十十川滬料理 (已結業)

我哋購買嘅係套餐，除咗1開始恩勤招待幫倒茶之外，上嘅菜只有4樣野啱包括飲品，飯同2個前菜，味道係平淡，但體驗唔好。對於我哋反映嘅意見感受唔到處理問題嘅積極回應。

最近去了十十川滬料理，這是一家以上海料理為主的餐廳，讓我感到非常滿意。首先說說他們的小籠包，這裡的小籠包非常出色，特別是他們的黑松露小籠包，讓人驚艷。包子皮非常薄，餡料非常豐富，而且黑松露的味道非常濃郁，讓人回味無窮。接下來是牛肉乾鍋，這是一道非常特別的菜品，牛肉非常嫩，配料也非常豐富，味道非常好。另外，花雕醉雞和沙嗲牛肉卷餅也非常好吃，口感豐富，讓人驚艷。最後是甜點和飲料，他們的手工黑糖糍粑非常好吃，口感軟綿，而且味道非常香甜。冷泡洛神花茶和芒果百香果蘇打也非常好喝，非常清爽。

約咗表哥食晏，打算上朗豪坊嘅美食廣場，不過，上到去人頭湧湧，果然市面恢復番昔日繁華，再睇返啲定價，美食廣場內嘅餐廳一般都喺$60、$70一位，咁啱美食廣場側邊有一間「十十川滬料理」，有啲一人嘅午市套餐，計埋茶位加一，好似唔喺貴好多，但裏面望上去就舒服好多喎。入到嚟，唔止地方大，空間感十足，而且裝修都幾骨子，一室簡約明亮，有種小清新嘅感覺。最緊要喺無咁多人，唔似出面美食廣場咁擠擁，坐晌度可以舒舒服服慢慢嘆。頭先都講過，因為佢有啲一人套餐，睇落真喺幾抵，主食裏邊11揀1，小食10揀1，再加杯餐飲， 定價都喺$68-$88。雖然要收茶錢12蚊，又要加一，不過，最後我哋兩個人夾埋落樓都喺平均每人80多啲。 餐廳又喺用時下流行嘅二維碼落單，雖然，碌幾碌，菜式有好多嘢揀，包點、前菜、飯麵、酸菜水煮、蔬菜、原創粢飯、湯品、甜品、飲品……等等，但都喺一人午餐最划算。鎮江淆肉呢一度喺經典嘅上海冷盤，我自己本身都幾鍾意食，因為冰涼清爽，沾上鎮江醋添一份酸香感，而本身啲淆肉做得唔錯，豬蹄肉佔嘅比例多，凍膏部份口感柔滑。生煎包大多時都會嗌小籠包，但表哥就話想試試生煎包。細細個嘅生煎包幾的骰，煎得包底好脆口，包

一家三口去旺角行街，諗住去food court食嘢，不過見太多人又坐得唔舒服，見到food court隔離有間餐廳，唔使等位，於是就入去試吓～我哋叫咗午市套餐，有一個前菜，兩個主菜同埋包飲品～前菜：雞絲粉皮成個配搭好清新，我好鍾意川北涼粉第一次食呢種涼粉，好爽口，辣椒油好香，好有四川風味主菜1:生煎包個底脆卜卜，包軟，入面juicy， 好味小籠包熱辣辣，入面有好多湯汁，唔錯主菜2:椒鹽蝦配飯啲蒜粒加埋洋蔥，超香，超好味！送飯超好食！啲蝦有少少乾，整體都唔錯成都口水雞撈麵雞肉滑溜，味道唔錯，如果少油啲會更好，不過整體係好味既另外叫多咗一個雜菌水餃湯麵俾小朋友，唔錯，唔會太咸👍餐廳裝修新淨，有BB凳，坐得舒服，有機會黎試下晚市先👍

5點準時入座，場內只有一檯客人，坐低起碼過咗15分鐘都冇俾到茶水我哋，涼菜都上咗仲要自己提醒，坐到而家係未有茶水提供（場內至少見到三名員工走動）先至上咗壺茶。隔咗幾分鐘，又嚟多壺茶，見到檯面已經有一壺，員工自言自語之後轉身拎走。因同行屋企人胃口麻麻，於是叫咗三份主食加涼菜同甜品share。口味都係低於一般水平，特別系個酸菜魚湯面，面嘅口感好似嚼完嘅香口膠，真心想知煮面嘅師傅同老闆如果作為食客來試呢碗面會有咩評價？我哋三個人一起隔硬食都只系食咗一半（嗰晚宵夜仲要食杯面，都覺得比碗面好食好多👌）。仲諗住叫過第樣嘢試下，會唔會只系碗面唔得，最後屋企人個個都擰哂頭唔想再order其它。行去收銀埋單，張單冇計到訂座嘅8折優惠，好彩望多咗眼。明明入座之前職員已經對過電話同名確認咗…行過呢間餐廳好多次，都幾full場，講咗好多次搵日去試，見評語都幾好㗎，點解真係試到喇會有咁大落差，真～中～伏

