十十川滬料理 (已結業)

知道朗豪坊有間食fusion川菜既餐廳，專登帶媽媽黎食下小籠包！餐廳係朗豪坊既food court隔離，好易搵到座位好闊落，坐得好舒服！媽媽都大讚！前菜我地就嗌左涼拌萵荀絲，酸酸辣辣，好惹味，而萵荀亦都好爽口，好開胃媽媽係個愛菜之人，所以都一定要嗌返碟菜，今次就簡左炒西蘭花，大大棟，好有咬口唔止食得，仲睇得！呢個"小仙肉",係鮮肉小籠包，勁多肉汁，一咬開簡直係爆汁！蝦肉雲吞亦都有水準，好香口，配埋甜酸醬好好食呀成都口水雞撈麵，知媽媽鐘意食辣專登嗌既，麻辣味好惹味，雞亦都唔會好肥，好食最後食埋甜品就完滿！ 大推介呢個熱辣既酥皮鳳梨奶黃酥皮，入面有真既鳳梨果肉，撈埋奶黃，又香又軟熟，外皮酥脆，好好食大推介！

今日大概2-3點下午來食午餐係實惠 份量算正常食物既味道係接受到 70分咁 無其他食評講到咁好好食試左擔擔麵 不過不失 碗湯冇咩花生味 條排骨有啲柴炒乾扁豆 豆略為生 碗飯真係夠晒大碗啲配菜都係偏生 而且唔太吊得起胃口小籠包 有汁既 試埋個辣味小籠包 係有少少驚喜糍粑 略為遜色 炸得還好 味道不足酒釀小丸子 小小伏 感覺食完會肚痛咁整體上 食物味道絕對對得起個價錢牌 但係唔算叫好好食服務態度上 真係好鐘意收你啲碗碟 一食完下一秒佢就收 有少少趕客

好味嘅川菜我唔係好食得辣，但又想食啲辣佢嘅小辣真係小辣嗌咗個4人餐都幾豐富！涼盤五拼都有質素朋友生日嗌甜品remark咗想寫生日快樂（雖然我都唔肯定寫唔寫到）但經理都有幫手諗下可以點寫最尾整咗個旗仔！都好有誠意令我哋度過愉快嘅慶生經理非常helpful我哋對食物有疑問 佢都有即刻幫手處理

朗豪坊下晝食飯時間超多人 book咗位 唔使等 同屋企人嚟咗十十一齊呢度食川菜lunch 睇咗Menu 價錢可以接受 我哋五個人 叫咗三個一人餐 一個酸菜魚二人餐 份量夠 有前菜 有小食 又有主菜 又有嘢飲 加錢仲有甜品 叫咗5份唔同嘅前菜 雞絲粉皮同木耳都好食 小食嘅小籠包一份有兩粒 啲皮雖然厚咗少少 但係裏便啲湯汁夠熱 味道濃 生煎包同鍋貼都好食 酸菜魚啲魚肉好滑 仲有幾條木薯粉芽菜喺底 吸收晒啲湯汁 椒鹽蝦好彈牙 口水雞啲雞肉又好Juice 好好味 服務又周到 可以再嚟 😋

位於旺角朗豪坊的川滬料理餐廳。由於座落在Food Court同層，因此一直沒有留意這間餐廳，直至最近在Openrice上見到餐廳推出90分鐘的川滬鍋物放題優惠，大概每人二百元便可享盡各種川滬小食，小籠包，火鍋等，非常划算；餐廳裝修主要為木質文青風格，座位寬敞舒適；但用餐時間只限90分鐘，整體用餐時間非常匆忙，如果吃東西比較慢的朋友便需要考慮是否適合這個放題優惠了 星期日至四晚巿90分鐘川滬鍋物放題 $214@ (未計加一及茶芥)我記得以前是每人一爐，但現在改為一枱一爐，可以自行選擇最多兩款喜歡的湯底；湯底的款式很有特色，選擇也不少，我們分別選了酸菜魚湯底及雲吞雞湯底；酸菜魚湯底酸辣程度適中，酸菜及芽菜份量算多，但魚片比較薄及不夠嫩滑，建議一上桌儘快先吃魚片，不然火鍋煮到後期魚片會溶於湯中再也撈不起來；而另一款湯底味道較清淡，因此所有火鍋配料均需使用醬汁調味提鮮，但雲吞及雞肉味道不錯。所有火鍋配料，川滬小食，串燒及甜品均可使用QR Code下單，非常方便，也不會像一般放題店頻繁出現漏單情況！而且90分鐘用餐時間是真的讓你點餐至最後一刻，不會提前半小時就要求截單，這點十分讚賞！✧ 小籠包：

