十十川滬料理 (已結業)

夜晚係朗豪坊經過呢間川滬菜餐廳，見到推出左晚巿二人乾鍋套餐就入左去試，質素幾高涼伴萵筍絲首先涼菜可以5選2，第一款揀左必食嘅涼伴萵筍絲，萵筍咬落爽口，切到條條分明容易夾，食落有淡淡嘅麻油味，唔會太重口味涼伴蘿蔔粒同樣都屬於爽口，味道偏酸好開胃，出面嘅酸蘿蔔通常只有白蘿蔔，呢度有埋紅蘿蔔幾特別，相對白蘿蔔多份甜味～什錦小籠包包點揀左什錦小籠包，一次過試曬4款口味過口癮，包括好出名嘅金黃流沙、酸菜魚湯、香辣同鮮肉味，皮同餡料都做得幾好，小籠包皮夠韌唔會一夾就散，所以可以原粒放落口，然後咬落去啲肉汁爆曬出離勁juicy，不過個人最中意鮮肉味，食到肉嘅原汁原味腩肉炒花菜小菜3選1，呢款腩肉炒花菜好有鑊氣，腩肉片仲有少少脆，脂肪比例唔算太多唔會好肥，而椰菜花因為炒到微焦所以更加香口，雖然用油但都唔會覺得太油膩雞乾鍋主打自選乾鍋，揀左雞肉，一上枱見到咁大份有啲嚇親🤣配料非常豐富，有雞肉、萵筍、大大塊蓮藕片、薯條、水晶粉、炸支竹etc 首先雞肉食落都幾有驚喜，有啲似咕嚕肉嘅質感唔係普通雞肉/白切，而其他配都好入味，最出色係水晶粉，每條都沾到醬料所以唔會痴埋一舊，仲keep到彈牙～ 餐會跟埋兩碗白飯，

好耐冇嚟朗豪坊，行完之後去4樓food court搵嘢食。見到呢間十十川滬料理，俾個名吸入左入去試一試。店內裝修光猛，空間尚算寬敞，坐得舒服。餐牌選擇多，有多種上海菜同四川菜食品選擇。由於唔想諗嘅關係，就叫咗一個乾鍋二人餐，有酸辣小木耳、涼拌萵筍絲、雜錦小籠包、清炒萵筍絲、乾雞窩、青蘋果梳打同埋一杯芒果百香果梳打。首先嚟嘅係兩味前菜：酸辣小木耳同埋涼拌萵筍絲。木耳酸度剛好，開胃一流。萵筍絲充滿麻油味，十分爽甜。跟住係雜錦小籠包。有四隻顏色，唔代表四隻唔同口味嘅小籠包。原味小籠包肉汁鮮甜，豬肉甘香。綠色嘅係酸菜魚小籠包，的確有食酸菜魚嘅感覺，係比較新鮮嘅體驗。紅色嘅係酸辣小籠包， 餡料有加咗蕃茄嘅豬肉，食落開胃。仲有就係金黃流沙小籠包，肉湯的鹹蛋黃既香味。跟住嚟嘅係清炒萵筍絲。上枱熱辣辣，加上麻油同埋菇類，好食到唔停得口。重頭戲就係乾雞喎。嚟嘅時候真係嚇一跳，首先係份量好多，除咗雞件外，仲有蓮藕片、薯粉、辣椒、波浪薯條同埋萵筍件等等。叫咗走麻，雞件入味，就算雞胸都好滑。蓮藕片同埋薯條朔晒辣汁，食落好過癮，而整個鍋辣度剛剛好。食辣嘢嘅同時，老婆就飲一杯青蘋果梳打，淡淡的蘋果味加上多氣嘅梳打

見到open rice有套餐優惠卷，不過要提早買同通知店家，唯有下次試。之前食過一次，覺得地點方便，餐廳環境坐得舒服 ，菜式適合我家長輩，味道全部都唔錯，會再幫襯。屋企同友人最鐘意腩肉炒西蘭花，酸菜魚份量同味道都令人滿意。