喺foodcourt入面有個店面空間幾大嘅新式川菜，平時冇特登行入去都冇留意到😂成間湖水綠顏色，店面設計好年輕，為咗鍾意食川菜嘅男朋友，陪佢去試呢間😌招牌酸菜魚 小辣呢個碗好得意😂係冷鍋，無一直用火熱住，不過都唔會好凍，唔會有腥味! 呢個辣嘅程度我食得到，啲魚肉都好滑，味道麻辣麻辣，好開胃～排骨擔擔麵 呢款揀咗走辣，好香嘅花生擔擔醬味，好鍾意佢啲排骨係薄切，又脆又唔會太乾👍🏼口水雞 例牌例牌份量都唔細，呢款口水雞係偏甜少少，啲雞肉好滑，好好食🤭鮮肉小籠包 一放落口啲湯就爆出黎，餡料無肥豬肉，陳嘢食超正🤭我哋冇嗌嘢飲，本身冇人規定係要加茶位錢，配消滯嘅茶，好夾🤗位置寬躺好坐，又唔會大味，唔食得辣嘅朋友都可以試試😙😙😙

weekend搜尋香港辣嘅嘢食見到旺角朗豪坊food court果一層開咗間川菜，一於叫朋友一齊試吓睇吓好唔好食先午市都有二人套餐 啱晒我哋選擇困難症嘅人😂前菜揀兩款涼拌萵筍絲涼拌土豆絲兩樣都可以揀辣或者唔辣萵筍絲好爽口 土豆絲揀咗辣嘅出奇地好食😍追加左小食蔥油餅有少少掛住台灣嘅味道 正🤤主菜揀咗水煮魚-例牌中辣都唔會太辣 如果鍾意食辣嘅朋友可以叫大辣 麻香味十足👍🏻入面仲有我最鍾意食嘅寬粉另外一個主菜揀咗腩肉炒花菜菜炒得好有鑊氣 腩肉嘅油香滲左落菜到😍最後一個主菜黃金流沙小籠包反而呢一個就唔特別 都係普通小籠包嘅味道食食下見到隔籬枱叫咗個乾鍋超級香即刻忍唔住叫返一個辣鍋肥腸呢碟肥腸係我食過咁多間最好食嘅一間肥腸唔會炸到乾爭爭 又唔會過肥 恰到好處 加上有個熱鍋熱住 蔥油辣椒味都走晒出黎 最後食埋個甜品飽到上心口芋圓冰粉加上黑糖同花奶嘅味道大滿足❤️❤️❤️飲品方面叫咗芒果沙冰唔太甜冰粒都磨到好細👍🏻👍🏻

今晚同朋友去咗旺角行街，發現朗豪坊開左d唔同嘅食店，所以今次就去左十十川滬料理到食。1.辣子蝦上枱好大盤，做法同辣子雞差唔多，辣味足夠，再配上爽口彈牙嘅大蝦，食落真係好過癮。如果你鍾意辣嘢，呢個絕對係你嘅首選！2.金黃流沙小籠包個皮黃黃地色，加左咸蛋落去做，皮夠晒薄，食落口爆晒汁，每一口都好滿足！3.口水雞雞肉嫩滑，味道鮮美，再配上啲辣醬，真係好開胃。如果你食唔到太辣，中辣啲就剛好啦。4.水煮魚台灣麵麵條煮得恰到好處，唔會太軟亦唔會太硬，魚肉結實爽口，而且唔會腥，味道真係好好。5.雞湯娃娃菜最後嘅雞湯娃娃菜就係一個清淡口味，但係味道都好好。湯底滋味濃郁，菜嘅口感唔錯，真係一道好平衡嘅菜式。4.格林王柏高火鳥金裝啤酒如果你鍾意飲酒，記住要試下格林王柏高火鳥金裝啤酒，佢嘅味道非常獨特，令人難以忘懷整體黎講，食物質素高，真係值得一試

