千歲擔擔麪

營業中

休息中

重建後的裕民坊形像時尚， 屋苑下層有商場 進駐了商店和食肆 ，真是一派新面貌。 今天朋友約在這裡平台的「千歲擔擔麵 」見面，我第一次來感到與從前大不同！ 這個平台環境優美，有花草樹木和噴水池。 這間「千歲擔擔麵」裝潢清雅，落地玻璃引入園景，坐下感覺怡神。不少 川滬風味菜式選擇～ 我們相量了片刻點了以下……紅燒豆腐 78元滬菜特色充滿啡啡醬油顏色，熱騰騰的鑊氣足夠 。筍爽口豆腐嫩滑滑的很滋味！東坡肉 88元這個經典的蘇杭名菜一定要嚐！非常趣緻的豬仔盛器！顏色漂亮，油光閃亮入囗即化，甘香肥美！採用了約三吋立方體狀，半肥半瘦的五花肉。待應代剪開四小件，吃過這一小件感到滿口餘香，十分滿足！楊家小龍包 48元皮簿肉餡嫩滑有汁！詠藜園擔擔麵(不辣)39元馳名老店的擔擔麵一定要試！醬汁濃濃， 充斥著蔥，花生和蒜的香氣，湯底鮮甜。麵條爽滑彈而不糊口，沾上醬汁更加惹味。很滿意這家店的菜式，招呼也很好，吃得舒服！

天氣唔係咁好就去咗屋企附近嘅呢間餐廳試吓😍門口擔擔麵不是很吸引🫣點知入到去叫咗幾多個餸有驚喜砂鍋雲吞雞✅個人評分真係好大兜我諗四個人先食得晒啲雞冇雪藏味，娃娃菜也夠味✅炸銀絲卷兒時的味道，幾好味，D油冇太大陣味，應該唔係千年油✅水煮牛肉呢個有少少失望，唔夠麻也不夠辣下次唔會過嚟試吓擔擔面，見到隔籬枱食都幾好味

去到裕民坊看巴士展覽，然後去到在3樓的千歲擔擔麪開餐。一時三刻不知道吃什麼好，於是到OpenRice參看一下其他食評，就決定就點選食家推介的那三款食物。先品嚐詠藜園擔擔麪。我這一款是不辣的，但由於仍然有香濃的花生醬、花生碎和其他調味，香口味道絕不遜色。擔擔麪細滑爽口，頗為彈牙，一試難忘。這是楊家小籠包，一籠四隻，大小剛好一口份量，方便食用。薄薄的外皮，包裹着具份量的鮮肉；內裏湯汁不算非常多，算是剛剛好的比例，能夠帶出肉質的鮮甜，然而不會令到小籠包內太過灼熱難以吞嚥。甜品是豆沙窩餅，一碟共有八片，鬆脆外皮包着甜度恰到好處的豆沙夾心，完美地完結了這一餐。

今日同媽咪去到裕民坊商場行街順便醫肚，發現3樓平台原來有好多唔同嘅餐廳，其中有一間「千歲擔擔麵」媽咪好鍾意食擔擔麵就入去試下，入到餐廳每張枱可以望到平台花園感覺好舒服😌餐牌上有套餐及散點選擇👍酸辣湯（一人份量）湯底酸辣度適中，材料好豐富，有黑木耳、荀、豬肉、鮮蝦同豆腐，新鮮爽口，好開胃👍詠藜園擔擔麫（不辣）麵底好幼細煙煙韌韌，湯底濃郁帶點花生香味。楊家小籠包小籠包熱辣辣蒸起，皮薄豬肉鮮甜又多湯汁，咬開鮮甜既湯汁即是流出，正！生煎包麵包皮軟綿綿，豬肉肥瘦適中帶點好香油脂，包底沾滿芝麻，好香又帶點微脆😋炸銀絲卷色澤炸至金黃色，处皮好香脆內裏好軟熟，沾上煉奶一齊食，食唔停口😋

