十十川滬料理 (已結業)

原來朗豪坊food court隔離有間咁正嘅川滬飯店，唔係聽朋友提起都完全唔知道，多朋友係有好處嘅，尤其係D為食嘅朋友仔，大家得閒交流下心得，推介啲好嘢食。點咗中辣的“椒麻雞”(例牌)價錢$68.0 ，雞肉都幾滑嫩嘅，中辣啱晒我今日個胃口，有個好嘅前菜，今天可以食多D嘢；“涼拌萵筍絲 "$58.0，人有我有，見隔離檯人人有一碟，唔係，係一大碗至啱，青脆可口，2個人都可以清晒。“炒花菜”，川式做法嘅熗炒(辣)，你唔食辣椒，其實唔太辣，絕對啱香港人口味，唔錯唔錯。“老壇酸菜魚台灣麵”，酸菜魚幾乎係人見人愛的食物，唔到100蚊的價錢咁大碗，好超值，魚肉無骨超级嫩滑好好味，台灣麵正常口味，還有牙菜，黃牙白，菇菇，當然唔少得酸菜，性價比極高。豆沙窩餅食得多，今次食嘅係“酥皮鳳梨奶黃窩餅”，據說係本店熱賣，落單即整嘅酥皮熱辣辣，够脆口，口感一流，奶黃有創意，再嗒到粒粒鳳梨，正“雜莓蘇打”和“芒果百香果蘇打”大大杯又解辣，亦都推介。