放假帶媽媽出巡食好西，早上食左好伏的茶樓早餐後，而家帶佢去試新嘢，唔知有無伏哦。原來食舖係美食廣場入面，裝修看上去還可以，坐得都算舒服。可能2點半呢個時間比較少人食川菜呢。來呢到當然要點個酸菜魚，計算我和媽媽兩個女人仔的胃口，我點了個酸菜魚一人餐另加小菜，因為食唔晒會罰錢，而且要有衣食呢川滬組合一人餐配上海幼麵+小籠包＄88元都算可以。因為不太吃到辣，酸菜魚揀左小辣，都算大碗，基本上可以吃飽我們2個女人仔湯味都濃，魚還算滑，麵身剛剛好不會太過軟。小籠包算係正常，不錯。雞絲粉皮基本上都係必點既菜式，不過粉皮好粗厚，唔好味，醬料唔夠餸又少，可以唔叫。吃飽見到有甜品，當然開啟另一個胃啦，黑糖椰汁芋圓冰粉，失望失色，唔知食緊咩，$45元我寧願過隔離食個好少少的甜品。

原來朗豪坊food court隔離有間咁正嘅川滬飯店，唔係聽朋友提起都完全唔知道，多朋友係有好處嘅，尤其係D為食嘅朋友仔，大家得閒交流下心得，推介啲好嘢食。點咗中辣的“椒麻雞”(例牌)價錢$68.0 ，雞肉都幾滑嫩嘅，中辣啱晒我今日個胃口，有個好嘅前菜，今天可以食多D嘢；“涼拌萵筍絲 "$58.0，人有我有，見隔離檯人人有一碟，唔係，係一大碗至啱，青脆可口，2個人都可以清晒。“炒花菜”，川式做法嘅熗炒(辣)，你唔食辣椒，其實唔太辣，絕對啱香港人口味，唔錯唔錯。“老壇酸菜魚台灣麵”，酸菜魚幾乎係人見人愛的食物，唔到100蚊的價錢咁大碗，好超值，魚肉無骨超级嫩滑好好味，台灣麵正常口味，還有牙菜，黃牙白，菇菇，當然唔少得酸菜，性價比極高。豆沙窩餅食得多，今次食嘅係“酥皮鳳梨奶黃窩餅”，據說係本店熱賣，落單即整嘅酥皮熱辣辣，够脆口，口感一流，奶黃有創意，再嗒到粒粒鳳梨，正“雜莓蘇打”和“芒果百香果蘇打”大大杯又解辣，亦都推介。

朗豪坊創新川菜🥕涼拌萵笋絲$58⭐️⭐️⭐️⭐️☆微酸得黎好香又好清新，萵笋絲十分水潤有纖維，而且十分爽口。🥕什錦小籠包$56⭐️⭐️⭐️⭐️⭐️綠色係酸菜魚，夠酸微辣，辣得黎好有層次，真係好香，魚肉夠嫩，第一次食甘特別既小籠包，好過癮。紅色係香辣味，好似香辣豬肉甘，不會太辣，係惹味既小籠包。黄色係黃金流沙。白色係原味。🥕香脆蝦肉雲吞$38⭐️⭐️⭐️⭐️☆蝦肉打成膠，再拌入左胡蘿蔔增加鮮味，再用新鮮雲吞皮包起，炸到十分香脆可口，再點上酸甜醬一流。🥕十十海鮮炒飯$128⭐️⭐️⭐️⭐️☆海鮮有鮑魚、蝦、蟹柳，炒飯炒到粒粒分明，而且有穫氣，不會太鹹不會太淡，整體幾好。🥕酥皮鳳梨奶黄窩餅$42⭐️⭐️⭐️⭐️⭐️酥皮夠香口，奶黄中包住好多鳳梨，甜甜地帶點微酸，食落就不會太膩又不會太甜，🐰忍5住一口氣就食左4塊。🥕芒果百香果梳打$42⭐️⭐️⭐️⭐️⭐️混合左少少芒果汁有少少微酸，百香果味突出清香，甜度適中，重點真係好大杯！🥕雜莓梳打$42⭐️⭐️⭐️⭐️⭐️感覺到有鹹檸同話梅，仲打碎d紅莓，飲落酸酸甜甜好正。茶位$12，店員服務有禮，需加一服務費，座位舒適寬敞，光線光亮。======詳情======十十川滬料理旺角亞皆老街8號朗豪坊4樓7號舖👣旺角站C