我同女友係朗豪坊行完街好肚餓，順便係朗豪坊食，埋飯，今次揀左十十川滬料理。裝潢有別一般充滿中國藝術氣息既四川餐廳，十十川滬料理走一個清新路線。餐廳有小菜，亦有川滬火鍋。- 椒麻雞雞本身唔算太嫩滑，不過以麻取勝，下面有爽脆既青瓜墊底。我地揀左小辣所以辣度適中。- 涼拌萵荀絲口感爽脆而且帶點酸辣味道👍🏻- 十十海鮮炒飯炒飯唔算太濕潤，海鮮包括蟹柳、鮑魚粒同蝦，我同女友分別食左三大碗，份量十足。- 豆苖沙白湯豆苖非常嫩口，沙白肉厚，味道鮮甜。眾所皆知沙白最適合用嚟煮海鮮湯，豆苗同沙白令湯底變得非常清甜。- 酥皮鳳梨奶黃窩餅我超級鍾意呢個窩餅😍，口感有少少似老婆餅，外皮酥脆，入面餡料係新鮮鳳梨蓉同奶黃醬，味道一流，而且唔膩。所有菜式都唔錯，酥皮鳳梨奶黃窩餅係我最鍾意既一道菜，真係食唔停口。

同朋友約咗喺朗豪坊睇戲，見好耐無食過川滬菜，就入咗去試新餐廳。餐廳喺朗豪坊food court隔離，坐位數量相當充足，一坐低，店員就即刻俾咗兩杯熱茶我地，呢到嘅熱茶係玄米茶沖製嘅，同市面嘅中菜館有啲唔同。手工川北涼粉 $48呢個菜式其實喺用大米、豌豆、綠豆製成涼粉，再配上唔同嘅調味粉，食落麻麻辣辣。椒麻雞（例牌）$68雞肉好滑，椒麻雞同口水雞嘅做法好似，但椒麻雞就換上咗花椒蔥油醬，加入咗青蔥，食落會清新啲，唔會太辣。川味牛肉炒飯 $98炒飯粒粒分明，加入咗炸蒜片，食到唔同層次口感，而且一上碟就熱辣辣，冬天食就啱晒。炒土豆絲 熗炒（辣） $78平時食開炒土豆絲會加入陳醋，今次就試下加入辣味元素，陳醋就酸酸地幾開胃，但今次就辣辣地，食落好暖，亦都好夾味。養生桃膠酒釀丸子 $48食完咁多辣野之後食返個甜品，甜甜地可以解辣。

旺角出名多嘢食，同朋友行完朗豪坊，就上food court嗰層，睇吓有咩嘢食food court裡面開咗一間川菜館，見裝修都幾新派，乾淨企理，就決定入去試吓✨涼拌萵筍絲$58將萵筍切成絲，加上秘製調味醬汁，仲有好香嘅麻油同埋花椒油，帶少少辣又麻麻地，非常刺激你嘅味蕾，萵筍絲冰鎮過非常爽脆✨十十海鮮炒飯$128炒飯相當有驚喜，粒粒分明，非常有鑊氣，每一粒飯都俾蛋漿包圍着，配料亦都非常多，有鮮蝦，鮑魚，蟹柳，食材相當矜貴，面頭仲有炸過嘅洋蔥絲，配埋炒飯相當香口✨鮮肉小籠包$48小籠包皮薄餡靚，裡面肉汁非常豐富，豬肉好新鮮，食完好想encore✨清炒花菜🥦$78食咗炒飯同小籠包，叫返個菜清清腸胃，椰菜花火候炒得剛剛好，仲好爽脆，調味加咗少少花椒油，好開胃✨酥皮鳳梨奶黃餅58平日紅豆🫘就食得，奶黃加鳳梨係一個好特別嘅配搭，又出奇咁夾，蛋黃味十足，鳳梨餡唔會太甜，外皮煎到金黃色，非常酥脆

