北京樓 (星光行)

營業中

休息中

繼續接待老闆下集(12-6-2007晚餐)夜晚(嚴格o黎講唔算係夜晚,因為只係6:15pm)同5個日本人o黎呢o度食飯,由於我自己遲少少到,所以另一個老闆已經點好菜,唔知佢有冇叫小籠包呢?不久,餸菜o黎喇, 1. 先o黎海蜇,醉雞,OK啦. 2. 然後係片皮鴨,睇落色水好似唔係好夠,食落,皮唔脆o既?唉! 3. 到應該係魚翅竹笙湯,都係一般啦. 4. 一個年資應該比較大o既女侍應見枱面冇咩位,於是問幫我o地分o左啲小籠包好嗎?我一口答應.好懷念4年前同個日本客o黎到同一張枱食熱騰騰,多汁o既小籠包.o黎喇o黎喇,不過好失望,1.點解大隻o左o既?2.頂上o既皮乾o左.見一個日本客食,我重想提醒佢小心裡面啲汁熱,哈,佢識得點食小籠包,而睇佢食落,應該係唔熱.好,到我食喇,果然係唔熱兼且冇咩汁,只有大大舊o既肉,有冇攪錯啊?公仔雪藏即食o既小籠包味道都好食過佢,而且重要差過o係日本食o既翻版小籠包添,好失望呀! 5. 之後我唔知咩名堂o既炸蝦,眼見有辣椒o係底,心諗,死梗,辣o既.不過盡管試吓,夾面唔點汁咪得囉,咬落,咦,甜o既?蝦又好大隻,都夠爽,粉團又唔厚,呢個餸可以o既. 6.最後又

前幾晚同屋企為表姐慶祝生日因為表姐好想食填鴨五人點了填鴨,糖醋桂花, 醬啼, 小龍包, 三鮮水餃, 炒鴨崧, 拔絲香蕉, 炒拉麵填鴨不過不失, 味道依舊桂花一般, 醬啼幾爽, 小龍包同水餃好差鴨崧咸到死, 拉麵一D咬口都無, 拔絲同以前差太遠啦仲有就係...跟本變成外國遊客既飯堂...兒時的感覺完全沒有,,,只有就是小不免都唔再去食...

服務完全唔掂。我地兩個人，所以分到走廊既2人卡位。人流就多，但服務就少。我地叫0左個鴨湯（好明顯系片皮鴨淨落來既頭頭尾尾用來煮湯），湯裏面有點菜，味道唔錯。另外叫左只風沙雞，男朋友話唔錯，但我就中意朗豪坊果間滬菜餐廳既風沙雞，那邊煮得脆皮一點。食物都有水準，但服務就真系唔得。個湯有幾多我地真系唔知道，因為服務員響老遠莊卑我地，飲灑後亦無羅個吉湯碗來卑我地看看。另外，我地叫左好幾次至有服務員幫我地refill 0的湯呢。有個服務員仲離譜，明明見到我舉手，都當看唔到，轉身走去第二邊。個碟放滿灑雞骨鴨骨，都無服務員來換碟。而且服務生個個口黑面黑，真系收得0甘既價錢，我唔expect 0的服務系0甘差。以後唔會再幫親。我個碗好烏joe，0的"織"乾灑，所以清潔度1分。

週四舅仔請食飯，話去北京樓。我話食填鴨不如去鹿嗚春，但佢係馬來西亞華僑，吾知歷史，只係想有好d環境同裝飾，我反對無效，而且又吾係我俾錢，於是shut up。禮拜四北京樓座無虛席，都幾迫挾。我睇遊客佔左七成，剩低d我睇都係本地人帶d外地朋友或親戚黎。記得大約一年前都冇咁犀利，但都知道d制作吾會好。北京樓毋需保持高水準，因為目標客人吾識欣賞，只要比chop suey 好就ok.果然我冇全中都不遠。服待慢d，但全院爆滿，d waiters 都係人，可以忍就忍，不過service都吾係太離譜。但d野認真差。小籠包入面吾夠汁，又微溫；隻鴨廋d，凍d，d片皮一般，但生菜包鴨肉鬆就冇味。最慘係松子魚，除左好細之外，d甜酸汁好難頂，同我後生係雜碎館打工時d差吾多，或且d歐美遊客喜歡，但問題係咁樣既甜酸豆粉只會令佢地以為廣東人d甜酸水準就係咁!仲有其它好似所謂龍鳳湯羹都冇驚喜。唯一可取係d蔥爆牛肉,拉麵同甜品好d。若然要我自己俾錢，肯定吾會返轉頭。冇理由俾佢當我係遊客，明明自己係本地人。舅仔埋單時，都吾好意思問佢幾多錢，對佢荷包damage有幾大？