通關之後都沒出過旺角看看，這晚和老公去人流最多的朗豪坊逛逛，果然真的多了很人，走到四樓美食廣場想找吃的地方都不容易，終於被一個招牌吸引，望真一點原來是吃川滬菜，因餐廳面積頗大，還有很多坐位，於是進去試試。翻開餐牌有二人套餐及主打小籠包等，都一段時間沒吃川滬菜，頗有新鮮感。我倆最終還是選擇散叫，先來的是招牌菜什錦小籠包，鮮艷外型吸引之餘，内裏餡料及湯汁都十分可口。跟著來的是香脆鮮蝦雲吞，雲吞皮炸得鬆化爽脆之餘，蝦肉亦鮮甜彈牙。很久沒吃過滬式葱油餅，雖然號稱迷你，但實際並不迷你，把這四件吃完已有半點飽意。晚餐怎少得了蔬菜呢？這裡有一特別品種叫萵筍，於是叫了一客清炒萵筍絲，炒得非常爽甜。最後主菜叫了成都口水雞撈麵，麻辣味道適中，雞肉嫩滑，撈麵把麻辣味和雞肉味都吸進去，是這菜色的精髓。甜品是酥皮鳳梨奶黃窩餅，鬆軟外皮內含鳳梨奶黃，為這頓晚餐劃上完美句號。這頓晚餐總計才$420，已經把我倆吃得飽飽，實在非常口及引。

今日去旺角朗豪坊食十十川滬料理，餐廳地點非常便利，地鐵站上蓋，交通夠晒方便。餐廳名稱已經好明顯，係主打川滬菜。-椒麻雞呢個醬汁味道層次好豐富，辣中帶香，香中帶麻，雞肉好嫩滑，雞味濃郁，麻辣的醬汁更令人非常開胃。作為前菜實在出色。-香脆鮮蝦雲吞外皮夠脆，香口唔油膩，呢個炸雲吞皮薄多汁，裏面包着蝦肉，一口一隻，唔錯的小食。-十十三絲炒粉皮粉皮炒得非常入味，調味調配剛剛好，食得出粉皮炒得好夠鑊氣，整個餸菜一啲都唔油膩，輕微嘅醋酸味完全將整個粉皮味道大大提升。-雜錦小籠包有原味，麻辣，鹹蛋黃，酸菜魚四個味道。四款都做得好出色，比較有驚喜嘅係酸菜魚，入面真係有酸菜魚同埋金湯。而麻辣味道亦都平衡做得好好，唔會太辣，但係會食到麻辣嘅香氣。-評分 : 6/10

餐廳位於foodcourt同層，主打四川菜，自選辣度。淺藍色既格調舒服，餐牌種類多，由前菜到甜品都有多個選擇。雖然食唔到好辣，但每次食辣都好過癮，所以食物大多叫左小辣，或者唔辣既菜式。椒麻雞(例牌$68)，超香濃麻辣味，麻味較重。雞肉件件嫩滑唔‘鞋’，雞皮Q彈，唔會覺得肥膩。而雞件亦入味，小辣辣度剛好。底部有青瓜粒，新鮮爽口，凍食既雞塊好適合做開胃小菜。回鍋肉炒花菜，肉片煎炒香，肥瘦均勻，唔會炒到過老而難咬。而花菜爽脆，加入大蔥炒香，一碟餸菜既有肉亦有菜食。四川擔擔麵($58)，熱辣辣送上枱。花生湯底濃稠，麵條掛湯，麵身硬，所以唔會好易變軟之餘，口感亦提升。入面仲有d肉碎，就算揀唔辣，味道一樣濃郁。炸饅頭，外型吸引，就好似一把扇，得意打卡。新鮮出爐炸起即食，外層好脆，內裏軟，而且夠熱。配搭煉奶食，甜而不膩，就算單食/加奶，放耐左食，都保持到口感。酥皮鳳梨奶黃窩餅，煎完即食好鬆脆既外皮，鳳梨餡酸甜，內餡幼滑，而且每啖都食到鳳梨餡。整體，QR code落單，食物好快就送上，份量亦非常足夠。而侍應係有需要時先會過黎幫忙，唔會走黎走去，打擾你食野，讚。想食四川菜，尼間風格唔會大辣辣紅色。

朗豪坊有間滬菜係food court 個邊，今日叫左個晚市2人乾鍋套餐。可以簡2款前菜，叫左酸辣小木耳同埋涼拌土豆絲。都幾入味，同埋土豆絲都比較辣，幾昇胃。簡左什錦小籠包，有4款，有原味，香辣，流沙同酸菜魚味。都幾特別。流沙個款入面好重蛋黃味，而且小籠包入面好多肉汁，咬一啖已經流曬出黎! 平時都好鐘意食萵荀，就簡左清炒萵荀絲，好爽脆，又唔油膩。重頭戲係黑毛豬腩乾鍋，入面有薯條，萵荀，蓮藕，水晶粉同埋炸既支竹。全部都好入味，黑毛豬腩係薄片，肥瘦均勻。水晶粉好有咬口。今次叫左小辣，覺得辣度岩岩好，乾鍋好岩配飯。野飲叫左青蘋果梳打同埋芒果百香果梳打，好大杯，好抵飲。