係旺角朗豪坊睇完戲，睇吓有咩好食先。行到food court 果層見到有間川滬料理。睇吓餐牌見到啲小籠包款式好特別，一於入去食番餐先。餐廳裝修自然舒適好relax。什錦小籠包有四種味道酸菜魚湯、香辣、鮮肉、金黃流沙我最愛酸菜魚咬一啖真係好似食緊酸菜魚既味道好食呀！香辣味食落有少少辣可以接受到，仲有香辣味唔錯。雜菌水餃湯面大大粒水餃真係皮薄餡靚足料好食😋湯麵配埋啲雜菌夠哂健康。老壇四川樟茶鴨（半隻）樟茶鴨好香茶葉煙燻味表皮好脆口，食落啲肉好鮮嫩好有鴨味😋香脆蝦肉雲吞新鮮炸起脆卜卜啖啖蝦肉配埋個甜酸醬好好味😋迷你香脆蔥油餅細細個唔怕會好油膩香脆既蔥油味食落好鬆化。酥皮鳳梨奶黃窩餅呢個窩餅絕對有驚喜酥皮又薄又脆加埋裡面啲鳳梨奶黃餡真係好出色😋😋😋

一直想試呢間，見今日得閒試下，一坐低見食飯時間都勁多吉位，心知不妙，不過黎到就既管試下佢火鍋，點知一食，湯冇味，鴨血唔似鴨血，食物質素一般，醉雞真係淨係用酒浸，完全冇調味，出名小籠包😵‍💫好多地方好食過佢，可以講係唔合格，難怪食飯時間都冇人。真係一路食一跌鬧，仲要成2百幾蚊，食物選擇又少，皮蛋仲要係‘喇’口既，冇下次……..……………………………………………………………………………….

今日老公收早，收工後拍拍拖🥶由公司行去旺角近近地開飯～十十川滬之前朗豪坊冇見過，睇左menu 有d特式菜式一於試吓🤩餐廳環境都大，而且枱同枱之間都濶落🤓由於時間尚早，可以即刻入👍坐底見到套餐具都好醒神❤️雲石紋❤️靚😍睇左menu 揀左幾款特式菜試吓～清炒土豆絲 $78土豆絲清甜，爽口，老公第一次試都話好食川味牛肉炒飯 $98炒飯一粒粒乾身，飯底唔錯，少少辣，比較惹味👍奶油香脆蝴蝶包 $38蝴蝶型，包包比饅頭薄同脆身，口感唔錯！值得一試👍什錦小蘢包 $48有原味小籠包，黃金流金小籠包，麻辣小籠包，酸菜肉小籠包～喜歡特色野嘅你可以試試～酥皮鳳梨奶黃窩餅 $58酥皮鳳梨奶黃窩餅第一次見，值得推介，內𥚃有冇鳳梨肉，多層口感，窩餅熱辣辣又鬆脆

同朋友肚餓嚟喺朗豪坊睇吓有咩食，見到有間新川菜，所以諗住試吓，叫咗個涼拌萵筍同埋水煮牛肉。個涼拌萵筍，就正正常常不過不失，麻油味好重，萵筍算係清脆新鮮。但係個水煮牛肉就勁難食，我哋仲加咗寬粉。啲寬粉好似未熟咁樣又黐埋一舊，同埋佢比平時見開嘅寬粉更加幼細少少，啲牛肉仲要有浸怪味，嗰一浸牛腥味，食到我爭啲嘔🤮🤮 平時食嗰啲平嘅肥牛都唔見有呢浸味，我諗佢真係好唔新鮮🤢🤢🤢係得入邊嘅芽菜係正常嘅😅下次唔會再嚟食，其實川菜有好多選擇，呢間嘅水煮牛肉 真係我食過最難食嘅。佢除咗要加服務費之外 仲要加茶錢 但係勁難食唔值得嚟食 旺角有更加好食嘅嘢 真心！