下午去咗觀塘買野再搵食，新開裕民坊商場有幾層，而有個平台花園都餐廳選擇  就入去呢間食上海菜 。 這千歲擔擔麵原來是詠藜園分店      餐牌仲有好多選擇，好多都絕幾岩我食擔擔麵有着濃濃的麻香湯底我點了個唔辣   一條條麵條有好有質感，入口剛剛好咬口      非常香既花生味湯底，而且順滑美味     炸春卷 $39來到即時食入口仍好熱炸到黃金色好香脆口 入面食到一絲絲粉絲、蘿蔔絲   砂鍋雲吞雞半隻hk$148超熱又大鍋熱辣辣上枱，有非常多既湯、娃娃菜、粒雲吞、金華火腿絲 雞湯入口濃郁清甜，雞肉嫩滑，好吃到連湯飲埋雞湯入口濃郁清甜，仲一碗一碗連湯都飲埋   食完暖笠笠食完暖笠笠雲吞肉質嫩滑如果唔想唸都可以叫套餐架  楊家小籠包 hk$48元一籠有四隻，即叫即製來到熱辣辣  皮薄又滑，味道鮮甜 小籠包肉質嫩滑而餡中有熱湯汁同豬肉

今晚黎到觀塘哩個新商場，試左哩間食上海野既餐廳，見到佢個餐牌有碗好大碗嘅擔擔面，當然要試吓佢哋個招牌野啦，花生醬味好濃，肉碎帶啲麻辣，面條比較粉、另外試左個賽旁蟹，份量比較少，但佢又出奇地少油，值得一讚、另一個係糖醋魚塊，感覺比較似生炒排骨，味道都還可以既。

裕民坊開咗好多餐廳，我哋住附近成日過嚟食，今日試吓呢間千歲擔擔麵先。餐廳環境不錯， 出面就係平台花園，小朋友可以望住個噴水池食飯🤣。見到晚餐竟然仲有包點食，第一時間買咗生煎包同埋小籠包😙。生煎包（3隻）$39平時好鍾意食生煎包，包底煎到金黃色，十分香脆，仲鋪滿芝麻，食落好香！肉餡好大份，超多肉汁，一咬開肉汁流晒出黎，好食😋。 楊家小籠包(4隻)小籠包皮薄餡靚，肉質鮮美滋味😋。銀芽雞絲炒麫 $88炒麵香脆彈牙有鑊氣，份量正常，芊芊好鍾意食🤣🤣蔥爆牛肉 $88食蔥爆牛肉忍唔住要點多個白飯，牛肉爆得好香，滿滿嘅蔥香味，撈埋白飯一齊食十分正❤️

非常推介炸嘅銀絲卷！超級好味，好似炸饅頭咁嘅味😊水煮牛肉有點失望，一來佢唔辣嘅。二來有啲淡，肉都比較少呢個可以唔使叫😌😌😌酸辣土豆絲，不過不失啦好食的大千雞，好味！送白飯一流好香口👍👍👍👍會再黎，聽朋友講擔擔面都好食😋下次試

媽媽很喜歡詠藜園，我知道裕民坊這間係旗下的新品牌，就帶媽媽去食晚飯。看過餐牌並冇叫佢嘅招牌擔擔麵，反而叫咗其他菜式。大千雞有薑、蔥、蒜片、泡椒、川辣炒成的大千雞，最初只覺得味道微辣，後來便覺得有些辣，而雞肉都幾嫩滑。糖醋魚塊魚塊都頗大件，脆漿炸得薄，唔會油膩，裏面的魚肉厚身，但我必須要強調裏面的是魚肉，唔係魚柳，外邊的餐廳有啲會用魚柳，酸甜汁適中，青紅黃椒厚切爽口，洋蔥爽甜。楊家小籠包小籠包嘅皮雖然薄，但夾起來唔會散。不過我比較鍾意皮大塊啲包著細件的肉粒，這樣便可以喝到入邊嘅湯汁。這個我只係喝到好少湯汁，感覺唔夠喉。炸銀絲卷外脆內軟，味道微甜，點煉奶食更加正！我覺得餐廳環境都幾舒適，店員嘅服務態度不錯，價錢相宜，值得一試。

黎開觀塘玩, 路過見到詠藜園擔擔麵老公話想試下就入去啦但LUNCH 時間個埸無晒位諗住要等, 點知服務員比左間房我地咁有誠意無理由唔食2大1小叫左4樣野詠藜園擔擔麵 (唔辣), 食前又唔記得影相=.=個湯好香花生味, 麵底有小小肉碎, 麵有咬口, 整體唔錯糖醋魚塊, 個魚塊好夠熱同脆銀芽牛肉炒麵, 無咩特別, 但老公話好味最後黎嘅一口鍋貼， 又唔記得影細細隻， 皮唔太厚仲有啲肉汁係入面

