十十川滬料理 (已結業)

起朗豪坊嘅food court隔離有一間係食川菜嘅，環境闊落，裝修都幾企理，最啱就係一家人去食，今次我就叫咗個晚市套餐～前菜係什錦涼菜係用唔同嘅蔬菜組成，例如有蓮藕，薯仔絲，蘿蔔，萵筍同雲耳，萵筍同蓮藕都好爽脆，而且食落都好開胃！椒麻雞 呢個係凍食既，雞好嫩滑，而且有少少辣咁好惹味！招牌老壇酸菜魚一上枱好大碟，要特別讚下啲魚，因為好鮮嫩，另外仲有好多唔同既配菜例如薯粉，菇等，材料10分豐富，而且唔會話好辣食唔到辣嘅人都可以試吓！紅油抄手什錦小籠包有四種唔同嘅味，例如有酸菜魚味，麻辣味等等出面比較少食到，所以都推薦！十十海鮮炒飯有蟹柳、帶子等等配料，好有鑊氣，炒飯都粒粒分明叫咗一個紅棗杞子嘅菊花茶，好清潤～最後梗係要食甜品酥皮鳳梨奶黃窩餅，鳳梨配上奶黃又幾夾，甜甜地，味道幾有驚喜！

今日星期日同屋企人行完旺角諗住去朗豪坊food court食晚飯見food court隔離有間川菜環境幾好又幾多人幫襯就改變主意入去試下進店時6點多 , 已接近座無虛席餐廳半開放式 , 傳統中菜結合現代裝修環境乾淨企理 , 座位寬敞舒適 , 店員頗為殷勤有禮餐牌亦見簡而精 , 有套餐等任均選擇落order時店員細心詢問其辣度落單後唔夠5分鐘就開始有野上枱椒麻雞(例牌) $68脂肪適中 , 雞皮爽滑雞肉有彈性 , 醬汁微辣麻辣中又不至於過辣掩蓋雞肉本身濃郁香口送飯一流什錦小籠包 $58內裡湯汁滿滿 , 皮薄餡靚 , 肉都算大大舊 , 4色分別 綠-酸菜魚湯  紅-香辣  黃-金黃流沙 原色 , 各有特色 , 尤其金黃流沙及酸菜魚味高度推薦老壇酸菜魚台灣麵 $98酸菜魚湯底不錯 , 魚肉份量不吝嗇 魚肉滑及起晒骨 , 酸菜味道正常 , 麵條索晒湯底精華 , 邊有得輸香脆鮮蝦雲吞 $38炸得非常香脆又香口 , 內餡蝦肉算新鮮奶油香脆蝴蝶包 $384大件 , 本身都有少少甜味 , 類似升級版的牛脷酥 , 加上練奶 , 味道倍增黑糖糍粑 $68四川傳統小吃 , 口感似糯米磁 , 軟糯甘甜爽口 ,

同朋友約食飯因為天氣凍特別想食下火鍋晚市90分鐘川滬1人前鍋物放題網上預購$218 及後到場比尾數$234記埋茶錢最後$250/1位比起一般任食晚市價相約但平了少許，食物款式唔多，但可以試到店內招牌。點了三款湯底，3個人意外的只提供2個鍋。湯底：滬式金湯雲吞雞 × 1老檀酸菜魚 × 1濃茄雜錦海鮮 × 1雲吞雞 煲本來已經細，仲要有唔少雞肉湯渣，雲吞滾咗一段時間都無爛，好意外。但我特別喜愛依個湯底比較清新冇其他湯重口味。酸菜魚湯味度幾好，對於唔多食辣嘅我嚟講有少少辣，但湯面有點油。濃茄雜錦海鮮，有養生感覺，湯底唔會似元素表，食得出真材實料。鍋本來唔大，分了2款湯更細，食物要等耐啲，本身湯底都有料可放食物唔多。火鍋料方面，我特別喜歡水晶寬粉。比較少出面食到，而且以川菜少辣為招牌的店食酸辣湯配水晶寬粉特別有風味。朋友喜歡食萵荀似青瓜但更乾身爽口。肉類 我哋點菜點肉食得好開心。始終3個女孩食得慢量又唔多。肉質雖然普通，但我哋都食得好過癮，火鍋湯底都幾好飲。丸類 。魚蛋普普通通無咩驚喜，魚皮餃因為唔係出名嘅牌子，唔及屋企食開的好食。皮厚又無咩鮮味。雲吞小巧可口，但未到一食再食嘅程度。燕餃試食了

