北京樓 (歷山大廈)

營業中

休息中

聽朋友介紹北京樓的菜式很有水準，但價錢當然是一分錢一分貨，於是襯有現金就來試試。當步進北京樓內就知道這裡是新裝修，環境高級還留有中國傳統的裝修氣息。試了兩味菜後，開始發覺這裡的菜式味道不太適合我們。這是因為北京菜是偏甜的，對於我們嘗慣偏鹹的廣東菜是一大對比。不知是否因為菜式味道偏甜的關係，我發現食店內有很多西方人光顧。似乎偏甜的菜式是能吸引西方人‧‧‧說句老實話，這裡的菜式很好，只是我們吃不開，不懂欣賞。此處有相片：http://www.fotop.net/fanshu/Peking_Garden

同阿叔一家食飯，一行七人，叫咗:1.素鵝- 非常好，媽咪至愛2."海浙"頭- OK 啦，唔夠爽，有好多酒樓做得更好3.兩份燉湯-花膠響螺燉唔記得豬肉豬湯"展"定豬骨...- 好味，唔覺好勁味精，因為我飲咗兩碗都冇味精反應，不過一分錢一分貨(350一份)，花膠唔夠厚，唔夠膠4.黃金蝦-蝦碌大大隻，好正(我覺得次次嚟歷出呢間食蝦碌都唔會失望，點整都好大隻又好食)5.松子黃魚-細條咗少少，不過好味，每次必吃6.北京填鴨-標準味道啦7.清炒豆苗(因人多要份半)-豆苗超靚，因為淨係炒最嫩嗰part8.小籠包兩客-皮比較厚，ok啦9.炒拉麵(又係要份半)-始終覺得北京樓最好食10.高力豆沙香蕉-好味，好在唔係好甜另加一杯熱特飲，28蚊總數埋單用AE白金card有75折(直到今年三月，黑card同白金card都得，不過一定要係主card，飲品茶錢醬芥冇折，另加一照原價加)，折之後一千七百幾，好抵，service又好，要喺呢幾個月多啲嚟hahaha。

15 November 2006 (Wed) - 晚飯堂哥請吃飯，有幸能一嘗呢度既晚飯，一路食大家都只係有讚而冇彈，又真係good得有道理，由於我哋係book咗一個房，所以service絕對係冇得頂，所有食物都幫我哋分好上，而且食物水準真既好高，北京填鴨好耐冇食過，覺得好正！相信最麻麻既都可算係個小籠包，因為凍晒啦佢分完比我哋之後都．．．但始終都覺得回味無窮，係呢幾日豪食中既best food！環境亦相當好，不過亦正因係房既關係，因為走時行出間房，出面郤又相當嘈～～食食下仲有拉麵表演，好勁個拉麵師傅，將一團粉團變為一條條幼幼的麵條，我覺得似變魔術多啲！唔知幾時可以再黎食飯～～

尋晚阿M同冼小姐，麥小姐＆梁先生聚會，AE白金卡有七五折，大多美心集團都有著數至到下年三月，我地已經講定係優惠完結之前，去過第二間食．係中環區食晚飯係特別唔同ｄ，靜靜地，又唔會烏煙瘴氣，service好好同有禮貌．雖然好似食得唔豪，但都得到好好既回報，不愧係＜北京樓＞啊．見到ｄ四人套餐，太多野未必食得晒，咁就散叫喇：－／三鮮乾燜麵／冬菇，雞肉，炒得好乾身，好味．／鍋貼／太大舊肉，一般．／番茄鮮蝦鍋巴／蝦爽口，甜酸汁番茄，脆脆地，勁開胃．／貴妃包／好似义燒包，多汁而甜甜地．／翠玉瓜雜菌／都唔錯．／甜品／核桃露兩碗（兩位小姐享用）：熱烘烘，好香啊！蜜瓜西米露一碗：OKEY啊！我要椰汁奶凍一客：唔太甜，椰汁味好濃，伴以鮮奶，滑溜到痺．

公司一行七人決定到北京樓食lunch，初頭以為裝修會好舊，點知一d都唔舊，仲好ok添!service好好，d waiters 同waitresses 都好有水準。我地叫左以下食物：1) 醉雞-- d雞唔錯，好嫩，不過酒味略濃。2) 小籠包-- 皮夠薄，但肉味同肉汁唔夠濃。3) 烤北京填鴨-- 份量大，足足有兩大碟。每人分到至少3件，好好味!4) 乾煸四季豆-- ok啦，不過不失。5) 咕嚕明蝦球-- 好好味，d蝦好爽，仲好大隻。6) 素鵝-- 幾好，幾refreshing。7) 蔥油餅-- ok，但同一般蔥油餅整法有d唔同。8) 窩貼-- 普通。9) 芋皮dessert -- 煎得夠脆，幾好。Overall, the place is spacious, the atmosphere is relaxing and the food is quite good. All their utensils are quite nice, I especially like their tea cups, pretty neat!最後埋單hk$1300

同事升職..請食飯....12人..叫0左好多野..唔寫曬..淨係講我最中意0個幾樣..1.津白<--津白夠入味,好香金華火腿..2.鴨<--幾好..夠新鮮..不過可以再好d..3.前菜的"青瓜齋雞"..好香花雕味..in conclusion,都ok...裝修靚,地點係upmarket的..所以依個價錢唔算貴..