呢間餐廳之前食過，現在補番食評。朗豪坊好多餐廳選擇，估唔到係food court 呢層有間特色川滬菜餐廳，見到仲有任食放題添，呢日我就試左午餐。午餐menu 有三個價錢，午餐包一款前菜，兩款主菜同飲品。而每樣食物都有好幾款選擇，我揀左麻辣小木耳，鍋貼x2同埋老壇酸菜魚台灣麵。酸菜魚湯底好好飲，好濃厚，比想像中辣，好岩我，魚好滑，份量都多，酸菜都好好食，吾會太咸。麵的份量都好足夠，加埋前菜同鍋貼，一個女仔食係好飽，好滿足的一餐😋

見有coupon 好似唔駛200蚊一位就同朋友嚟試下一人一鍋 可以試唔同湯都幾好揀左酸辣同胡椒豬肚 湯底唔濃 淡淡哋Scan code落單唔知係咪下午茶時間，選擇唔多連最想食嘅黃喉都話售罄嚟緊食物嗰陣多口問下店員係咪冇黃喉佢話幫我問問 隔左陣 佢拎住碟黃喉出嚟 話食住先好開心 最鍾意食 好彩多口問下唔知係咪冇咩貨 所以系統冇得揀飲品有豆漿，蜂蜜綠茶同楊枝甘露沙冰沙冰都唔錯但好似冇無糖飲品,除左俾茶芥嘅茶最期待係小籠包任食 正呀但原來得原味連金黃流沙都冇 少失望不過都好味嘅又即蒸食物選擇唔多 亦唔算好味 湯底亦唔吸引雖然唔貴但唔會再食

在影片分享網站 睇到介紹嚟試吓，一行三人中午試吓個火鍋，坐低QR code落單，影片分享網站內推介的幾款必食的，蟹粉小籠包，冰粉豆漿，珍珠豆漿，擔擔面…全部係無嘅…售馨…欠奉😡😡😡首先嚟咗個普通的小籠包，味道正常，之後再叫一轉，肉是霉霉淋淋，怪味的，唔敢再食😢😢😢湯底叫左酸菜魚，同雲吞雞兩款，味道普通過普通，再嚟睇吓任食嘅食物，款式唔多選擇，牛肉上到檯，無擺盆都算，那些牛肉，我在街市見到都唔會買，菜蔬嘅款式仲小得離譜，只有津白似係菜，唔係卦….拜托唔好寫得就寫，噏得就噏，信一次就中伏😡😡

今日同朋友又到旺角搵野食睇到有不少人介紹朗豪坊的十十川滬料理 就入黎搵位食飯位置寬敞 好適合聚會傾計口水雞一上枱已經聞到好香的辣油椒香味雞肉好滑 雞脾肉多 又夠味又夠辣配上D花生碎好有咬口非常推介滑滑雞脾肉什錦小籠包好有趣的小籠包麻辣 原味 酸菜魚 黃金流沙 有四種味道好豐富 又新奇發菜蠔豉豆苗湯岩岩食左D濃味食物 配返個清清地的湯好夾豆苗好嫩 發菜蠔豉都好足料湯底有鮮味炸雲吞香口野就係我最愛外皮又薄又碎 加上酸辣醬超級好食啦十十三絲炒粉皮第一次食炒粉皮好有口感 酸酸地辣辣地 十分開胃簡單用肉絲同椒絲已經配搭出好正的菜式正今次食左新春菜單 $688 (2人) 每人都係3百幾食到唔少款式都幾抵食