今晚同老婆去旺角食飯，近近地地鐵站就去朗豪坊覓食，去到四樓行過呢間十十川滬料理，就比佢既晚市二人乾窩套餐吸引左入去！其實呢間餐廳散點都有好多選擇，但都係揀左套餐，雖然係寫二人套餐，但食物相當豐富，一定可以捧腹而歸！涼菜五揀二涼伴萵筍絲切到幼幼地好爽口，酸辣小木耳辣辣地好味之餘仲好開胃！雜錦小籠包四款四色既小籠包，黃色既餡係鹹蛋黃同埋豬肉，紅色係麻辣味既，綠色係酸菜魚湯，全部都皮薄多汁，必食之選主角係呢個黑毛豬腩肉鍋，有爐火保持熱力，配料有萵筍、蓮藕、薯條、水晶粉同埋支竹，香辣惹味，配料連蓮藕都入味，黑毛豬腩爽口唔肥，非常夠份量，而且仲有兩碗白飯加兩杯大大杯既飲品，性價比相當之高，下次搵夠四人食佢既四人套餐

十十川滬料理位於旺角，餐廳位置方便，裝修雅致有氣派，我最近同朋友去食咗一餐，覺得好好味😋😋😋今次嚟到嘅第一道菜係口水雞，雞肉香滑多汁，口感好彈牙，而且好味麻辣味，好過癮。之後就係什錦小籠包，一共有四款口味，係白黃紅綠四種顏色，小籠包皮薄，一咬落去裡面嘅湯汁係口中滿瀉，內裏嘅肉餡鮮嫩多汁。🙈🙈🙈再來就係清炒萵筍絲，用上新鮮的萵筍加上雜菇炒成，整道菜清甜得黎又解辣。最後就係十十海鮮大會，呢個湯鍋有鮑魚、蜆、大蝦、魷魚等海鮮，非常豐盛，全部都大隻又新鮮，而且湯底好鮮，好飲到想飲曬佢。🦐🦐🦐食飽後仲有甜品酥皮鳳梨奶黃窩餅，外皮酥脆，內裏嘅奶黃好香，加上鳳梨酸酸甜甜。總括依然，呢度食物好食，服務周到，會同朋友下次再黎食。🤩🤩🤩

同老公行朗豪坊行到攰攰地，去到美食廣場，見到有間食川滬菜餐廳，好似幾好，所以就揀左佢食晚飯。餐廳雖然食中式，但裝修比較西式，吹簡約風。燈光光猛，環境乾淨整齊，感覺舒服。餐牌都幾多嘢食，老公就點左前菜、小籠包、炒飯、咸點同甜品。雞絲粉皮：老公話份量算多，粉皮煙韌，青瓜爽口，配中式麻醬味道較濃，呢個前菜都幾好食。什錦小籠包：四隻顏色，四款口味。紅色係香辣味，辣辣地；綠色嘅係酸菜魚，味道真係酸菜魚味喎；白色真係原味，鮮肉味重；黃色係金黃流沙，好香鹹蛋黃；各款有創意同特色，出面未食過。十十海鮮炒飯：裡面有蟹柳，墨魚仔同河蝦。河蝦爽口，墨魚仔煙韌口感，炒飯炒到粒粒分明，唔會食到滿口油，加埋雞蛋炒好香，整體唔錯。迷你香脆蔥油餅：入口仲係熱，咬落去外面脆，口感實在，淡淡蔥味，又唔覺得好多油，幾飽肚。酥皮鳳梨奶黃鍋餅：一般食開紅豆味，但呢度用鳳梨奶黃做配料，幾創新，亦估到味道幾好。鳳梨奶黃味重，甜甜地又唔會話好甜，外層脆，裡面軟軟，食埋佢就滿足晒。

好耐都無嚟旺角行街，行到攰攰地諗去去朗豪坊搵間坐得舒服嘅餐廳食晚飯，諗住去4樓睇下有咩餐廳，發現嚟到完全唔同哂，除咗food court 外仲有唔少新餐廳進駐👏🏻因為同行友人掛念家鄉菜，我地最後揀咗「十十川滬料理」，食完之後除咗要捧住個肚走之外，友人都話口味正宗好好味添😆「十十川滬料理」係用QR code 落單既環保又方便，餐牌上有唔少選擇，前菜冷盤、川菜美食，點心小籠包等，我地見有個晚市二人乾鍋套餐都幾多野食，仲有埋飲品添，就二話不說下單了😎涼菜 - 五選二之中揀咗涼拌萵筍絲同酸辣小木耳，兩者都十分爽脆，前者只用上基本調味已經好清爽，後者微辣作開胃小食都不錯包點 - 可以係什錦小籠包同仙肉小籠包之中二選一，我地梗係揀有四色嘅什錦小籠包說咩都可以試到，又可以打卡，win-win 😆四色有酸辣魚、香辣、金黃流沙同原味鮮肉小籠包，有驚喜嘅係酸辣魚真係好特別，d湯汁真係好似食緊酸辣魚小菜 - 三揀一選了腩肉炒花菜🥦，份量都唔少，大量腩肉片同花菜，雖然用試辣椒乾嚟炒，但相對哩道菜嘅辣度係最低嘅😎腩肉同花菜都切特一口size 方便進食自選乾鍋 - 主菜就揀咗雞件，加上指家配菜有萵筍、蓮藕、薯條、