(9/2/06)又係美心集團,都幾鍾意o既,尤其哩間,裝修好,服務又好。好明顯是train過。四喜皆臨門─即四小碟,有海硩,淡味D;鎮江排骨,勁好味;腐皮包住紅蘿蔔絲,筍絲之類,口寡寡咁;一片片好似牛展o既,豬肉片。蒜香明蝦球─未食已聞到好香,蝦是非常大隻的,略炸加蔥炒,仲有清甜的脆肉瓜。好味...都係宮寶蝦好味D。吆妹子蒜豉玉帶子─好豉椒feel,因為有青紅椒,又有洋蔥,辣辣o地,冶味!帶子又大隻。北菇菜膽雞湯─普普通通,唔多味精。烤北京填鴨─份量唔少架,鴨片,薄餅各兩碟,每人起碼可吃2-3件。清蒸大星斑─好大條,蒸得o岩o岩好,犀利。芳香一字排─即美式餐廳食o個D,一條條骨。呢個中式做法,好香淮鹽味。金腿爬豆苗─金腿咸得很,玻璃獻汁,感覺好油。隆福"罐"湯小龍包,味道一般,餡o既食後感,好似肉丸。肉汁都可以。高力蛋白豆沙香蕉─用淨蛋白,無咁"漏"。豆沙亦唔多。每人一碟果盤,有火龍果,蜜瓜及西瓜。當晚除左飲鮮橙汁,西瓜汁。熱飲有金桔蜜,檸檬柚子,及花其蔘蜜添!

不用講，北京樓當然是好好好的北京菜。有外國朋友來，想吃外省菜都會想到北京樓。北京烤鴨--- 十個好。松鼠黃魚--- 十個正。宮葆蝦--- My favourate!!!! MUST TRY。

因為八折，所以一試。味道大都不俗啊，環境一流，服務很夠水準。而且是星期天，沒有太多人，星期一至五可能會更多人吧！物超所值就不敢講，但絕對交足功課。

當然如果環境可以當食物咁食埋落肚，呢度一定正到不得了！要招呼幾位外賓，但開完會都已經八點幾，出面落幾大雨，就放棄了原本行過蘇浙的念頭，來了這裡。勝在由IFC行過來唔使打傘，同埋地方幾好，雖然食物麻麻，但幾個北歐妹/佬，有幾識食？照計勝任有突。呢度環境一項沒話可說，是不錯的，包括檯上的餐具也是名古屋餐具名牌，不簡單。不過依我看，還不至於滿分，裝修後係美觀左，但因為檯擺得密，人客多的時候，其實都幾嘈吵，如是晚full house，就是一例。一行六人，除了我及靚女同事，看噸位都知是吃得的人，就叫多幾味。前菜冷盤要了海哲頭、醉雞、素鵝、雞絲粉皮及鹵水鴨舌，砂窩雲吞雞、熱盤是烤鴨、炒鴨絲、松鼠黃魚、蔥爆羊肉、乾煸四季豆，單尾是三鮮燘拉麵、窩貼、小籠包、什錦炒飯及蔥油餅，之後還有甜品，食到佢地叫停為止。這裡的前菜是細細碟的，所以都不用擔心會叫得太多。海哲頭不是靚貨，是次一級的海哲頭，吃落雖然爽脆，但只要吃過利苑的就知這裡只是一般。汁調得太甜，似甜品多過似頭盤，唔掂；醉雞是好多地方有得食，但又好難吃得有好的一味。這裡的都是一般，酒下得太狠，完全蓋過雞本身的味道，雖然雞肉幾嫩滑，卻也不是一個出色的醉雞

第十五回——北京菜服務態度樂宜人京菜味佳堪稱臣一直很喜歡中環歷山大廈的北京樓﹐曾經親眼目睹它的衰落﹐食物不滯﹐價錢依舊﹐連早餐和外賣都做埋依然不能夠起死回生。年前乘著歷山大廈進行全面裝修﹐北京樓亦來一個大變革。裝修後改了在地庫作為入口﹐食物回復水準﹐雖然我非常懷念以前在地面的接待處進入後﹐沿著長長曲折樓梯步到下一層的那種氣派﹐像極了舊式大宅園的感覺。裝修後好像比以前細了﹐其實是一邊間了出來﹐放約八張檯成為內廳﹐這樣可以令客人覺得不太嘈吵。餐具整潔有序(見圖一)﹐一只大碟作為底碟﹐上面較小的碟繪上了古代婦女的圖像﹐銅做的茶壺﹐加上深紅色的檯布﹐佈置一絲不苟。點了四個菜和一個湯﹕醉雞、清炒蝦仁、漕溜魚片、水煮牛肉、翡翠海鮮羹。醉雞、清炒蝦仁是我常叫的菜﹐我喜歡少調味和少用油鹽的食物。醉雞是甚少做到很難吃的﹐通常是酒味不夠或雞肉過實﹐而這裡永遠不會有這樣的缺點。酒味濃郁芳香﹐雞肉嫩滑﹐而漕溜魚片亦是用酒煮成的﹐帶些甜味﹐非常開胃。清炒蝦仁調味適中﹐用油份量恰到好處﹐不油膩。翡翠海鮮羹中等份量﹐上面綠色的是菠菜蓉﹐單看顏色已經八十分﹐味道亦清清的﹐沒有濃濃的味精和生粉味。水煮牛肉是後加的﹐餐牌

