千代鶴

營業中

休息中

銅鑼灣Sogo旁邊嘅澳門逸園中心有好多好嘅嘢食，今日我就去咗為於11樓新開嘅千代鶴食飯。餐廳除咗Omakase，仲有定食提供俾顧客，我就點咗鰻重定食。定食配有茶碗蒸、沙律、前菜、小食同埋麵豉湯。上定食前，餐廳先上前菜，光係賣相已經非常吸引。蟹籽沙律、胡麻醬菠菜、帆立貝裙邊同茶碗蒸都好好味。到咗重頭戲嘅鰻重，正如其他日式料理/日本食鰻魚飯一樣，一個錦盒的。打開錦盒，切開兩段嘅原條鰻魚就蓋喺飯嘅上面，鰻魚燒得非常香、非常靚。鰻魚入口香嫩肥美，米飯加上鰻魚汁、實在好食到停唔到口。

近排食得太多日式放題，轉一轉環境，一於约朋友搵間日本料理品嘗一下，朋友介紹左間，位於銅鑼灣澳門逸園中心11樓，名字好有日本feeI千代鶴料理，位置亦好方便，系Sogo隔離。 餐廳門口好簡約，室內環境清幽，燈光柔和，俾人有一種放鬆舒適感覺，將一天辛勞完全消除。坐底店員好有耐心地介紹左幾份套餐俾我哋參考。於是我哋分别點選左兩份套餐😍（一）北海丼套餐（二）炭燒極上牛舌套餐唔駛好耐，食物就送上來，首先就系北海丼套餐，包括日本小吃，茶碗蒸、三文魚咀軟骨、帶子群边、蟹籽沙律，主食亦好豐富，日本海膽、牡丹蝦、帆立貝、劍魚腩、八爪魚、蟹籽同三文魚籽加赤醋飯，非常豐富。😍北海丼餐，刺身肥美，水準亦很高水平，海膽鮮甜，牡丹蝦肉質彈牙鮮甜，劍魚腩亦新鮮甜美，至於赤醋飯，帶有小量醋香味，每粒飯都沾滿好香醋味，餐廳所用日本米，好有米香味👍另外一份炭燒極上牛舌配日本米飯，牛舌烤得好香，外邊脆香，肉質嫩滑，鹽香適中，用來送飯一流。整體嚟講，食物水準高和環境都十分舒適，好啱放工約三五朋友來，放鬆下心情品嘗美食，一樂也😉

舊同事請食飯，佢話想去試吓一間新開的日本餐廳「千代鶴」，位置在銅鑼灣Sogo附近，一聽有人請食好嘢，唔使考慮，就即刻即刻約食晚餐餐廳以和式裝修，有bar枱同普通餐枱，坐位闊落、舒適叫咗兩個套餐～北海丼，炭燒極上牛舌～每份套餐配有茶碗蒸、沙律、前菜、小食及麵豉湯茶碗蒸有菇、蟹柳、蒸蛋，加上上湯，入口滑滑，味道非常豐富冰頭漬三文魚嘴軟骨，薄薄半透明，酸酸甜甜，煙韌爽脆另外仲有帶子裙邊，醬汁味道，清甜爽彈，沙律十分新鮮開胃炭燒極上牛舌牛舌厚薄適中，口感除咗彈牙，仲帶有軟嫩，入口有香香炭燒味道北海丼日本海膽、牡丹蝦、帆立貝、劍魚腩、八爪魚、蟹籽、三文魚籽，加赤醋飯海膽味濃甘香牡丹蝦鮮甜脆彈帆立貝肉身肥厚，鮮爽帶甜劍魚腩肉質柔軟脂肪多，鮮甜而不油膩八爪魚、蟹籽、三文魚籽，多款鮮味匯聚，加赤醋飯一齊食，真係鮮味，滋味無窮

極上五點刺身盛SET配熱烏冬 $258朋友今日帶我嚟呢間高級日本料理，位於銅鑼灣鬧市樓上，環境及地理都不錯。我點了極上五點刺身盛。先來了頭盤，精緻擺盤及餐具，食物也顯得很用心.侍應好用心地每道菜介紹, 新鮮的沙律, 好香的蒸蛋, 內容足料, 每一個小盒子盛戴小食物, 每一個食物都十分精緻用心. 部分食材更很新奇, 第一次吃, 好味道,我點了極上五點刺身盛, 新鮮的魚生, 厚厚又大件, 超正！最後送上一碗熱烏冬，食完生冷嘅食吓個烏冬先，烏冬爽口彈牙，湯底味道濃郁。完結左豐富嘅一餐。