雖然我好重儀式感，但情人節食西餐真係擺明俾人呃錢💸估唔到除咗我哋兩個上海人👩🏼‍🤝‍👨🏾都有唔少情侶&老夫老妻同我哋一樣揀上海菜喎🤪我哋仲被安排坐一張情人節限定嘅二人特別位💁🏻”S1”好搞笑，張紙畫咗兩個❤️❤️Menu選擇唔算好多~諗住食得豐富啲又唔使諗就叫咗個<<晚市二人乾鍋套餐>>($488)涼菜嘅<<涼拌土豆絲>>同埋<<酸辣小木耳>>細細份，開吓胃就好😊前者係輕微嘅麻辣，男朋友唔食得辣都食到👌🏻後者就我覺得醋味勁咗少少! 有啲酸🤏🏻小菜揀<<清炒萵筍絲>>真係好明智💚幼細嘅萵筍絲咬落好爽口鮮甜~加咗少少本菇增加唔同嘅口感!係食到臨尾見到好多油就驚咗啲😅<<仙肉小籠包>>有驚喜👏🏻皮薄多汁好juicy! 原汁原味啖啖肉! 好味到想食晒四隻🤭<<自選乾鍋>>好大盆!用個火爐㷫住都好打卡-able不過張檯細啲都搞唔掂😅根本冇咁多位擺咁多嘢食…揀咗唔辣嘅version去就我個B仔🥰💁🏻‍♂️香蒜蔥爆都

叫午餐外賣，等咗30分鐘，員工再叫我等等。我問他是否漏單，完全係避而不談，我再等咗15分鐘，都係仍然未有，我話不如取消張單。員工話製作中，我最後足足等左55分鐘先有外賣，但係一句歉意都沒有。

今日約咗一個好鍾意食辣嘅朋友去呢間喺朗豪坊嘅川菜食飯～餐廳環境幾闊落同開揚添，又有植物裝飾👍🏻睇完餐牌覺得二人餐性價比十分之高，一於叫嚟試下分別有兩個小食 - 涼拌蘿蔔粒、蓮藕片 幾鍾意佢切嘅大細容易入口，而且仲酸酸甜甜非常開胃消油膩～涼拌蓮藕片上面加左啲芝麻，食落口相當爽口亦有好香芝麻味😆整體以上兩個小食作為前菜 相當開胃❤️雜錦小籠包小籠包有四種唔同味道，分別係原味、香辣、酸菜魚、 金黃流沙小籠包～小籠包粒粒都好爆汁月同熱辣辣！鍾意食辣嘅人建議試酸菜魚同香辣呢兩款小籠包，好特別又好好食🤤🤤腩肉炒菜一上菜賣相已經好吸引，而食落驚喜地覺得調味調得好好！啲辣椒味唔會搶咗肉同菜嘅味道，同時又帶出到微微麻辣味，送飯一流❤️❤️乾炒雞煲 (小辣小麻) + 2碗白飯一上菜覺得份量相當之多😆入邊除左雞之外都有好多配菜，例如蓮藕粉、薯條、腐皮、蓮藕片、辣椒八角等等～餐廳仲會好貼心咁準備咗火爐仔，令到菜式保溫👍🏻👍🏻可以熱辣辣咁食～配埋一個白飯開胃又飽肚雜莓梳打 & 芒果百香果梳打兩杯梳打味道唔錯，正正常常～主要係好大杯🤣解辣一流整體餐廳環境好唔錯，坐得舒服嘢食又唔差，下次會再嚟食😝

呢日約咗幾個朋友食飯朋友帶我嚟食十十平時都唔係好為意朗豪坊有個food court而十十更加係走簡約風 用木為主嘅裝修風格勁靚要咗4人套餐有酸菜魚又有涼菜小食 一次過滿足晒所有人嘅願望一坐低先飲杯米茶 清甜解渴什錦涼菜顏色好靚好吸睛蘿蔔、萵筍、蓮藕、薯仔、木耳款款都好好食 酸酸地好開胃什錦小籠包又係七彩繽紛紅色嘅少少微辣綠色嘅係酸菜魚口味好特別 入面唔係肉而係酸菜魚黃色嘅係蟹粉 好香票味都好正 餡料十足紅油抄手辣度適中 皮薄餡靚椒麻雞半隻又係好惹味 半隻都好多除咗雞翼都係冇骨嘅 正！十十海鮮炒飯有鮑魚、蝦、蟹柳炒飯炒得粒粒分明招牌老壇酸菜魚份量超級大 一上枱個個都嘩嘩聲魚肉好多好嫩滑 辣度要咗小辣 剛剛好入面仲有好多配菜酸菜、菇、萵筍、薯粉、芽菜食完已經超級飽但一定要食埋甜品酥皮鳳梨奶皇窩餅好特別 鳳梨酸酸甜甜 加埋奶黃綿滑飯皮煎得香脆Perfect ending