今日嚟咗朗豪坊food court果層，原來呢度有間食上海嘢嘅餐廳平時唔行入嚟都冇發現到，見佢價錢唔算貴，所以一於試吓。環境分開坐得舒適我哋兩個人叫咗招牌雞翼呢款其實似係避風塘炸雞翼上面佈滿辣椒同埋炸蒜頭，但放心唔食辣嘅人都會一定食到，其實唔算啦，充滿椒鹽味好惹味。雞翼仲要外脆內軟，小食有驚喜。之後試咗個半隻樟茶鴨，佢有啲似烤鴨，皮香肉脆，份量都唔少，兩個人食都食唔晒，係傳統嘅上海菜之一。食咗咁多熱氣嘢想食返清淡啲要咗個上湯娃娃菜，之後重點笑得調返個上海甜品，平時豆沙窩餅就食得多，但依個係叫做鳳梨奶黃窩餅。入面係有豆沙換咗做甜甜嘅奶黃鳳梨酥嘅餡，所以都所以都推介值得一試，建議趁熱食口感更佳。

十十川滬料理 (旺角）📍地址: 旺角亞皆老街8號朗豪坊4樓7號舖==================天氣凍，食番d 辣野就最暖胃😂今日決定食四川野刺激下🙊🙊 呢間十十川滬料理位於朗豪坊，非常方便！🐥椒麻雞（例牌）$68呢個係凍食的，雞肉嫩滑，加埋d 辣汁好，好match😍🥔炒土豆絲 $78辣得好過癮😂😂每條土豆絲都好入味！🐤老壇四川樟茶鴨（半隻）$128非常香脆，整到好似乳鴿咁，但又唔會太乾😍🍜水煮牛台灣麵 $98勁大碗，台灣麵口感滑溜😳 牛角煮得好腍，易入口。中辣原來都幾辣😂養生桃膠酒釀丸子 $48食完辣野再食呢d 甜野中和下就岩晒！佢嘅酒味唔會太出☺️味道岩岩好！中和埋口腔嘅辣味！整體黎講，樣樣野都唔錯，2個人加埋先一人$200 蚊鬆D,抵食😍

朗豪坊food court都有好多嘢食，見呢間環境裝修精緻，又係我最鍾意嘅川菜，就入去試吓燈光佈置都好和諧，坐得好舒服呢度除咗有一般嘅川菜之外，都有好多唔同嘅創新款式椒麻雞 -小辣食少辣之人啱晒，有少少香口嘅麻辣味，下層有青瓜墊底，仲加咗大量嘅雪菜，食肉之餘都唔會好單寡，雞肉好嫩滑，原本都有少少醃製，鹹香口味，雞皮一啲都唔肥膩，再送埋菜飯一流😍清炒萵筍絲萵筍絲切到好幼細，火候炒得啱啱好，咬落去係清爽，加咗少少菇入去炒，令到個菜保留少少汁，更加清甜👍🏻老壇四川樟茶鴨第一次試呢一個菜式，好驚喜，炸到成隻鴨好香脆，咬落去係軟骨都完全可以入到口，入邊嘅肉厚實，偏鹹口味，都係送飯一流嘅菜式😋養生桃膠酒釀丸子甜品一樣出色，啱晒冬天暖胃，有少少酒香味，再加埋桂花嘅清香，丸子好煙靭，只有淡淡的甜味，成個口感層次好豐富，養顏佳品🤩

放工和同事吃晚飯去了旺角亞皆老街8號朗豪坊4樓7號舖十十川滬料理四川/上海菜。港鐵旺角站C3出口，步行4至5分鐘，交通非常方便，易散易聚的好去處。店內座落朗豪坊的Food court，環境簡約走文青幽雅風格，座位寬敞舒適，清潔整齊。菜譜款式非常豐富，店員禮貌招待，推介店內特色小菜及每人一鍋的任食火鍋，價錢實惠，想吃麻辣四川菜，一定不會失望，貼心處會顧及人客嚐辣程度，令客人賓至如歸。椒麻雞(小辣)$68雞件皮下有啫喱，雞肉嫩滑多汁，入口覺得陣陣麻辣配上青瓜粒和秘製醬汁，非常惹味。老壇四川樟茶鴨(半隻)$128樟茶鴨是四川名菜，外觀紅黃誘人，上枱時散發樟木和茶葉的香氣，鴨件皮酥肉嫩，風味咸香，入口後酒香隨咀嚼逐漸散發出來，一點鴨羶味也沒有，鴨脂香但不覺肥膩，好味。炒花菜$78上枱時熱騰騰，鮮甜花菜炒得夠鑊氣又爽口，少許麻辣更覺好味。川味牛肉炒飯$98飯的份量十足，飯粒分明夠爽口，鮮香的麻辣味夾雜切碎的牛肉粒，口感豐富有層次，可口又美味。咸肉菜飯$25很出色的有味菜飯，飯粒彈牙爽口，內有咸肉粒和咸菜，美味度能提升胃口。