今日喺朗豪坊行完街，俾我發現一間唔錯嘅川菜餐廳，要介紹吓俾大家。餐廳位於朗豪坊food court果一層，門面有啲難睇到，比我同朋友誤打誤撞入咗去食晚餐，又幾有驚喜。餐廳每一日都會做唔同主菜嘅半價優惠，如果啱食都幾抵食。點咗個前菜萵筍絲，雖然係清炒，但係都好惹味，做前菜一流。例牌口水雞，雞肉十分滑溜，冇太多骨，而且例牌其實都幾大碟，幾抵食。主菜點左辣子雞，雞肉雖然有炸過，但唔會揸到乾爭爭，或令到雞肉鞋颯颯。落咗好多辣椒同配料，食落非常惹味，仲有蠟燭熱住，唔會好快涼咗。另外香辣小籠包都幾特別，入邊用咗麻辣嘅餡料。最後要讚吓佢嘅養生，合桃酒釀丸子，平時川菜甜品都會食糍粑，但黎依家一定要食合桃酒釀丸子，識落非常清甜，有少少甜酒味道，食完麻辣再食呢個甜品一流！

今晚想嚐嚐川滬特色小菜📍十十川滬料理旺角朗豪坊4樓7號舖-酸菜魚湯小龍包第一次見到綠色皮嘅小籠包 小籠包挺身結實湯汁特別多 食落酸酸地咁 餡料有魚肉 的確幾特別-椒麻雞(例牌)大辣雞肉不夠嫰滑 口感和醬汁仍有進步空間-清炒萵筍絲新鮮翠綠美味 口感爽脆-招牌老壇酸菜魚(例牌)中辣多麻鋪滿魚肉 魚無骨無腥味 魚肉嫰滑加咗寬粉條配酸菜魚湯一流-酸菜肥腸鴨血台灣麵(大辣轉米線)夠辣夠酸 但湯底啲鹽太重手 過份咸咸到啲米線都無乜點食…茶位費 位位$12🌟 整體用餐體驗🌟老壇酸菜魚及酸菜魚小籠包較出色 職員友善 環境舒適寬敞

一向都喜歡食川菜，剛好下班約了朋友到朗豪坊吃飯，看到有新春套餐，就試了一下。餐廳在food court 裡面，有獨立的空間，環境舒適，優雅。我們要了「十十迎春套餐」，二位用餐送兩杯飲品，很划算。⭐️涼菜金雞報喜-口水雞醬料香濃，麻香足夠，雞肉嫩滑。⭐️前菜包羅萬有-什錦小籠包麻辣 原味 酸菜魚 黃金流沙 四味肉鮮多汁，顏色鮮艷，打卡一流。⭐️小菜迎春接福-清炒萵筍絲萵筍絲爽脆清新，份量很多。⭐️主菜鴻運當頭-十十水煮海鮮很大一鍋，足夠兩人食用，用料新鮮，鮑魚煮到剛巧，不會老。還有蝦、蜆、魚、薯粉、芽菜、娃娃菜等配菜。⭐️甜品黃金滿地還是酥皮鳳梨奶黃窩餅窩餅很新鮮熱辣辣的吃很好味，還吃到淡淡的菠蘿肉，不會太甜膩，香脆軟糯。

臨近過年，梗係要搵啲中菜食下係間位於朗豪坊嘅新式食四川野嘅舖頭裝修光猛，空間感大最適合一大班人聚餐係新年期間都會有返套餐選擇啱晒啲有選擇困難症嘅朋友金雞報喜（口水雞）肉質都幾嫩口個醬辣得來仲有好重嘅花生醬味鍾意重度花生嘅朋友，一定唔可以錯過盤滿缽滿（十十海鮮大會）入邊嘅海鮮勁足料海鮮亦都鮮甜彈牙喺最底亦都會有薯粉同芽菜做個底望落咁紅好似好辣，但係可以因應自己嘅口味調教返個辣度包羅萬有（雜錦小籠包）賣相一流，有酸菜魚湯味，香辣，鮮肉同埋黃金流沙入邊嘅用了非常足料一咬啲汁已經爆曬出嚟啲味道都出奇地夾花開富貴（炒花菜）炒得都幾香口口感爽口黃金滿地（酥皮鳳梨奶黃烤餅）熱住上真係超香鬆脆嘅酥皮包住甜甜嘅鳳梨奶黃餡將成餐飯嘅味道同口感，最後拉返個平衡成餐飯都勁好意頭新嘅一年，一定會越嚟越好