今日嚟到朗豪坊行街，搵到呢間係food court入邊嘅川菜一試！佢呢到座位好多都幾濶落，坐得舒適！前菜涼拌萵筍絲爽口開胃，椒麻雞有川菜特色風味，麻麻香辣，雞肉嫩滑，啲辣香係越食越開胃！老壇酸菜魚台灣麵，呢一碗面嘅份量十分之多，足夠兩個人一齊分享，而且魚肉嘅份量都唔少，食得出啲魚肉非常新鮮，一啲都唔鞋，好夠酸好夠麻，呢個超讚！雜錦小籠包都好出色，除咗原味之外仲有三款佢哋獨創嘅，有香辣小籠包，好夠辣香，酸菜魚小籠包，酸菜魚嘅湯汁配埋食更上一層樓，仲有個就係金黃流沙小籠包，呢個好夠咸香，全部都好特別，絕對要試一試，另外我哋仲有點佢哋嘅炸雲吞，呢個不過不失，同埋有試蝴蝶脆餅，同炸鏝頭一樣！最後佢哋嘅甜品都好值得一試，就係呢個酥皮鳳梨奶黃窩餅！呢個真係好足料，鳳梨奶黃嘅配搭一流，又夠酥又有蛋香奶香！

一開頭係比Foodie相吸引去去到當日就話冇串串食，但因為OpenRice已經俾咗錢，都唯有食原意係想食川味同串串，冇咗串串，起碼至少歌川味邊爐都好我哋嗌咗鴛鴦鍋，好後悔，因為入邊嘅料係減一半，入場嘅時候侍應建議我哋兩個合埋一個，其實係可以分開另外餐牌上面好多嘢都sold out食物味道正常，甜品完全唔推薦就算佢冇Sold Out，有返串串都唔會再去

同個friend出嚟食晏想食小籠包search完之後揀咗呢間。入到去一開始經理帶位都還可以 ，但店員上茶時佢完全係冇留意到冇茶杯，上完就算！落單係要跟掃QRcode自行落單，同個friend一人一個午市套餐另加一籠流心小籠包，一開始個friend點嘅套餐連甜品好快上枱，有少少打個突心諗:正餐都未食甜品上埋？用餐時間90分鐘喎？唔係咁催人呀？ 但到自己嘅水煮牛肉上枱食到一半個生煎包都仲未嚟，同店員講第一次個理由係"因為要蒸完再煎所以制作需時，再過多十五分鐘碗牛肉麵都食完，整個生煎包真的需要前前後後用四十多分鐘嗎？食嘢期間留意到三個店員兩男一女，女嘅不斷吹水，每次舉手叫佢哋都要嗌兩次先有回應， 男嘅混混噩噩發夢咁。要自行出櫃面埋單，諗住係跟手機落單處見到嘅價錢付款，所以攞咗齊頭數目畀經理就走了，結果個friend畀人嗌住咗，原來畀少咗錢冇計到加一服務費，咁點解張單唔一開始就寫埋要加一呢？咁算唔算誤導消費者？"加一服務費"呢個文化有時真係畀得好唔甘心 ！

朋友行街經過朗豪坊見到呢間川菜，之前都食過一次，印象中質素唔錯😆所以今次二話不說就入咗去食晚餐，今次叫咗個乾鍋二人餐～🥔涼拌土豆絲🥗涼拌萵筍絲呢兩款小食都係用蔬菜絲做基底，分別用咗麻辣同埋麻油調味，細細份都幾開胃雜錦小籠包 個人覺得四款小籠包排名分別係💁🏻‍♀️酸菜魚小籠包➡️黃金流沙小籠包➡️香辣/原味小籠包黑毛豬腩乾鍋 黑毛豬腩肉好爽口，今次揀咗香蒜蔥爆，味道都好惹味😆配菜方面有水晶粉、薯條、萵筍同埋蓮藕，整體材料同埋口感都好豐富🧃青蘋果梳打🍹芒果百香果梳打初初睇餐牌嘅時候覺得價錢略貴，點知上枱嘅時候發現個size其實同外面手搖有品差唔多大，超級大杯🤣兩個女仔其實share都足夠