揀咗呢間餐廳為男友慶祝生日前菜有一碗蒸蛋 滑而淡香 另配一碗沙律 特別調味的魷魚 及一小碟芝麻醬配菜 它的造型是一條條豎起的菜組成 很喜歡哈哈 也很好吃 幾有心思我們叫了千鶴極上壽司二重盛套餐 及北海丼套餐 前者在相中見到已經十分吸引 很滿足 二重盛有兩層 一層壽司及一層刺身與生蠔 其中款式各不一 材料新鮮 一次過食咁多款刺身很滿足 生蠔很飽滿多汁 很好吃北海丼上面鋪滿了不同刺身 帆立貝刺身 海膽 魚子 八爪魚 鮑魚等等 份量十足最喜歡的是帆立貝與海膽 味道鮮甜 質感柔軟 刺身下面是啡啡的飯 味道偏淡 可能是不想蓋過刺身的味道吧 一整頓飯下來也挺飽的 原以為主吃刺身不會飽感動的是 因有事要遲 預約了一點九打算改時間 打電話溝通過後 才得知兩點半last order 三點便午市休息 很是擔心 餐廳説願意就一就 我們來得很晚 頗不好意思 本已作好取消的打算 沒想到餐廳仍然願意服務 延長了時間 亦沒有慛趕 而且過程非常有禮貌另外環境清靜闊落 氣氛舒適 近窗玻璃可以看到街外景色 服務也很周到整體用餐體驗不錯～

OpenRice話呢間餐廳前身係鮨和，我就冇食過，但係行開銅鑼灣，本身都想食日本野，見到澳門逸園中心樓下有人派傳單話有間新餐廳就想去望吓啦，又覺得餐牌幾吸引，環境又舒服所以入咗去。千鶴極上刺身壽司二重盛干瓢小卷即係甜冬瓜卷，好特別帶子壽司勁鮮甜甜蝦大隻火炙牛肉壽司好香牛味，燒過令佢油香味提升唔少。海膽壽司好鮮甜，份量都唔少。呢度服務都好好，見過茶杯半空就會斟茶，我同朋友坐吧枱可以睇到師傅整壽司，師傅仲幾靚仔🤣🤣都係一種享受。

銅鑼灣一向好多高質嘅日本餐廳，今日銅鑼灣行完街，又係搵野食既時候 見到新開左一間叫做千代鶴，咁就當然要試吓餐廳分咗bar枱同埋普通座位，我就緊係揀坐吧枱，因為可以睇下師傅整野食！我就叫咗個北海丼套餐，套餐包括左一份頭盤，有茶碗蒸，冰頭漬，沙律同埋蘿蔔絲！茶碗蒸既蛋都幾滑，冰頭漬味道酸甜清新！跟住就到主角北海丼，有磯煮鮑魚，油甘魚，帶子，赤身，吞拿魚腩蓉同埋海膽，刺身都大件厚切，質素幾高，同埋好少會有用鮑魚做丼飯既配料，都唔錯！下次可以帶埋朋友黎！

午市套餐送沙律小食茶碗蒸，好豐富呀 😊沙律：有三文魚，好fresh，蘿蔔唔會太酸，有少量柚子吊味；是日小食係三文然冰頭漬，即係三文魚頭軟骨，第一次食好特別，韌韌地有咬口。茶碗蒸好滑，食落都好juicy，又唔會浸晒咁。千鶴吞拿拖羅丼 $298有淮山粒鋪面，萬紅叢中一點白，好sharp呀 ：）口感爽爽地，連埋醃蘿蔔一齊送飯，口感更有層次。拖羅有兩款，中拖羅同赤身拖羅，分別都以片狀同粒狀上碟。中拖羅油香好重好甘甜；赤身拖羅脂肪少啲，肉質實淨啲。性價比好高，下次一定會再嚟架。