因為三日前已經book好枱, 所以可以坐係靠窗o既位置, 環境相當不錯。我地叫左1) 北京填鴨: 問過幾位朋友都話一定要食, 所以叫左一隻。果然係幾好食,我個人覺得比全聚德的好食, 雖然個樣(未片之前)唔係好得, 但係上碟之後都ok, 隻鴨小小肥, 皮脆, 一定要"襯"熱食。2) 小籠包: 皮薄, 十分多汁, 汁味濃。3) 鍋貼: 樣子似元寶, 過年食都幾好意頭, 煎得皮香, 入面o既汁比小籠包的油左d。4) 沙鍋雲吞雞(半份): 雲吞大粒, 味道一般, 但個湯十分好味, 奶白色的, 一d都唔肥, 而隻雞都好有雞味。5) 三鮮炆面: 炒得乾身, 唔覺油膩,鮑魚片亦幾鮮甜。6) 七彩炒鴨絲: 普普通通。整體來講, 係一餐好滿意的開年飯, 無論服務同食物質素都好好。

10/2/07: 同屋企人食飯, 4個人食物:1) 北京烤鴨($320), (隻鴨好瘦, 唔知係唔係叫烤鴨, 唔係片皮鴨, 所以好多肉, 不過都幾好)2) 炒年糕($75), (清清淡淡)3) 小籠包8隻($48), (好好食, d片唔易穿, d湯又多, 正)4) 混吞雞半份($108), (不過不失)

太多人喇，好嘈呀......d野就ok既......但service唔太得，可能因為太多人啦......

年前在此吃過一頓拍案叫絕的"Made to order"晚宴之後,事別數年,再度前往,不過今次,就是飲喜酒.在中式飲宴流於公式化的今日,在北京樓,一樣可以吃到點點京味的菜式,馳名的北京填鴨,京爆蝦球,一樣在名單之內.整體水準,係小弟近年在飲宴中,吃得最好的一次.乳豬燒得很靚,入口即化,填鴨保持到水準,皮脆,肉鮮.雖然同鹿鳴春,還是有少少不及.火瞳菜膽大排翅,排翅一梳梳,真係吃落啖啖翅.僅祝一對新人,白頭到老,永結同心.

環境靚但較逼。北京填鴨確實出色，主要系為呢隻鴨而來。可惜其它菜式普普通通。太好生意但人手不足。服務員好有禮貌但兼顧唔到甘多客人。要食鴨而系請客的話呢度算系好地方。但同自已人食的話我會選擇鹿嗚春。

不是甚麼連鎖式的崇拜，只不過這間北京樓是我唯一自小光顧而又未關門大吉的茶樓。看著它的蛻變，實在覺得唏噓：由紅彤彤、長廊廂房、大宅門式的設計，到今日淡黃、木色、開揚的設計；昔日與北京酒家的差異只是一個字和大小之差，至今日兩者不但用餐、服務，以致氣派都迥異，不知是前者過於前衛，抑或後者停滯不前。在我而言，不喜歡現在北京樓的格局；四個字- 格格不入的「拘謹焗促」。吃的，仍是多年來一直支持的蔥油餅、叉子燒餅、雞煨麵等東西...可是用盅上的牛肉湯不見了，蔥油餅的蔥油又跟風咁「去o左邊」，又少又唔均勻。新的菜式，如棗泥包、叉子燒伴食的推介特色肉末，只好嘆句新不如舊。當然，多年來價格飆升，不在話下。同意KC 兄曾道，對食物的情感分是最重的。