六點半左右入座諗住佢人唔多可以坐得舒服d就試下佢放題入去先發現大伏!!!!!!!!!!!!!!平時唔寫食評嘅我都要忍唔住要寫俾大家參考下…….1.食物坐低掃code睇餐牌原來呢個鐘數 好多嘢食無得揀可以選擇嘅食材又好普通芝士腸 墨魚丸 牛丸 呢d味道係極度普通某d仲要係可以稱得上難食…例如呢張相嘅甜品…而且人雖然唔多但都出得好慢食極都餓lol唯一覺得好味係小籠包可以點多兩籠2.服務d人奇奇怪怪態度都麻麻地其中中途有個侍應無啦啦企喺我哋隔離呆望住我哋食lol唔知佢發夢定做咩lol3.價錢一開始有講明額外收茶錢同加一諗住如果好食都可以吖點知埋單差唔多$600兩個人原來食物同服務質素都咁伏……….咁大把其他options啦……食隔離鋪頭兩碗米線都滿足感大過食佢……………總括而言：伏。大伏。唔明點解咁多好評。

今日去開朗豪坊買野 七點左右諗住搵間餐廳坐下 所以係4 樓food court一帶搵食 見到有間食中菜的環境都算光猛唔錯 就試一試七點半前都可以順利入座 之後見到都有唔同人book枱 可能就要等一陣餐廳行QR code下單 不過都有menu俾你圖文並茂因為唔算太肚餓 所以都散叫為主椒麻雞（例牌）小辣 份量以前菜黎講適中 雞肉亦都嫩滑 雞皮唔太肥 係唔錯的開胃小食鮮肉小籠包（小仙肉）上枱時都仲出緊煙 易夾上手 湯汁都熱辣辣 奶油脆脆叉燒包整晚我認為最好食必點之選✅雖然浸奶油食有點邪惡 😂不過包皮脆口挺身 叉燒肥瘦適中 有驚喜😚麻辣特濃鮮茄牛肉菠菜拌麵🍜（小辣）菜如其名 真係特濃鮮茄汁 配上菠菜麵賣相健康 都係有驚喜的菜式 可以一試老壇四川樟茶鴨（半隻）皮脆得黎鴨肉都入味 就算係唔食辣人士都可以點的一道菜式最後另加茗茶費$12 位 茶底清香解膩 朗豪坊中菜相對唔多 想食時都可以一試

今次周年紀念，先選午餐放題，YouTube介紹過來嘗試。見有小籠包🥟，楊枝甘露🧋，還有一啲特別嘅材料放題，咁就一齊嚟試吓囉。是次因為第一次用OpenRice付款請去食店💸$262（2位）另收茶介$54（2位），因網上邊付款錯誤💡，引致優惠券開始期見後，經店經理溝通後，他特別好人的給予我們當天進食。每人一爐🫕，可以各自有喜歡嘅湯底🍲，但可能鍋太少，很容易乾水，有時侍應不是很頻密的加湯，必須要上舉手叫侍應加水。但往往他們係睇我唔到。有些特色嘢飲🧋，在QR code入邊是沒有的，但侍應一開始就已經跟我們說全部喺QR code裡面可點，經我們跟另一個侍應溝通之後，才知是沒有，需個別下單。所以有問題要問多幾個人！有些食物原本諗住過來嘗試，但係竟然當天沽清，金黃流沙小籠包🥠，上海粗炒🍝，楊枝甘露🧋一嚟已經係賣晒，超級失望！唯有轉食小籠包，他是即叫即蒸的，每次上菜時都熱辣辣🥵，超級好味，我都食咗幾籠。其次就係黃喉🐂，出邊很少有這樣的食品😏，超級好食又爽脆🤩，唯有專攻佢🤪。其它食物方面也不錯🍽️，其實未試過這間店舖可以過來一試。不過以這個優惠價錢真的要平日才能夠嘗試到。