影片
更多
2023-03-14
1473 瀏覽
約咗表哥食晏，打算上朗豪坊嘅美食廣場，不過，上到去人頭湧湧，果然市面恢復番昔日繁華，再睇返啲定價，美食廣場內嘅餐廳一般都喺$60、$70一位，咁啱美食廣場側邊有一間「十十川滬料理」，有啲一人嘅午市套餐，計埋茶位加一，好似唔喺貴好多，但裏面望上去就舒服好多喎。入到嚟，唔止地方大，空間感十足，而且裝修都幾骨子，一室簡約明亮，有種小清新嘅感覺。最緊要喺無咁多人，唔似出面美食廣場咁擠擁，坐晌度可以舒舒服服慢慢嘆。頭先都講過，因為佢有啲一人套餐，睇落真喺幾抵，主食裏邊11揀1，小食10揀1，再加杯餐飲， 定價都喺$68-$88。雖然要收茶錢12蚊，又要加一，不過，最後我哋兩個人夾埋落樓都喺平均每人80多啲。 餐廳又喺用時下流行嘅二維碼落單，雖然，碌幾碌，菜式有好多嘢揀，包點、前菜、飯麵、酸菜水煮、蔬菜、原創粢飯、湯品、甜品、飲品……等等，但都喺一人午餐最划算。鎮江淆肉呢一度喺經典嘅上海冷盤，我自己本身都幾鍾意食，因為冰涼清爽，沾上鎮江醋添一份酸香感，而本身啲淆肉做得唔錯，豬蹄肉佔嘅比例多，凍膏部份口感柔滑。生煎包大多時都會嗌小籠包，但表哥就話想試試生煎包。細細個嘅生煎包幾的骰，煎得包底好脆口，包
入到嚟，唔止地方大，空間感十足，而且裝修都幾骨子，一室簡約明亮，有種小清新嘅感覺。最緊要喺無咁多人，唔似出面美食廣場咁擠擁，坐晌度可以舒舒服服慢慢嘆。
頭先都講過，因為佢有啲一人套餐，睇落真喺幾抵，主食裏邊11揀1，小食10揀1，再加杯餐飲， 定價都喺$68-$88。雖然要收茶錢12蚊，又要加一，不過，最後我哋兩個人夾埋落樓都喺平均每人80多啲。
餐廳又喺用時下流行嘅二維碼落單，雖然，碌幾碌，菜式有好多嘢揀，包點、前菜、飯麵、酸菜水煮、蔬菜、原創粢飯、湯品、甜品、飲品……等等，但都喺一人午餐最划算。
鎮江淆肉呢一度喺經典嘅上海冷盤，我自己本身都幾鍾意食，因為冰涼清爽，沾上鎮江醋添一份酸香感，而本身啲淆肉做得唔錯，豬蹄肉佔嘅比例多，凍膏部份口感柔滑。
生煎包大多時都會嗌小籠包，但表哥就話想試試生煎包。細細個嘅生煎包幾的骰，煎得包底好脆口，包身都好軟熟，內裏嘅豬肉餡都頗鬆化，喺略嫌裏邊湯汁少咗啲，否則就一流啦！
蔥油排骨麵 $68佢哋好多道菜色都可以揀辣或者唔辣，都夠有彈性，我哋兩老表都唔食得辣，梗喺要唔辣啦。所謂排骨，即喺豬扒，豬扒炸得酥香，鬆化又唔算油膩，不過，最正喺啲麵條，質感柔韌，混和咗濃香嘅醬油，非常惹味。
腩肉炒花菜飯 $68簡單嚟講，就即喺五花腩片炒椰菜花，呢個喺好回鍋肉嘅味道，絕對表現出上海菜嗰份濃油赤醬。又喺一道好惹味嘅餸飯菜式，啲五花腩肉望落好似好肥，其實入口又OK喎，啲椰菜花炒到爽爽脆脆，真有一手，不過如果配埋菜飯就更加好啦。
楊枝甘露沙冰、蜂蜜綠茶我就揀咗杯沙冰，表哥揀咗杯綠茶，始終喺餐飲 ，所以，我杯楊枝甘露沙冰唔好抱太大期望，其實只喺一杯芒果味嘅沙冰，幸好口感都唔差，表哥杯蜂蜜綠茶佢就話幾清幽，陣陣蜂蜜香味。
老表近排都好忙吓，難得約佢出嚟食餐飯、聚一聚，簡簡單單食餐川滬菜，等佢遲啲無再咁忙，再食餐好嘅。
張貼