老闆和日本同事到香港, 於是全公司到北京樓食晚飯. 今次是我第二次在裡食飯, 基本上覺得呢間餐廳係for 外國人, 餐廳內有差不多有一半是外國人. 老闆請食飯, 當然食得豪爽一點.== 醉雞==洽到好處, 酒味沒有蓋過雞味== 北京填鴨== 算係指定菜色啦, 都幾好食, 不過食得多會覺得好油膩, 同埋凍左冇咁好食== 蔥油餅== 很鬆化而且不太油膩, 但個人覺得口感不太好== 宮爆蝦球==絕讚!! 很開胃, 大蝦爽口彈牙, 十分有口感== 小籠包==幾好, 皮薄, 趁熱食好正== 花素蒸餃==一般, 不太差也不太好== 嫩雞煨麵==不是很好吃, 麵太"林"而且油膩== 魚翅羹==好多料, 十足分量== 西蘭花配搖柱==個獻汁洽到好處, 西蘭花很爽== 糖醋魚塊==同甜酸蝦一樣很開胃== 紫米露==比較甜, 如果冇咁甜就perfect不過餐廳態度略嫌不夠殷勤, 上菜後段慢且漏單, 一待應說所有菜已上, 但問另一個竟說還有西蘭花和糖醋魚塊還未上. 服務仍雖改善. 不過食物很好! 12人埋單差不多$6000, 如果不是公司食飯, 我未必會自己來.

在香港吃過許多上海菜, 一般麻婆豆腐的味道都很麻麻, 只是辣並不正宗! 而北京樓的麻婆豆腐賣相跟外面的上海菜館一樣, 都不怎麼起眼, 但吃入口有確是辣而麻, 真的非常好吃.

母親節慶祝大餐！好好味呀，又唔貴，因為一隻片皮鴨可以幾食，四個人份量好夠，食到飽飽，哈哈！片皮鴨好腍，有種「入口即溶」既感覺，唔經唔覺食o左好多，又唔覺膩喎，我o地仲有叫o左奶油津白、蔥油餅、小龍包，好滿意o既一餐。席間仲有人表演拉麵，雖然有o的呃鬼佬Feel，但志在開心o者，幾好氣氛呀，下次試吓個「富貴雞」先，見o的人好起勁咁「盅」爛個殼，仲有得影寶麗萊添，幾好玩喎，不過好唔好食就唔知喇！不過北京樓o的質數一時時o架，上次食又冇咩特別，飲茶又麻麻，但今次食晚餐又幾好，要睇彩數。

可能我係北方人所以對北方o野情有獨鍾啦，只從松竹樓離我以去後，我為有轉移陣地，去左北京樓啦! 但我保證呢度d同松竹樓一樣咁好食o架!必試小菜推介包括：沙鍋雲吞雞(個湯超正呀，勁香金華火腿味，d大白菜索硒d湯汁加上d菜本身甜喎，嘩超正!)；山東手撕雞(勁多生蒜容o既汁極度惹味，又少少spicy)；叉子燒餅+榨菜肉末(我由細到大既只愛!!!)；涼拌茄子(好開胃，不過有少少spicy因為有生蒜)；生煎包(超級juicy!!! 一個人食一碟都唔夠喉!!!)甜品至尊推介：豆沙窩餅(煎得夠香口，落足豆沙，甜度適中，一個字-掂!) 另外佢送o既高力豆沙都好正，但一定要襯熱食，試過因為太包食唔落諗著打包返屋企做消夜，但係返到去發現隻o野縮左水，唔鬆化，一d都唔好食!!!

年前友人在星光行北京樓吹雞,原來此店的北京填鴨,比其他分店更加好吃.仲有隻乞兒雞,唔係呃老外咁簡單.再加埋其他菜式,已經對呢間美心旗下之一的number有點改觀.事後搞手講,因為本身熟客之關係,先可以做到咁.其他街客,未必食得到.咁又有點道理,一圍十味有鴨有雞,仲包埋房,每人平均都係$140........