疫情後，第一次和媽咪來到千歲擔擔麵吃午餐，心思思想食他們的擔擔麵坐下來看看餐牌，原來多了一人午市套餐可供選擇，午市套餐包括前菜、主菜、白飯及湯。我們叫了一個午市套餐，前菜叫了鎮江肴肉，主菜叫了銀芽炒鱔糊，另外再叫了過橋水餃、楊家小籠包、一口鍋貼，當然還有改良擔擔麵。鎮江肴肉：肉質有咬口，晶凝通透。銀芽炒鱔糊：鱔魚大大件，炒銀芽爽口，醬汁惹味。過橋水餃：肉質鮮味，調味獨特。楊家小籠包：入口熱騰騰，多汁甜美，點醋吃一流。一口鍋貼：皮薄餡靚，煎得香口，細細件一口可吃完。改良擔擔麵：麵條煙靭，湯底地道，吃出傳統承傳的味道雖然有點眼濶肚窄，越叫越多，但實在是太掛住他們的味道，吃完後，捧著滿滿的肚子回家去

係觀塘返左咁耐工，YM2 開左幾年了，真係第一次去呢度覓食！呢個商場有好多coffee shop, 小食店，不過我地想搵D可以sharing既野食，就揀左呢間川滬餐廳⭐上海粗炒濕潤唔會乾爭爭⭐調味咸度岩岩好❌食上海粗炒一定要配辣椒醬，但可惜辣椒醬淨係得咸⭐酸辣湯非常足料⭐酸辣度好平衡，越食越開胃⭐鍋貼皮夠薄❌鍋貼煎完都好白雪雪❌中間餡整舊都係肉，無D椰菜或其他野增加口感！❌煎到破皮，無咩肉汁，味道好單調整體黎講，呢間嘅炒野係更出色

YM Square有得食詠藜園擔擔麵🍜之前我哋仲特登走去黃大仙食，原來觀塘都有得食不過嚟到見到隔離枱嘅上海粗炒好吸引就即時轉軚上海粗炒一定要有齊椰菜、冬菇絲、豬肉絲先至最正宗粗麵係靈魂所在，口感好Q彈，每條麵都被醬油均勻地包住，有啲油光，食嘅時候唔會乾爭爭食得粗炒就唔可以怕肥膩～～⭐️不過碟辣椒醬就唔掂淨係得個「咸」字「酸辣湯」非常足料，好鍾意當中嘅木耳、豬紅、豆腐、冬菇‼️好有咬口，而且味道酸辣度好平均勁開胃❤️「干鍋福菜花」呢個勁好食，夠哂鑊氣真係強烈建議必食‼️

詠藜園喺觀塘裕民坊開咗新品牌，鍾意食擔擔麵嘅我哋，又點會錯過 詠藜園始於1947年，在鑽石山大磡村發跡，後來搬到黃埔和黃大仙。而千歲擔擔麵，主要承傳詠藜園擔擔麵的招牌，退休員工被邀為顧問，歲數加埋成千歲 嚟到梗係要食擔擔麵，發覺有詠藜園擔擔麵同改良擔擔麵之分，一問之下，原來改良擔擔麵面頭加咗肉碎。我哋都係食返詠藜園擔擔麵 $39擔擔麵可以揀辣同唔辣，我哋揀咗辣。熱騰騰的麵端上枱，湯底濃郁橙啡色，面餅一大半浸咗湯底，面頭清楚睇到一條條麵線， 麵條幼身，爽口彈牙，湯底有花生肉碎，非常掛麵。辣到恰到好處，如果唔係食肉獸，揀詠藜園擔擔麵就得了 手工肴肉 $88呢個功夫菜，工序繁複，晶瑩剔透的肴肉，味道層次分明，香，軟，滑，咸，鮮，嫩醉豬手 $85醉雞食得多，醉豬手真係好少食。豬手一小口，有好多仲係啖啖肉無骨，加埋酒香， 唔會有肥膩感叫多個清湯麵 $39湯底係榨菜加蝦米，麵質跟擔擔麵係一模一樣，湯底鹹香，另一種食法 生煎包（3隻）$39包底煎到金黃色，卜卜脆，鋪滿芝麻非常香口。肉汁鎖住喺包裏面，好味餐廳環境相當不錯， 望出去是平台花園，內裏裝修古色古香得嚟又帶點新派，還有一間私隱度極高的VIP房

好食在觀塘，留下足印必不小，80年代轉到今時，新舊交替多感慨，舊區變新區，懷舊担担麵，加肉肉，糖醋魚依舊啖啖入，加個豆腐香菜湯，傳統食法上海式，好味留影印，食得好開懷，回望昔日情懷。