵條條分明，唔會有啲醬芡堆埋一舊舊。基本上上述連小籠包都食到照哂鏡。

平時行過YM SQUARE都係食燒肉，今次見有好多新餐廳開業，試左呢隻由老牌上海菜館詠黎園既新店。黎得詠黎園緊係要食擔擔麵，改良擔擔麵為傳統擔擔麵再加肉碎，擔擔湯底夠濃，充滿花生醬香，香濃帶微辣既湯底加上啖啖肉碎，配上幼麵食，忍唔住一啖接一啖食。黑松露瑤柱炒飯，為瑤柱蛋白炒飯再上加黑松露醬炒，食到淡淡既黑松露味以及一絲絲既瑤柱，調味略嫌淡左小小，加多小小松露醬更加惹味紅油抄手，用上菜肉雲吞，隻隻都啖啖肉，皮夠薄，紅油汁偏咸辣，撈上生蒜令粒粒雲吞都十分惹味。最後唔夠喉叫多左個炸饅頭，炸饅頭雖然看似普通，但炸得好都唔容易，坊間有多炸到個芯都油淋淋外皮又唔脆，呢碟就炸得好，外脆內軟，配埋煉奶食，一流！總結黎講餐廳食品味道幾好，環境似傳統上海菜館，如果想食上海菜又唔想食連鎖果幾間可以試下佢。

原來呢間有詠藜園擔擔麵，觀塘店夠大，而且窗口位仲望到出面花園，幾舒服。午市揀咗散叫。▶️詠藜園擔擔麵$39揀咗唔辣，麻醬味好香，有好多肉碎。鍾意佢嘅麵質爽爽地，有手拉風味。▶️楊家小籠包（4隻）$48小籠包新鮮蒸起，皮算薄，入面肉幾好食又juicy. ▶️一囗鍋貼 （5隻）$45細細件幾好，一啖食。煎得幾香口。▶️青菜豆腐湯$78呢個好多菜同豆腐，清清地可以飲下湯。▶️豆沙鍋餅$48好傳統嘅豆沙鍋餅，外皮金黃煎到脆脆地，豆沙餡夠多，甜甜的。另外堂食茶位收費每位$5。呢間餐廳都幾抵食，野食款式多。

周末下午茶叫咗擔擔面,小籠包,窩貼食物味道水準,覺得okay既簡單食物,我可以打8分既問題係一坐低就見張枱布好有歷史感未食野,張枱布已經目測污漕,就算當我食完野攪到張枱有湯汁,正常都唔會見張枱布有灰黑色.見隔离客人走,阿嬸就好努力咁抹枱布唔通塊枱布,開店抹到E家其實我都唔算有要求,甚至十年都唔寫食評但呢間衛生,真係有点嚇人