銅鑼灣格調日本菜✨從踏出升降機門口就覺得餐廳裝修很高級店員安排我們坐吧枱位置，能看著師傅準備料理。店員首先奉上前菜，前菜值得一提的是三文魚嘴刺身，這個在別的地方都未看過，三文魚嘴經過硽製，酸酸的又爽口很開胃💕茶碗蒸很香蛋味又滑嫩，菇和肉都好吃黑安格斯牛柳 配黑松露麵豉醬 $258牛柳油脂不多但肉味好香，表面的香草配合牛肉令牛肉香味更加昇華，黑松露麵豉醬好特別，香濃而不咸😋極上五點刺身盛 配熱烏冬 $258整體上刺身好新鮮，特別要讚的是油甘魚，油脂分布均勻，吃完油脂鮮味仍在口腔裏，加上wasabi 有清新的感覺，wasabi 不太嗆鼻，應該是新鮮山葵製成🤩整體來說晚餐不算太貴，但質素卻很高，一定會再光顧☺️

之前同女朋友嚟過呢棟大廈食野 撘life時見到呢間餐廳個名好型 就好奇search下係食咩嘅🤔先知原來都係食我最愛嘅日本野🙈 今日放工就一於同女朋友去試下先😏餐廳位置如我之前所講 真係好方便😂隔離就係巴士站同Sogo一上到去就係餐廳 門面簡約舒適👍🏻入到去環境清幽 配合柔和嘅音樂 喺到食野幾舒服☺️店員好快就介紹有咩食俾我哋🙈我地都對佢信心十足 就叫佢推薦嘅套餐俾我哋啦😂.唔駛等好耐 嘢食就嚟啦！•三文魚沙律🥗茶碗蒸🥚前菜🥒•-首先嚟嘅係套餐嘅前菜 沙律正常發揮 幾新鮮！仲配埋三文魚片 味道好夾👍🏻而茶碗蒸入邊仲加埋雞肉同埋香菇 蛋汁配埋肉汁 味道好豐富☺️另外仲去買兩款小菜 酸酸甜甜嘅蘿蔔 好開胃！•千鶴極上刺身壽司二重盛🍱•-先嚟嘅有呢個超滿足嘅盛盒！有幾款壽司加大Toro同水魷魚刺身！其中食到我嘩嘩聲嘅唔少得牡丹蝦魚籽壽司同大Toro刺身！😍😍•牡丹蝦魚籽壽司🍣•-呢個都算係絕配！肉質彈牙嘅牡丹蝦 加埋豐滿多汁嘅魚籽！食落口已經爆曬汁喺口 超豐富！🙈🙈•大Toro刺身🐟•-好肥美 好肥美同好肥美 重點要講三次！刺身肥美之餘仲幾新鮮 一咬就鬆開 果然真係入口即溶！🙈👍🏻.整體嚟講呢度食

今日朋友帶我黎呢間日本菜，裝修好高級，以為會好貴，點知原來都係$2xx一個set~價錢合理呀🤩-首先個set會跟茶碗蒸、沙律、前菜茶碗蒸超嫩滑🥰有啲本菇同雞肉係入面，簡單得黎都好滋味😋沙律有啲三文魚刺身，係我最愛呀😍有一碟仔硽蘿蔔，酸酸地好開胃-黑安格斯牛柳 配黑松露麵豉醬 $258牛柳中間仍是紅紅的，熟度大概是五成，剛剛好。牛肉油脂不多，但仍軟腍又有香濃肉味，黑松露麵豉醬超香💕又不太鹹配合牛肉好正👍🏻-極上五點刺身盛 配熱烏冬 $258刺身有海膽、帶子、油甘魚、吞拿魚赤身、牡丹蝦，全部都超新鮮鮮甜！！尤其是帶子😍，油甘魚油脂好香。配埋個熱烏冬好煙韌又軟，鏗魚湯好飲🥳

今日收早約左朋友去左佢公司附近食lunch，餐廳改左名叫「千代鶴」，好有日本🇯🇵feel既餐廳名！餐廳環境優雅，坐得十分舒服，店員幫我地倒杯熱茶，睇完menu我就叫左1個set: 午市定食配茶碗蒸（傳統日本小吃，蒸蛋口感細滑）、沙律（蔬菜🥬新鮮清嫩，配煙三文魚黃茄）、前菜（白蘿匐，十分爽脆）、小食（半透明三文魚魚咀軟骨第一次食，口感煙韌帶點爽脆，充滿新鮮感！）上壽司set 配日本海膽手卷、熱烏冬 $288: 擺盤充滿和式風味，每舊壽司飯都搓得十分均勻，牡丹蝦充滿甜味既蝦肉，細棉帶回爽甜口感；帶子肥美，充滿鮮甜味道；池魚質感鮮甜，油脂較多；另外和牛火炙壽司入口即溶，牛味十足，肉質最幼嫩；全部都係上等級壽司🍣；最後壓軸主角出場：海膽手卷，一咬落紫菜很爽脆，配搭海膽味道甘甜，質感細膩， 幾乎入口即溶，唔會感到腥及澀味，真係回味無窮！ 最後食埋碗熱烏冬，上面舖左蔥花粒，食完十分暖胃，最中意食滑lu lu 既烏冬，感覺好正！😋😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