前排某個星期六同左屋企人去呢到飲茶... 環境好好，好有中國色彩同好靜，勁多waiter，你唔洗驚距手無人理！！一坐低，就見到條餐巾污糟左D，我就叫個waiter 來幫我換第二條，點知第二條又係餐巾污糟左，我又叫個waiter 來幫我換，我見個waiter完全没有任何不滿D表現，仲不停講sorry. 比起現在好多餐廳好好多！！D野都好得，最欣嘗就係碟前菜！非常好味兼開胃！叫了壺鉄觀音，好香！！仲有碟北京白菜水餃，再加點醩，哇~~ 正呀！！不過價錢都係比較貴左D…未必係物有所值。想特別提一下既係竟然有隻fly經過！！！係地下鉄站入便都會有，餐廳應該反思一下咯。

第一次食lunch，都係食大路，包括北京填鴨、蔥爆牛肉、松鼠黃魚和豆沙香蕉等。擺位迫，而且環境幾嘈。食算係咁，不過唔係特別出色。我覺得豆沙香蕉最正，唔太甜，不過個個大細不一，而且有size相差好遠，唔得professional。另外，茶錢($12位)、泡菜錢($20一碟)太貴。

年三十晚同屋企人食團年飯，唔想去CWB、TST同MK人逼逼，就揀左中環冇咁多人，原來都唔係，果晚都有9成滿。今次食得好少野，因為大家都唔肚餓唔敢多叫。頭盤要素鵝，個人較喜歡京式個隻素鵝，冇咁油膩熱氣，而佢又做得唔錯。砂鍋雲吞雞-只剛剛好分到5碗，想再添都冇，湯本身幾甜，雲吞就唔得，個皮好易爛，而且雲吞饀舊肉好實。咕嚕肉-肥瘦適中、唔太厚粉又炸得幾脆，不過差了d火喉，始終不及大排檔。蔥爆羊肉-蔥味唔夠香，而羊肉又乾又鞋。松鼠桂魚-全條魚都炸得外脆內嫩，尤其是魚頭同魚尾，脆到pop pop聲的，只嫌d薦汁太杰。其實條魚本來應該好早上台，我見都傳菜阿姐一早擺左出o黎遲遲唔上台，仲用蓋冚實，d魚肉肯定腍晒，之後上台時我要求換過一碟，個靚仔waiter竟然肯。我相信佢係重新煮過的，因為我o地差唔多食到最後，這條魚先至o黎。北京炒拉麵-好唔掂，D麵好腍腍，完全不似拉麵。甜品係拔絲蘋果，浸拔絲個碗冰水唔係普通水，係碗忌廉汽水，所以食落有少少忌廉香味，不過外層係實唔係脆，而入面d蘋果好粉唔得爽。呢間貴過其他北京樓，但水準不是比其他好，只得裝修真係唔錯，連d餐具都唔同款。不過如果食裝修的話，我唔駛o黎呢

20050117 8.30pm放工過中環會合朋友, 諗唔到食咩, 近近地, 就呢間.2人吃, 全部都係朋友揀-* 宋嫂魚羹x 2 碗- 較腥同酸, 好麻麻.* 松鼠黃魚- 魚係細條果隻, 很新鮮, 汁料調得剛好, 不會太酸.* 上湯浸芥蘭苗- 女侍推介, (to : Lulula, 呢度係有女waitress o架wor, 係數目少o的je) 溫室芥蘭苗的確嫩滑, 上湯除了金華火腿絲之外係仲有兩小條翅針! 好勁.* 三鮮鍋粑- 三鮮係遼參片同埋o的咩呢.....唔記得lu(但係好彩無骨髓), 味道一般, 鍋粑則做得較薄, 一浸就腍晒.環境係好靚, 豪裝, 又水晶燈又剩. 但係service 唔掂(如此價位wor), waiter 唔夠醒目. 同埋上菜極慢. 要三催四請.overall 食物就麻麻地, 但係用o黎見客, esp. 鬼佬會幾好, 我見在座o的鬼佬客人睇果o的片皮鴨ah, 扑爛乞兒雞果o的表現睇得十分開心.埋單唔知幾錢.