我真係好鍾意食日本野，所以經常都會食唔同嘅日本餐廳，今次見到銅鑼灣新開左一間叫千代鶴既日本餐廳，就一於試下餐廳有bar枱位置選擇，亦都有普通座位，環境寧靜舒適今次就試下個極上刺身壽司二重奏set首先就上左左前菜盤，有茶碗蒸，冰頭漬，醃蘿蔔同沙律上菜既時候都好驚訝，因為有兩個大盒第一層係刺身，有赤蝦，油甘魚同埋小鯛，赤蝦好大隻好鮮味，另外兩款都大大件夠新鮮！第二層就係壽司，總共有6款+一款漬物小卷小卷，分別係拖羅，赤貝，赤身，帶子，伊佐目，金線鯛！有出面唔多食到既款式，壽司用既係赤醋飯，比普通壽司飯更香！鍾意食日本野既朋友可以黎試下

生日飯緊係要食好啲，男朋友特意揀左呢間新開既日本餐廳，帶我第一次試下omakase同埋午市套餐，日系環境令人感覺好舒服。先上枱既係千鶴極上刺身壽司盛，不單止外觀精緻，食物質素都好高，第一次試冰頭漬，三文鼻樑軟骨位，口感煙韌的好有嚼勁，配合酸酸甜甜的檸檬汁超醒胃，係我最喜歡的前菜，其次仲有麻醬沙律同燉蛋，燉蛋暖暖的而且好滑溜溜，跟住就有壽司同刺身盒上枱，全部都係師傅即叫即整，材料非常新鮮，壽司包括海膽、赤蝦、油甘魚、赤貝等等，最中意係赤蝦好爽口的質感同埋海膽真係超級鮮甜，放落口好濃郁既海膽味係令人想一試再試！飲品我地試左山崎梅酒，溝少少冰就易入口啲同時可以享受到散發出淡淡的酒香味。重頭戲Omakase有中吞拿魚腩壽司、柚子漬帶子刺身，飛機魚、牡丹蝦等，我最喜歡係佢個柚子帶子超新鮮既味道因為配左柚子，好香的柚子味令人更加難忘，仲有火炙中toro，燒一燒種油膩感出曬黎，入口即溶，特別自己好中意食火炙，食個啖真係覺得好幸福！師傅知道我生日仲送多件海膽壽司比我地，好窩心！

這星期到訪銅鑼灣Sogo 旁的 高級日本料理餐廳 -- 千代鶴。 無論是刺身、壽司 及各種日式料理均處於高水平。 即使是在高手處處的銅鑼灣，也難尋敵手。千代鶴位於軒尼詩道澳門逸園中心， 餐廳前身也是鮨店， 但上一手我沒有品嚐過，無意比較。 只知道餐廳仍然保留上一手簡潔的裝修和格局， 右邊是壽司吧左邊是餐檯區， 餐廳的後方也有餐檯區可以自成一角。 餐廳晚市有提供Omakase, 如果不吃刺身類也可以選擇 熟食版的Omakase。Welcome Drink 甫坐下, 店員先送上welcome drink， 作為這頓omakase 的序幕。日本長芋  即是日本淮山 ， 師傅在我面前把新鮮的淮山切成一件件 ， 淮山本身 味道清淡而含豐富的黏液， 但以山葵漬的淮山 ，口感除了像馬蹄般爽口外， 更帶有 山葵獨特的氣味，味道又提升了一個層次。小鯛壽司 鯛魚最為當造之時正是春天櫻花盛開之期， 所以師傅第一件壽司先是送上白身魚小鯛， 小鯛本身白裏透紅，肉質細嫩， 帶爽脆口感， 師傅掃上 豉油 後， 鮮味更是爆發。殼付白蝦天婦羅 這道菜基本上是個門用， 讓客人在等師傅握壽司時， 可以用作下酒用的